8.3 C
Pontevedra
Xoves, 28 de Marzo de 2024
Máis
    HomeVal MiñorBaionaBaiona mellora a accesibilidade a Belesar

    Baiona mellora a accesibilidade a Belesar

    O Concello de Baiona, culminou os traballos de mellora da accesibilidade na zona da Figueira no Urgal, parroquia de Belesar. A obra, financiada a través do Plan Concellos da Deputación de Pontevedra, foi adxudicada por un importe de 43.497,10 euros.

    Trátase da construción dun muro de contención do camiño ata 4 metros de altura e cunha lonxitude dun 40 m de longo, construído con perpiaños de pedra gris. Tamén se mellorou a accesibilidade, aumentando a anchura e asfaltando o vial que xa se atopaba moi deteriorado. Tamén se incluíu a instalación dunha varanda protectora para a seguridade dos viandantes e os vehículos.

    O Concello de Baiona salientou o necesario desta intervención xa que a situación na que estaba o camiño representaba un perigo para os e as usuarias. Desde a Concellería de Vías e Obras, Óscar Martínez, lembra que o Goberno municipal traballa para buscar solucións e mellorar as condicións dos veciños e veciñas das parroquias. “O noso deber é que todas as baionesas e baioneses teñan acceso aos mesmos servizos, independentemente do lugar no que residan”, afirmou o edil.

    Pola súa banda o alcalde, Carlos Gómez Prado, lembrou que “a mellora da accesibilidade e mobilidade de diversos barrios, o arranxo de viais, o asfaltado de vías e a recuperación de espazos, forman parte das obras que puxemos en marcha para continuar coa nosa intención de seguir poñendo en valor as nosas parroquias, sempre co obxectivo de mellorar o día a día da cidadanía. Proxectos que nacen das demandas que nos trasladou as veciñas e veciños de Baiona”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.