Martes, 6 Maio de 2025

O sistema amurallado tudense (e III)

Redacción
-
0
O sistema amurallado tudense (e III)

Logo da época abondosa en episodios bélicos que foi a Idade Media na cidade tudense, coa chegada dos Reis Católicos ábrese unha época de estabilidade na vida de Tui que posibilita o seu desenvolvemento urbano. A monarquía dos Austrias impulsará un traballo de mellora dos sistemas defensivos do reino, encargando inspeccións aos enxeñeiros militares, realizando planos do estado da muralla e o deseño de novos elementos defensivos que solucionen a práctica indefensión da cidade que conta cun sistema amurallado basicamente de época medieval e que non responde aos novos métodos militares no caso dun ataque.

O feito referencial é a unión dinástica dos reinos de Castilla e Portugal na persoa de Felipe II en 1580 ata o reinado de Felipe IV en 1640, cando se inicia a guerra da “Restauraçao” promovida pola nobreza portuguesa que finalizará en 1668. A declaración de independencia de 1640 supón o inicio das hostilidades e Tui, pola súa posición estratéxica, sufrirá dende primeira hora as consecuencias do conflito. Por conseguinte, resulta máis urxente proceder a unha remodelación e modernización do sistema defensivo da cidade que se adapte ás novas necesidades da guerra procurando transformar a Tui nunha praza fortificada segundo os tratados de arquitectura militar moderna.

Así haberá diversos proxectos de fortificación da cidade ao longo dos séculos XVII e XVIII co trazado de novas plantas e alzados que non chegaron nunca a realizarse. Cabe citar os seguintes informes ou propostas:

– Juan Bautista Antonelli, enxeñeiro italiano ao servizo do rei de España, avalía en torno a 1579 o estado das defensas na fronteira con Portugal.

– No ano 1644 o Capitán Xeral de Galicia, Marqués de Távara, encarga ao enxeñeiro militar, capitán Juan de Villarroel e Prado, unha descrición do estado da fortificación tudense logo do inicio da guerra con Portugal: es notorio estar en un alto a tiro de cañón de Valencia, su forma es albal u en círculo de mala forma para la parte de tierra que tiene cinco torres de treinta pies en cuadro, sesenta de alto, no se puede pelear muy bien desde la muralla.

O mesmo Villarroel elabora o proxecto de ampliación e mellora do sistema abaluartado tudense con catro novos baluartes: na Praza do Arco, na Corredoira, en Río Muíños, e outro entre este lugar e a porta do Carballo, cun orzamento que acada os 4.000 reais. Ao ano seguinte, 1645, se lle asignan 3.636 escudos para a construción dos tres baluartes e o arranxo da media lúa que existía diante da Porta do Carballo. Esta media lúa (ou luneta é un bastión illado de forma semicircular situado diante dunha cortina ou entrada da muralla para dividir a forza atacante, se este bastión ten forma triangular recibe o nome de revellín) fora realizada recentemente por orde do Gobernador de Galicia, Martín de Redín y Cruzat. Este rápido deterioro evidencia a escasa calidade destes baluartes feitos de terra.

No reinado de Felipe IV (1621-1649) o investimento realizado alcanzou os 40.000 ducados e o historiador Benito VIcetto sinala que la ciudad de Tui se ha fortificado todo a lo moderno y se hizo un fuerte real en la Corredera, capaz de 400 hombres con todas sus fortificaciones.

Unha nova etapa ábrese co Marqués de Buscayolo, Capitán Xeneral de Galicia, que no ano 1663 propón rodear o perímetro da muralla medieval con baluartes modernos, establecendo un recinto fortificado que abranguese o convento franciscano de San Antonio, pero deixando fóra ao convento de San Domingos e mesmo recomendando o seu derribo. Pero esta medida atopara a oposición do seu predecesor, o arcebispo de Santiago, Martín de Redín y Cruzat que consegue que o perímetro amurallado comprenda tamén este arrabalde de San Domingos, engadindo un novo baluarte. Desta forma a fortificación tudense convértese nunha praza de grandes dimensións pero que require un importante continxente de persoal militar para a súa protección. Nese mesmo ano sabemos, por unha carta do Prior dos Dominicos ao Rei, que no mes de xuño estaban reparando os parapetos, instalando nos cubos artillería, creando nas portas principais dúas medias lúas para incrementar a defensa da praza forte.


Primeiro proxecto do marqués de Buscayolo, 1663
Segundo proxecto do Marqués de Buscayolo, 1663

Da muralla tudense no ano 1669 temos unha imaxe realizada por Pier María Baldi, debuxante que acompañaba ao Conde Cosme de Médicis na súa peregrinación a Santiago de Compostela e que pasa pola nosa cidade nese ano deixando un debuxo dende Portugal que ilustra o sistema fortificado tudense.

Sen embargo, non debeu completarse o proxecto pois no ano 1670 o Conde de Humanes presenta un proxecto coa pretensión de definitivo, que tamén consistía nunha fortificación que rodeaba a muralla medieval comprendendo os conventos de San Antonio e San Domingos. Pero a inicios do século XVIII unicamente tiñan comezado as cimentacións de varios tramos.

Proxecto do conde de Humanes, 1670

En 1706 o gobernador da cidade de Tui, D. Francisco Antonio Maestrenuncio, alerta ao Rei das deficientes condicións da defensa de Tui e do perigo diante de posibles ataques dende Valença pois por todas partes se puede entrar en ell y ser las fortificaciones Exteriores de tierra y casi sin foso de lo llano que está y sin estrada cubierta y el casco de la ciudad solo tiene huna simple falsabraga alrededor de huna muralla antigua sin tener esta terraplén por estar pegado a dicha muralla.

O último e definitivo proxecto corresponde ao enxeñeiro militar Juan de La Ferriere y Valentín, destinado a Galicia en 1731 centrando a súa actividade na zona de Ferrol ata que en 1733 se lle encarga organizar o sistema de defensa da cidade de Tui. Asume os proxectos anteriores e introduce como novidade tres estreitos baluartes na zona que da ao río. Elabora un proxecto moi completo e definido, que pese a non completarse na súa integridade podemos afirmar que é o que conforma en boa medida a fortificación tudense do século XVIII.

En 1735 xunto con outro enxeñeiro, Fulgencio Ximenez, reformulan a proposta dos anos anteriores introducindo a creación do baluarte de San Francisco, para substituír ao medio baluarte anterior denominado ‘del fuerte’.

Proxecto de La Ferriere y Valentín de 1735

No século XVIII Tui estivo a piques dunha invasión portuguesa en 1730 no decurso da Guerra de Sucesión española e outra en 1750 nun pretendido acordo de permuta de territorios entre España e Portugal. Tamén en 1735, con motivo do enfrontamento con Inglaterra e con Portugal se procede a unha ordenación dos sistemas amurallados e para elo, segundo Francisco Llobet, se escarparon os terrapléns e os baluartes foron revestidos naquelas partes onde o terreo era mais frouxo e coroando a obra cunha empalizada.

Non entraremos agora na evolución dos equipamentos públicos que implica a ampliación do perímetro amurallado tudense ao longo dos séculos XVII e XVIII: almacén de pólvora (na Porta Nova que substitúe á Porta Bergá medieval), refinador de pólvora (no baluarte de San Francisco), almacén xeral de pertrechos (na Praza da Catedral), Hospital do Rei (que se despraza de lugar na Corredoira, instalándose agora na zona da actual rúa Ordoñez) e o cuartel de cabalería (que ocupa o anterior lugar do Hospital).

En definitiva, o sistema abaluartado da cidade de Tui foi recollendo estas aportacións pero é debedor especialmente do deseño do enxeñeiro militar Juan de La Ferriere y Valentín, aínda que os diversos proxectos se interferiron mutuamente.

A fortificación finalmente engloba ao recinto amurallado de época medieval así como aos arrabaldes de San Domingos e San Francisco. Está realizado con muros de terra e empalizada, aínda que con diversos tramos de mampostería, con grandes perpiaños graníticos. A súa configuración é irregular, cun tramo alongado na fachada contra o río Miño onde contaba con dous semibaluartes, catro baluartes (del Olmo, San Telmo, San Francisco e San Domingos), un revellín diante da porta de San Domingos e un foxo que rodeaba a todo o conxunto. Podemos engadirlle a falsa braga, do século XV que cinguía a muralla medieval, e o sistema defensivo da Porta do Carballo. Podemos visualizalo no plano de Miguel de Hermosilla de 1777 e noutro datado en 1800.

Plano de Miguel de Hermosilla, 1777
Plano do ano 1800

Abordaremos, de seguido, unha pequena descrición dos diversos tramos desta muralla e as pegadas que conservamos na actualidade.

Comezamos na parte suroeste, coa Porta do Carballo, onde á construción medieval se lle adosa un ángulo saínte para unha mellor protección desta entrada da cidade, realizado en muros de mampostería de gran tamaño con ángulos en perpiaños. Aínda que con algunha modificación segue visible na actualidade na rúa Piñeiro. Nos socalcos existentes perpendiculares á rúa Martínez Padín, se conservan restos tanto da muralla medieval, como da falsa braga como dos reforzos de época moderna.

O seguinte baluarte, cara ao Oeste, era o baluarte do Olmo, que defendía a porta que comunicaba co arrabalde de Riomuiños e o camiño a Baiona. Este baluarte que podemos coñecer a través das fotografías (como a que acompaña a este texto) foi desmantelado a principios dos anos oitenta do pasado século para a construción dun edificio e aparcamento anexo. Foi unha gran desfeita e aínda hoxe este lugar reclama unha actuación que arranxe aquel atentado ao noso patrimonio.

Neste espazo urbano lembramos a existencia da rúa Foxo que testemuña a funcionalidade deste enclave no sistema defensivo da cidade. Continuando cara ao Norte estaba o baluarte de San Telmo, tamén hoxe desaparecido. Foi desmontado a finais do século XIX para a apertura das rúas Martínez Padín e Colón (que daquela chega ata a Corredoira) e para a construción da nova Praza de Abastos da cidade.

Para a defensa e protección do casarío desta zona foi igualmente construído, no norte da cidade, o baluarte de San Francisco. Coincide a súa localización cos actuais muros exteriores do Cuartel da Garda Civil (entre as rúas Calvo Sotelo e Betanzos); o aliñamento da súa cara Norte nesta rúa Betanzos e o ángulo que forma coa parte traseira do monumento a Calvo Sotelo coinciden cos planos do século XVIII.

O seguinte baluarte é o baluarte de San Domingos (hoxe xardíns de Troncoso) que defendía a porta homónima e que se conserva integramente, construído en terra e posiblemente no seu momento con empalizadas. Igualmente se conserva todo o tramo de muralla entre os arredores do baluarte de San Francisco ata a antiga horta do convento de San Domingos (hoxe Alameda) no que se coñece popularmente como paseo dos xardíns ou co nome oficial de Paseo Familia Álvarez Blázquez. Esta amplo tramo de muralla de terra conforma un espazo de grande interese patrimonial pois xunto ao testemuño do seu carácter defensivo está o posterior uso público como espazo de lecer cidadán, realizado en torno á metade do século XIX, e que respectou a fisionomía deste enclave que ten chegado ata nós en excepcionais condicións de conservación. Poucos lugares hai en Galicia que conserven un tramo tan amplo do seu sistema abaluartado. Curiosamente para a maioría dos nosos veciños esta referencia histórica e patrimonial é inexistente. Existiría fronte a porta de San Domingos, no inicio da actual rúa Cóengo Valiño e hoxe non conservada, un revellín para a defensa desta porta, desmontado na segunda metade do século XIX.

Na zona da Alameda se conserva tamén un medio baluarte que pecha este arrabalde de San Domingos. A traza defensiva continúa pola beira do Miño aproveitando a disposición do terreo e a muralla medieval. Neste espazo existe outro baluarte, construído en perpiaño e deficientemente conservado, que é o coñecido como baluarte do Diaño. Hoxe podemos ollalo dende o paseo fluvial, cando este espazo está limpo.

Baluarte do Diaño, agosto 2011
Baluarte do Diaño, agosto 2011
Baluarte do Diaño, agosto 2011
Baluarte do Diaño, setembro 2019

Finalmente a fortificación tudense neste espazo fronte ao Miño remata cun baluarte ao sur, tamén construído en terra e posiblemente empalizadas, e conservado no solar do Teatro Principal.

Rematamos esta visión cunha valoración do conxunto fortificado tudense que tomamos do proxecto Cadivafor (Catalogación, Digitalización y Valoración de las fortalezas defensiva de la frontera Galicia Norte de Portugal, 2008):

Aunque en general la visión del conjunto fortificado está desvirtuado por el crecimiento urbano de la ciudad, permanecen vestigios de entidad bien por que se conserven, como es el caso de la franja comprendida entre el semibaluarte del río y el de San Francisco, del que se conserva buena parte, asi como parcialmente en el caso del baluarte del Olmo y la totalidad de la basterias de la puerta del Carballo. Por otro lado, en aquella partes donde no es visible su traza ha condicionado el desarrollo urbano, tanto en el que se refiere a la disposición de las calles como a la parcelación de los solares. Un ejemplo de ello sería la calle Foxo, que coincide con el adarve de la cortina existente entre el baluarte del Olmo y el baluarte de San Telmo. La forticación condiciona también el desarrollo urbano y de manera específica los accesos a la actual ciudad que coinciden exactamente con las puertas originales, lo que se puede constatar en el caso de a calle Canónigo Valiño, Paseo de Calvo Sotelo, calle Ordoñez y calle Piñeiro. El trazado de algunas de las calles principales , como es el caso de la calle Martínez Padín, se adapta al perímetro fortificado coincidiendo en este caso su primer tramo con el foso exterior.

Plano de Tui en 1856 de Francisco Coello
Tomado de https://docplayer.es/46784127-Transformacion-morfologica-del-espacio-urbano-de-tui.html

Este sistema fortificado tudense incrementa ao seu valor histórico e patrimonial ao ser considerado dentro do conxunto de fortalezas militares existentes na raia entre Galicia e Portugal que conforman un destacado conxunto de arquitectura militar, que aínda podemos contemplar en numerosos enclaves ao longo das ribeiras do Miño, construído ou reforzado con motivo do conflito hispano-luso do século XVII e tras a paz de Lisboa para garantir a defensa do territorio. Tui como capital da provincia era o lugar de residencia do gobernador militar e tiña un papel de centro reitor, de carácter estratéxico, administrativo e loxístico.

En definitiva, aínda son numerosas as pegadas do sistema fortificado tudense na nosa cidade; un acervo patrimonial que reclama unha posta en valor que permita recoñecelo sobre a propia trama urbana e un proxecto integral de conservación e rehabilitación, especialmente urxente en lugares como o baluarte do Diaño. Conservar e “visibilizar” as estruturas defensivas, tanto de época medieval como moderna, incrementa o valor patrimonial da nosa cidade e as súas potencialidades culturais e turísticas.

Nigrán homenaxea ás viúvas da «Volta dos 9»

Redacción
-
0
Nigrán homenaxea ás viúvas da «Volta dos 9»

O Concello de Nigrán pechou este mediodía no ‘Xardín da memoria’, ao carón do Pavillón de Panxón, os actos en recordo do tráxico suceso coñecido como a ‘Volta dos 9’ cunha homenaxe ás viúvas destes executados o 15 de outubro de 1936 na curva da Bombardeira (Baredo) e de Dolores Samuelle, quen pagou coa súa vida agochar aos ‘Ineses’.

Con esta homenaxe, á que asistiron netos, bisnetos a unha filla de Manuel Barbosa e Julia Sanjuan (asasinado e víuva) o Concello conmemorou ao mesmo tempo o Día da Recuperación da Memoria Lingüística de Galicia, data creada pola Asociación de Funcionarios pola Normalización Lingüística na que se promove o emprego do galego nos actos fúnebres (incluído obituarios, lápidas, placas…). O Concello volveu deste xeito a vincular a memoria lingüística á memoria histórica (os anos anteriores trocouse ao galego a lápida do mestre republicano Vázquez Grela ou dos represaliados Antonio Veiro ou Daniel Pazó).

“Cremos que foi moi acertada a elección do IEM de adicar este mes de outubro ás outras vítimas da coñecida como ‘Volta dos nove’, as viúvas dos asasinados e Dolores Samuelle, asasinada por axudar a agochar aos ineses. Estas mulleres tiveron que saír adiante soas, con fillos ao seu cargo, e marxinadas pola sociedade”, explicou o alcalde, Juan González, antes de descubrir unha placa co seu nome ao carón de onde figura desde 2016 un monumento que recorda aos seus homes. O momento máis emotivo do acto foi cando Julia Barbosa depositou un ramo onde o Concello ubicou a placa co seguinte texto:

[su_image_carousel source=”media: 8213,8214,8215″ crop=”5:4″ link=”lightbox” autoplay=”0″]

‘En memoria das outras vítimas esquecidas na ‘Volta dos 9’: as viúvas dos asasinados en Baredo (15.10.1936) e Dolores Samuelle, quen pagou coa súa vida agochar aos ‘Ineses’ (13.10.1936) . As dez representan ás mulleres do Val Miñor e do país que, invisibilizadas pola Historia e tamén marxinadas na súa época, sufriron as duras consecuencias da represión e do terror franquista. Julia Sanjuan García, Clementina Freire Mosquera, Antonia Rial Veiro, Rosalía Rodríguez Iglesias, Angelina Vega Ríos, Sofía Vieites Penedo, Eugenia Mijón Durán, María [descoñécense os apelidos], Aurelia Rodríguez Cabral e Dolores Samuelle Álvarez’.

“Sempre se obvia ás mulleres que tiveron que saír adiante soas coas súas familias e estando condenadas ao ostracismo. Estas viúvas e Dolores Samuelle, asasinada, representan a todas as vítimas femininas invisibilizadas pola Historia inxustamente”, finalizou o rexedor.

A ‘Volta dos 9’ marcou á comarca porque supuxo a execución a sangue fría o 15 de outubro de 1936 de nove veciños do Val Miñor como vinganza e represión dos falanxistas polo suceso do día anterior en Sabarís, cando no asalto das forzas nacionais á casa dos irmáns republicanos “Os Ineses” morreron estes, a muller que os agochaba (Dolores Samuelle) e tamén un dos falanxistas. Horas despois os partidarios do golpe de estado colleron a nove veciños detidos na prisión do Frontón, en Vigo, e os fusilaron na curva de A Bombardeira, en Baredo. Durante máis de 40 anos nove cruces apareceron pintadas nese punto como recordo dos falecidos e, aínda que as borraban e buscaron con esmero aos autores, estas sempre volveron a ser debuxadas. Hoxe o lugar é un espazo para a memoria e as cruces se manteñen, agora impresas, como recordo de todo aquelo que sucedeu. Este suceso está narrado no libro ‘Nigrán. Memoria dunha guerra’, do propio Juan González.

Xosé Duncan, «Mnemea»

Redacción
-
0
Xosé Duncan, «Mnemea»

Afirmar que «Mnemea» é unha novela englobada dentro do xénero fantástico ao que Xosé Duncan nos ten acostumados, sería faltar á verdade; pero afirmar o contrario, tamén. Nesta nova entrega, o autor navega entre xéneros sen decantarse por ningún deles nun difícil equilibrio do que non é doado saír ben parado, pero Duncan é quen de xogar con habilidade co simbolismo das personaxes para moverse con soltura nese gume da navalla ao que nos arrastra durante a lectura.  

Por situar a cuestión, lembremos que Mnemea, segundo a mitoloxía grega, era unha das musas primixenias, protectoras das artes; concretamente a relacionada coa plasmación real das ideas argalladas polo autor. O seu nome identifícase coa memoria como elemento instigador da arte. Falamos, xa que logo, dun mito lendario que na novela cobra vida para axudar ao protagonista, Lois Mourinho, un autor en decadencia que loita por recobrar a posición de privilexio da que gozou tempo atrás. E para iso, necesita a axuda de Mnemea na redacción da súa nova novela, que el presinte como o seu gran legado literario. Pero a inspiración é esquiva e caprichosa, polo que deberá pagar un alto prezo que o vai situar no límite mesmo da cordura.  

Estamos, polo tanto, diante dun traballo metaliterario, no que a fin última do protagonista é escribir ese libro definitivo que o coloque no lugar que considera que merece, pese a que a evolución do xénero fantástico no que sempre se desenvolveu o sitúen agora coma unha especie de dinosaurio doutro tempo. E aí xoga un papel fundamental a psicoloxía do autor-personaxe, que deberá loitar contra os seus propios demos para decidir ata onde está disposto a chegar para conseguilo, así como da súa colaboradora, Carla, que ao longo do relato vai asumindo o protagonismo perdido polo escritor.  

Ao meu entender, un dos elementos máis destacables desta novela é a presencia desa musa inspiradora, que sempre aparece espallando un leve aroma a primavera e que apenas se deixa intuír ao longo da novela. Esa presencia etérea, case fantasmal, que se desdebuxa cando entra en escea algún outro personaxe, dálle ao conxunto unha aura moi particular que afonda na idea expresada ao principio de equilibrio de xéneros: estamos diante dun relato bastante realista, case unha novela psicolóxica, pero Mnemea cambia a atmosfera coa súa presenza para arrastrarnos ao eido da fantasía.  

Sei que isto é unha apreciación moi persoal, pero polo tema tratado, polo enfoque e estrutura do relato, pola linguaxe coidada e precisa, pola evolución das personaxes e por un cento de razón máis, eu creo ver en ‘Mnemea’ un paso evolutivo moi importante na narrativa de Duncan, que nos fai presaxiar un futuro prometedor. Haberá que agardar polo seus próximos traballos para confirmalo.

Xosé Duncan

Mnemea

Galaxia

188 páxinas  

Bizcocho de castañas y miel sin gluten

Redacción
-
0
Bizcocho de castañas y miel sin gluten

Hoy haremos una receta con sabor a otoño gallego, a castañas y a miel. Sin embargo se trata de una versión de un dulce típico italiano, el Castagnaccio, que se hace con harina de castañas; en este caso yo utilicé harina sin gluten y castañas cocidas.

Ingredientes

  • 150 g mantequilla
  • 180 g miel
  • 50 g azúcar moreno
  • 2 huevos L
  • 180 g harina sin gluten
  • 1 ½ cucharadita de levadura en polvo
  • 4 cucharadas de castañas cocidas
  • 2 cucharadas de piñones o almendras laminadas
  • Sal en escamas

Elaboración

  • Precalentamos el horno a 160º
  • Untamos con mantequilla un molde de unos 15 cm y lo forramos con papel de horno.
  • Calentamos la mantequilla con la miel y el azúcar y dejamos que se vaya derritiendo despacio, revolviendo de vez en cuando. Dejamos que hierva un minuto, bajamos el fuego y cocemos unos minutos. Retiramos y dejamos que temple.
  • Batimos los huevos y le añadimos la mezcla de miel ya templada.
  • Tamizamos la harina con la levadura y colocamos en un cuenco grande haciendo un hueco en el centro.
  • Incorporamos a la harina la mezcla de miel y vamos envolviendo con cuidado hasta que esté todo integrado.
  • Añadimos las castañas picadas (no todas; dejamos unas cuantas para la cobertura).
  • Echamos la masa en el molde y sobre ella distribuimos las castañas restantes mezcladas con las almendras y la sal en escamas.
  • Horneamos unos 45-60 minutos (hasta que al clavar una brocheta salga limpia).
  • Sacamos del horno y dejamos sobre una rejilla 5-10 minutos antes de desmoldar.

Podemos tomarlo como postre, aún templado, acompañado con una bola de helado o nata montada. O podemos dejar que enfríe y tomarlo con un café. O tomarlo sólo…

Si os gusta el sabor de la miel… es vuestro postre.

Receta adaptada de www.bbc.co.uk/food/recipes/torta_di_serretto_00934

Nigrán elimina as verteduras de pluviais aos colectores de residuais paralelos ao río Muíños

Redacción
-
0
Nigrán elimina as verteduras de pluviais aos colectores de residuais paralelos ao río Muíños

O Concello de Nigrán iniciou esta semana a través da empresa adxudicataria Sodein Soluciones Integrales os traballos para reducir os verquidos de pluviais aos colectores de residuais que discorren paralelos ao río Muíños, xa que nos momentos de moita choiva se produce desbordamento das arquetas no tramo final do río. Cun orzamento de 103.000 €, teñen un prazo de execución de 6 meses, pero a firma viguesa prevé que estean rematadas a inicios de ano, liquidando con elo estes problemas puntuais de verquidos que, a súa vez, dificultan o traballo da depuradora.

As obras, con proxecto de Santorio Arquitectos, consisten en diferentes intervencións encamiñadas todas elas a reducir as incorporacións de augas naturais aos colectores de residuais, minimizando o volume e frecuencia dos mesmos nos momentos de choiva abundante. Así, nesta primeira fase se están a reparar os pozos de rexistro (moitos presentan filtracións e outros serán clausurados) para seguidamente instalar un equipo rototamiz fabricado ex-profeso para esta actuación e que se situará a escasos metros da depuradora co obxectivo de filtrar calquera auga que se puidera desbordar.

A intervención inclúe a instalación de aliviadoiros e acondicionamento paisaxístico na contorna dos pozos que producen maior impacto visual. A maiores, realizaranse traballos de bioenxeñaría fundamentalmente mediante a colocación de estaquillado natural (a base de estacas) nun total de 37 metros do curso fluvial e en tres puntos diferentes para protexer as marxes e frear o caudal (técnica novidosa que o Concello de Nigrán xa aplicou anteriormente neste río).

Todo isto evitará que desborden as arquetas no tramo final e que a depuradora non reciba unha cantidade de auga excesiva para o seu correcto tratamento.

Paralelamente, rematáronse por 510.000 euros as accións de bioenxeñería para acondicionar as marxes do río ante a gran degradación que sufre como consecuencia da presión urbanística e que afecta tamén directamente á conservación do sistema dunar de Praia América (dentro deste mesmo proxecto está a construción dunha zona deportiva con pista de skate e de atletismo que estará rematada antes de finais de ano).

En total, ambos traballos suman un investimento de 613.000 e teñen como obxectivo devolver ao río Muíños ao seu estado natural.

As Neves inviste máis de 31.000 euros na rehabilitación de catro ‘infravivendas’

Redacción
-
0
As Neves inviste máis de 31.000 euros na rehabilitación de catro ‘infravivendas’

As Neves vén de recibir do Instituto Galego de Vivenda e Solo (IGVS) a concesión de subvencións, con cargo ao Plan Rehavita, para axudar á reparación de catro vivendas rabicadas nas distintas parroquias do concello.

As vivendas solicitadas, previa valoración do persoal técnico municipal, reuniron a cualificación de ‘infravivenda’ por non cumprir as mínimas condicións de habitabilidade, figurando como actuacións subvencionabeis a afectación dos elementos exteriores, estrutura e de seguridade, habitabilidade e accesibilidade.

Ao abeiro das bases do Programa de Infravivenda, as subvencións concedidas cobren o 95 % do orzamento protexido das obras solicitadas, cun máximo de 15.000 € por vivenda. O Concello das Neves colabora aportando o 5 % do orzamento restante, para axudar a que familias con escasos recursos económicos, poidan acometer a totalidade das obras.

Deste xeito, o importe da subvención é de 28.578,77 € e o Concello asume 2.666,77 € –o 5% restante–, de xeito que o custe total das obras será 31.245,54 €. O prazo de finalización das obras será o 30 de novembro 2019.

A convocatoria 2019 de Subvencións do Programa de Infravivenda do Plan Rehavita, está dirixida aos Concellos de menos de 10.000 habitantes para axudar, con carácter urxente, a aquelas unidades de convivencia que residan, en condicións de propietarias, nunha vivenda que se atope en mal estado de conservación e non dispoñan de recursos económicos para acometer as obras que permitan ter as mínimas condicións de habitabilidade.

Charla informativa sobre a «Rede de Comercios no Camiño» en Tui

Redacción
-
0
Charla informativa sobre a «Rede de Comercios no Camiño» en Tui

O próximo luns, 4 de novembro, ás 14 h na Sala Félix Rodríguez da Área Panorámica, terá lugar unha charla informativa dirixida ao comercio local para informar da creación da Rede de Mercados e Comercios no Camiño. Trátase dun proxecto impulsado pola Dirección Xeral de Comercio, dependente da Consellería de Economía, Emprego e Industria. Esta actividade está organizada pola Concellería de Comercio do Concello de Tui.

A propia directora xeral de Comercio, Sol Vázquez, estará en Tui para explicar os obxectivo desta Rede e o proceso que deben realizar os comercios interesados para adherirse. Tamén participará na charla a concelleira de Comercio de Tui, Ana Mª Núñez. O prazo para solicitar a pertenza á rede remata o venres 8 de novembro. Na charla do próximo luns tamén se dará conta das distintas iniciativas que a Dirección Xeral de Comercio vai impulsar de cara ao ano 2020 dirixidas ao comercio galego, especialmente no relacionado do Camiño de Santiago.

Os e as comerciantes interesados en participar na charla informativa do luns deberán confirmar a súa asistencia no correo [email protected] ou no teléfono 677 41 84 05.

Rede de Mercados e Comercios no Camiño

Os establecementos que formen parte da Rede de Comercios no Camiño recibirán un distintivo identificativo e elementos promocionais, ao tempo que se beneficiarán das diferentes actuacións de dinamización que se leven a cabo na Rede no marco do Xacobeo 2021.

A orde que regula a adhesión de establecementos a esta Rede inclúe tamén unha convocatoria de axudas de ata 2.800 euros por beneficiario para que os comercios adheridos que así o desexen editen coa imaxe da Rede de Comercios e Mercados no Camiño solucións en material biodegradable de empaquetado exterior, tanto para o seu envío como para a presentación do produto, protección ou para o seu consumo. Tamén poderán obter apoios para a edición personalizada de selos para as credenciais dos peregrinos.

O Pleno de Nigrán aproba a revisión do contrato con Cespa

Redacción
-
0
O Pleno de Nigrán aproba a revisión do contrato con Cespa

O goberno de Nigrán aprobou no pleno ordinario do martes –co voto en contra do PP– a revisión de prezos dende o ano 2016 a 2018 contemplada no contrato con Cespa e que suma 3.037 € a favor das arcas municipáis. Así, segundo os informes técnicos e aplicando a fórmula de revisión establecida, a concesionaria de recollida de lixo debe abonar ao Concello 11.594 € polo ano 2016 e 3.155 € polo ano 2017, mentras que o Concello debe pagar a Cespa 11.712 € polo ano 2018, dando todo isto un resultado de 3.037 € a favor do consistorio.

Deste xeito, o Concello pon fin á revisión de prezos e atrasos herdada desde 2012, xa que en febreiro de 2018 abonouse por este mesmo concepto á concesionaria 136.481 € froito da revisión desde 2013 a 2015. De feito, completar esta obriga contractual era un compromiso adquirido no pleno de xaneiro de 2018 por toda a corporación diante dos traballadores.

“O contrato con Cespa, vixente dende 2004, finaliza no 2020, polo que resulta fundamental que as contas estén ao día de cara a esa data. Hai que dicir que a nosa relación coa concesionaria nos últimos anos ten mellorado moito e consideramos óptimo o servizo que veñen prestando”, sinala o alcalde, Juan González.

POVISA

O goberno municipal de Nigrán aprobou co voto en contra do PP unha declaración na que o Concello pide a futura integración do Hospital Povisa na rede pública do SERGAS:

“O Hospital Povisa é o centro de referencia de asistencia sanitaria pública para moitos veciños de Nigrán e do Val Miñor, motivo polo que a noticia sobre a súa recente venda a unha multinacional de EEUU preocupa e crea inquedanza sobre o seu futuro, tanto entre os seus pacientes como no persoal traballador.

Conscientes da importancia de manter e garantir unha asistencia sanitaria pública e de calidade, a corporación de Nigrán SOLICITA á Xunta de Galicia que inicie o procedemento para declarar o Hospital Povisa de interese público co obxectivo de integrarse na rede pública do SERGAS de cara ao ano 2022, data na que finaliza o actual concerto co Sergas, garantindo en todo caso os postos de traballo e dereitos laborais.

O Hospital Povisa debe manter e consolidar a atención pública para así garantir na área de Vigo o dereito dos seus habitantes a recibir unha atención sanitaria 100% pública, universal, gratuíta e de calidade”.

O Goberno do Porriño desbloquea o pago de facturas por preto de 1,7 millóns de euros

Redacción
-
0
O Goberno do Porriño desbloquea o pago de facturas por preto de 1,7 millóns de euros

O goberno municipal do Porriño, cos votos dos concelleiros do PSOE, BNG, EU Son e Manuel Carrera, acadou desbloquear parte dos pagos pendentes de facturas que se viñan arrastrando desde hai tempo. Do total que se levaba a aprobación plenaria acadouse aprobar os pagos de case que 1,7 millóns de euros. Os acordos económicos foron o aspecto máis salientable do Pleno municipal ordinario de outubro que celebrou na noite do mércores cunha duración de tres horas e media e vinte asuntos na orde do día.

A tal fin aprobaronse dous créditos extraordinarios para ir pagando 1.738.000 euros de facturas da conta 413 e para abonar 473.000 euros de facturas que xa contan con sentencias xudiciais favorables.

Ademáis aprobouse outro crédito extraordinario por importe de 468.000 euros para satisfacer a débeda con “Eulen” pola prestación de servizos na piscina municipal.

Mediante os acordos plenarios aprobados na sesión de onte anoite, serán pagadas asimismo unha primeira remesa de facturas incluídas na conta 413”. Abonaránse 389.000 € polos traballos de descontaminación do lindano; 202.000 € a ‘Naturgy’ por suministros eléctricos; 119.000 € a ‘Eulen’ por traballos na piscina municipal e 10.800 € ó Consorcio de Augas do Louro.

A cantidade restante ata completar a partida de 1.738.000 euros quedou pendente de completar os informes para ser levada en breve a un pleno extraordinario que se celebrará no vindeiro mes de novembro segundo anunciou Eva García, alcaldesa do Porriño.

No transcurso do pleno tamén aprobaronse por unanimidade a Relación de Postos de Traballo (RPT) do Concello do Porriño; a adxudicación do servizo de axuda no fogar (SAF); os costes do servizo de recollida de lixo así como do Punto Limpo do Concello do Porriño e a partida orzamentaria para os salarios dos membros do goberno municipal (modificación da base 27 dos orzamentos do Concello). Precisamente nesta sesión tomou posesión do seu escano e estreouse a nova concelleira do BNG, Cami Moreira.

Polo contrario quedou pendente a ratificación da adxudicación do servizo de limpeza viaria á firma ‘Ascan’ que será levada a un próximo pleno municipal.

Noutra orde de cousas acordouse nomear ós representantes do Concello de O Porriño para a Comisión Especial de deslinde co Concello de Mos. Finalmente a proposta da alcaldesa e coa conformidade dos restantes grupos municipais, o PP integrará unha concelleira, Antía Carrera á devandita comisión. Os restantes representantes serán Eva García (PSOE), Pedro Ocampo (EU Son), Pedro Pereira (BNG) e Manuel Carrera (UDDL), todos eles ratificados polo pleno corporativo.

Entre as mocións debatidas aprobouse por maioría a proposta por EU Son para revisar o contrato de renting para renovación do parque móbil municipal ainda que o asunto quedou supeditado a comparecencia da concelleira de Seguridade nun vindeiro pleno extraordinario que se vai celebraro o mércores 6 de novembro. Tamén por maioría acordouse implementar unha achega extraordinaria ao Porriño Baloncesto Base así como ós clubs de futbol de Mosende e Budiño e á asociación de enfermos de silicose.

E por unanimidade a corporación porriñesa acordou solicitar á Consellería de Educación a reforma integral ou ben a construcción dun novo edificio para o CEIP Fernández López que xa ten 40 anos de antiguidade.

O «Pinchorriño» ofrece dende o venres 36 tapas diferentes aptas para celíacos e con oferta vegana

Redacción
-
0
O «Pinchorriño» ofrece dende o venres 36 tapas diferentes aptas para celíacos e con oferta vegana

Juana Pérez, presidenta da asociación de comerciantes porriñeses “ACIPOR”; os concelleiros Sergio Casal e David Alonso, en representación do goberno municipal e media duzia de hostaleiros en representación dos 36 que participarán, protagonizaron hoxe a presentación do «XIV Pinchorriño» que comeza pasado mañá venres 1 de novembro.

Eses trinta e seis establecementos de O Porriño realizan unha proposta de tapas moi suxerente que abrangue moitas posibilidades. Desde clásicos como o Rabo de touro estofado que elabora Mesón Mondariz, ata opcións veganas como a Tarta da horta que presenta o Pantera, pasando por elaboracións moi creativas coma o Mexilón sobre patacadèle do Café Bar Adèle ou o Wrap de ‘El Ultramarino’ que foron algunas das tapas que trouxeron hoxe os hostaleiros asistentes á presentación.

Juana Pérez indicou que a meirande parte das tapas que se ofrecen elabóranse con productos aptos para celíacos “de tal xeito que sexamos quen de atender a todos cantos queiran vir ata Porriño a disfrutar con nós durante este mes de novembro da nosa gastronomía”.

A presidenta de ACIPOR e os hostaleiros que asistiron á presentación coincidiron en suliñar que o Pinchorriño é un acicate extraordinario para a vila e os locais que participan pois xenera un volumen de ventas impresionante “nun mes que tradicionalmente era moi malo”.

Ne mesma liña, Sergio Casal congratulouse do como medrou esta iniciativa de ACIPOR e manifestou que desde o Concello “poñemos as ferramentas necesarias para axudarvos”. O concelleiro de Comercio ponderou que o Pinchorriño xunto coa Festa dos Callos e a Feira do Pan “convirten a Porriño nun referente gastronómico na comarca e na área metropolitana”.

Por último David Alonso, como concelleiro ainda responsable de Festas indicou “no Porriño temos un nivelazo na hostalaría como reflicte este Pinchorriño e desde o Concello temos que estar moi agradecidos pola vosa participación”.

A oferta de tapas será os venres e sábados de novembro, entre as 19 h e as 23 h, cun prezo mínimo de consumición de 1,50 euros.

Os clientes que participen recibirán unha papeleta. Por cada catro consumicións seladas nos establecementos participantes, poderán concorrer nun sorteo que este ano repartirá catro cheques compra no comercio local por importe de 100 euros cada un, e ademáis, como novidade, unha cesta de productos que regala ‘El Ultramarino’ valorada en 150 euros.

Máis do 90 % do alumnado dos cursos de español para inmigrantes aprobou o DELE A2

Redacción
-
0
Máis do 90 % do alumnado dos cursos de español para inmigrantes aprobou o DELE A2

O 91,5% das alumnas e alumnos que participaron este ano nos dous primeiros cursos de español para inmigrantes organizados pola Deputación de Pontevedra en Pontevedra e Vigo superaron a proba DELE A2 (Diploma de Español como Lingua Estranxeira, nivel A2). Precisamente, estas accións formativas promovidas pola institución provincial están encamiñadas á preparación do alumnado para examinarse desta proba, xa que é un requisito indispensable para que logo poidan obter a nacionalidade española.

A Deputación subvenciona integramente o curso, incluíndo o custe da matrícula do DELE, e o Instituto Cervantes examinou ás persoas participantes o pasado 13 de setembro no Centro de Linguas de Vigo.

O alumnado que se examinou asistiu aos primeiros dous cursos que se celebraron este ano nas instalacións da Deputación en Pontevedra e Vigo. Nestas dúas accións participaron 40 persoas, a meirande parte mulleres, aínda que ao exame concorreron un total de 35 e superaron a proba 32 (por diversas circunstancias, especialmente laborais, 5 non puideron presentarse).

A porcentaxe de aprobados é por tanto dun 91,5%, un dato que a institución considera especialmente positivo, xa que hai que ter en conta que as persoas que se presentan en moitos casos teñen que compatibilizar a formación e os estudos co seu traballo, así como cargas familiares sen apoio.

Nestes momentos, outras quince persoas están a rematar en Vigo o terceiro dos cursos programados este ano pola Deputación e prevese que se examinen do DELE A2 os vindeiros días 22 e 23 de novembro na Facultade de Filoloxía da Universidade de Vigo. En total, para os tres cursos presentáranse 132 solicitudes para as 60 prazas existentes.

No que atinxe aos países de procedencia, no caso do alumnado que fixo o curso en Pontevedra, a meirande parte proviña de Marrocos, aínda que tamén de Brasil, Rusia, Palestina e Ghana. En Vigo, a maioría das persoas participantes na primeira acción formativa foron de Senegal, seguidos dos de Marrocos, Brasil, Rusia, Ucraína, Angola e Irán, mentres que no último dos cursos a maioría de persoas é de Marrocos, seguido de cidadáns de Senegal e Nixeria.

A Deputación organiza estes cursos desde hai tres anos e as persoas destinatarias son inmigrantes en situación administrativa regular, maiores de 16 anos, que precisan preparar o DELE A2 para a obtención da nacionalidade española. Esta proba require unha preparación previa e ten un custo económico que dificulta o acceso á nacionalidade española para un determinado sector da poboación, dificultando así o seu proceso de integración na provincia como cidadanía de pleno dereito e favorecendo procesos de exclusión social.

A través destas accións formativas, que se desenvolven nas instalacións do organismo provincial en Pontevedra e Vigo, a Deputación da apoio á consecución desta titulación á poboación de países ou territorios non hispanoparlantes, favorecendo o seu proceso de integración. Os cursos son impartidos por persoal docente do Centro de Linguas da Fundación Universidade de Vigo.

Tui solicita a colaboración cidadá para manter a cidade limpa

Redacción
-
0
Tui solicita a colaboración cidadá para manter a cidade limpa

O Concello de Tui vén de poñer en marcha a campaña ‘Na rúa coma na túa casa, Tui limpo é labor de todos’, unha iniciatia que busca a colaboración cidadá para manter a cidade limpa dando cumprimento ao recollido na Ordenanza Municipal Reguladora do Ornato Público e Limpeza Viaria.

A campaña xorde ante a proliferación de carteis colocados no mobiliario urbano, como sinais de tráfico, farolas, bancos, papeleiras… Para manter as condicións de limpeza e ornato da cidade solicítase a colaboración cidadá non colocando carteis de festas, eventos,… ou anuncios de perdas de mascotas, vendas, compras… e outros fóra dos lugares establecidos.

A Policía Local ten intensificado o control deste tipo de publicidade no mobiliario urbano procedendo a súa retirada e informando á empresa ou particular responsable que esta acción pode ser sancionada. Precisamente hai varios carteis nas entradas a Tui onde se advirte da prohibición de colocar carteis. Amais a Ordenanza Municipal Reguladora do Ornato Público e Limpeza Viaria, establece que este tipo de carteis e anuncios só se poden colocar nos lugares habilitados para tal fin.

Dende o Concello de Tui lémbrase tamén que está prohibida a colocación de anuncios ou publicidade nos parabrisas ou outros elementos dos vehículos que están estacionados na vía pública, unha práctica que volve ser habitual sobre todo os xoves coincidindo co mercado semanal, e que pode ser igualmente sancionable.

Outro dos puntos nos que incide a campaña é na recollida selectiva lembrando que cada tipo de lixo debe ser colocado no contedor correspondente. E lembra que os mobles vellos ou en desuso deben ser depositados no punto limpo ao igual que os aparellos electrónicos.

Na campaña tamén se fai un chamamento aos propietarios de mascotas para que eviten que os animais fagan as súas necesidades en zonas axardinadas, e se recollan os excrementos da vía pública. A limpeza de fincas e casas, ou o uso das papeleiras son outros dos aspectos aos que fai referencia a campaña. Haberá un apartado especial dedicado ás festas de Nadal.

A Campaña ‘Tui Limpo’ desenvolverase dende hoxe luns até a primeira semana de xaneiro de 2020, tanto nas redes sociais municipais como na emisora municipal, co obxectivo de lembrar á cidadanía que a súa colaboración é moi importante. Dende o Concello agradécese de antemán a colaboración cidadá para lograr este fin.

A Xunta supervisa as melloras realizadas nos polígonos empresariais da Cañiza

Redacción
-
0
A Xunta supervisa as melloras realizadas nos polígonos empresariais da Cañiza

O delegado territorial da Xunta en Pontevedra, José Manuel Cores Tourís, comprobou no día de onte as obras de mellora executadas nos dous parques empresariais da Cañiza, Uceira e Ribadil, levadas a cabo grazas á orde de axudas a polígonos empresariais da Consellería de Economía, Emprego e Industria.

Na visita, Cores Tourís estivo acompañado do alcalde da localidade, Luis Piña, así como por varios concelleiros da Corporación e o xefe territorial de Economía en Pontevedra, Ignacio Rial.

Os traballos executados no parque de Uceira, contaron cun orzamento total de 33.765 euros, dos cales 33.381 eran subvencionables, co que recibiron o 80% (26.705 euros) por parte da Consellería de Economía a través da orde de axudas a parques empresariais, unha liña que mobilizou para toda Galicia 5,34 millóns de euros en proxectos para mellorar os parques empresariais de 51 municipios de Galicia. En concreto, a través deste programa, a Consellería de Economía, Emprego e Industria achegará 4,05 millóns de euros para a execución dun total de 57 actuacións que permitirán impulsar as infraestruturas dos polígonos.

O obxecto da actuación foi a execución dunha beirarrúa na zona norte do polígono, na entrada principal. Tamén procedeuse ao pintado da sinalización horizontal nos viais interiores e no vial de entrada da zona este, así como instalouse a sinalización vertical. En total, actuouse sobre 524 metros de infraestrutura viaria.

Por outra banda, este concello tamén conseguiu unha axuda de 21.827 euros para a instalación de cinco hidrantes no polígono industrial de Ribadil, co fin de dotar ao polígono de instalacións de protección contra incendios. O custo total do proxecto foi de 27.284 euros.

Neste polígono xa se investiran, o pasado ano, un total de 68.085 euros, dos cales 54.500 foron aportados pola Consellería de Economía, a través desta mesma liña de axudas, de xeito que se puideron mellorar dous quilómetros e medio de pavimentado dos viais deste polígono que se atopaban cun importante nivel de deterioro.

No caso doutros polígonos beneficiados, desenvolvéronse iniciativas para a instalación de sistemas de seguridade e vixilancia, para plantas de depuración de auga, xestión de residuos e colectores con verquido á depuradora municipal ou instalacións contraincendios e contra roubo de cable. Por provincias, dos 57 proxectos incluídos nesta resolución, 10 pertencen a Pontevedra (máis de 0,6M€).

Con estas novas axudas, nas que os Concellos Emprendedores tiveron preferencia, a Xunta segue mantendo o seu compromiso cos gobernos locais e o desenvolvemento das súas infraestruturas, co fortalecemento do tecido empresarial e industrial da Comunidade e co apoio ao emprendemento, liñas que encaixan coas medidas promovidas pola Lei de implantación empresarial para favorecer a captación de novos investimentos para Galicia.

O BNG lamenta que “a oposición non se poña do lado da veciñanza” na aprobación do PXOM

Redacción
-
0
O BNG lamenta que “a oposición non se poña do lado da veciñanza” na aprobación do PXOM

O BNG, a través do seu concelleiro Roberto Mera, lamentou no Pleno celebrado onte “que PP e ACIP non aproveitaran a ocasión para cambiar a súa postura e poñerse do lado do goberno e da veciñanza apoiando o PXOM”. Mera bromeou acusando á oposición de “querer converter un acto administrativo de trámite nun drama e unha traxedia. PP e ACIP gobernaron 12 anos, foron incapaces de aprobar o PXOM, opuxéronse á aprobación en agosto e agora póñense histéricos por un suposto retraso de tres meses que nin sequera é certo”.

O edil nacionalista retou a Villar e González Carrera a explicar por que motivo non foran capaces de aprobar en 12 anos o PXOM. González Carrera eludiu a resposta e Villar culpou ao BNG e PSOE, minoritarios neses doce anos, acusándoos de impedilo sen aclarar de que maneira. González Carrera tamén culpou a Mera de ser o responsable da decisión da Xunta en 2002 de suspender as normas urbanísticas, acusación á que o nacionalista respondeu negando que lle correspondese “ese mérito”, pero agradecendo ironicamente a González Carrera “o eloxio, que incluirei no meu currículo”.

Por último, Mera volveu pedir a González Carrera e a Villar que asuman responsabilidades políticas pola suspensión das normas urbanísticas en 2002, pola anulación de licenzas como a do Eroski e por non aprobar o PXOM en 12 anos causando prexuízos económicos como o pago de 1.500 euros mensuais polo parque Ferro-Ucha.

O Pazo Provincial énchese de oportunidades e claves para o emprego

Redacción
-
0
O Pazo Provincial énchese de oportunidades e claves para o emprego

O Salón de Plenos do Pazo provincial encheuse este mércores coa xornada ‘Motivación e apoio a persoas con dificultades no acceso ao emprego’ organizada pola Deputación de Pontevedra ao abeiro do proxecto ‘Labora 2020’. O obxectivo desta actividade, á que asistiron máis de 100 persoas e que tamén se puido seguir por streaming a través da páxina web da Deputación, foi proporcionar claves para que as persoas pertencentes a colectivos vulnerables, e que polo tanto téñeno máis difícil á hora de acceder ao mercado laboral, poidan mellorar as súas habilidades, superar as barreiras para buscar traballo, fomentar a súa marca persoal e tamén coñecer diversas entidades que traballan pola inclusión no mercado do emprego. O deputado provincial Gregorio Agís asistiu á súa apertura.

O punto forte da xornada foi o relatorio de Laura Chica, psicóloga, escritora, formadora e coach experta en intelixencia emocional con máis de 50.000 seguidoras e seguidores en Instagram, 35.000 en Twitter e 14.000 en Facebook. A súa conferencia levou o título de ‘Desenvolvemento persoal e coaching’ e centrouse no concepto de ‘brillar’, “que non é flower power, senón a capacidade de apostar por un e por unha mesma. Todas as persoas temos capacidades pero o difícil é dar o paso adiante”, asegurou. Laura Chica salientou que “ante un mundo moi complexo e volátil só quedamos nós e os nosos recursos persoais, por iso sempre é o momento de darnos unha oportunidade”, para o cal é imprescindible “espirnos de todo o que non somos nós pero nos dixeron que eramos: os medos, as inseguridades…”.

Para brillar, Laura Chica deu “poderes” ás persoas participantes, comezando polo de escoller brillar e polo de coñecerse (“as nosas fortalezas fannos especiais”, afirmou). Para este segundo, propuxo como xogo que o público lle dixese á persoa sentada ao seu carón cales son os seus logros, “cousas que esquecemos e que tanto nos custaron”. Estes poderes de traballo interno culminan nos de arrodearse de “persoas que nos fagan medrar e nos permitan brillar” e tamén no de “proxectar cara ao exterior ese traballo, aprendendo a poñernos en valor cunha marca persoal baseada na autenticidade e na honestidade”. Eses poderes, dixo, conséguense con dúas claves: “agradecer a quen nos acompaña durante o camiño e agradecernos polo traballo que facemos; e facer, porque nada produce un cambio se non o levamos á acción”.

A coach da Escola Europea de Líderes, Yolanda Villar, centrou o seu relatorio ‘Superación de barreiras no proceso de busca de emprego: crenzas limitantes’ en tres eixos principais. O primeiro foi o das capacidades diferenciadoras, no que asegurou que “temos que identificar as capacidades que temos cada persoa para desempeñar un traballo óptimo, que é precisamente aquel para o que temos capacidades superiores á media”. Para iso é preciso derrubar as “crenzas limitantes, o que pensamos de xeito negativo sobre o noso talento”. Villar propuxo ás persoas que asistiron un exercicio: pór sobre o papel unha desas crenzas sobre si mesmas e identificar en que as prexudica, en que as beneficia e como serían as súas vidas sen elas. Tamén falou sobre autoliderado, a capacidade de xestionarse a si mesma ou mesmo. “Ten que haber coherencia entre quen somos e que amosamos” e lembrar que “o éxito componse dun 75% de actitudes e dun 25% de aptitudes”. Por último, Yolanda Villar deu 10 consellos para aplicar o marketing á hora de buscar traballo, como buscar un problema existente na empresa na que queremos traballar e especializarnos nel, desenvolver un plan de traballo para buscar emprego, ou facelo o mellor posible co que xa temos.

Na xornada de motivación de ‘Labora 2020’ tamén houbo tempo para falar con entidades que traballan para a inclusión laboral. O coordinador do servizo de emprego da Asociación Bata, Ignacio Rey, que traballa con persoas autistas e con outras formas de diversidade funcional mental, lembrou a necesidade de “sacar da zona de confort a estas persoas, xa que moitas non queren traballar porque teñen medo e porque queren estar en contornas amigables e predicibles”.

Rey lembrou que para haber inclusión laboral e social “estas persoas teñen que ter presenza física nas empresas, pero iso non abonda: teñen que ter participación e unha aprendizaxe”. Pola súa banda, o director da Fundación para o Emprego da Asociación Juan XXIII, Diego Chapela, lembrou a importancia de propiciar un cambio cultural na sociedade para mudar os prexuízos contra as persoas con diversidade funcional. “Isto conseguímolo creando emprego en contornas comunitarias, que permiten que estas persoas sexan vistas en situacións produtivas”. Falou tamén da necesidade de crear sinerxías, mesmo nos programas que se desenvolven dentro dunha mesma asociación, así como “buscar e desenvolver os seus talentos prestando apoios individualizados, pero sen crear falsas expectativas”.

A técnica de selección de persoal da empresa Clece Flavia González fixo fincapé en que “as administracións públicas e as empresas non poden ir por camiños diferentes para a inclusión, ao igual que as empresas non poden ir por outro camiño que a realidade, co que implica en cuestións de diversidade: os camiños teñen que ir en paralelo”. Ademais, González quixo derrubar un dos mitos sobre a contratación destas persoas, xa que asegurou que “moitas delas non bonifican, pero teñen un gran valor para a nosa empresa”, a segunda empregadora a nivel estatal de colectivos desfavorecidos, cun 12% do seu cadro de persoal (máis de 8.000 das 75.000 en total).

‘Labora 2020’ está destinado a mellorar a empregabilidade das persoas pertencentes a colectivos vulnerables: desempregadas de longa duración, menores de 30 anos, maiores de 55 anos, persoas con diversidade funcional, inmigrantes, minorías étnicas e comunidades marxinadas, outros colectivos (como as vítimas de violencia de xénero ou de discriminación por orixe racial, orientación sexual e identidade de xénero, persoas con problemas de adicción, persoas sen fogar ou solicitantes de asilo) e persoas en situación de vulnerabilidade acreditada por un informe dos servizos sociais.

A través de ‘Labora 2020’, cofinanciado polo Fondo Social Europeo e cun orzamento total de 4,8 millóns de euros, a Deputación organiza itinerarios formativos, integrados e personalizados en 16 concellos entre 2019 e 2021. Na primeira fase, as persoas interesadas xa se poden inscribir nun primeiro lote de 28 accións de sete dos 11 itinerarios previstos. Deste xeito, poderanse formar en actividades auxiliares de almacén; limpeza de superficies e mobiliario en edificios e locais; dinamización de actividades de tempo libre educativo; socorrismo en instalacións acuáticas; actividades auxiliares en conservación e mellora de montes; operacións básicas de restaurante e bar ou obter as competencias clave para a obtención do nivel 2. Pódense beneficiar 420 persoas e desenvolveranse en 12 concellos: Barro, Cambados, Cangas, O Grove, Lalín, Ponteareas, Pontevedra, O Porriño, Soutomaior, Tomiño, Vigo e Vilagarcía.

En total, en ‘Labora 2020’ poderán participar 855 persoas (un 53,3% de mulleres) e as accións desenvolveranse en 16 concellos, os mencionados anteriormente e tamén A Guarda, Moraña, Mos e Valga. Os outros 4 previstos e que se porán en marcha nas seguintes fases son os de formación profesional para o emprego, atención sociosanitaria a persoas dependentes en institucións sociais, atención sociosanitaria a persoas no domicilio e xestión de chamadas de teleasistencia.

O Pleno de Ponteareas aproba os documentos do PXOM solicitados pola Xunta

Redacción
-
0
O Pleno de Ponteareas aproba os documentos do PXOM solicitados pola Xunta

O Pleno do Concello de Ponteareas deu un novo paso na tramitación da aprobación definitiva do PXOM ao aprobar, cos votos en contra de PP e ACIP, os documentos solicitados pola Xunta de Galicia. Deste xeito o goberno dá resposta á Dirección Xeral de Urbanismo, quen detectara varios erros materiais e a ausencia dalgúns documentos que debían subsanarse mediante a intervención do Pleno.

O Alcalde sinalou que o acordo do Pleno “é un acto de trámite, unha cuestión administrativa que nada cambia respecto ao aprobado en agosto e o importante é que a Xunta está avanzando xa para aprobar definitivamente o PXOM no prazo de tres meses que marca a Lei”.

Represas lamentou que a oposición continue opoñéndose a un Plan Urbanístico que Ponteareas precisa con urxencia despois de 17 anos de parálise.

O programa de emprego clausurado en Tui, acadou unha inserción laboral do 68 %

Redacción
-
0
O programa de emprego clausurado en Tui, acadou unha inserción laboral do 68 %

Este mediodía tivo lugar no salón de actos da Aula da UNED, no antigo convento de San Domingos, a Clausura do I Programa Integrado de Emprego do Concello de Tui ‘Tui Emprégate 2018-19’ que se celebrou dende outubro do ano pasado. O acto contou coa presenza do alcalde de Tui, Enrique Cabaleiro, e da concelleira de Formación e Emprego, Ana Mª Núñez.

O alcalde de Tui, Enrique Cabaleiro, destacaba os Programas Empregados de Emprego coma “ferramentas necesarias e útiles” e destacaba a súa importancia para pór en contacto as empresas cos demandantes de emprego. O rexedor avanzaba o compromiso da administración municipal para seguir traballando en desenvolver os mecanismos do fomento do emprego.

A concelleira de Formación e Emprego, Ana Mª Núñez, na súa intervención dirixíndose aos participantes no programa indicaba que “hoxe non acaba nada, senón que empeza” en referencia a que os coñecementos adquiridos nos últimos meses lles permitirán afrontar a incorporación a un mercado laboral cambiante. Insistía nese senso en que “contáis coas ferramentas que os permite estar máis cerca do voso obxectivo”. Agradeceu tamén á Consellería de Economía, Emprego e Industria que siga confiando no Concello de Tui tras a concesión dun novo Programa Integrado de Emprego que se pon en marcha de xeito inmediato.

Na clausura de hoxe tanto alcalde coma a concelleira de Formación e Emprego agradeceron a implicacións das técnicas do programa que se incorporaron o pasado mes de xullo, coma das persoas participantes.

Este Programa Integrado de Emprego acadou unha inserción do 68% no mercado laboral ao longo do programa. Estes resultados acadados superan o 45% fixado coma obxectivo no programa segundo o establecido pola Consellería de Economía, Emprego e Industria, que financia o programa xunto co aporte do propio Concello.

Así 68 das 100 persoas participantes que participaron en Tui Emprégate se incorporaron ao mercado laboral en empresas do sector da automoción, servizos á comunidade, comercio e alimentación, hostalaría… Amais 3 persoas iniciaron o seu propio proxecto empresarial e 5 teñen en mente un proxecto emprendedor polo que levaron a cabo unha formación específica en emprendemento elaborando un proxecto que lles servirá de apoio para poder materializalo.

O I Programa Integrado de Emprego púxose en marcha o 2 de novembro do 2018 e rematará mañá xoves, 31 de outubro. En Tui Emprégate participaron un centenar de persoas en situación de desemprego de diferentes colectivos e perfís como menores de 30 anos, persoas en risco de exclusión social, persoas con discapacidade, desempregados/as maiores de 45 anos e mulleres vítimas de violencia de xénero…

As actividades arrancaron cun diagnóstico ocupacional de cada participante para, posteriormente, enfocar os perfís cara a 3 itinerarios concretos de formación que foron: Industrial, Comercio e Servizos á Comunidade. Dentro deste último itinerario, levouse a cabo unha formación orientada a obtención do certificado de profesionalidade en Atención Sociosanitaria a persoas dependentes en institucións. En total realizáronse 1.650 horas de formación, divididas en formación cualificada e formación transversal.

Entre a formación cualificada, cun número total de 1.101 horas, impartíronse accións formativas de maquinaria de manutención, plataforma elevadora, manexo de TPV, limpeza con maquinaria industrial ou acondicionamento de espazos comerciais. Mentres nas 559 horas de formación transversal centrada en coaching, informática básica, mobilidade laboral, obradoiros de entrevistas…

Das 50 accións formativas realizadas 42 tiveron lugar de forma presencial e 8 online. Outras da cifras deste programa son as 92 empresas contactadas, 520 intermediacións laborais realizadas, a aposta pola conciliación laboral, e o regreso aos estudos de 7 persoas matriculadas en ciclos formativos, 2 na universidade e 8 que preparan as probas para a obtención do graduado en ESO.

AGRELa agracede o apoio na «I Gala Solidaria pola ELA»

Redacción
-
0
AGRELa agracede o apoio na «I Gala Solidaria pola ELA»

O Auditorio de Goián acolleu na fin de semana a Gala Solidaria pola ELA (Esclerose Lateral Amiotrófica), organizada pola Asociación AGAELA (Asociación Galega de Esclerose Lateral Amiotrófica), coa colaboración do Concello de Tomiño, a Deputación de Pontevedra e comercios locais.

José Manuel Pereira ‘Nel’, tomiñés afectado por esta enfermidade, impulsou esta Gala Solidaria pola Ela, cuxa recadación íntegra (1225 euros) irá destinada a adquirir camas articuladas e cadeiras de ducha para persoas que sofren esta doenza. Pereira quere dar visibilidade a esta doenza que padecen en España máis de 4.000 persoas, abandeirado co seu lema: “La ELA existe, pero nosotros delante y la ELA detrás, siempre”.

[su_image_carousel source=”media: 8134,8132,8131,8130″ crop=”5:4″ link=”lightbox” autoplay=”0″]

A cita contou coa presentación da actriz moañesa Anabel Budiño, da compañía Moito Morro Teatro, e a actuación do Grupo de Acordeóns Helios, do Coro Passionato e da Escola de Danzas e Gaitas Virxe do Alivio; rematando cun desfile solidario, grazas a varias casas comerciais.

AGAELA quere agradecer a participación e apoio de todas as persoas e institucións e casas comerciais que prestaron a súa colaboración para mellorar a calidade de vida dos afectados por esta enfermidade na nosa comunidade autónoma.

Cita de cine na programación de «Mocidade Viva» de Ponteareas

Redacción
-
0
Cita de cine na programación de «Mocidade Viva» de Ponteareas

A mocidade ten unha cita co cine este xoves día 31 na sala multiúsos do auditorio municipal dentro da programación de ‘Mocidade Viva’. A concellería de Mocidade, que dirixe Miguel Bouzó, recórdalle aos mozos e mozas que ás 21 horas se proxectará ‘La noche de halloween’.

O cine foi unha das demandas da mocidade cando se deseñou a primeira programación feita con e para este sector da poboación e do que agora poden desfrutar totalmente de balde.

A homenaxe ás viuvas pecha os actos de Nigrán en memoria da «Volta dos 9»

Redacción
-
0
A homenaxe ás viuvas pecha os actos de Nigrán en memoria da «Volta dos 9»

O Concello de Nigrán pecha este venres 1 de novembro ás 13:00 horas no ‘Xardín da memoria’ ao carón do Pavillón de Panxón os actos en recordo do tráxico suceso coñecido como a ‘Volta dos 9’ cunha homenaxe ás viúvas destes executados o 15 de outubro de 1936 na curva da Bombardeira (Baredo) e de Dolores Samuelle, quen pagou coa súa vida agochar aos ‘Ineses’.

Con este acto, ao que están invitados a participar os familiares e a veciñanza en xeral, o Concello conmemora ao mesmo tempo o Día da Recuperación da Memoria Lingüística de Galicia, data creada pola Asociación de Funcionarios pola Normalización Lingüística na que se promove o emprego do galego nos actos fúnebres (incluído obituarios, lápidas, placas…).

O Concello volve deste xeito a vincular a memoria lingüística á memoria histórica (os anos anteriores trocouse ao galego a lápida do mestre republicano Vázquez Grela ou dos represaliados Antonio Veiro ou Daniel Pazó). O texto reza o seguinte:

‘En memoria das outras vítimas esquecidas na ‘Volta dos 9’: as viúvas dos asasinados en Baredo (15.10.1936) e Dolores Samuelle, quen pagou coa súa vida agochar aos ‘Ineses’ (13.10.1936) . As dez representan ás mulleres do Val Miñor e do país que, invisibilizadas pola Historia e tamén marxinadas na súa época, sufriron as duras consecuencias da represión e do terror franquista. Julia Sanjuan García, Clementina Freire Mosquera, Antonia Rial Veiro, Rosalía Rodríguez Iglesias, Angelina Vega Ríos, Sofía Vieites Penedo, Eugenia Mijón Durán, María [descoñécense os apelidos], Aurelia Rodríguez Cabral e Dolores Samuelle Álvarez’.

“

“Sempre se obvia ás mulleres que tiveron que saír adiante soas coas súas familias e estando condenadas ao ostracismo. Estas viúvas e Dolores Samuelle, asasinada, representan a todas as vítimas femininas invisibilizadas pola Historia inxustamente”

“Cando se fala de memoria histórica sempre se obvia ás mulleres que tiveron que saír adiante soas coas súas familias e estando condenadas ao ostracismo. Estas viúvas e Dolores Samuelle, asasinada, representan a todas as vítimas femininas invisibilizadas pola Historia inxustamente”, explica o alcalde de Nigrán e historiador, Juan González, quen ten narrado o suceso da Volta dos 9 no seu libro ‘Nigrán. Memoria dunha Guerra’.

A ‘Volta dos 9’ marcou á comarca porque supuxo a execución a sangue fría o 15 de outubro de 1936 de nove veciños do Val Miñor como vinganza e represión dos falanxistas polo suceso do día anterior en Sabarís, cando no asalto das forzas nacionais á casa dos irmáns republicanos “Os Ineses” morreron estes, a muller que os agochaba (Dolores Samuelle) e tamén un dos falanxistas. Horas despois os partidarios do golpe de estado colleron a nove veciños detidos na prisión do Frontón, en Vigo, e os fusilaron na curva de A Bombardeira, en Baredo.

Durante máis de 40 anos nove cruces apareceron pintadas nese punto como recordo dos falecidos e, aínda que as borraban e buscaron con esmero aos autores, estas sempre volveron a ser debuxadas. Hoxe o lugar é un espazo para a memoria e as cruces se manteñen, agora impresas, como recordo de todo aquelo que sucedeu.

Salceda acolle un curso sobre xestión de xuntas reitoras de comunidades de montes

Redacción
-
0
Salceda acolle un curso sobre xestión de xuntas reitoras de comunidades de montes

A Asociación Forestal de Galicia (AFG) está a desenvolver este outono en toda Galicia un amplo programa formativo dirixido a mellorar o manexo silvícola do monte. O próximo curso, que abordará a xestión de xuntas reitoras de comunidades de montes, desenvolveranse este xoves 31 en Salceda de Caselas, na Casa de Cultura de Picoña, a partir das 16 horas.

O obxectivo do curso sobre xestión de xuntas reitoras é revisar aspectos básicos de cara a mellorar o funcionamento das comunidades. A acción formativa aborda as seguintes cuestións, entre outras: organización e administración da comunidade, lexislación aplicable, planificación da xestións dos recursos do monte e réxime fiscal ó que están sometidas as comunidades de montes.

A actividade permitirá que as persoas asistentes actualicen os seus coñecementos para impulsar unha mellora na xestión forestal e organizativa dos seus montes.

O programa de cursos da AFG, que conta co apoio da Axencia Galega da Industria Forestal (Xera), é gratuíto, pero é precisa a inscripción previa, ben a través do e-mail [email protected], ben a través dos teléfonos 981 564 011, 986 660 864 e 618 752 214.

Redondela e Chapela, escenario de «terroríficos» obradoiros de Samaín para nenos e nenas

Redacción
-
0
Redondela e Chapela, escenario de «terroríficos» obradoiros de Samaín para nenos e nenas

A Praza do Concello de Redondela e a Alameda Rosalía de Castro de Chapela, acollerán mañá xoves, 31 de outubro, as actividades que o Concello redondelán vén de artellar con motivo do Samaín. En caso de choiva, as actividades serían trasladadas ao Multiúsos da Xunqueira e ao Multiúsos de Chapela, respectivamente.

Actividades Redondela

No que a Redondela fai referencia, entre as 16:30 h e as 19:30 horas, nenos e nenas poderán participar en obradoiros de Cociña e maquillaxe terrorífica, Decora a túa cabaza e Elaboración de Cestas.

Doutra banda e por se a choiva fai acto de presenza, unha gran carpa situada na Alameda Castelao acollerá, entre as 18 h e as 21 horas, o Pasadizo do Terror, que sen dúbida fará as delicias dos pequenos e pequenas.

Obradoiros en Chapela

Pola súa banda, a Alameda Rosalía de Castro de Chapela, será o lugar onde, entre as 17 h e 19 horas, se desenvolvan os obradoiros de Cociña e Maquillaxe Terrorífica, Decora a túa cabaza e Elaboración de cestas.

O Concello de Redondela busca, con estas actividades, que os máis pequenos tomen contacto do xeito máis divertido posible cunha das tradicións máis ancestrais de Galicia, o Samaín que marcaba o final da tempada de colleitas e considerábase como o ‘Ano Novo Celta’ que comezaba coa estación obscura e que foi celebrado, durante máis de 3.000 anos, polos pobos celtas que poboaron toda Europa.

Antonio Lomba solicita, unha vez máis, a mellora da circunvalación ao Monte Trega

Redacción
-
0
Antonio Lomba solicita, unha vez máis, a mellora da circunvalación ao Monte Trega

O alcalde da Guarda, Antonio Lomba, ven de solicitar novamente unha reunión coa conselleira de Infraestruturas e Mobilidade da Xunta de Galicia, Ethel Vázquez, de cara a mellorar a seguridade cunha actuación integral na estrada de circunvalación ao Monte Santa Trega, a PO-352.

