Tag: redondela

O Pleno do Concello de Redondela rexeitou, por maioría, unha moción do grupo municipal do PP que cuestionaba a actuación do concelleiro de Deportes, Ignacio González, na actual situación de crise sanitaria. Aseguraban os populares “sentirse especialmente preocupados” pola seguridade sanitaria dos pavillóns e cualificaban de “grave incumprimento” que non se previse persoal para controlar os accesos aos pavillóns, non se repuxesen os xeles hidroalcohólicos ou mesmo que “os club sexan os que teñan que encargarse da limpeza e desinfección das instalacións”.

A Xunta de Goberno da Deputación de Pontevedra aprobou, esta pasada semana en xunta de Goberno, unha achega de 120.702,45 euros a Redondela para financiar a aportación que lle corresponde ao Concello, no convenio que asinou coa Deputación, para o ensanche e mellora da seguridade viaria na EP-2903 Os Valos-Guizán.

O Centro Cultural de Cabeiro acollerá o vindeiro luns, 28 de setembro, ás 19:30 horas, unha reunión entre a alcaldesa de Redondela, Digna Rivas e veciños e veciñas da parroquia para dar a coñecer os proxectos do Goberno local para a parroquia e escoitar ás demandas e achegas da veciñanza.

Na mañanciña de hoxe, axentes da Policía Local de Redondela, que efectuaban un control rutinario de horarios de peche de establecementos de hostalería, procederon a intervención de diversas substancias estupefacientes a un veciño do municipio.

Co inicio do curso no ensino secundario, o Concello de Redondela vén de poñer en marcha unha serie de medidas tendentes a garantir a seguridade dos alumnos e alumnas á entrada e saída dos centros escolares. A maiores, establecéronse disposicións complementarias para os centros de ensino infantil e primaria de cara a evitar aglomeracións de alumnado tanto no acceso como saída dos colexios.

O Bloque Nacionalista Galego presentará no Pleno do mes de setembro, que terá lugar na tarde de hoxe, unha moción na que se realiza un diagnóstico da situación de inicio de curso escolar. Numerosos problemas que afectan a todos os níveis do ensino pre, e obrigatorio, tanto a alumnado, profesorado, direccións dos centros, ademáis das familias e aos propios concellos.

A Deputación de Pontevedra acometerá a partir de próxima semana as obras de mellora da estrada provincial EP-2900 entre Redondela e a localidade de Ventosela. Os servizos técnicos provinciais xa teñen pechadas as actuacións a realizar nesta vía, cun trazado total de 2,6 Km, no marco da planificación de mantemento ordinario da Rede Provincial de Estradas e incorporando tamén a petición expresa do Concello de Redondela para incluír un novo paso elevado para peóns, amais do que xa estaba previsto no proxecto.

O Concello de Redondela iniciará, nestes días, os traballos de acondicionamento e mellora do Camiño de Veiga dos Eidos, na parroquia de Cesantes, unha actuación longamente demandada pola veciñanza e que tería que terse comezado en setembro do pasado ano 2019.

A Asociación Forestal de Galicia (AFG) está a desenvolver este segundo semestre do ano un amplo programa formativo dirixido a mellorar o manexo silvícola do monte. Esta semana ten previsto un curso en Redondela no que se abordará a xestión de xuntas reitoras de comunidades de montes. Será o sábado 26 en horario de mañá no centro cultural Chan das Pipas, en Saxamonde.

Os xardíns da Urbanización Regojo, unha das zonas máis novas do casco urbano de Redondela, serán remodelados na súa integridade para ofrecer un novo espazo de lecer á veciñanza e, ao mesmo tempo, para que sexan “un permanente recordatorio da importancia que tivo na historia industrial de Redondela e fábrica que aquí estaba instalada”, afirmou a alcaldesa, Digna Rivas, durante a visita realizada ao espazo a recuperar.

A alcaldesa de Redondela e concelleira de Igualdade, Digna Rivas, asinou esta mañá a adhesión do Concello ao manifesto 'Bibliotecas en Igualdade', un proxecto posto en marcha pola 'Asociación Clásicas y Modernas', asociación de carácter nacional que ten como obxectivo acadar a igualdade no eido da cultura.

Debido a gran demanda de participantes para as actividades educativas e medioambientais na Rede Natura 2000 a concellería de medio ambiente amplía datas e temario para o mes de Outubro. Para comprender o seu valor, hai que coñecer e analizar o patrimonio natural.

No espazo de poucas horas, a Policía Local de Redondela procedeu a denunciar a un total de 19 persoas por non adoptar as mínimas medidas de seguridade sanitaria fronte á COVID-19 e non utilizar máscaras de protección. A maior parte das denuncias interpostas tiveron lugar na Avenida Mendiño, nas inmediacións do skatepark, lugar onde “xúntanse case que a diario un cento de mozos e mozas que non manteñen as máis elementais medidas de seguridade establecidas”.

Dende a Concellaría de Participación Cidadá do Concello de Redondela que xestiona Susana Couñago, realizouse unha consulta popular do 15 de xullo ao 15 de agosto pasados para pulsar a opinión da cidadanía sobre dúas cuestións: a peonalización das rúas do centro e os festivos locais. Esta era a primeira vez que o Concello de Redondela activaba mecanismos formais para preguntar a opinión da veciñanza sobre algún tema.

Os vindeiros días procederase á realización de dúas actividades na biblioteca de Xela Arias en Chapela, Redondela. O primeiro obradoiro está dirixido a nenos e nenas de entre 8 e 12 anos de idade e o segundo é un espectáculo familiar para nenos/as de entre 5 e 10 anos.

O Concello de Redondela comezou onte, tal e como estaba previsto, a distribución de máscaras de protección nos centros escolares do municipio, unha iniciativa na que tamén se inclúe a distribución, a cada un dos colexios, do vídeo-testemuña sobre a COVID-19 realizado ao abeiro do programa 'Faino por Todxs'.

O GALP Ría de Pontevedra promove o proxecto de cooperación Mar das Illas en colaboración cos GALP Ría de Arousa e Ría de Vigo – A Guarda, o Parque Nacional Marítimo Terrestre das Illas Atlánticas de Galicia, a Federación Provincial de Confrarías de Pontevedra e a Asociación Mar Seguro de Galicia. A iniciativa, que está financiada pola Consellería do Mar e o Fondo Europeo Marítimo e da Pesca (FEMP), ten como obxectivo fomentar a pesca turismo e o turismo mariñeiro desde o sector pesqueiro das Rías Baixas, especialmente no ámbito de influencia do Parque Nacional Marítimo-Terrestre das Illas Atlánticas de Galicia e, actualmente, atópase na súa terceira fase.

O 112 Galicia rexistrou na tardiña de onte un accidente no que se viron implicados un turismo e unha moto. Como consecuencia do impacto, os dous ocupantes da moto resultaron feridos, un deles con lesións de consdieración, polo que foron evacuados ao Hospital Álvaro Cunqueiro de Vigo.

O vindeiro luns, 14 de setembro, o Concello de Redondela iniciará a distribución de máis de 3.200 máscaras de protección entre o alumnado de infantil, primaria e ESO –o ensino obrigatorio– dos centros públicos do municipio. A concelleira de Educación, Olga García Ballesteros, destacada que esta medida responde á “fonda preocupación” do Concello de Redondela, ante un inicio de curso rexido por un protocolo “claramente mellorable”

A Concellería de Vías e Obras do Concello de Redondela, que xestiona Vicente Lamas, deu por rematados os traballos de mellora e asfaltado da rúa San Xoán de Arcal, en Redondela, unha rúa que atopábase un estado “deplorable” e na que as veciñas e veciños viñan, dende hai anos, reclamando a súa reparación “sen que ninguén lles fixera caso”, sinala o responsable de Vías e Obras.

O Concello de Redondela, a través da Concellería de Vías e Obras que xestiona Vicente Lamas, desenvolve dende hai semanas, un plan de recuperación integral das marquesiñas de transporte público de todo o municipio, infraestruturas que “se atopaban nun lamentable estado de conservación froito da falta de mantemento durante anos”.

O Concello de Redondela iniciará en próximas datas os traballos de mellora e acondicionamento das áreas infantís do municipio co fin de mellorar as zonas de esparexemento dos máis pequenos e pequenas e que poidan gozar do seu ocio nas mellores condicións de seguridade.

A Concellería de Participación Cidadá do Concello de Redondela, vén de difundir e comunicar a todas as entidades e asociacións a posibilidade de solicitar diferentes subvencións así como os prazos de cada unha das convocatorias.

O Goberno de Redondela cualificou hoxe de “incomprensible” que a Xunta de Galicia “dea as costas e ignore á veciñanza” no problema medioambiental que supoñen os cheiros provocados pola empresa auxiliar conserveira Aucosa, que procesa restos de peixe para a súa transformación en pensos.

O vindeiro xoves 10 de setembro ás 20 h no Multiusos da Xunqueira de Redondela a Sociedade Cultural do Viso realizará a presentación da publicación da que é responsable e que versa sobre o patrimonio cultural da parroquia do Viso. Con retraso, por mor do covid-19, a entidade cultural dá a coñecer este traballo de recompilación e documentación do patrimonio da parroquia que foi encomendado a A Citania, coordinando Xurxo Constela todo o traballo de recollida, búsqueda documental e redacción.

Nun inicio de curso atípico, marcado pola pandemia da COVID-19, o Concello de Redondela quixo lanzar unha mensaxe de apoio aos centros escolares ao afirmar que “os colexios do municipio contarán co apoio deste Concello incluso en medidas que sáense da estrita competencia municipal”. A alcaldesa Digna Rivas e a concelleira de Ensino, Olga García Ballesteros mantiveron durante esta pasada semana, ao igual que o farán na vindeira, encontros coas directivas e docentes dos centros escolares.

A concentración convocada polo BNG de Redondela en defensa da sanidade pública e de calidade que tivo lugar este venres fronte ao centro de saúde, contou co apoio dun numeroso grupo de redondeláns e redondelás, “que demandan melloras na atención sanitaria”. Tanto usuarios e usuarias, como o persoal facultativo avogan por unha maior contratación de profesionais.

O Concello de Redondela vén de poñer en coñecemento de todas as interesadas e interesados que ata o día 28 de setembro está aberto o prazo para solicitar as Axudas de Comedor Escolar para o curso 2020-2021. As bases da convocatoria, publicadas o 25 de agosto no BOOPO (Boletín Oficial da Provincia de Pontevedra, poden consultarse nesta ligazón.

Logo das vacacións de agosto, a Biblioteca 'Xela Arias' de Chapela xa abriu as súas portas dende onte, 1 de setembro, e está ao dispor de usuarios e usuarias que poden devolver os préstamos, levar novos documentos ou usar as súas instalacións.

Comeza unha nova tempada de fútbol Sala e o Arealonga FS Chapela abre a inscrición para que todos os nenos e nenas poidan practicar este deporte. Será unha tempada marcada, como en todo, pola nova normalidade que nos toca vivir.

O Concello de Redondela vén de anunciar a “intensificación” da campaña de sensibilización e prevención fronte á COVID-19 'Faino por Todxs' logo de que nas últimas datas se incrementen sensiblemente os números de contaxio en toda a comunidade galega e dende o convencemento “que a prevención, a sensibilización e a responsabilidade de todos e todas, son un dos camiños que temos para contribuír a frear esta pandemia”.

Alberto Álvarez Pérez é, dende onte xoves, novo concelleiro do grupo de goberno do Concello de Redondela logo de tomar posesión da súa acta no Pleno Ordinario da Corporación Municipal.

O Concello de Redondela rehabilitará as antigas dependencias do conservatorio de música, na rúa Isidoro Queimaliños, dentro dun plan global de rehabilitación e recuperación do patrimonio histórico do municipio. As obras, que contarán cun orzamento de preto dos 300.000 euros, incluiríase nas liñas establecidas para a rehabilitación e mellora do patrimonio histórico e cultural e a creación de novos eventos culturais.

O Concello de Redondela desenvolve nestes días a reordenación dos accesos á Senda de Auga dende a parroquia de Chapela ata San Esteban, de cara a garantir a seguridade das numerosas persoas que utilizan dita senda e que tamén é moi frecuentada por bicicletas ao ser una ruta que percorre un espazo natural privilexiado.

A alcaldesa de Redondela, Digna Rivas e o concelleiro de Cultura, Daniel Boullosa, inauguraron o panel dedicado a Pier Maria Baldi. Situado na Alameda de Castelao, o panel reproduce a acuarela que Baldi debuxou en 1669 ao seu paso por Redondela e, por tanto, retrata a vista da vila varios séculos atrás.

A suspensión do 'Entroido de Verán' acordada polo Concello de Redondela por mor da pandemia da COVID-19, celebración que tería que celebrarse mañá sábado 22 de agosto, vén de ser acompañada por unha chamada á responsabilidade por parte do Goberno que preside Digna Rivas.

A alcaldesa de Redondela, Digna Rivas, mantivo en datas pasada unha reunión de traballo co xefe territorial de Educación da Xunta de Galicia en Pontevedra, César Pérez Ares, para retomar os traballos de mellora en distintos centros escolares do municipio e que quedaron en suspenso por mor da pandemia da COVID-19.

O Concello de Redondela ten a intención de converter o mercado de abastos municipal nun espazo dinámico e vivo que “exerza como auténtico motor da dinamización comercial e económica do municipio”. Unha vez que as empresas presenten os seus proxectos, –o prazo remata o vindeiro 28 de agosto– o Goberno local manterá reunións cos praceiros e praceiras para que poidan facer as súas achegas e propostas e acadar un proxecto consensuado.

O venres 28 de agosto ás 11:30 da mañá, no Auditorio do Multiúsos da Xunqueira, a actriz e narradora Raquel Queizás achegará a maxia do cinema aos cativos coa actividade 'Cinema Marabillas'.

O Concello de Redondela iniciará, en breve, os traballos de acondicionamento e reforma das dependencias dos Servizos Sociais de Chapela, co fin de facelas totalmente accesibles e, ao mesmo tempo, conseguir unha mellora enerxética de todo o espazo. Na actualidade, os Servizos Sociais de Chapela atópanse situados nos baixos do pavillón municipal.