21.2 C
Pontevedra
Mércores, 7 de Xuño de 2023
Máis
    HomeComarcasRedondelaA ANPA 'Paulina Sánchez Otero' do IES Illa de San Simón de...

    A ANPA ‘Paulina Sánchez Otero’ do IES Illa de San Simón de Redondela aconsella ás familias “non levar aos nenos ou nenas ao instituto”

    Ante o que cualifican un comezo de curso “inseguro e improvisado” a ANPA ‘Paulina Sánchez Otero’ do IES San Simón de Redondela mírase na obriga “de chamar a atención ás familias sobre o perigo que corren e que poden propagar se a Consellería de Educación empeñase en abrir o instituto sen garantir as normas de prevención contar o Covid que ela mesma considera imprescindibles”. “Para evitar esta propagación do coronavirus no noso pobo chamamos a responsabilidade das familias non deixando aos seus fillos ou fillas acudir ao instituto se continuan as actuais condicións” sinala a ANPA.

    Cómpre salientar que as ANPAs de Redondela teñen dirixido xa varios escritos a Consellería de Educación polo que consideran “unha deixadez de responsabilidades” cargando sobre as ANPAs con responsabilidades que son competencia da administración educativa e, poñen como exemplos, “os comedores escolares, aulas madrugas e actividades extraescolares, imprescindibles para a conciliación laboral e familiar”. Por eses motivos, o pasado 11 de setembro manifestáronse públicamente e, pese a iso, “a día de hoxe non temos ningunha resposta por parte da Consellería”, lamenta a ANPA do IES Illa de San Simón.

    Ademais disto, a dirección e equipo directivo do IES Illa de San Simón veñen reclamando á Consellería de Educación o aumento do persoal de limpeza do instituto, xa que sen ese reforzo é imposible garantir a desinfección do centro segundo a normativa ditada pola propia Consellería de Educación no Protocolo de adaptación ao contexto da covid 19 nos centros de Ensino non Universitario de Galicia para o curso 2020-2021.

    A gravidade desta situación, explica a ANPA, foi posta en coñecemento da Consellería “sen que solucionara o problema”. Debido a esta outra deixadez por parte da Consellería, “o equipo directivo anunciou a imposibilidade de abrir o centro ao alumnado o pasado 16 de Setembro, data prevista de inicio do curso”. Esta circunstancia, xunto a outras doutros IES de toda Galicia fixo que a Consellería atrasara o inicio do curso ao 23 de Setembro. “De non obter unha solución, loxicamente, o equipo directivo anuncia que dimitirá en bloque”, afirma a asociación de nais e pais.

    Unha vez tratado este tema entre a ANPA e o equipo directivo, a ANPA do IES Illa de San Simón decidiu dirixir escritos a inspección educativa e xefatura territorial de educación “urxindo a unha solución inmediata”, debido a proximidade do inicio do curso, “e satisfactoria, debido ao perigo para a saúde dos nosos fillos e fillas, e por suposto dos traballadores e traballadoras do instituto, pero tamén para as familias e o pobo de Redondela”.

    COLABORACIÓNS

    Pilar Pallarés, «Unha boa gatucada!»

    A primeira incursión de Pilar Pallarés na literatura infantil e xuvenil resultou ser unha grata sorpresa, unha colección de poemas (en realidade un longo poema narrativo fragmentado), que ten como protagonistas un grupo de gatos que conviven cunha humana.

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    84 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS