Tag: seguridade

O subdelegado do Goberno en Pontevedra, Abel Losada, reuniuse onte con responsables do Sindicato Unificado de Policía (SUP) nun encontro de traballo no que se analizaron as diferentes necesidades e demandas policiais a nivel provincial.

O Concello de Baiona acolleu a xunta local de seguridade co motivo da organización da tempada estival 2023.

A subdelegada do Goberno en Pontevedra, Maica Larriba, coordinou esta mañá cos principais mandos policiais da provincia o dispositivo preventivo co que se garantirá a operatividade das comunicacións con motivo da convocatoria dun paro patronal por parte dunha plataforma minoritaria do transporte. A subdelegada deu instrucións para que se tomen as medidas operativas oportunas que propicien a libre circulación dos transportistas que non secunden o paro, ante a posible presenza de piquetes.

Axentes da policia local de Redondela, xunto cun indicativo zeta da Policía Nacional, realizaron este pasado luns diferentes dispositivos de control de vehículos e persoas en diferentes puntos do concello. A medida forma parte das medidas desenvolvidas pola policía local redondelá para previr a comisión de actos delictivos.

A Concellería de Igualdade de Salceda de Caselas, dirixida por Loli Castiñeira, vén de presentar un Mapa de Puntos Negros conxuntamente cun documento que detecta os espazos que poidan resultar perigosos ou inseguros para as mulleres da localidade. Este traballo pretende visibilizar todos aqueles lugares nos que, polas súas características, existe mais risco de acoso, abusos ou agresións sexuais sobre as mulleres.

O Concello de Nigrán está a construír unha senda peonil a través do CEIP Humberto Juanes que evitará á veciñanza dar o actual rodeo pola rúa Rosalía de Castro para achegarse a pé á nova Biblioteca ou a súa contorna. O novo atallo comunica Curros Enríquez (entrada ao colexio) con Estrada pola Vía reducindo a distancia total nun 20% (uns 500 metros). Deste xeito, o alumnado do centro educativo só terá que cruzar o paso de peóns de Estrada pola Vía (altura do número 120) para estar na porta de acceso á Biblioteca.

A concelleira de Festas do Concello do Porriño, Cami Moreira, presidiu na mañá de hoxe lunes, 9 de agosto, unha reunión de traballo de cara a establecer os protocolos de seguridade para o II Festival 'Sons da Canteira', evento organizado polo Concello do Porriño, que volverá o próximo 28 de agosto á canteira de Vilafría, en proceso de restauración.

A policía local de Redondela conta xa cun novo vehículo adquirido pola Concellería de Seguridade e financiado a través do Plan Concellos 2019 da Deputación de Pontevedra. A nova unidade, unha Renault Trafic Furgón Energy Blue de 145 CV, foi recepcionada pola alcaldesa Digna Rivas e o xefe da Policía Local.

O Concello de Redondela vén de rematar a instalación dun semáforo na estrada N-550 na contorna do CEIP Outeiro das Penas, en Cesantes. Dáse resposta así ao que a alcaldesa Digna Rivas cualificou de “demanda histórica” tanto da veciñanza coma da comunidade escolar para mellorar a seguridade viaria nunha zona que rexistra un elevado tránsito de peóns.

O Concello de Baiona vén de poñer en marcha un novo sistema de inscrición para garantir a seguridade nas actividades e eventos que se desenvolvan no recinto do parque da Palma. Trátase dun sistema dinámico e práctico, habilitado na web do Concello –na ligazón https://www.baiona.gal/calendario/–, no que figuran os días das diferentes actividades, horario e unha pequena descrición do evento.

A Concellería de Interior e Seguridade, que xestiona a alcaldesa Digna Rivas, e a Policía Local de Redondela chegaron, esta semana, a un principio de acordo –plasmado nun borrador– polo que se da resposta ás “lexítimas reivindicacións” do colectivo policial no que fai referencia á compensacións por nocturnidade e festividades “algo que veñen reclamando dende hai anos sen que ninguén lles escoitara”, afirma.

A subdelegada de Goberno, Maica Larriba, presidiu hoxe xunto ao alcalde de Baiona, Carlos Gómez, a Xunta Local de Seguridade desta localidade. Na reunión tamén estiveron presentes o coronel xefe da Comandancia da Garda Civil en Pontevedra, Simón Venzal, e o xefe da Policía Local.

A unidade móbil de inspección técnica de ciclomotores desprazarase a Tomiño durante os días 22 e 23 de abril. O lugar do seu emprazamento será en A Rocha nº 8, na explanada fronte á Policía Local.

Garda Civil e policía local intensificaron os controis COVID nos últimos días no municipio de Salceda de Caselas, que se mantén con 0 casos activos de coronavirus dende o pasado 23 de marzo. Precisamente para poder manter ese excelente dato, nestes días estanse a intensificar as tarefas de vixianza no que ás medidas Covid se refire, pois co remate da Semana Santa e cos datos nada esperanzadores que chegan e que fan temer unha inminente cuarta onda, faise imprescindible un maior esforzo aínda no cumprimento da normativa.

A conselleira de Infraestruturas e Mobilidade, Ethel Vázquez, salienta que as obras de acondicionamento executadas na estrada PO-331 en Gondomar reforzan a seguridade viaria e melloran o acceso ao polígono industrial da Pasaxe, tras un investimento da Xunta de case 435.000 euros.

O Concello de Salvaterra de Miño vén de poñer en coñecemento de todos os interesados e interesadas que a unidade móvil de inspección técnica de vehículos agrícolas desplazarase ao ao municipio paraq quedar instalado nas intalacións do campo de fútbol de Dextros entre o 14 e 16 de abril.

A baixada continuada de casos activos por coronavirus no municipio de Redondela, que posibilitou que onte o Comité Clínico da Xunta baixara ao municipio ao Nivel 3, foron acollidos con satisfacción polo Goberno local.

A Policía Local de Tui levou a cabo na fin de semana controis en distintos puntos do termo municipal para comprobar o cumprimento do peche perimetral. Un dos puntos onde se realizou o control foi o Paseo da Corredoira onde o sábado entre ás 18:15 h e ás 20:30 h realizou o control de máis de 60 vehículos.

Na reunión desta mañá da Comisión de Seguimento dos GES da provincia de Pontevedra para presentar o funcionamento do novo modelo dos grupos de emerxencia, o deputado Carlos Font subliñou hoxe “o extraordinario esforzo” da Deputación de Pontevedra que incrementou ata case o millón de euros o seu orzamento para costear esta mellora da prestación aos concellos da provincia.

A subdelegada do Goberno en Pontevedra, Maica Larriba, presidiu hoxe unha nova reunión por videoconferencia do Centro de Coordinación (CECOR) provincial establecido para o seguimento dos dispositivos de seguridade vencellados á actual situación sanitaria. Larriba subliñou que as novas medidas, que no momento de celebrar o Cecor aínda estaban sen publicar do DOG, non puideron tratarse en profundidade pero si trasladar ao representante da Xunta moitas cuestións para clarificar diversos anuncios recollidos polos medios de comunicación sobre as novas medidas por parte das forzas de seguridade.

A concellaría de Mobilidade e Tráfico do Concello de Ponteareas, que dirixe Roberto Mera, informou da posta en marcha este venres do semáforo instalado no IES O Barral. A instalación deste dispositivo de seguridade, unido ao correspondente paso de peóns, sinalización vertical e beirarrúa de 100 mts de lonxitude permite agora ao alumnado, nai e pais e profesionais do centro educativo atravesar con seguridade a N-120.

O Concello de Redondela vén de instalar na ponte do paseo da Portela, unha malla antiesvaramento, un sistema innovador, respectuoso co medioambiente e totalmente reciclable, que protexera de caídas aos usuarios e usuarias dos paseos de madeira do Concello. Unha vez probada a súa eficacia neste primeiro punto, a intención do Goberno local é proceder a súa instalación naqueles lugares que, ben a causa da humidade ou das xeadas, presenten habitualmente superficies esvaradías.

