8.7 C
Pontevedra
Xoves, 28 de Marzo de 2024
Máis
    HomeComarcasRedondelaO Concello instala un semáforo na contorna do CEIP de Cesantes “dando...

    O Concello instala un semáforo na contorna do CEIP de Cesantes “dando resposta a unha demanda histórica da veciñanza”

    A alcaldesa destacou “a colaboración e o traballo incansable” da ANPA do CEIP Outeiro das Penas, á hora de dotar á N-550 dun elemento “imprescindible” para a seguridade viaria

    O Concello de Redondela vén de rematar a instalación dun semáforo na estrada N-550 na contorna do CEIP Outeiro das Penas, en Cesantes. Dáse resposta así ao que a alcaldesa Digna Rivas cualificou de “demanda histórica” tanto da veciñanza coma da comunidade escolar para mellorar a seguridade viaria nunha zona que rexistra un elevado tránsito de peóns.

    É preciso subliñar que por esa zona circulan a pé, diariamente, non só numerosos veciños e veciñas senón que é paso obrigado Camiño de Santiago ao igual que o é para o alumnado e familias do CEIP Outeiro das Penas.

    A alcaldesa Digna Rivas quixo agradecer, especialmente “a colaboración e traballo incansable” da ANPA do CEIP Outeiro das Penas que, coas xestións realizadas dende o primeiro momento pola Alcaldía de Redondela, “foron quen de dar solución a un grave problema de seguridade viaria que afectaba, moi directamente, á veciñanza e aos nenos e nenas do Outeiro das Penas”.

    O paso de peóns regulado por semáforo, quedou instalado entre as dúas paradas de autobuses e a intersección de acceso ao CEIP.

    Dende á chegada ao Goberno, non é esta a primeira actuación de mellora da seguridade viaria tanto de veciñas e veciños como de escolares e, nese sentido, cómpre lembrar que, en menos dun ano dende a súa chegada ao Goberno local, a Alcaldía redondelá daba resposta ás demandas que, en materia de seguridade viaria, viña realizando dende hai anos a comunidade escolar do CEIP Alexandre Bóveda de Angorén, na parroquia de Chapela, instalando outro semáforo para permitir que alumnos e alumnas do CEIP puideran cruzar, sen risco, a N-552.

    “Tanto o semáforo de Cesantes, que agora entra en funcionamento, como o de Angorén, que está operativo dende hai varios meses, respondían a demandas da veciñanza que levaban anos sen ver satisfeitas e que nós consideramos como de absoluta prioridade”, apuntou Digna Rivas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.