21.8 C
Pontevedra
Venres, 19 de Agosto de 2022
Máis
    HomeVal MiñorBaionaBaiverán 2022, o Concello reafirma a súa aposta pola cultura cun programa...

    Baiverán 2022, o Concello reafirma a súa aposta pola cultura cun programa “amplo e para todos os públicos”

    O Concello de Baiona presentou, na mañá de hoxe o programa do Baiverán 2022 que foi definido polo alcalde Carlos Gómez “como a reafirmación deste Goberno local pola cultura que ten que ser un piar básico da sociedade”.

    O programa, explicado polo miúdo pola concelleira de Cultura, Miriam Costas Iriarte, abrangue dende interesantes e atractivos concertos “para todos os gustos e para todas as idades” ata as sesións de Cine na Rúa pasando por monólgos, exposicións, festivais, roteiros ou teatro e cun programa específico para as Festas da Virxe da Anunciada, patroa do municipio e a recuperación do Día de Santa Liberata “unha data de enorme tradición na parroquia de Baiona.

    O groso das actividades concentrarase nos días de semana –de martes a venres– porque, tal e como lembraba o alcalde Carlos Gómez, “como municipio de referencia turística, as fines de semana son de afluencia masiva e é preciso darlle protagonismo ao resto dos días”.

    Adiántase tamén as horas dos concertos con respecto ao ano pasado, comezando case que todos ás 21:30 horas, un cambio de hora que permite compatibilizar a actividade de ocio coa Ordenanza de Convivencia Cidadá xa que, como apuntaba o rexedor local, “é preciso que a diversión non entorpezca a vida diaria das persoas que, ao día seguinte, teñen que madrugar para acudir aos seus traballos”.

    Un municipio como Baiona, que non só é un referente turístico senon, pola súa propia historia, un referente cultural de primeira orde, contará cunha serie de charlas que agrupadas baixo o nome xenérico de O falar das Pedras e co escenario do Multiúsos de Sabarís, tratará temas como Recuperar el patrimonio: el mosaico romano de Panxón, que tivo lugar o pasado 4 de xullo a cargo de Gustavo Pascual Hermida ao que seguirán Barcos de la Baiona medieveal o luns 11 de xullo a cargo de Rosa Villar Quinteiro; Las pasiones: lugares entre el placer y el dolor, luns 18 de xullo, con Elba Pedrosa; La catedral de Tui, el monasterio de Oia y Baiona en la Edad Media. Intercambio de modelos y talleres, luns 1 de agosto charla impartida por Marta Cendón Fernández; Ángel Bedriñana Meana: Príncipe del Azúcar y padre de la Humanidad, luns 8 de agosto a cargo de Víctor Miguel Fernández; Memorias de un cangrejo ermitaño. De Adolfo Valverde Quintas, martes 18 de agosto con Fernando Bartolomé Benito; Restauración y conservación del retablo mayor de Santa María de Baiona. Preservando el patrimonio, luns 22 de agosto con Celia Casás para rematar o luns 29 de agosto con Turismo e arte en la Baiona decimonónica a cargo de José Luis Mateo.

    Xullo

    Neste mes de xullo é unha mestura, feita con criterio, de teatro, música, cine, monólogos e espectáculos para toda a familia. Así o Parque da Palma acollerá durante toda a xornada do 12 de xullo o I Mercado Mariñeiro. A música correrá a cargo de Gustavo Almeida (xoves 14); Bardos do Rock (venres 15), DJ’s Dumore (sábado 16), La Patrulla (domingo 17), Coral San Lorenzo de Belesar (mércores 20), Volta a Galicia en 6 cordas. Rubén de Lis (xoves 21), Mercedes Peón dentro do Concerto Homenaxe Día de Galicia (venres 22) coa colaboración da Deputación de Pontevedra e no marco da programación de Musigal, Abógriga (sábado 23), Indiana (xoves 28) e Mi madre canta bien (venres 29). Todos os concertos terán como escenario a Praza do Concello a partir das 21:30 horas agás Mi madre canta bien que será na Praza Victoria Cadaval de Sabarís.

    O Cine na rúa non queda cinguido ao carco urbano senón que tamén se achega as parroquias. Así o martes 12 no Centro Cultural de Baredo proxectarase, ás 23 horas A todo tren destino Asturias. O martes 19 e na Praza do Concello, tamén ás 23 horas, proxectarase Raya y el último dragón para rematar as proxeccións de xullo o martes 26 con Los Crood 2, una nueva aventura ás 23 horas Praza Vitoria Cadaval de Sabarís.

    Pola súa banda o teatro, para moitos a expresión cultural por excelencia, terá o venres 15 no Auditorio V Centenario a representación de La Tempestad a cargo da Compañía Non sí Teatro. Os monólogos un fixo na programación do verán baionés dentro do Baiona con humor, correrán a cargo, neste mes de xullo, de Quico Cadaval (mércores 13) e Isabel Risco (mércores 27) ámbolos dous na Praza do Concello ás 21:30 horas.

    O mes de xullo tamén contará con actividades cheas de interese como a actuación do Grupo de Baile Giro’s (martes 12 na Praza do Concello), a Feira de antigüidades e o coleccionismo (domingo 17 no Parque da Palma de 9 h a 21 horas), o espectáculo familiar C’est pas posible da Compañía Sempre Arriba e dentro do programa da Xunta de Galicia Cultura no Camiño, as actuacións da Asociación Folclórica Vila de Baiona (domingo 24) e do grupo de baile Dando la nota (martes 26) ámbolos dous na Praza do Concello ás 21:30 horas e a presentación do libro Aldea Buxán de Francisco Álvarez Koki (venres 29 ás 20 horas no Multiúsos de Sabarís).

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS