12 C
Pontevedra
Venres, 29 de Marzo de 2024
Máis
    HomeBaixo MiñoTomiñoA Xunta entrega tendas de campaña de emerxencias á agrupación de Protección...

    A Xunta entrega tendas de campaña de emerxencias á agrupación de Protección Civil de Tomiño para reforzar a atención cidadá

    Estas concesións enmárcanse na orde de axudas para equipamentos, que beneficiou a 15 municipios da área territorial e 87 de toda Galicia cun investimento global de 932.000€

    A Xunta de Galicia entregou tendas de campaña para a atención e despregamento en situacións de emerxencia ás agrupacións de Protección Civil de Lalín, Caldas de Reis, Valga, Cambados e Tomiño para reforzar a atención cidadá e a xestión destes operativos na área territorial de Pontevedra.

    Estas concesión enmárcanse na orde de axudas impulsada pola Vicepresidencia 1ª para mellorar os equipamentos de emerxencias das entidades de Protección Civil de concellos de menos de 50.000 habitantes, mancomunidades ou agrupacións de municipios e, froito da mesma, outorgáronse distintos materiais ou vehículos a unha quincena de entidades das bisbarras de Pontevedra, O Salnés, Caldas, Baixo Miño e O Condado. En total, a Xunta de Galicia investiu 932.000€ para dotar de máis equipamentos de emerxencias a 87 concellos e dúas agrupacións.

    A entrega a estas cinco entidades de voluntarios realizouse na explanada do edificio administrativo da Xunta en Campolongo coa presenza dos responsables de Protección Civil destes cinco concellos.

    O Goberno galego tamén concedeu, ao abeiro desta orde de axudas, un vehículo todoterreo pick-up ás entidades de Cuntis e Vilanova de Arousa; remolques ás de Catoira, Cerdedo-Cotobade, Meis, O Rosal e Vilaboa; esparexedoras de sal a Mondariz e Ponteareas e unha embarcación pneumática de salvamento a Vilagarcía de Arousa. A Xunta mantén así o seu compromiso en dotar aos servizos de emerxencias dos concellos galegos do equipamento adecuado para garantir a seguridade dos seus efectivos e, por suposto, dos cidadáns. Deste xeito, contribúese a mellorar a súa capacidade de resposta ante as emerxencias grazas a un investimento, nos últimos anos, de 15,3 millóns de euros en material cedido ás entidades locais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.