O Concello de Baiona acolleu a xunta local de seguridade co motivo da organización da tempada estival 2023. A reunión foi presidida pola subdelega do Goberno en Pontevedra, Maica Larriba, e polo alcalde de Baiona, Jesús Vázquez Almuíña. Tamén participaron Simón Benzal, xefe da Comandancia da Garda Civil en Pontevedra; Rafael Antonio Pereira López, capitán da Garda Civil Xefe da Compañía de Vigo; o tenente-comandante do posto principal da Garda Civil Baiona-Nigrán, Marcos Lago Vidal; o xefe da Policía Local de Baiona, Plácido Vieítez, e o secretario Municipal de Baiona.
Na xunta celebrada na sala de comisións do Concello de Baiona, os asistentes conversaron sobre as circunstancias que en materia de seguridade concorren en Baiona. Realizouse unha análise e avaliación dos riscos en diversos ámbitos, desde seguridade cidadá a seguridade viaria, a fin de planificar as actuacións a curto e medio prazo, tendo moi en conta a excepcionalidade da época estival no noso municipio.
Valoráronse así mesmo os datos de seguirdad cidadá, destacando Baiona polo seu baixo índice porcentual con respecto aos concellos da súa contorna e onde a tendecia 2023 é mellor que a de 2022. Estas boas estatísticas son posibles grazas á implicación, estreito vínculo e cooperación entre a Policía Local, a Garda Civil e o Concello.
“Durante o encontro establecemos o protocolo de actuación e as accións para seguir polos efectivos da Policía Local e a Garda Civil con respecto a todos os eventos previstos para este verán na vila como as Festas da Virxe do Carmen ou as Festas da Anunciada así como todos os eventos multitudinarios que acollerá Baiona nestes meses. Analizáronse e previñéronse distintos escenarios. Un plan de seguridade que se poñerá en marcha para garantir a seguridade dos veciños da vila así como das numerosas persoas visitantes que estarán na Vila durante estes meses”, sinala o alcalde da vila, Jesús Vázquez Almuíña.
Así mesmo, tamén se conversou acerca das últimas reunións mantidas entre o Concello e o empresariado do lecer nocturno baionés sobre o horario de peche dos establecementos e os ruídos.
