12 C
Pontevedra
Venres, 23 de Outubro de 2020

Tag: redondela

A veciñanza de Vilar coñece, de primeira man, como será o proxecto do último treito da estrada do Galleiro

A alcaldesa de Redondela, Digna Rivas, valorou hoxe a presentación que, esta pasada fin de semana tivo lugar no Centro Cultural de Vilar onde, co respaldo de planos e infografías, explicou á veciñanza a realidade do proxecto de mellora do último treito da EP-2096 entre Os Valos e Guizán na coñecida como estrada do Galleiro.

Redondela prepárase para vivir unha nova edición do ‘Festival de Artistas de Rúa’

O vindeiro venres 7 de agosto terá lugar nas rúas e prazas da vila de Redondela o tradicional Festival de Artistas de Rúa, que cumpre este ano a súa vixésimoprimeira edición. Ante a situación excepcional provocada pola COVID-19, a Concellería de Cultura decidiu manter este xa tradicional evento por estas datas tomando as medidas oportunas.

Redondela investirá máis de 600.000 euros na mellora enerxética dos edificios municipais e o alumeado público

O Goberno local contratará a realización dun informe no que se determinen os traballos a realizar. A auditoría será a encargada de avaliar os edificios sobre os que se debe actuara en primeiro lugar.

O Goberno de Redondela presentará á veciñanza de Chapela e Trasmañó o proxecto de reposicións de viais publicado xa no BOE

O Concello de Redondela manterá, o sábado 1 de agosto ás 12 horas no multiúsos de Chapela, unha xuntanza coa veciñanza de Chapela e Trasmañó na que se dará conta, polo miúdo, do proxecto de reposición de viais publicado no BOE, que contará cun investimento de 3 millóns de euros e que da resposta ás reclamacións que a veciñanza de ámbalas dúas parroquias –as máis afectadas pola ampliación da AP-9– viñan facendo dende hai anos.

O Concello explicará á veciñanza de Vilar de Infesta os detalles da reforma do último treito da estrada do Galleiro

A alcaldesa de Redondela, Digna Rivas, acompañada por concelleiras e concelleiros do equipo de Goberno manterá unha xuntanza coas veciñas e veciños da parroquia de Vilar de Infesta o venres, 31 de xullo, ás 19 horas no Centro Cultural de Vilar.

Digna Rivas consegue o compromiso de Abanca que manterá aberta a oficina de Cesantes

A alcaldesa de Redondela, Digna Rivas, vén de amosar a súa satisfacción polo compromiso de Abanca de reabrir as portas da oficina de Cesantes, logo da reunión mantida na Casa do Concello, a petición da propia rexedora local, con Victor Manuel Vázquez Saavedra, director de zona Morrazo-Redondela e Juan Walter Álvarez Álvarez, director territorial de Vigo.

Os Servizos Sociais e o CIM de Redondela estrean as súas novas instalacións

A alcaldesa de Redondela, Digna Rivas, acompañada por concelleiros e concelleiras do equipo de Goberno e da Corporación Municipal, visitou na mañá de hoxe as recen estreadas dependencias dos Servizos Sociais e do Centro de Información á Muller (CIM) situadas nos baixos dun imoble da rúa 8 de Marzo. O traslado destes dous servizos que atenden aos sectores máis vulnerables da cidadanía, sinalou a alcaldesa no acto de inauguración das dependencias, “era un dos compromisos deste Goberno coas veciñas e veciños”.

O ‘Obradoiro de Estudos Locais Fernando Monroy’ de Redondela atopa un muíño en Xote, Cesantes

A asociación Cultural 'Obradoiro de Estudos Locais Fernando Monroy', atópase inmerso no proxecto de revisión do patrimonio de Cesantes, materia do seu libro, e a versión actualizada levará un estudo dos muíños existentes na parroquia. O traballo de campo realizado nos últimos meses deparou varias sorpresas e, entre elas, o descubrimento dun muíño sen catalogar na zona de Xote, preto da Nacional 550.

O Concello de Redondela rehabilitará os vestiarios e grada do Campo de Tuimil ao abeiro dunha achega do Plan Concellos

O Concello de Redondela investirá preto de 62.000 euros (61.996,07 €) na reforma dos vestiarios do Campo de Tuimir, traballos que se realizarán ao abeiro do Plan Concellos da Deputación de Pontevedra logo de que a Xunta de Goberno da administración provincial aprobase dito investimento este pasado venres.

Redondela inaugura a ‘Filmoteca Galega’

Logo do éxito acadado polas últimas producións realizadas en lingua galega –O que arde, Longa Noite e Trinta lumes–, o Servizo de Normalización Lingüística dependente da Concellería de Normalización Lingüística que xestiona a alcaldesa Digna Rivas vén de impulsar unha iniciativa que, baixo o nome de 'Filmoteca Galega', busca crear un fondo propio que incluirá curtas e longametraxes, documentais e cine infantil.

As Concellerías de Igualdade, dirixida por Digna Rivas, e de Xuventude, dirixida por Ignacio González, organizan as actividades de verán

Está aberto o prazo de inscrición para Programa municipal de conciliación para o mes de agosto e a primeira semana do mes de setembro que este ano, como medida excepcional para dar resposta ás demandas e necesidades actuais das familias do concello de Redondela, se ofertará do 3 de agosto ata o 4 de setembro.

O Concello de Redondela organiza diversos actos para celebrar o Día de Galicia

O Concello de Redondela celebrará, este vindeiro sábado 25 de xullo, diversos actos conmemorativos do Día de Galicia e no que, o tradicional concerto, correrá a cargo da recoñecida e premiada cantante Guadi Galego.

O Goberno de Redondela e as ANPAS cualifican de “temerario” o protocolo proposto pola Xunta para o vindeiro curso escolar

A alcaldesa de Redondela, Digna Rivas e a concelleira de Ensino, Olga García Ballesteros, mantiveron onte, na Casa do Concello, unha xuntanza coas ANPAS do municipio para analizar polo miúdo a grave situación que se producirá no caso de que a Xunta de Galicia manteña o protocolo anunciado para o vindeiro curso escolar “que non garante nin as medidas de distanciamento obrigatorias, nin rebaixar o ratio nas aulas nin reforzar o persoa docente”.

Redondela redacta o proxecto do parque forestal do Monte Castro de Negros ao abeiro do Plan Provincial de creación de Parques Forestais

O Concello de Redondela vén de rematar a redacción do Parque Forestal do Monte Castro de Negros cun importe total de 8.107 €, coa participación da Deputación de Pontevedra cunha subvención de 6.000 € do Plan Provincial de Parques Forestais. Un proxecto redactado por XIRELA, Servizos Técnicos e Obras do Rural que se realizará en terreos da Comunidade de Montes de Negros cando se lancen novas liñas de subvención para parques forestais e proceder a fase de execución das melloras.

Redondela solicita unha reunión de urxencia coa Consellería do Mar ante a delicada situación la Confraría de pescadores

O Concello de Redondela solicitou unha reunión urxente coa Consellería do Mar da Xunta de Galicia para tratar a situación delicada da Confraría de pescadores. A Confraría San Xoán de Redondela está a pasar por unha situación delicada nos últimos tefradmpos, situación que se ve agravada por mor da crise económica derivada do COVID-19.

Cinco novos auxiliares incorpóranse á policía local de Redondela

A alcaldesa Digna Rivas recibiu onte na Casa do Concello de Redondela novos auxiliares de Policía Local así como aos axentes que estaban en prácticas e que, unha vez rematadas estas incorpóranse ao seu posto.

A Alameda Castelao, escenario dun acto de recoñecemento público ao traballo realizado por servizos e colectivos durante o estado de alarma

A Alameda Castelao de Redondela acollerá este vindeiro venres, 17 de xullo, a partir das 21 horas, un acto público de recoñecemento aos distintos servizos que, durante a pandemia e o confinamento obrigatorio establecido polo estado de alarma, traballaron arreo tanto para garantir á seguridade da veciñanza, coma para atender as súas necesidades.

Duascentas cidades de 23 países, xa forman parte da Comisión Xestora de Entidades Alfombristas do Camiño de Santiago

Coa intención de impulsar o Xacobeo do 2021, o 16 de xullo de 2019 creouse a Comisión Xestora de Entidades Alfombristas do Camiño de Santiago, formada inicialmente por alfombristas de Bueu, Gondomar, Tui, Redondela , Ponteareas e os asturianos de Castropol.

O Concello de Redondela desinfecta o exterior dos Centros de Día que retoman a súa actividade hoxe

O Concello de Redondela desenvolveu onte traballos de desinfección exterior nos catro centros de día que funcionan no municipio ante o inminente inicio da súa actividade. O Goberno redondelán ofreceuse a realizar estas tarefas para “garantir, en todo momento, a seguridade sanitaria dos veciños e veciñas que utilizan estes servizos”.

O alumnado traballador do Obradoiro de Emprego de Garantía Xuvenil recupera o mobiliario urbano do paseo de Pexegueiro

Tralo parón provocado pola crise sanitaria da COVID-19 e a declaración do estado de alarma, as/os alumnas/os traballadoras/es do Obradoiro de Emprego de Garantía Xuvenil do Concello de Redondela, volveron a retomar as súas actividades e traballan xa a pleno rendemento.

Os ‘riders’ internacionais, protagonistas da primeira xornada do ‘KiteFest Cesantes’

Arrincou onte sábado, en Cesantes, a terceira edición do KiteFest, cita que organiza o TMKiteClub e o Concello de Redondela co patrocinio da Xunta de Galicia. Aínda que o escaso vento que soprou hoxe en Cesantes obrigou á organización para aprazar as probas a mañá, os participantes...

Redondela inicia esta vindeira semana os traballos de roza e limpeza en todo o municipio

O Concello de Redondela comezará, esta vindeira semana, os traballos de rozado e limpeza en todo o municipio. Así quedou decidido trala reunión mantida polo concelleiro de Vías e Obras, Vicente Lamas, cos responsables da empresa realizada de desenvolver ditas actuacións.

Cambio de Colexios Electorais en Redondela para as elección ao Parlamento de Galicia do 12 de xullo de 2020

A Xunta de Galicia aprobou un Protocolo que establece unhas medidas preventivas en materia de saúde pública fronte á Covid-19. Para poder afrontar estas normas, cambiarase a ubicación de dous colexios electorais en Redondela para así, poder ter un desenvolvemento seguro da xornada electoral.

Remata o proceso selectivo de persoal para o servizo de conservación, limpeza e mantemento dos espazos públicos

Ante un atraso sen precedentes provocado pola pandemia da COVID-19 remata a primeira fase de selección con 13 persoas seleccionadas para o servizo de praias. O persoal irase incorporando gradualmente o servizo durante os vindeiros días, e para a próxima semana se reforzará nunha segunda fase coa selección de 6 persoas máis procedentes do proceso selectivo de Servizos Sociais.

O Concello de Redondela peonalizará a rúa Alfonso XII os sábados e domingos de 20 h a 24 horas

O Goberno de Redondela peonalizará a rúa Alfonso XII, vía principal da vila, os sábados e domingos entre as 20 h e 24 horas, nunha medida que busca o dobre obxectivo de proporcionar maior espazo á cidadanía á hora de pasear e, ao mesmo tempo, que poidan manter a distancia interpersoal que recomendan as autoridades sanitarias.

O Concello de Redondela velará polo cumprimento das normas preventivas da COVID-19

O Concello de Redondela anunciou a súa intención de poñer en marcha “todas aquelas medidas que, dentro das competencias municipais”, contribúan ao cumprimento das normas de prevención da COVID-19. A concelleira de Urbanismo e Facenda, María Castro Abad, salientou que por parte do Concello “adoptaránse as medidas de control e vixilancia precisas para evitar aglomeracións en terrazas, bares, cafeterías, furanchos de demáis establecementos de hostalería”.

Redondela acollerá as probas da ABAU tanto para o alumnado do municipio coma o de Soutomaior

Os alumnos de alumnas de Redondela e do veciño concello de Soutomaior, poderán facer este ano as probas da ABAU (Avaliación de Bacharelato para o Acceso á Universidade) en Redondela de cara a evitar desprazamentos e garantir a seguridade sanitaria do estudantado durante a celebración das probas.

Redondela homenaxea ao equipo xuvenil do Club Deportivo Choco tralo seu ascenso á División de Honra

A alcaldesa de Redondela, Digna Rivas, acompañada polo concelleiro de Deportes, Nacho González e concelleiros e concelleiras da Corporación Municipal, recibiron na Praza do Concello aos compoñentes do equipo xuvenil do Club Deportivo Choco e así facerlles unha merecida homenaxe polo seu recente ascenso á División de Honra.

O Pleno de Redondela respalda a iniciativa do BNG rexeitando a macroárea comercial do Celta en Mos

O Pleno da Corporación de Redondela, amosouse maoritariamente en contra do Macrocomplexo deportivo e comercial, que o Celta de Vigo pretende construír no veciño concello de Mos. Nunha moción presentada polo Bloque Nacionalista Galego, formulou rexeitar o proxecto por agochar unha grande Área Comercial poñendo en risco o futuro do Comercio Local.

Redondela habilita un servizo de información e orientación sobre o Ingreso Mínimo Vital

O Concello de Redondela conta xa cun servizo de orientación e información para axudar á veciñanza a realizar os trámites de solicitude do Ingreso Mínimo Vital, unha prestación dirixida especificamente a previr o risco de pobreza e exclusión social.

A Policía Local de Redondela aposta pola prestación dun servizo de calidade

A Concellería de Seguridade do Concello de Redondela, que xestiona Leonardo Cabaleiro e a Xefatura da Policía Local veñen de amosar a súa aposta por unha prestación de servizo de maior calidade e para iso dotaron aos seus axentes dunhas novas ferramentas de traballo que lles permitirán realizar e tramitar as demandas veciñais e servizos policiais dende calquera punto do municipio redondelán.

A enseada de San Simón prepárase para acoller a terceira edición do ‘KiteFest Cesantes’

Cesantes xa se prepara para converterse por terceiro ano consecutivo na capital do Kitesurf en Galicia coa celebración do KiteFest. A cita, organizada polo TMKiteClub e o Concello de Redondela e que conta co patrocinio da Xunta de Galicia, celebrarase os días 11 e 12 de xullo e reunirá de novo a unha potente frota de máis de 70 participantes ofrecendo todo un espectáculo na enseada de San Simón durante as dúas xornadas de evento.

O Concello de Redondela lembra a prohibición de realizar fogueiras de San Xoán en todo o municipio

O Concello de Redondela vén de lembrar a prohibición de realizar fogueiras de San Xoán en todo o termo municipal. O Goberno local considera que ao longo desta crise sanitaria “quedou demostrado que as concentracións humanas son un dos principais focos de contaxio”.

Unha patrulla da Policía Local de Redondela evita o que podería ter sido unha desgraza na AP-9

A rápida actuación dunha patrulla da Policía Local de Redondela na tarde de onte, deixou nun susto o que podería ter sido unha desgraza na AP-9 ao conseguir deter, con grave risco dos axentes, un vehiculo que circulaba en dirección contraria pola antedita autopista.

Redondela entrega os premios do I Concurso Interescolar de Poesía Visual de Chapela

O Auditorio de Chapela acolleu o acto de entrega dos premios do I Concurso Interescolar de Poesía Visual, unha iniciativa impulsada polo poeta David Fernández Rivera froito dos talleres de poesía visual que impartiu, neste curso escolar, nos centros educativos de Chapela.

Redondela presenta os actos da semana LGTBIQ+, “nunha aposta pola diversidade, a dignidade e o respecto”

A Alameda de Redondela, co banco pintado coas cores do Arco da Vella, distintivo do colectivo LGBTBIQ+, foi o lugar elixido pola alcaldesa de Redondela, Digna Rivas para presentar os actos que se desenvolverán ao longo de toda a semana “nunha aporta por dar visibilidade a este colectivo e nunha aporta pola diversidade, a dignidade e o respecto”, dixo a alcaldesa.

Redondela manterá pechados os parques infantís e áreas biosaudables

O Concello de Redondela manterá pechados os parques infantís e zonas biosaudables do municipio ata que se estuden, por parte dos técnicos municipais, as posibilidades da súa apertura paulatina e controlada, unha apertura que “dende logo non é a que propón a Xunta de Galicia, dun día para outro, adoptando medidas que afectan aos concellos pero, como é habitual, sen contar para nada coa opinión dos propios concellos”, asegurou hoxe a alcaldesa de Redondela, Digna Rivas.

As Bibliotecas de Redondela abren as súas salas de estudo

As Bibliotecas de Redondela abriron este luns, 15 de xuño, assalas de estudo, unha apertura que se fai respectando o aforo, cumprindo sempre a distancia interpersoal e a limpeza e hixiene axeitados.

Redondela esixe á Xunta unha “reunión urxente” para tratar o problema de Aucosa

A alcaldesa de Redondela, Digna Rivas, e o concelleiro de Medio Ambiente, Roberto Villar, mantiveron unha xuntanza na mañá do venres coa veciñanza de Cabanas e Chapela que reclama o traslado de Aucosa, empresa dedicada á transformación de derivados do peixe, a un polígono industrial xa que, ao entender de afectados e afectadas, o planeamento vixente en Redondela só permite o establecemento de “industrias limpas” nesa zona limítrofe coa Rede Natura 2000.

Redondela ‘tira de imaxinación’ para celebrar, este xoves e domingo, a súa Festa da Coca máis virtual

Ao igual que aconteceu cos Maios, a Festa da Coca, a cita máis tradicional de Redondela, terá que adaptarse as circunstancias extraordinarias que marca a pandemia da COVID-19 e optar pola adopción de iniciativas imaxinativas que permitan que, aínda que de xeito diferente, veciñas e veciños poidan gozar desta celebración tradicional.

Colaboradores