A subdelegada do Goberno en Pontevedra, Maica Larriba, presidiu onte a reunión do Centro de Coordinación Operativa (CECOR) da provincia. Na reunión deuse conta que, dende o pasado 22 de decembro, controlaronse un total de 6.000 persoas e 2.853 vehículos con tan só 331 propostas de sanción, pouco máis do 5 % do total.

A Consellería de Infraestruturas e Mobilidade vén de rematar os traballos de sinalización de rutas ciclistas protexidas en máis de 600 quilómetros de estradas autonómicas de Galicia. Esta intervención, que se enmarca no Plan de Seguridade Viaria da Xunta, contou cun investimento superior aos 180.000 euros.

A Consellería de Infraestruturas e Mobilidade vén de adxudicar, por un importe de 18.000 euros, o contrato para redactar un Plan de sendas nas comarcas do Baixo Miño e do Condado. Trátase de identificar os treitos de sendas prioritarios a executar nas marxes das estradas autonómicas ao seu paso polos concellos da Guarda, O Rosal, Oia, Tomiño e Tui, Mondariz, Mondariz-Balneario, As Neves, Salvaterra de Miño e Ponteareas.

A Academia Galega de Seguridade informou ao Concello do inicio dos trámites para seleccionar durante os vindeiros meses a cinco novos axentes e un oficial no marco das prazas ofertadas polo Concello de Ponteareas na oferta pública de emprego dos anos 2019 e 2020. Por outra banda, esta semana tomaron posesión tres novos axentes e o oficial que superaron nos últimos meses o seu período de prácticas.

A Dirección Xeral de Tráfico iniciará mañá unha campaña especial de vixilancia que se centrará en verificar o estado dos pneumáticos e das luces dos vehículos. Trátase dunha campaña específica das estradas de Galicia e que se prolongará ata o vindeiro xoves, día 19. O ano pasado, o 58 % dos vehículos nos que viaxaban as vítimas mortais de accidentes de tráfico en vías interurbanas en Galicia tiñan máis de dez anos de antigüidade.

O Campo de Fútbol do Alivio xa conta cun aparato desfibrilador para previr e tratar ataques cardíacos que puideran producirse. O concelleiro de Deportes, Fran Campo, recibiu onte o dispositivo electrónico, que vén a sumarse aos que xa teñen os campos da Carballa e Regatiño (Goián), existindo unha cuarta unidade en poder da Agrupación de Protección Civil.

O Concello de Nigrán contratará gardas de seguridade para que controlen o correcto desenvolvemento do Día de Defuntos nos seus cemiterios municipais (Parada e Nigrán) e establecerá medidas adicionais para que a xornada transcurra con normalidade. O obxectivo é evitar calquera probabilidade de transmisión da enfermidade nun día no que, tradicionalmente, se establecen moitos contactos sociais e con gran carga sentimental para as familias.

O Consello escolar, a dirección do centro, a ANPA, o Concello e o alumnado do IES Pazo da Mercé de As Neves denuncian que, logo dun mes de clase, a Consellaría de Educación segue sen lles dar solución a graves problemas que afectan directamente tanto á calidade do ensino coma á seguridade.

Ante o que cualifican un comezo de curso "inseguro e improvisado" a ANPa 'Paulina Sánchez Otero' do IES San Simón de Redondela mírase na obriga "de chamar a atención ás familias sobre o perigo que corren e que poden propagar se a Consellería de Educación empeñase en abrir o instituto sen garantir as normas de prevención contar o Covid que ela mesma considera imprescindibles". "Para evitar esta propagación do coronavirus no noso pobo chamamos a responsabilidade das familias non deixando aos seus fillos ou fillas acudir ao instituto se continuan as actuais condicións" sinala a ANPA.

No espazo de poucas horas, a Policía Local de Redondela procedeu a denunciar a un total de 19 persoas por non adoptar as mínimas medidas de seguridade sanitaria fronte á COVID-19 e non utilizar máscaras de protección. A maior parte das denuncias interpostas tiveron lugar na Avenida Mendiño, nas inmediacións do skatepark, lugar onde “xúntanse case que a diario un cento de mozos e mozas que non manteñen as máis elementais medidas de seguridade establecidas”.

O Concello de Nigrán avanza para garantir a seguridade nas praias do vindeiro verán ao outorgar o certificado oficial de socorrismo a 8 veciños que xa poderán exercer como tal ao dispor xa do certificado de profesionalidade requirido. Paralelamente, ultima unha nova edición coas mesmas características. Foi precisamente con este obxectivo de atallar coa dificultade de cada ano de obter titulados para traballar nos areais co que o Concello investíu 15.000 euros neste curso de 10 persoas (8 aprobadas) impartido por BIG Formación para ofrecelo de xeito gratuito, circunstancia que repetirá nos vindeiros meses.

A Dirección Xeral de Tráfico comezará o vindeiro luns unha campaña especial de vixilancia contra as distraccións ao volante en Galicia. Ao longo da semana, axentes da Agrupación de Tráfico da Garda Civil intensificarán os controis deste tipo nas estradas galegas, con especial atención ás vías convencionais. As distraccións na condución prodúcense cando algún suceso, actividade, obxecto ou persoa, dentro ou fóra do vehículo, captan a atención do condutor e desvíana da tarefa de conducir.

O conselleiro de Cultura, Educación e Universidade, Román Rodríguez, anunciou hoxe o adiamento nunha semana do inicio de curso en Secundaria, en concreto aos días 23, 24 e 25 de setembro. A decisión foi consensuada coa Xunta Autonómica de Directores, nunha reunión celebrada esta mañá cos representantes dos centros de Secundaria xunto cos xefes da Inspección educativa nas catro provincias. A decisión do adiamento foi comunicada tamén aos representantes das familias e dos profesionais dos centros.

O Concello de Nigrán, a suxerencia das direccións e anpas de todos os centros educativos públicos do municipio, creou un grupo de voluntariado para coordinar as entradas e saídas seguras do alumnado nos colexios. Esta foi unha das propostas que xurdiron na reunión convocada pola Concellería de Educación a fináis de agosto para analizar conxuntamente a aplicación do protocolo Covid-19 da Xunta nos colexios de Nigrán.

O Concello de Redondela desenvolve nestes días a reordenación dos accesos á Senda de Auga dende a parroquia de Chapela ata San Esteban, de cara a garantir a seguridade das numerosas persoas que utilizan dita senda e que tamén é moi frecuentada por bicicletas ao ser una ruta que percorre un espazo natural privilexiado.

O Goberno Local explicou hoxe, na Xunta de Voceiros celebrada a petición de ACIP, a situación da Policía Local da localidade. O concelleiro de Bo Goberno e de Mobilidade e Tráfico, Roberto Mera, ofreceu os datos oficiais sobre o cadro de persoal. A Policía Local conta a día de hoxe con 17 efectivos repartidos do seguinte xeito: un oficial, 11 axentes e 5 auxiliares. Deles, tres axentes están de baixa prolongada.

A crise sanitaria pola COVID-19 obrigou a suspender a celebración tradicional das festas patronais na maioría das localidades. O Concello de Mondariz tamén optou pola prudencia para minimizar os riscos epidemiolóxicos. Unha vez descartado o programa habitual de verbenas nocturnas, a Concellería de Educación e Cultura púxose a traballar nunha programación cultural alternativa para o fin de semana do 15 e do 16 de agosto de 2020, datas das Festas Patronais da Virxe da Peña de Francia e San Roque, que permitise un control do aforo e das medidas de prevención recomendadas.

As obras realizadas na avenida urbana de Sabarís, en Baiona, unha das zonas de maior tránsito do centro da vila, para adaptalas ao modelo de mobilidade segura da Deputación, no que prima a accesibilidade peonil, foron cualificadas como un acerto polo deputado provincial Santos Héctor durante a visita que realizou, acompañado polo alcalde, Carlos Gómez. A actuación fixo posible a humanización integral do espazo urbano no que se sitúan puntos de encontro como o Centro de Día, a Escola de Educación Infantil O Areal, o parque infantil e a praia da Ladeira.