14.6 C
Pontevedra
Domingo, 25 de Febreiro de 2024
Máis
    HomeBaixo MiñoTomiñoA Eurocidade Cerveira-Tomiño adía para setembro o 'IV Simpósio Internacional de Escultura...

    A Eurocidade Cerveira-Tomiño adía para setembro o ‘IV Simpósio Internacional de Escultura de Minho’

    Ante o actual contexto de incerteza provocado pola pandemia Covid-19, o Comité de Xestión Estratéxica (CGE) da Eurocidade Cerveira-Tomiño decidiu adiar para o mes de setembro a realización da cuarta edición do Simpósio Internacional de Escultura do Miño. Na reunión telemática mantida onte martes polos alcaldes veciños abordaron tamén a temática do peche de fronteiras e os impactos para as traballadoras e os traballadores transfronteirizos.

    Cun investimento municipal de 150 mil euros, dividido por ambos os concellos, o plano de actividades da Eurocidade Cerveira-Tomiño delineado para 2021 poderá ser totalmente reorientado mediante a situación epidemiológica, á semellanza do que xa aconteceu en 2020.

    A nova edición do Simpósio Internacional de Escultura do Miño que agora adíase ata setembro, tería que celebrarse entre o 1 e 20 de xuño, e cuxa esencia é a creación de obras de arte ao vivo en plena interacción co público e coa natureza.

    Unha vez tratado este asunto, o presidente da Câmara Municipal de Vila Nova de Cerveira e a alcaldesa do Concello de Tomiño, Fernando Nogueira e Sandra Gonzalez, respetivamente, abordaron o tema do peche das fronteiras, estando en pleno acordo da necesidade de control sanitario como medida de contención da Covid-19, pero sen prexudicar as traballadoras e traballadores transfronteirizos e transportes de mercadorías.

    Cómpre salientar que Eurocidade Cerveira-Tomiño apoia incondicionalmente a reivindicación da Agrupación Europea para a Cooperación Territorial (AECT) Río Miño para a apertura dos oito puntos de paso entre o Alto Miño e Galicia, entre os cales a Ponte Internacional da Amizade Cerveira-Tomiño, só para quen ten que circular entre ambas as fronteiras para traballar.

    Existe a expetativa de que o Consello de Ministros do goberno portugués, que se reunirá nos próximos días, poida ser sensíbel a esta problemática, procedendo a alteracións nas medidas restritivas en vigor, facilitando as rutinas diarias e evitando as chocantes, vergoñentas e interminábeis filas con quilómetros no único punto de paso autorizado, Valença-Tui.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.