19.5 C
Pontevedra
Luns, 15 de Xullo de 2024
Máis
    HomeVal MiñorBaionaBaiona activa un novo sistema de inscrición online para garantir a seguridade...

    Baiona activa un novo sistema de inscrición online para garantir a seguridade nos eventos do verán

    O Concello de Baiona vén de poñer en marcha un novo sistema de inscrición para garantir a seguridade nas actividades e eventos que se desenvolvan no recinto do parque da Palma. Trátase dun sistema dinámico e práctico, habilitado na web do Concello –na ligazón https://www.baiona.gal/calendario/–, no que figuran os días das diferentes actividades, horario e unha pequena descrición do evento.

    Nesa páxina, coa lenda “Sistema de inscrición previa obrigatorio na actividade”, as persoas interesadas poden reservar as súas entradas. Na mesma páxinas figura información complementaria sobre as medidas habilitadas para garantir a seguridade sanitaria das e dos asistentes.

    Entre outras directrices, sinálase que todos os eventos seguiránse sentados en cadeiras que terán unha serparación de 2 metros entre elas e, amais, será obrigatorio o uso de máscara de protección e estará prohibida a introdución de bebidas alcohólicas, comer ou fumar en todo o recinto.

    A maiores destas medidas, aplicaranse tamén todas aquelas medidas adicionais que marquen as autoridades sanitarias dependendo da evolución da pandemia.

    Dentro da programación do Baiverán, mañá mércores, 28 de xullo e dentro do ciclo ‘Baiona con Humor’ ás 21 horas será a quenda do humorista local Rafa Durán co seu espectáculo Duranadas.

    O xoves 29 de xullo, veciñanza e visitantes terán a oportunidade de realizar unha visita guiada con saída ás 10 horas e xa pola noite, ás 21 horas, será a quenda do concerto ‘Spanish Castle Magic’, tributo a Jimi Hendrix

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.