O Concello de Redondela vén de instalar na ponte do paseo da Portela, unha malla antiesvaramento, un sistema innovador, respectuoso co medioambiente e totalmente reciclable, que protexera de caídas aos usuarios e usuarias dos paseos de madeira do Concello. Unha vez probada a súa eficacia neste primeiro punto, a intención do Goberno local é proceder a súa instalación naqueles lugares que, ben a causa da humidade ou das xeadas, presenten habitualmente superficies esvaradías.
O sistema Trek Net, fabricado e patentado en Nova Zelanda, lugar no que existen numerosos e longos paseos de madeira, consiste nunha malla de polietileno virxe que se coloca sobre os paseos e evita os esvaramentos producidos polo xeo, fungos e, incluso, pola posible degradación da madeira.
Trátase de un método cada día máis utilizado ao ser totalmente respectuoso co medioambente e que conta cunha vida útil mínima de 10 anos. A súa instalación na ponte do paseo da Portela permitirá que, unha vez probado, se instale ao longo do paseo, naqueles puntos en que as circunstancias así o aconsellen e, posteriormente, se estenda a súa colocación no resto de paseos de madeira do municipio.
“No so é preciso dotar a veciñanza de paseos para o desfrute do seu tempo de ocio, senón facelo con todas as medidas que garantan a súa seguridade e esta, é unha delas”, apuntou a alcaldesa de Redondela, Digna Rivas.
