Axentes da policia local de Redondela, xunto cun indicativo zeta da Policía Nacional, realizaron este pasado luns diferentes dispositivos de control de vehículos e persoas en diferentes puntos do concello.
Así, na mañanciña do luns, os axentes procederon a intervir e propoñer para sanción ante a Subdelegación de Goberno, a catro persoas por tenza de sustancias estupefacientes, infrinxindo a Lei de seguridade cidadá 4/15.
Do mesmo xeito tamén se procedería a sancionar a un condutor que, logo de ser parado pola patrulla da Policía Local ao circular sen luces e facendo zigzag a saída do casco urbano de Redondela, arroxaría un resultado positivo nas probas de alcoholemia de 0,63 e 0,64mg/l de aire espirado.