Esta estrada é moi transitada por vehículos, autobuses e camións de todo tipo, incrementándose a intensidade do tráfico na tempada estival para o acceso ás praias fluviais existentes na desembocadura do Río Miño, sendo empregada igualmente por peóns e deportistas que se ven obrigados a transitar por unha beirarrúa moi estreita e que en moitos puntos é inexistente, pondo en perigo a súa integridade.

“

“…peóns e deportistas están obrigados a transitar por unha beirarrúa moi estreita e que en moitos puntos é inexistente, pondo en perigo a súa integridade”

É por elo que dende fai tempo se ven demandando esta obra para a mellora da seguridade deste vial, que é competencia da Xunta de Galicia. É necesario dotar á mesma dunha senda para a circulación segura dos peóns, así como mellorar a seguridade do tráfico en algúns puntos concretos co ensanchado desta vía.

Antonio Lomba trasladoulle á Conselleira as súas inquedanzas, reiterando a petición dunha xuntanza para trasladarlle as problemáticas existentes neste vial e definir as actuacións que son necesarias acometer para converter esta estrada nunha vía segura para o tráfico de vehículos e para os peóns.

Nigrán inviste 90.000 euros na mellora da seguridade viaria en Priegue e Panxón

Redacción
-
0
Nigrán inviste 90.000 euros na mellora da seguridade viaria en Priegue e Panxón

O Concello de Nigrán rematatou o asfaltado de cinco rúas da parroquia de Priegue e finalizará entre o sábado e luns a última das catro de Panxón cun investimento total de preto de 100.000 euros ao cargo do Plan Concellos 2019 e cuxos traballos foron adxudicados a Construcciones Fechi S.L. Este novo plan municipal busca unha mellora da seguridade viaria en zonas onde a superficie pavimentada está xa moi deteriorada.

Concretamente, en Priegue destinouse un importe de 25.000 euros para as rúas Raña, Andiana, Camiño Vello, Camiño Monte e Lavadeiro (este último o único que non contaba con asfaltado) e en Panxón 60.000 € para as rúas Pastora, Lagoa-Seixo (rúa onde recentemente o Concello arranxou a rede de abastecemento con vistas a este posterior asfaltado), Lousas e Redonda (esta última é a única que queda pendente e estará lista entre mañá sábado e o luns). Con estas dúas parroquias tan só falta a de San Pedro (á espera da autorización de Patrimonio ao intervir en rúas da contorna do cruceiro de Mallón) para completar o plan 2019 de todo o municipio.

Así, en todos os casos realizouse unha limpeza do pavimento da calzada e das cunetas antes de melloralo cunha mestura bituminosa en quente estendida e compactada, ademais de facer o recrecido das tapas da rede de sumidoiros.

“Trátase de camiños que estaban en moi mal estado e que dan servizo a moitas persoas, por iso os consideramos prioritarios neste novo plan de asfaltados destas parroquias, sendo conscientes de que quedan outros pendentes que non esquecemos e que entrarán no Plan 2020”, sinala o alcalde, Juan González. Anteriormente, en Panxón, o Concello interviu en Jesús Espinosa, Gondomar, Area Alta, Camiño da Area, Arquitecto Palacios, Paraviñal, Camiño da Fonte, Porqueira ou rúa do Rial; e en Priegue en Regueiriño, Codaval, Rouxo, Condomínguez ou Antonexas.

As Neves pide á Xunta o cumprimento das normas de seguridade nas obras da Escola Infantil

Redacción
-
0
As Neves pide á Xunta o cumprimento das normas de seguridade nas obras da Escola Infantil

Os traballos para que a nova Escola Infantil de As Neves sexa unha realidade seguen adiante, aínda que, segundo denuncia o Goberno local, “non coas garantías de seguridade necesarias e co ritmo para cumprir cos prazos comprometidos”.

Como verificaron membros do Goberno Municipal, as obras “están indo moi lentas e incúmprense normas elementais de seguridade, aínda máis considerando que as mesmas se realizan preto dun centro de ensino de Educación Infantil e Primaria”.

O alcalde, Xosé Manuel Rodríguez Méndez, comproba cada semana que este feito repítese e deu aviso desta circunstancia á Xunta de Galicia en varias ocasións, unha situación que tamén causa malestar na Asociación de Nais e Pais de Alumnos (ANPA) e a dirección do CEIP Marquesa do Pazo da Mercé.

Precisamente por este motivo, dende o pasado xoves, día 24, o alcalde das Neves deu orde de deter os traballos no horario de entrada e saída dos rapaces. Agora, unha vez máis, sinala o rexedor local, dende o Concello veñen de comunicar estes feitos á Xunta e empresa adxudicataria da obra, “esixindo que se cumpran as normas de seguridade e, ao mesmo tempo, demandando que se revise o proxecto, que se cumpran todos os obxectivos de calidade requiridos e que os traballos estean rematados no prazo fixado”.

Orzamento de 300.000 € e capacidade para 20 nenas e nenos

Esta dotación escolar, que será posible grazas ao convenio asinado entre a Xunta de Galicia, que aportará 225.000 € dos 300.000 orzamentados para esta obra, mentres que o Concello de As Neves achegará os 75.000 euros restantes, contará cunha superficie de 160 metros cadrados que abranguerán unha dependencia de usos múltiples, aulas, espazos de aseo, cociña ou almacén preparadas para acoller a 20 nenas e nenos.

Unha vez máis, Arbo di “non” á liña de alta tensión

Redacción
-
0
Unha vez máis, Arbo di “non” á liña de alta tensión

O Pleno municipal do Concello de Arbo acordou, por unanimidade, amosar o seu rexeitamento contra a Linea 400 KV Fontefría-Frontera Portuguesa. Horacio Gil, alcalde de Arbo, asegirpi qie o Concello e el como alcalde, “defenderán sempre o interese de todos os veciños e veciñas de Arbo, mantendo a postura de rexeitamento de calquera liña de alta tensión que poidera afectar a calquera zona dentro do territorio deste municipio, como se recolle no escrito de alegacións que o plenario acordou remitir ao Ministerio”.

Tamén se insiste neste escrito no rexeitamento á afección orixinaria aos barrios de Valiñas e Poste, pedindo o arquivo do expediente, así como considerar inviable a conexión coa alternativa proposta polo barrio de Rozas, pola afección ás persoas, ás súas propiedades e ao patrimonio, ademáis de non contar con salida ao enlace co país veciño.

O día 16 de setembro de 2019 o Concello de Arbo recibe expediente para estudio de viabilidade dun trazado alternativo do tramo final da Linea 400 kV Fontefría-Fronteira Portuguesa que discurre entre o límite do veciño concello de As Neves e o barrio de Rozas, dentro da parroquia de Sela, e que combina co solicitado polo Concello de Arbo no ano 2013, alternativa que tanto o Concello como a veciñanza rexeitan como xa fixeran coa anterior proposta que discurría polos barrios de Valiñas e Poste.

O programa «Insere Máis» mellora as competencias profesionais de 100 persoas desempregadas

Redacción
-
0
O programa «Insere Máis» mellora as competencias profesionais de 100 persoas desempregadas

O director xeral de Orientación e Promoción Laboral, Pablo Casal, visitou onte no edificio do Viveiro de Empresas do Parque Empresarial PEMOS Veigadaña, en Mos, aos participantes do Programa Integrado de Emprego Insere Máis que organiza a Asociación de Empresarios de Mos e que celebra a súa novena edición.

A iniciativa está permitindo que un cento de persoas sen emprego reciban formación de calidade para facilitar a súa inserción sociolaboral. Casal estivo acompañado durante a súa visita pola alcaldesa de Mos, Nidia Arévalo, e polo presidente de AEMOS, Manuel Castro.

O edificio dos viveiros industriais sito no polígono de Veigadaña e que foi visitado hoxe polo director xeral, está preparado para a implantación de viveiros industriais para o establecemento de emprendedores do municipio de Mos. Conta con 4 talleres ou viveiros de carácter industrial 4.0 (desde robótica, impresión 3D, procesos, investigación… etc.) que se atopan dispoñibles para posibles candidatos interesados no seu uso.

[su_image_carousel source=”media: 8052,8053,8054,8055,8057″ crop=”5:4″ link=”lightbox” autoplay=”0″]

Os criterios de valoración para a selección dos/as candidatos serán obxectivos, primando na puntuación parámetros como a viabilidade do proxecto, a fórmula xurídica (por exemplo cando se trate dunha empresa de economía social), que se trate de promotores demandantes de emprego (emprendedores), de colectivos de difícil inserción, menores de 35 anos, mulleres, etc.

Ademais dos 4 talleres o edificio conta con zona de oficinas para atención ao emprendedor, e espazo para empresas emprendedoras con técnicos que as asisten e asesoran, orientan e axudan, acompañándoas nos primeiros anos de actividade empresarial. Na segunda pranta está a zona de servizos comúns e coworking, con despachos e zonas de recepción, administración, reunión e atención; onde poder organizar desde reunións comerciais ata eventos máis ambiciosos.

Para construción do Viveiro de Empresas na Veigadaña o Concello de Mos investiu a axuda solicitada á Consellería de Economía, Emprego e Industria na construción do edificio que alberga o viveiro de empresas, consistente en 240.000 euros, que representa o 80% da inversión total de 300.000 euros. A Asociación de Empresarios de Mos aportou, de fondos propios, un importe do 20 % da inversión total, é dicir, 60.000 euros. O proxecto executouno o Concello de Mos, sendo este quen desenrolou a acción, conserva a titularidade do viveiro e recibiu a financiación procedente da Consellería de Economía, Emprego e Industria. Pola súa banda AEMOS encárgase da xestión e do funcionamento do viveiro.

O «IV Encontro Provincial pola Inclusión» péchase cunha xornada lúdica

Redacción
-
0
O «IV Encontro Provincial pola Inclusión» péchase cunha xornada lúdica

O pavillón do Centro Príncipe Felipe, da Deputación de Pontevedra, acolleu hoxe a fin de festa do IV Encontro Provincial pola Inclusión organizado pola institución provincial na que entre luns e martes participaron máis de 500 persoas. Foi a través dunha xornada de ledicia e convivencia, que complementou a xornada técnica de onte no Museo.

Máis de 250 persoas asistiron ao peche lúdico do evento que finalizou cun ágape que reuniu as persoas con diversidade funcional e tamén aquelas e aqueles profesionais que traballan a diario con elas para garantir o seu benestar e que se cumpran os seus dereitos. A Presidenta provincial, Carmela Silva, acompañada pola deputada de Cohesión Social, Olga García, tamén participou na festa, na que se deron cita diversos colectivos e centros educativos da provincia de Pontevedra.

[su_image_carousel source=”media: 8046,8045,8044,8043″ crop=”5:4″ link=”lightbox” autoplay=”0″]

“Quérovos felicitar por todo o traballo que realizades e tamén darvos unha aperta moi grande”, transmitiulles Carmela Silva antes de pasarlle o micrófono a Felipe, un mozo que “vou levar comigo a todos lados” para compartir con el o protagonismo xa que “díxome que aparezo moito nos xornais”.

O sentimento de agarimo foi recíproco, e a Presidenta da Deputación de Pontevedra recibiu o cariño das numerosas persoas que se achegaron a conversar con ela durante o ágape. Silva tamén recibiu en primeira persoa o agradecemento das entidades que participaron no encontro e que quixeron cadansúa fotografía para lembrar a súa participación no IV Encontro Provincial pola Inclusión. A Presidenta da Deputación de Pontevedra lembroulles que “estamos moi orgullosas e orgullosos de todas e todos vós” e agardou que “sexades moi felices”.

A xornada lúdica que acolleu o Centro Príncipe Felipe desenvolveuse durante toda a mañá, e tivo como obxectivo pór en valor os proxectos que conseguen integrar as persoas con diversidade funcional na sociedade. Por iso, o centro acolleu ata un total de catro exposicións artísticas realizadas por estes colectivos, que tamén puideron asistir a un obradoiro de bailoterapia e a un espectáculo creado polo actor e humorista Al Guanella.

Salvaterra mellorará o firme de Rosalía Castro e ampliará as beirarrúas no Campo da Feira

Redacción
-
0
Salvaterra mellorará o firme de Rosalía Castro e ampliará as beirarrúas no Campo da Feira

A alcadesa de Salvaterra de Miño, Marta Valcárcel, vén de asinar o contrato coa empresa Vías e Servizos Compostela S.L. para a mellora da capa de rodadura da PO 400 –dende a glorieta existente na Rúa Castelao ata a glorieta da PO 510 coa PO 402– e a propia PO 400, estrada que a Xunta de Galicia ven de traspasar ao Concello.

As obras consisten nunha renovación completa da capa de rodadura e fresado. A pavimentación definitiva estenderase e compactarase nunha capa de rodadura de mezcla bituminosa en quente tipo AC 16surf 50/70 D. Ademáis efectuarase a limpeza das marxes con apertura de cunetas, e a mellora das beirarrúas na zona do Campo da Feira, co ensanchamento das mesmas a unha distancia de 1 metro en ambos marxes, mellorando a accesibilidade da estrada.

Todas estas actuacións, en palabras da alcaldesa, “fanse pensando sempre nos peóns, nas persoas e na súa calidade de vida, facendo unha Salvaterra máis accesible”.

Carme da Silva vincula o apoio do BNG a un novo Goberno “á eliminación da peaxe de Rande”

Redacción
-
0
Carme da Silva vincula o apoio do BNG a un novo Goberno “á eliminación da peaxe de Rande”

A candidata ao Congreso polo Bloque Nacionalista Galego, Carme da Silva mantivo un encontro coas Asociación Veciñais de Chapela, Trasmañó e Teis, para prantexarlle a estratexia nacionalista co fin de rematar coa Peaxe de Rande. Segundo manifestou na xuntanza “o apoio a un novo goberno do estado, na que os votos do BNG van ser decisivos, pasará entre outras polo traspaso da AP9 a Galiza, e a eliminación da Peaxe”.

Ao longo da súa exposición, ante diversos membros das directivas, na que tamén participou a candidata ao Senado, a redondelá Cecilia Pérez, da Silva, expresou o xa por todos coñecido “PP e PSOE, compadrean coas Peaxes, en función de quen goberne en Madrid. A realidade, que estes grupos carecen de peso específico no Congreso, levantando a man cando lles autoricen”. Pola contra afirmou que a presenza do BNG, no Congreso priorizará que “este agravio que pagamos por empregar unha infraestructura estratéxica, sexa eliminada”.

Os representantes dos coleitivos veciñais, expresaron diferentes opinións sobre cal debe ser a estratexia a seguir, coincidindo en que tanto a Supresión da Peaxe, como as obras de Compensación pola Ampliación, constitúen os seus retos a corto prazo. Na xuntanza salientouse a importante movilización en contra da Peaxe, protagonizada por estas AA.V., cun pago simbólico de moedas, da que o actual candidato do PP, Javier Bas, quixo aproveitarse políticamente.

A candidata ao Senado polo BNG, Cecilia Pérez, recordou como a presenza do nacionalismo galego no Congreso, garantía que os problemas vinculados á Autoestrada, “sempre eran escoitados polo goberno correspondente. Esa voz silenciouse nos últimos catro anos, mesmo por aqueles que presuntamente só defendían os intereses galego, mais despois só pelexaban por ter un ministerio”, en alusión ás candidaturas de Unidas Podemos.

Para rematar, Carme da Silva asegurou que o BNG vai volver a ter presenza no Congreso. Os votos do nacionalismo galego, van ser decisivos polo que a voz de Galiza vai volver se escoitada, tida en conta e respeitada, “priorizando as nosas aspiracións, para darlle futuro a este país”.

David Fernández achega, un ano máis, a poesía visual als colexios de Baiona

Redacción
-
0
David Fernández achega, un ano máis, a poesía visual als colexios de Baiona

Un ano máis, os alumnos de quinto de primaria de todos os centros educativos de Baiona, poderán gozar xunto ao poeta e pedagogo vigués David Fernández Rivera do Proxecto Caligrama 2000, unha iniciativa que, a través dunha pedagoxía pioneira, busca introducir aos máis pequenos no apaixonante mundo da poesía visual.

A actividade, que desde hai anos promove o Concello de Baiona e que xa se instaurou de forma habitual nos centros do municipio, foi presentada no CEP Sabarís polo edil de educación, Óscar Carreño Miniño, quen animou aos alumnos e alumnas a aproveitar ao máximo “esta oportunidade única para crecer dende a poesía”.

Ao longo dos últimos anos, David Fernández Rivera demostrou que a poesía visual é unha ferramenta con grandes virtudes pedagóxicas de cara ao desenvolvemento da creatividade e pensamento crítico dos nenos, unha ferramenta coa que Rivera consegue encher de entusiasmo e imaxinación cada unha das aulas que visita. Mostra disto é a participación efusiva coa que os pequenos viven o obradoiro, no que aprenden, entre outras cousas, a crear e interpretar poemas visuais.

Con todo, este proxecto con David Fernández Rivera non terminará tras a realización dos talleres debido a que estes terán unha continuidade grazas ao desenvolvemento de diferentes actividades que impulsará no municipio co apoio da Concellería de Educación.

Xa o pasado ano, tras finalizar os obradoiros, o poeta promoveu un concurso interescolar de poesía visual que culminou coa inauguración da instalación do poema visual ‘Infinito’ da súa propia autoría e adicado aos máis pequenos da vila na fachada do Centro Multiusos Ángel Bedriñaña.

Os socialistas do Baixo Miño esixen “seriedade” á Xunta nos Orzamentos

Redacción
-
0
Os socialistas do Baixo Miño esixen “seriedade” á Xunta nos Orzamentos

Os socialistas da comarca do Baixo Miño mantiveron no día de onte en A Guarda unha xuntanza co deputado autonómico Julio Torrado, para analizar os orzamentos autonómicos para o ano 2020 que están en fase de tramitación. Os socialistas esixen “seriedade” á Xunta de Galicia, coa que manifestaron a súa “decepción” por uns orzamentos que obvian algunhas cuestións esenciais para a comarca, pero que pola contra presentan partidas “repetidas” ano tras ano.

“

Torrado pregúntase se á Feijoo non “se lle cae a cara de vergoña prometendo ano tras ano investimento na VAP Tui-A Guarda sen que nunca se execute realmente”

Como principal exemplo Torrado sinalou os 3 millóns de euros que se inclúen para a VAP Tui–A Guardia, que xa foron incluidos nos orzamentos do ano pasado, nos de 2018, nos de 2017 e xa dende os de 2016, pero en ningún deses casos foron executados. Este caso evidencia o “fume habitual” que os orzamentos traen consigo, “pero que despois non hai nada detrás”.

Dende o PSdeG do Baixo Miño apuntan a que existen “necesidades reais” que a Xunta non está “nin entendendo ni atendendo”, e poñen por exemplo a dotación de medios materiais e humanos nos centros de saúde e especialmente no PAC de A Guarda, para o que demandan un equipo a maiores no servizo de urxencia, para poder cubrir con maiores garantías a poboación dos concellos de Oia, A Guarda e O Rosal.

Os socialistas anuncian a presentación de emendas para tentar de correxir os orzamentos para esta comarca, e adiantan que esixirán que o Partido Popular “se retrate de verdade” porque advirten que non aceptarán as “excusas de mal pagador de pretender fialo todo á existencia de partidas xenéricas que semellan máxicas porque nelas caben todas as promesas, aínda que logo non aparecen nunca”.

As emendas socialistas irán encamiñadas a demandar un maior compromiso na VAP, e a reforzar os servizos públicos, coa inclusión da citada demanda sobre o PAC ou as melloras en centros educativos, e tamén un maior compromiso medioambiental coa mellora nas redes de saneamento de concellos como Tomiño ou O Rosal.

Dende o PSdeG agardan que o PP comarcal se sume a estas demandas, “que o son de toda a cidadanía” e insta aos populares do Baixo Miño a que aclaren a súa posición e que esixan da Xunta de Galicia “que non se queira tomar o pelo á comarca”.

O Goberno de Redondela lamenta que a Xunta “non invista nin un euro na reforma da Avenida Mendiño”

Redacción
-
0
O Goberno de Redondela lamenta que a Xunta “non invista nin un euro na reforma da Avenida Mendiño”

O Goberno de Redondela denunciou hoxe o que consideran “un novo insulto á cidadanía de Redondela” ao constatar que nos Orzamentos da Xunta de Galicia para o 2020, “non se contempla nin un euro para a reforma da Avenida Mendiño” e tan só se consignan 100.000 euros, a metade do pasado ano, para as obras de Mellora de abrigo no Porto de Cesantes.

Lembra o goberno redondelan que o 26 de febreiro deste ano, cunhas eleccións municipais á vista, a conselleira de Infraestruturas, Ethel Vázquez, visitaba Redondela para anunciar “xunto ao exalcalde Javier Bas o investimento de 1,6 millóns de euros na reforma da Avenida Mendiño a través do que máis lle gustaba ao goberno popular: as infografías”. Nesa visita, Vázquez aseguraba que as obras “licitaránse en verán, xa que o proxecto está redactado”.

Como outros moitos grandes proxectos, di o executivo que preside Digna Rivas, “demostrase tempo despois que non eran máis que anuncios puramente electoralistas”. Eses anuncios, engade a alcaldesa de Redondela, “quedan agora en evidencia xa que para esa obra os Orzamentos da Xunta de Galicia para o vindeiro ano, non recollen nin un só euro”.

Unha “remodelación integral” que non o é tanto

Algo parecido acontece do Porto de Abrigo de Cesantes que o goberno do PP anunciaba como unha Remodelación Integral cun investimento previsto de 6 millóns de euros “tal e como figuraba nun Plan Integral asinado no 2011 polo excalcalde Javier Bas e Xunta de Galicia” e que, o pasado ano xa deixou de ser “Remodelación Integral, para converterse en ‘Mellora de abrigo’, e dos famosos 6 millóns, os orzamentos destinaban a ridícula cantidade de 200.000 euros”. Para o vindeiro ano, aclara a alcaldesa de Redondela, “rizando o rizo, esa cantidade queda na metade, e para unha obra de extraordinaria importancia para a nosa xente da mar, consígnanse 100.000 euros”.

É lamentable que un goberno da Xunta, que se da por sentado que ten que gobernar para todos e todas as galegas e, polo tanto “para todos os municipios baixo criterios de equidade”, elabore uns orzamentos “absolutamente arbitrarios favorecendo aos concellos que lle son afíns e esquecendo, por completo ao resto”.

As obras da Avenida Mendiño e da suposta Reforma Integral do porto de Cesantes, que non é tal, “non son máis que dous exemplos da forma na que gobernou o PP en Redondela durante oito anos, a base de infografías, proxectos imposibles de cumprir ou anuncios baleiros de todo contido”.

“O goberno que presido, –recalcou Digna Rivas– non vai quedar cruzado de brazos mirando como se despreza ao cuarto municipio da provincia e como se lle falta ao respecto, de xeito continuado, á súa veciñanza” polo que, a alcaldesa redondelá, adiantou que “utilizaremos todos os medios ao noso alcance para esixir, da Xunta de Galicia, o cumprimento dos compromisos adquiridos con este municipio e coa súa cidadanía”.

As obras da nova avenida de Tomiño obrigan ao cambio da parada de autobuses de República Arxentina

Redacción
-
0
As obras da nova avenida de Tomiño obrigan ao cambio da parada de autobuses de República Arxentina

Debido as obras da nova avenida que exercerá de variante e permitirá a mellora da mobilidade e integración urbanística do núcleo urbano do centro de Tomiño, a localización actual da parada de autobuses (transporte regular e escolar) situada na Avenida República Arxentina (ao carón do Concello), denominada ‘Tomiño Praza’, foi cambiada a partir hoxe, á rotonda da nova avenida (ao carón da Farmacia Iglesias, no barrio de A Rocha).

O Concello de Tomiño comunicou o cambio ás correspondentes empresas encargadas do transporte regular e escolar.

Coma xa se informara en anteriores ocasións, o novo esquema de estradas e a nova avenida permitirá derivar o tráfico que nestes momentos pasa polo núcleo da vila, cara ao exterior, proporcionando unha mellora substancial da calidade urbana e da seguridade viaria.

Ademais está previsto nun futuro, eliminar o tráfico da zona onde está situada actualmente a parada de autobuses, coa humanización da zona e por ese motivo se pretende que o cambio da parada sexa definitivo.

Máis de cen persoas participaron na limpeza simultánea de praias en Patos

Redacción
-
0
Máis de cen persoas participaron na limpeza simultánea de praias en Patos

Máis dun cento de persoas participou este mediodía en Patos na novena xornada de limpeza simultánea de praias capitaneada pola asociación ecoloxista Adega e promovida en Nigrán polo Concello e a Asociación de Escolas de Surf de Patos (inicialmente programárase para o sábado 19 de outubro pero debido á choiva trasladouse a este).

Así, de 11:00 a 12:00 horas os voluntarios (entre os que estaba o alcalde de Nigrán, o edil de Medio Ambiente e o de Actividades Marítimas) recolleron 6 sacos cheos fundamentalmente de microplásticos, cabichas, paus de cotonetes ou chupa-chups, envoltorios… e unha tubaxe duns 4 metros de lonxitude.

As limpezas de praias son actos simbólicos, nos que non se debe ver ao voluntariado como man de obra barata para deixar limpos os areais. Son actividades de concienciación e educación ambiental que permiten que a cidadanía coñeza a problemática dos residuos mariños, a súa procedencia e os impactos que causan, así como avaliar cales son as medidas que cada un de nós pode desenvolver para minimizar este problema. Tapóns, bolsas, anacos de redes ou de cordas de nailon, son exemplos de restos de orixe plástico que alén do seu impacto visual supoñen un perigo para a fauna e a flora mariña e mesmo representarían, pola súa transferencia trófica, un risco para os seres humanos.

O Concello de Nigrán, como xa ven facendo co ‘Proxecto Ríos’ de Adega, quere concienciar tamén sobre a importancia dos valores da nosa costa, a problemática da contaminación mariña e das algas invasoras ou a alteración do ecosistema, así como promover as medidas que cada cidadán pode levar a cabo para minimizar estes impactos.

Magnífico papel das patinadoras do CPA Condado en Ponteareas

Redacción
-
0
Magnífico papel das patinadoras do CPA Condado en Ponteareas

A pasada fin de semana celebrouse en Ponteareas a III Fase de Categoría Rexional e Probas de Acceso a Categoría Nacional e o CPA Condado de Salvaterra asinou un extraordinario papel co acceso á categoría nacional de Ruth González en alevíns, mentres que Dubra Outeiro, en categoría infantil, quedaba ás portas do ascenso.

En categoria Rexional Alevín, Candela Gil se facía coa prata entre un total de vinte e unha patinadoras.

[su_slider source=”media: 8009,8008,8007,8006,8005″ link=”lightbox” height=”400″ centered=”no” autoplay=”8000″ speed=”800″]

En categoría infantil de primeiro ano, magnífica actuación das patinadoras do Condado Alia Balboa e Zoe García, que se facían co bronce e coa sétima praza respectivamente dun total de vinte e oito patinadoras. En Categoría infantil de Segundo ano María De Sa remataba na sexta posición.

En Categoría Cadete de primeiro ano, prata para Daniela Rodríguez e sétima praza para Aldara Balboa e en Cadete de segundo, ano sétima praza para Lucia Soto dun total de dezanove patinadoras.

Estes resultados avalan o bo traballo que está a facer o CPA Condado na formación de patinadores e animan “ás súas patinadoras e patinadores a seguir traballando para as futuras competicións”.

As Neves inviste preto de 255.000 euros na mellora de Rosalía de Castro e a súa contorma

Redacción
-
0
As Neves inviste preto de 255.000 euros na mellora de Rosalía de Castro e a súa contorma

O Concello de As Neves está a executar, dende hai varios días, o proxecto de mellora da mobilidade e seguranza viaria na rúa Rosalía de Castro e a súa contorna. As obras abranguen o ámbito da igrexa, a Praza de San Agustín e o aparcadoiro do Colexio.

Os traballos realízanse con cargo, ao cen por cen, ao plan DepoRemse da Deputación de Pontevedra, contan cun orzamento de 254.868.02€ e estarán rematados en poucas semanas.

Retirada da ‘torre’ de Fenosa e prioridade para os peóns

Coa obra perséguese recuperar a conexión entre o centro urbano e a zona escolar, mellorar a mobilidade e seguridade e tamén acrecentar a calidade ambiental en todo o ámbito.

Os traballos no aparcadoiro inclúen a retirada da torre de Fenosa, unha antiga demanda da comunidade escolar, e definirán os espazos de aparcamento e de tránsito peonil. Na rúa Rosalía de Castro amplíase unha das beirarrúas, quedando aparcamentos en liña, e crearanse espazos da calidade ambiental usando o formigón impreso como elemento construtivo.

Na Praza de San Agustín increméntase o espazo, pasando a ser de plataforma única onde predominará o empedrado, que lle confire prioridade aos peóns.

Cambios no tráfico

Durante a obra está a haber cambios puntais no tráfico como o acceso aos aparcadoiros do cemiterio e a rúa Rosalía de Castro é temporalmente de entrada e saída.

Nos vindeiros días, co avance das obras, a rúa Doutor Martínez será de dobre sentido dende a Circunvalación só para residentes ao estar interrompido o acceso á Praza de San Agustín.

O tráfico, unha vez rematadas as obras será diferente ao actual, acollendo algunhas das demandas veciñais e as propostas de estudo de mobilidade urbana. A rúa doutor Martínez Rodríguez será de acceso a centro urbano e a rúa Rosalía de Castro permitirá a circulación en dirección ao Colexio, as dúas de sentido único de circulación.

Finalmente, a rúa Esperanza cambiará o sentido do tráfico pasando a ser descendente e a parada de taxis situarase no espazo de aparcamento entre a Igrexa e a Praza Maior.

Carmela Silva: “Unha vez máis defendemos a autonomía local e o principio de goberno autónomo das entidades locais”

Redacción
-
0
Carmela Silva: “Unha vez máis defendemos a autonomía local e o principio de goberno autónomo das entidades locais”

A presidenta da Deputación de Pontevedra, Carmela Silva, remitiu hoxe unha carta ao presidente do Parlamento galego, Miguel Santalices, na que lle recorda “que as administracións locais non están supeditadas a ningunha outra administración, e que é a propia Constitución a que establece o principio de autonomía local que debe ser respectado por todas as administracións”.

Por elo, Silva informa que o orzamento da Deputación de Pontevedra se presentará “no órgano ante o que hai que presentarllo que é o pleno provincial, onde se defenderán os seus criterios e os seus contidos, e no que a oposición terá a posibilidade, como ten que ser, de presentar as súas alternativas e posicionamentos”.

Na carta a Santalices, Carmela Silva reiterou a súa plena disposición a sentarse co presidente da Xunta de Galicia “para falar de todas aquelas cuestións que permitirían o avance social, político, cultural e económico da provincia de Pontevedra, e para establecer todos aqueles mecanismos, instrumentos, proxectos e propostas en aras de manter a colaboración interinstitucional”.

A presidenta da Deputación insistiu en que “precisamente trátase disto, colaboración interinstitucional e non de que as administracións locais, neste caso as Deputacións provinciais, teñan que ir á administración autonómica a dar conta do que recollen os seus orzamentos para a transformación dos ámbitos políticos nos que teñen competencias”.

“

“Ao igual que o presidente da Xunta non ten que vir ao pleno da Deputación a presentar os orzamentos que se van a destinar á provincia de Pontevedra e os presenta no pleno do Parlamento Galego, a presidenta da Deputación presenta os seus no pleno provincial”

En todo caso, Silva sinalou tamén que o orzamento da Deputación se remitirá ao órgano autonómico competente tal e como así se sinala nas normas legais. A presidenta provincial dixo que “non podemos continuar a asumir que somos administracións dependentes das Comunidades Autónomas o do Estado, porque non o somos. Ao igual que o presidente da Xunta non ten que vir ao pleno da Deputación a presentar os orzamentos que se van a destinar á provincia de Pontevedra e os presenta no pleno do Parlamento Galego, a presidenta da Deputación presenta os seus no pleno provincial. Parece que este debería ser o modus operandi”.

“Desde logo, dixo Silva, non imos a ser cómplices de seguir a profundar nesa dependencia da administración local que parece que pretenden algunhas comunidades autónomas. Iso vai en contra do que establece a Constitución, os Estatutos de Autonomía e as normas polas que se establecen relacións de igual a igual no conxunto das administracións públicas”. “É máis, engadiu a presidenta, o propio Consello de Estado, noutro ámbito de análise, sinalou con todas claridade que as entidades locais non teñen a obriga de dar conta das decisións que toman no seu ámbito de competencia a ningunha comunidade autónoma, e tamén sinalou que as administracións autonómicas non poder impor ás entidades locais a comparecencia e participación nos seus órganos cando estes non teñen que ver directamente con competencias da administración autonómica”.

Incendiarios

Redacción
-
0
Incendiarios

Por desgracia, es una palabra demasiado conocida para los gallegos, la de los incendiarios. Pero hay varios tipos de incendios. Están los de sobra conocidos por todos nosotros que año tras año destruyen nuestros bosques haciendo que nuestros hermosos paisajes verdes se conviertan en negro carbón o los que en California siguen devorando árboles, coches y casas, o los que sufrieron los habitantes de Barcelona en en sus calles donde se quemaron centenares de contenedores. Después están los que alimentan nuestros queridos políticos con sus actos y sus palabras.

Después de lo ocurrido la semana pasada, que nos dejó sin palabras, en esta seguimos con el esperpento total y deriva sin rumbo de la política en nuestro país. Por un lado tenemos el traslado de los restos de Franco, una suerte entre espectáculo casi macabro de adoración a un dictador, de un quiero pasar a la historia por algo y sólo por volar en el Falcón no lo voy a pasar. Todo esto ha sido un sinsentido que, por encima, ha echado combustible a algo que los ciudadanos de a pie estaban dejando en el olvido, pero que gracias al de las gafas dentro del avión hemos vuelto a sacar a relucir, así que ahora no nos quejemos si los de la extrema derecha empiezan a resurgir de sus cenizas.

Por cierto y hablando del Falcón, nuestro querido presidente que esta semana estuvo por Barcelona, cómo no podía ser de otra forma, utilizó dicho aparato para llegar hasta la ciudad condal, y por supuesto para volver, y del aeropuerto a la Moncloa, en helicóptero, que el paisaje es más bonito desde el aire. Mientras, por carretera, se desplazaban los coches blindados. Eso si es pensar en el medioambiente, pero claro, después tengo que pagar en el supermercado 5 céntimos por la bolsa de plástico por la contaminación…

Bueno, entre viajecito y viajecito no tuvo tiempo de hablar con el Torra, que parece ser que lo estuvo llamando por teléfono. Claro que el individuo en cuestión también es otro buen incendiario. Si uno usa gasolina de 95 octanos el otro directamente utiliza la de 119 octano de la F1 de los años 80. Si la semana pasada le parecía poco todo lo que estaba pasando y se fue el mismo a cortar una autopista, esta semana ha llamado de nuevo a la rebelión proponiendo un nuevo “referendum” en el que solo voten los independentistas, no vaya a ser que pierdan. Hay que investigar a los Mossos por haber ayudado a la Policía, porque su deber era estar con ella, no ejerciendo su labor de agentes del orden. Eso si es intentar calmar a la población y que todo vuelva a la normalidad y recuperar la imagen de la ciudad y de la gente de Barcelona, que ha quedado muy dañada con todo lo ocurrido. Por cierto a su alcaldesa, la verdad, es que no se la ha visto mucho, ¿estaría en Barcelona o se marcharía a Bélgica?

La verdad es que todo esto llega en un momento que parece una tomadura de pelo y más teniendo en cuenta que tenemos de nuevo unas elecciones generales a la vista, en una semanas. ¿De verdad que esta es la gente que nos representa? Sinceramente, no me inspiran para nada a ir a votar, pero por otro lado, es un derecho que, para conseguirlo hizo falta que mucha gente sufriera y dejara su vida, así que también duele el no ejercerlo.

Lo que si tenemos claro, es nuestra intención de seguir ofreciendo buenas recomendaciones semana tras semana y en esta ocasión os proponemos, por un lado, a uno de los mejores compositores de nuestro país, un gran desconocido para muchos, pero una verdadera maravilla musical, el catalán Roger Subirana con su último trabajo ‘Symbiphonic’ y por otro lado, un viaje a la Capaddocia de la mano de Jeff Johnson & Phil Keaggy, espero que los disfrutéis.

Roger Subirana

Symbiphonic

2019

https://www.rogersubirana.com/ca/index_ca.php#

Roger Subirana, un hombre que entre nuestros seguidores no necesita presentación, sin lugar a dudas, el mejor compositor en estos momentos de nuestro país, un hombre que en diversas ocasiones hemos comentado que si estuviera en hollywood, hoy por hoy, sería uno de los grandes compositores de la actualidad y es que disco tras disco, banda sonora tras banda sonora, se encarga de seguir demostrándolo y éste su nuevo disco, no hace más que reafirmar mis palabras.

‘Symbiphonic’, así se titula éste disco, según el propio compositor, ‘Symbiphonic’ proviene de la unión entre simbiosis y sinfonía. El resultado musical que surge de la unión entre lo orgánica (naturaleza, instrumentos clásicos como pianos, flautas, guitarras,…) y lo artificial (sintetizadores, electrónica, …). Define, también, la simbiosis que se produce entre la música y el compositor.

Después de leer sus palabras y escuchar éste disco, simplemente, me he quedado sin ellas, de lo mejor que he escuchado en los últimos tiempos, empezando por el espectacular corte inicial ‘Cyberworld’ un tema en 3D que se debe de escuchar con auriculares para disfrutar en su plenitud, el fantástico ‘Voices’ que por cierto, hay un bonustrack del mismo en versión 3D, la versión décimo aniversario de ‘Point of no return’, ‘Horizons’, …, en fin cualquier de los temas que conforman éste trabajo son simplemente sensacionales y el dejar de mencionarlos, es un sacrilegio, por cada uno de ellos, tiene algo, tiene su alma propia y cuando lo escuchas, te hace trasladar a otro lugar, a otro tiempo, simplemente deseas que no se termine nunca para seguir volando en esa preciosa sinfonía.

Jeff Johnson & Phil Keaggy

Cappadocia

2018

https://www.arkmusic.com/

Jeff Johnson no es un desconocido para nuestros seguidores y éste trabajo es el tercero en el que colabora con el guitarrista Phil Keaggy.

‘Cappadocia’ nace a raíz de las experiencias y sensaciones que el compositor adquirió y sintió en su viaje a esa zona de Turquía, la Cappadocia, un lugar que todos lso que lo han visitado dicen sentir algo especial y en el caso de Jeff no ha sido una excepción.

Dividido en en ocho cortes, debo de reconocer que ha sido uno de los discos que más me han gustado en lo que llevamos de año, con emas largos que se van desarrollando poco a poco, quen van adquiriendo significado a medida que va creciendo, porque cada uno de los temas de éste trabajo tienen vida propia y hay que ir degustando cómo si de un plato de un gran chef se tratara, dejando que los sabores se vayan mezclando pocoa a poco y que se vayan adueñando de nuestros sentidos y que el cocinero Jeff junto al cocinero Phil han creado éste fantástico plato de degustación llamado ‘Cappadocia’.

O Goberno de Carmela Silva prorroga o servizo de Teleasistencia Domiciliaria

Redacción
-
0
O Goberno de Carmela Silva prorroga o servizo de Teleasistencia Domiciliaria

O goberno de Carmela Silva vén de aprobar unha prórroga do acordo marco que rexe a prestación do servizo de Teleasistencia Domiciliaria nos concellos de menos de 20.000 habitantes da provincia. Deste xeito, o servizo prorrogarase entre xaneiro de 2020 e xaneiro de 2021 cun custe de 174.480 euros dos cales a Deputación achega o 50 % e os concellos o 50 % restante.

“Como saben, cando chegamos á Deputación de Pontevedra existía xa un convenio de Teleasistencia a través do cal se estipulaba que a institución provincial cubría o 34% do custe real do servizo. Nós modificamos este convenio de tal forma que a Deputación pasou de cubrir o 34 % do custe a cubrir o 50 %, de tal forma que para o vindeiro ano achegaremos 87.240 € dos 174.480 € que supón o servizo, é dicir, a metade”, asegurou a presidenta da Deputación.

A empresa que se encarga da prestación do servizo de xestión da Teleasistencia Domiciliaria é Quavitae Servicios Asitenciales S.A.U. nun total de 46 concellos entre os que se atopan Agolada, Baiona, Barro, Bueu, Caldas, Cambados, Campo Lameiro, A Cañiza, Catoira, Cerdedo-Cotobade, Covelo, Crecente, Cuntis, Forcarei, Fornelos, Gondomar, O Grove, Meaño, Meis, Moaña, Mondariz, Mondariz Balneario, Moraña, Mos, As Neves, Nigrán, Oia, Pazos, Ponte Caldelas, Pontecesures, O Porriño, Portas, Ribadumia, Rodeiro, O Rosal, Salceda de Caselas, Salvaterra, Sanxenxo, Silleda, Soutomaior, Tomiño, Tui, Valga, Vila de Cruces, Vilaboa, Vilanova de Arousa.

Nestes momentos, a través da Teleasistencia Domiciliaria estase a dar servizo a 630 persoas que precisan dunha atención continuada. Deste xeito, o servizo vai dirixido a persoas que viven soas ou pasan grande parte do día en soidade, persoas con idade avanzada, diversidade funcional, illamento social, enfermidade, situación de risco psicosocial ou físico. Todas e todos eles poden seguir vivindo no seu domicilio con tranquilidade e seguridade, xa que con só pulsar un botón dáse resposta inmediata ás situacións de emerxencia no fogar, 24 horas ao día e 365 días ao ano. Para elo, as persoas usuarias deben ter liña telefónica, xa sexa fixa ou móbil.

Ademais da atención continua, as 24 horas dos 365 días do ano, prográmanse tamén actividades dirixidas a persoas usuarias, para mellorar as súas capacidades a través de actividades lúdicas.

1...397398399...425Page 398 of 425

Fundado por Alfredo Estévez © Hansei Media, SL