7.6 C
Pontevedra
Venres, 29 de Marzo de 2024
Máis
    HomeO CondadoPonteareasEntra en funcionamento o semáforo do IES O Barral na N-120 á...

    Entra en funcionamento o semáforo do IES O Barral na N-120 á entrada de Ponteareas

    A concellaría de Mobilidade e Tráfico do Concello de Ponteareas, que dirixe Roberto Mera, informou da posta en marcha este venres do semáforo instalado no IES O Barral. A instalación deste dispositivo de seguridade, unido ao correspondente paso de peóns, sinalización vertical e beirarrúa de 100 mts de lonxitude permite agora ao alumnado, nai e pais e profesionais do centro educativo atravesar con seguridade a N-120. Unicamente queda pendente de executar parte da sinalización horizontal que non se puido acometer até agora por causa das choivas e néboas.

    Esta actuación dá resposta a unha demanda histórica da comunidade educativa e resolve en boa medida os importantes problemas de seguridade vial dos accesos ao IES.

    A concellaría de Mobilidade e Tráfico está xestionando co Ministerio de Mobilidade a instalación dun dispositivo de radar para que o semáforo tamén funcione como un elemento de calmado do tráfico, pechando cando os vehículos superen o límite de velocidade establecido neste tramo en 50 km/h.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.