7.9 C
Pontevedra
Venres, 29 de Marzo de 2024
Máis
    HomeVal MiñorBaionaBaiona reafirma a súa aposta pola mellora de infraestruturas municipais cun investimento...

    Baiona reafirma a súa aposta pola mellora de infraestruturas municipais cun investimento de máis de medio millón de euros

    As actuacións para financiar este ano en Baiona a través da liña uno do Plan Concellos da Deputación xa están decididas. O Goberno que preside o socialista Carlos Gómez, investirá un total de 587.342,89 € en distintos proxectos entre os que se atopan os grandes investimentos que levarán a cabo ao longo do ano no municipio.

    Así destaca o proxecto de mellora no barrio da Percibilleira, que supoñerá un investimento 186.184,55 euros e, desta forma, aténdese ás demandas dos veciños e veciñas da zona tras anos de desatención destas infraestruturas públicas “a pesar dos evidentes síntomas de esgotamento de vida útil das mesmas”, sinala o Concello. O actual equipo de Goberno comprometeuse a levar a cabo os traballos na zona que conlevarán á substitución das redes de saneamento, distribución de auga potable e renovación de asfaltados na vía principal de acceso ao barrio.

    Así substituiránse as redes de subministro na rúa Fontiñas e na rúa Percibilleira. Ademais, tamén se repoñerá a rede de abastecemento naqueles tramos que sexa necesario debido á execución de novas canalizacións e tamén se fará unha reposición do firme que se atopa en mal estado. En total, actuarase nunha superficie total de case 3.000 metros cadrados.

    O concelleiro de Vías e Obras, Óscar Martínez, adianta que, nos vindeiros meses, o Concello “poñerá en marcha un gran número de obras civís por un importe superior ao medio millón de euros, que van permitir mellorar a rede de saneamento, a rede de abastecemento, así como a seguridade viaria e o asfalto de principais vías de acceso en distintas zonas do municipio”.

    “Como anunciamos –explica o alcalde Carlos Gómez– queriamos poñer en marcha un plan de investimentos en obra pública para actuacións necesarias para o noso municipio e estas futuras intervencións son exemplo do noso compromiso por mellorar as infraestruturas da localidade”.

    Gómez asegura que se realizou “un traballo intenso percorrendo as parroquias para coñecer de primase man as necesidades de actuación”.

    Ás obras de mellora na Percibellieira sumaranse actuacións de reposición do firme nos viais da Serralleira en Santa Cristina da Ramallosa, o que supón un investimento de 133.191, 37 euros. Este tipo de obras de asfaltado tamén levarán a cabo en diferentes rúas da localidade: na zona dos Tendales, no centro da localidade, para o que se destinaron 109.589,29 euros ou na estrada da Granxa en Belesar por 49.150, 76 euros.

    Tamén esta prevista unha actuación no Camiño Urgal ( na zona dá Figueira) en Belesar onde se alargará a calzada e mellorarase o firme, o que supoñerá un investimento de máis de 60.000 euros. Así mesmo, no Camiño Cachouza ( Urgal) tamén esta previsto o arranxo do camiño e do asfaltado, investimento de 23.398, 79 euros.

    Trátanse de viais, camiños ou estradas que son moi utilizados por numerosos residentes en distintos barrios e núcleos poboacións de Baiona.

    En Santa Cristina da Ramallosa rehabilitarase o arranxo do paseo de madeira e da ponte situada na Avenida Foz do Miñor cun investimento de máis de 25.000 euros.

    Para realizar todos estas obras de mellora, sacarase a licitación un paquete para cada unha das obras polo valor estimado, que inclúe numerosas actuacións repartidas por distintas zonas e barrios de Baiona.

    “Estas obras contribúen a mellorar as infraestruturas públicas de Baiona e o mantemento e desenvolvemento sostible das distintas zonas do municipio, poñendo en valor a súa contorna e axudando a consolidar o tecido poboacional do noso municipio”, finaliza o rexedor.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.