18.6 C
Pontevedra
Mércores, 23 de Xuño de 2021
Máis
    HomeComarcasRedondelaA Policía Local de Redondela denuncia a 19 persoas por non contemplar...

    A Policía Local de Redondela denuncia a 19 persoas por non contemplar as mínimas medidas de seguridade fronte á COVID-19

    O skatepark estase a converter en punto de reunión de preto dun centenar de mozos de mozas que non cumpren coas máis mínimas medidas de prevención sanitaria

    No espazo de poucas horas, a Policía Local de Redondela procedeu a denunciar a un total de 19 persoas por non adoptar as mínimas medidas de seguridade sanitaria fronte á COVID-19 e non utilizar máscaras de protección. A maior parte das denuncias interpostas tiveron lugar na Avenida Mendiño, nas inmediacións do skatepark, lugar onde “xúntanse case que a diario un cento de mozos e mozas que non manteñen as máis elementais medidas de seguridade establecidas”.

    Na mesma liña de intensificación da vixilancia sobre o cumprimento das medidas de prevención contra a COVID-19, os axentes tamén denunciaron a outras persoas en diferentes lugares do casco urbano.

    Cómpre salientar que o Concello de Redondela está a desenvolver, en colaboración coa Policía Local, un dispositivo especial de vixilancia con axentes uniformados e de paisano nas zonas máis concorridas e, polo tanto, de maior risco.

    A alcaldesa de Redondela, Digna Rivas, apelou “ao sentido común” á hora de respectar as medidas de prevención “como medio máis efectivo de evitar a propagación do coronavirus”.

    O Goberno local lembra que, nestes momentos, Redondela ten un total de 11 casos activos de coronavirus, “unha cifra moi baixa tendo en conta que se está a falar dun municipio de preto dos 30.000 habitantes”.

    Esa baixa taxa de contaxios débese, en boa parte, ás medidas preventivas e campañas de información e concienciación realizadas dende o Concello “pero sobre todo, a responsabilidade que amosa a inmensa maioría da cidadanía á hora de observar as normas sanitarias establecidas”.

    En todo caso, o goberno de Redondela asegura que non van consentir “que a insensatez e irresponsabilidade dunha minoría poña en risco a saúde de todas as veciñas e veciños” polo que lamentablemente e de ser preciso “pecharíase o skatepark”.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS