13.6 C
Pontevedra
Domingo, 9 de Maio de 2021
Máis
    HomeÉ NoticiaMaica Larriba destaca o alto grao de cumprimento das restricións impostas pola...

    Maica Larriba destaca o alto grao de cumprimento das restricións impostas pola Covid19 durante as últimas datas festivas

    Apenas un 5 % das case 6.000 persoas controladas foron sancionadas

    A subdelegada do Goberno en Pontevedra, Maica Larriba, presidiu onte a reunión do Centro de Coordinación Operativa (CECOR) da provincia, á que asistiron o coronel xefe da Comandancia da Garda Civil en Pontevedra, Simón Venzal, o comisario xefe da Comisaría de Vigo-Redondela, Carlos Valcárcel, a comisaria provincial do Corpo Nacional de Policía en Pontevedra, Estíbaliz Palma, o inspector xefe accidental da Policía Autonómica, Pablo Diz, e o xefe territorial da Vicepresidencia Primeira e Consellería de Presidencia, Xustiza e Turismo, Ramón Pereiro. Este órgano volveuse a reunir en aras de garantir a cogobernabilidade, a coordinación e o intercambio de datos e información entre o goberno autonómico e central.

    Durante a reunión, os seus integrantes realizaron un balance da actuación das Forzas e Corpos de Seguridade estatais e autonómicos durante os pasados días festivos. Desde que entraron en vigor as novas medidas –o pasado 22 de decembro– ata onte, a Garda Civil e a Policía Nacional levaron a cabo 1.706 dispositivos de control e vixilancia na provincia, que alcanzaron a case 6.000 persoas e 2.853 vehículos. En total, interpuxéronse 331 propostas de sancións, unha cifra que representa pouco máis do 5 % do global.

    Pola súa banda, e segundo os datos facilitados polo inspector xefe accidental da Policía Autonómica, Pablo Diz, o corpo policial autonómico levou a cabo do 22 ao 27 de decembro 34 dispositivos de vixilancia, nos que se controlaron a 121 persoas e 29 vehículos e se elevaron 8 propostas de sanción.

    A subdelegada do Goberno quixo agradecer ás Forzas e Corpos de Seguridade estatais e autonómicos o traballo realizado estes días, así como “a todos os veciños e veciñas de Pontevedra a súa responsabilidade, xa que a baixa cifra de sancións interpostas evidencia o alto grao de cumprimento das restricións”.

    Do mesmo xeito, quixo facer un chamamento á cidadanía para que “continúe cumprindo coas medidas vixentes na nosa comunidade xa que o virus non entende de festividades nin de celebracións e as cifras de contaxio na provincia continúan a ser preocupantes”.
    Por último, Larriba avanzou que as forzas policiais continuarán vixiando o cumprimento das restricións vixentes na nosa provincia en colaboración coas autoridades autonómicas.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS