13.7 C
Pontevedra
Mércores, 22 de Maio de 2024
Máis
    HomeVal MiñorBaionaO Concello de Baiona ultima os traballos de posta a punto dos...

    O Concello de Baiona ultima os traballos de posta a punto dos colexios cara ao novo curso

    A Concellería de Vías e Obras do Concello de Baiona, baixo a dirección de Óscar Martínez, atópase ultimando traballos de mellora nos distintos centros educativos do municipio ante o inicio do ano escolar e, nesta liña, procedeuse a realizar distintas actuacións no CEIP Fontes-Baíña.

    Máis polo miúdo, os arranxos consistiron na retirada de varandas co fin de dotar o centro dunha mellor accesibilidade e tamén procedeuse á reparación de varias arquetas e realizouse o pintado de aulas e o pintado da pista de tenis. Tamén procedeuse a instalación e montaxe de novas porterías e canastas, equipación conseguida pola dirección do centro educativo.

    A isto hai que sumar as labores de roce e limpeza levadas a cabo polo departamento de Medio Ambiente do Concello de Baiona que tamén instalou macetas no xardín do colexio.

    O concelleiro de Vías e Obras, Óscar Martínez Álvarez, destaca que “para ofrecer a mellor educación aos nosos fillos e as nosas fillas, non só se require dispoñer do profesorado preciso e dos medios necesarios para que ninguén quede atrás por cuestións económicas, senón que ademais unha educación de calidade require unhas instalacións acordes, para o que non só é necesario investir en novos colexios e institutos, senón tamén en poñer ao día a rede de centros públicos”.

    Pola súa banda, o alcalde, Carlos Gómez Prado, lembra que, dentro das competencias municipais en virtude da Lei de Bases de Réxime Local, o Concello de Baiona é o responsable do mantemento dos colexios de cidade, “e precisamente, esa foi unha das prioridades deste Equipo de Goberno, a mellora dos colexios públicos do municipio”. Nesta liña, sinala o alcalde que desde o primeiro orzamento que elaborou este Equipo de Goberno “incluímos partidas de investimento para acometer importantes obras de infraestruturas nestes edificios de titularidade autonómica, pero de mantemento municipal, traballos que se realizan escoitando aos equipos directivos dos centros para priorizar as actuacións máis urxentes e necesarias”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.