20.8 C
Pontevedra
Luns, 15 de Xullo de 2024
Máis
    HomeO CondadoPonteareasO Concello de Ponteareas licita as obras de acondicionamento do cámping...

    O Concello de Ponteareas licita as obras de acondicionamento do cámping A Freixa

    O Concello de Ponteareas vén de licitar as obras de mellora e acondicionamento do cámping A Freixa, localizado nas proximidades do río Tea, para convertelo así nun espazo de campismo idóneo para o tempo de lecer.

    Os traballos consisten na reparación de instalacións eléctricas e de fontanaría, a reparación dos acabados interiores e exteriores, a adecuación dos vestiarios e a cafetaría, a reposición de elementos danados e o subministro de electricidade e auga potábel. As actuacións, licitadas por un  importe de 70.493,62 euros, ive incluído, serán financiadas a través do Plan Concellos da Deputación de Pontevedra.

    O concello xa realizara previamente traballos de limpeza e roza do solar, que encontrábase completamente abandoado.

    A concelleira de Promoción Económica, Eva Gil, sinalou a importancia desta reforma “como un paso imprescindible para poder sumar este espazo aos múltiples atractivos cos que conta Ponteareas para o tempo de lecer da nosa veciñanza e visitantes”

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.