20.7 C
Pontevedra
Sábado, 8 de Maio de 2021
Máis
    HomeO CondadoMondarizMúsica e aforo controlado para celebrar as festas de Mondariz

    Música e aforo controlado para celebrar as festas de Mondariz

    O Concello de Mondariz preparou unha programación cultural alternativa, sen verbenas nocturnas nin recinto feiral, para evitar as aglomeracións

    A crise sanitaria pola COVID-19 obrigou a suspender a celebración tradicional das festas patronais na maioría das localidades. O Concello de Mondariz tamén optou pola prudencia para minimizar os riscos epidemiolóxicos. Unha vez descartado o programa habitual de verbenas nocturnas, a Concellería de Educación e Cultura púxose a traballar nunha programación cultural alternativa para o fin de semana do 15 e do 16 de agosto de 2020, datas das Festas Patronais da Virxe da Peña de Francia e San Roque, que permitise un control do aforo e das medidas de prevención recomendadas. Podes descargar o programa completo nesta ligazón.

    “Inspirados polo movemento social e cultural #quedanacasa, organizamos unha serie de concertos de grupos de música folk tradicional e contemporánea formados en Mondariz, coa intención de pór en valor a riqueza musical que existe na vila”, explica Anxos Carballo, responsable das concellerías de Educación e Cultura e de Igualdade e Mocidade no Concello de Mondariz.

    Estes concertos, enmarcados no festival “TODO QUEDA NA CASA 2020”, arrancaron o 8 de agosto, coa actuación do grupo de música folk tradicional “O Son do Río” na Praza de Mondariz, e continúan este fin de semana de festas patronais (15 de agosto) coa actuación do grupo “Pédëpôtè” e o vindeiro sábado, 22 de agosto, coas agrupacións “Ghaveta” e “Lagarteiras”.

    Para este fin de semana de festas patronais, ademais do concerto de “Pédëpôtè”, programáronse outras actividades culturais na Praza de Mondariz, como unha sesión-vermú da Banda de Música Cultural de Mondariz, un espectáculo de circo e actuacións musicais das formacións “Festicultores Troupe” e “Broken Peach”.

    Para un maior control do aforo e do cumprimento das medidas hixiénico-sanitarias de protección fronte á COVID-19, o Concello de Mondariz solicitou a colaboración da Agrupación de Voluntarios de Protección Civil Oitavén-Tea.

    Con este cambio obrigado na programación cultural para a celebración das Festas Patronais da Virxe de Peña de Francia e San Roque, a Comisión de Festas deixou de recibir os 15.000 euros programados no orzamento municipal vixente. “Durante o debate sobre a proposta orzamentaria do goberno para o exercicio 2020 que houbo na última sesión plenaria da Corporación Municipal, Alternativa por Mondariz recriminoulle ao goberno que recortase a partida destinada a colectivos sociais, sen ter en conta que a crise sanitaria pola COVID-19 obrigou a suspender ou modificar actividades sociais e culturais que tiñan axuda financieira do Concello, como as propias festas, e que a partida destinada a emerxencia social pasaba de 18.000 a 36.000 euros no plan orzamentario do goberno, que acabou sendo tombado por AporM e PP”, apunta o alcalde, Xosé Emilio Barros, en relación ao contexto político actual.

    Por coincidencia con festivo local, o 16 de agosto non haberá feira dominical en Mondariz.

    COLABORACIÓNS

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Constance Demby, pionera de la ‘new age’

    A muchos no les sonará éste nombre, a otros muchos seguidores de las nuevas músicas, es simplemente una referencia, hablar de Constance Mary Demby, más conocida como Constance Demby, es hablar de uno de los nombres más representativos de la llamada música New Age,

    ‘Spain is different’

    Da la sensación de que en España vamos por libre. Que no estamos viviendo la mayor crisis sanitaria de éste siglo y que, probablemente, acabe causando la mayor crisis económica hasta el momento porque, si seguimos así, la crisis de las subprime va a ser una broma en comparación con la crisis del Covid.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    0 POSTS0 COMMENTS
    Manrique Fernández
    37 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS