18.8 C
Pontevedra
Mércores, 12 de Agosto de 2020

Tag: redondela

Redondela xestiona a compra de 50.000 máscaras cirúrxicas homologadas para distribuír entre a cidadanía

O Concello de Redondela recibirá, ao longo desta semana, un pedido de 50.000 máscaras homologadas cuxa compra xestionouse con distintos provedores durante estas dúas últimas semanas. Unha vez que o Concello redondelán teña estes elementos de protección, serán distribuídos entre a cidadanía buscando, dese xeito, o procedemento máis apropiado segundo as normas de prevención e salubridade.

O BNG de Redondela cualifica de “neglixente” a xestión da Xunta no CAPD de Chapela

O BNG de Redondela chamou hoxe a atención sobre o Centro de Atención a Persoas con Discapacidade (CAPD) de Chapela, dependente da Consellería de Política Social, que, segundo a formación nacionalista, converteuse dende o inicio da pandemia "nun dos centros máis afectados pola extensión da enfirmade" chegándose a un 'pico' "de setenta contaxiados e contaxiadas entre persoal e usarios e usuarias, dúas das cales acabaron finando".

As Bibliotecas municipais de Redondela participan no vídeo de 31 bibliotecas galegas para conmemorar o Día do Libro

As persoas responsables das bibliotecas, que están pechadas por mor da pandemia da COVID-19, son as protagonistas e as caras visibles deste audiovisual, que quere mostrar que estes centros seguen a traballar e a buscar novas formas de contactar co público lector. A acción enmárcase dentro das actuacións cooperativas que está a poñer en marcha un grupo de traballo formado por 31 bibliotecas públicas municipais pertencentes á Rede de Bibliotecas de Galicia.

Redondela convoca a primeira reunión da Mesa de Asesoramento Económico e Reestruturación do sector comercial

O Concello de Redondela convocará esta semana a primeira reunión da Mesa de asesoramento Económico e Reestruturación do Sector Comercial, unha iniciativa que nace coa intención de comezar a traballar conxuntamente nun plan de acción para intentar paliar os efectos da crise que o estado de alarma polo COVID-19 traerá aparellada durante o mesmo e nas datas posteriores ao seu remate.

Redondela habilitará as medidas necesarias para que o alumnado poida seguir as clases de xeito non presencial

“O Goberno local habilitará todas as medidas necesarias para que as e os escolares poidan seguir as clases de xeito non presencial” asegurou hoxe a concelleira de Educación do Concello de Redondela, Olga García Ballesteros.

Redondela subministra máscaras protectoras ás farmacias para persoas en situación de alto risco

O Concello de Redondela vén de distribuír, entre a totalidade de farmacias do municipio, máscaras homologadas de protección FFP1 destinadas ás persoas consideradas “de maior risco ao COVID-19 por padecer problemas respiratorios, cardíacos ou na franxa de idade de maiores de 70 anos”.

Redondela suspende as Festa do Choco e Os Maios

O Equipo de Goberno de Redondela anunciou hoxe a suspensión das festas do Choco e Os Maios, dúas celebracións de referencia no municipio e que “por motivos obvios” non poden ser aprazadas. A decisión da suspensión da Festa do Choco adoptouse logo de manter contactos co presidente da confraría de pescadores e con empresarios do sector da hostalería que tiñan confirmada a súa presenza nesta edición do 2020.

‘Redondela MercaNaCasa’, iniciativa para reactivar o comercio local durante o confinamento do COVID-19

A Concellería de Emprego do Concello de Redondela vén de poñer en marcha unha iniciativa que, baixo o nome de ‘Redondela MercaNaCasa’ busca reactivar o comercio local durante o estado de alarma provocado pola crise sanitaria do coronavirus. 'Redondela MercaNaCasa' parte do convencemento da existencia de numerosos establecementos redondeláns “que poden ofrecer os seus produtos e servizos a domicilio”.

As Bibliotecas de Redondela animan aos nenos e nenas a participar no concurso ‘Un poema na túa voz’

As Bibliotecas de Redondela lembran aos nenos e nenas que aínda poden participar no concurso 'Un poema na túa voz' organizado por Gálix, e dirixido á rapazada con idades comprendidas entre os 6 e 14 anos.

O sector do taxi amosa o seu interese polo ‘Transporte a demanda no rural’ proposto polo Concello de Redondela

O Goberno local de Redondela vén de dar traslado aos grupos da oposición da súa proposta para implantar no municipio un “servizo de taxi baixo demanda”, iniciativa pensada para conseguir unha comunicación fluída e eficiente das parroquias cos núcleos urbanos tanto de Redondela coma de Chapela.

A Concellería de Ensino de Redondela colabora cos colexios para achegar as tarefas escolares aos fogares que carezan de internet

A Concellería de Ensino do Concello de Redondela, vén de poñerse ao dispor dos centros educativos de Redondela de cara a facilitar que, aqueles nenos e nenas que non teñen conexión a internet nas súas casas ou non dispoñan de ordenador, poidan desenvolver as tarefas que, dende os diferentes colexios e institutos, propón o profesorado para este tempo de confinamento obrigado polo COVID-19.

Redondela estrea páxina de Facebook para establecer “unha canle de comunicación entre a Administración e a cidadanía”

O Concello de Redondela conta, dende o pasado mércores 1 de abril, cunha nova páxina de Facebook (https://www.facebook.com/redondelaconcello), que o Goberno local busca que sexa unha “canle de información aberta e dinámica entre a cidadanía e a administración local”.

Os Mercados de abastos de Redondela reinvéntase para facer fronte ao COVID-19

A crise provocada polo COVID-19 e o cambio de hábitos provocado polo confinamento da poboación para evitar contaxios, vén de facer que os mercados de abastos de Redondela e Chapela adoptasen medidas para adaptase á nova situación. Así, distintos comerciantes de ámbalas dúas prazas de abastos veñen de poñer en marcha o servizo de compra telefónica mediante encargo e o servizo a domicilio co obxectivo de facilitar aos veciños e veciñas a adquisición de produtos de primeira necesidade dende os seus fogares

As empresas adxudicatarias das obras públicas de Redondela cesan na súa actividade

As empresas adxudicatarias que realizaban obras para Concello de Redondela veñen de paralizar, dende onte, a súa actividade para dar cumprimento ao decreto do Goberno da nación de paralización dos servizos non esenciais. A paralización das obras foi precedida pola retirada da maquinaria e o valado das zonas de traballo.

O BNG de Redondela demanda da Xunta medidas en defensa das mariscadoras

O BNG de Redondela súmase as advertencias das confrarías da Enseada San Simón, como as de Cesantes e Arcade, sobre a grave crise económica que está a sufrir o sector marisqueiro. “Obrigan a que as mariscadoras e mariscadores manteñan a súa actividade, cando non teñen a quen vender, posto que o seu principal cliente, a restauración pechou”, sinala o responsábel local de Redondela, Anxo Lusquiños.

Redondela xa ten o proxecto que transformará en ‘Senda Verde’ a vía férrea de Chapela

A Senda Verde de Chapela, un dos primeiros expedientes aprobados polo actual Equipo de Goberno, comeza a tomar forma logo do informe favorable emitido polos servizos técnicos municipais e á espera das autorizacións sectoriais de Augas de Galicia e Estradas da Xunta de Galicia.

Redondela intensifica a atención aos colectivos e persoas máis vulnerables durante o estado de alarma

O Concello de Redondela vén de reforzar o servizo que, dende o pasado día 14, se presta aos colectivos e persoas máis vulnerables ou en risco de exclusión, iniciativas encamiñadas tanto a garantirlles os produtos de primeira necesidade coma a proporcionarlles asistencia e axuda nas diferentes situacións que se lle poidan presentar ao longo do estado de alarma.

A Praza de Ponteareas de Redondela e a súa contorna xa ten proxecto de humanización

O Concello de Redondela xa ten no seu poder o proxecto básico e de execución da remodelación da Praza de Ponteareas que supoñerá a transformación total dunha das principais vías de entrada á vila para convertela nun espazo pensado para o goce da cidadanía dando prioridade aos peóns e con grandes zonas axardinadas. O proxecto, redactado polo estudo de arquitectura Gándara y Pons Arquitectos, integra no conxunto o monumental Pazo de Vilavella nunha gran praza central e que definirá o Camiño de Santiago como parte importante do patrimonio histórico e cultural de Redondela.

A Xunta remite ao Concello de Redondela o convenio para a humanización da Avenida Mendiño

O Concello de Redondela vén de recibir, para a súa posterior sinatura, o convenio de colaboración para o proxecto de “Mellora da Seguridade viaria e reaordenación da PO-363. Treito Redondela–Praia de Cesantes” cuxa execución corresponde a Axencia Galega de Infraestruturas e que suporá unha transformación total desta céntrica zona.

Protección Civil de Redondela percorre as parroquias informando á veciñanza con especial atención as persoas maiores que viven soas

Voluntarios e voluntarias de Protección Civil percorren as parroquias de Redondela para atender ás necesidades das veciñas e veciños durante a crise do COVID-19, unha labor que vai dende ofrecer información á veciñanza das medidas de protección que teñen que adoptar para evitar o contaxio, ata ocuparse especialmente daquelas persoas maiores que viven soas.

Esta semana entrará en funcionamento o semáforo próximo ao colexio de Angorén en Chapela

O Goberno local de Redondela anunciou hoxe a inminente posta en marcha do semáforo situado nas inmediacións do CEIP Alexándre Bóveda de Angorén, Chapela, unha vella demanda veciñal que foi das primeiras accións realizadas ante o entón Ministerio de Fomento polo novo equipo de Goberno.

O BNG de Redondela propón un proxecto “máis ambicioso” para o novo edificio polivalente de Chapela

A proposta de construción dun novo edificio multiúsos nos terreos anteriormente ocupados polo colexio Igrexa, “debe ser máis ambiciosa para Chapela”, asegura o BNG de Redondela que lamenta que se deixara derrubar o inmoble "sen un estudo rigoroso de rehabilitación". A proposta nacionalista pretende que ese edificio "manteña un claro contido asociativo e cultural, incluíndo novas dependencias para Servizos Sociais".

O servizo contra incendios inicia a desinfección do CAPD de Chapela logo de terse detectado un positivo en COVID-19

O Servizo de Prevención e Defensa contra Incendios, a instancias da Xunta de Galicia, comezou hoxe a desinfección dos exteriores do Centro de Atención a Persoas con Discapacidade (CAPD) de Redondela, no marco do operativo activado a nivel galego nas residencias de maiores, persoas con discapacidade e centros de saúde de 200 concellos galegos. Mañá mesmo unha empresa contratada pola Xunta de Galicia procederá tamén a limpeza do interior.

Redondela reforza o servizo de a limpeza e desinfección en rúas e espazos públicos

A alcaldesa de Redondela, Digna Rivas, anunciou a posta en marcha, dende este luns, de medidas de reforzo aos equipos de hidrolimpeza e desinfección que xa viñan actuando en Redondela dende o inicio do estado de alarma. Ao servizo que funcionaba ata agora, engádese un camión de emerxencias para as rúas e prazas tanto do casco urbano coma das parroquias, e un vehículo máis pequeno que se ocupará de realizar os traballos de desinfección nas rúas secundarias.

O lavadoiro da subida da Buraca, en Chapela, último traballo do alumnado do obradoiro de emprego ‘Redondela Sostible’

Os alumnos e alumnas da especialidade de carpintería do obradoiro de emprego de garantía xuvenil 'Redondela Sostible', traballaron arreo e fixeron un último esforzo para, antes de que fora decretado o estado de alarma polo Goberno da nación, rematar a estrutura do tellado do lavadoiro situado na subida da Buraca, na parroquia de Chapela.

Redondela habilita medidas extraordinarias de protección para Policía Local, Emerxencias e Protección Civil

Dotar á Policía Local das maiores medidas de protección posibles é o obxectivo dun protocolo de actuación posto en marcha polo Equipo de Goberno do Concello de Redondela e que será de aplicación, tanto no traballo que desenvolven os axentes na rúa, como no interior das dependencias policiais. O mesmo protocolo será válido, agás as normas específicas, para o SEIS (Servizo de Emerxencias e Incendios en Redondela).

Redondela activa un servizo de axuda aos colectivos de especial vulnerabilidade

O Equipo de Goberno do Concello de Redondela segue adoptando medidas non só para evitar a propagación do coronavirus, senón tamén para axudar aos colectivos máis vulnerables como persoas maiores que vivan soas ou aqueles de especial vulnerabilidade que miran agravada a súa situación polo confinamento nas súas vivendas.

Policía Local e Nacional de Redondela traballan na vixilancia das medidas adoptadas para evitar a propagación do coronavirus

Policía Local e Policía Nacional de Redondela traballan, de xeito coordinado, na vixilancia do cumprimento das normas marcadas no estado de alarma decretado polo Goberno Central para evitar, na medida do posible, a propagación do coronavirus, controlando o peche dos establecementos e recomendando a veciños e veciñas que permanezan nas súas casas.

Goberno de Redondela adopta medidas para evitar a propagación coronavirus

O Comité de Seguimento do Covid-19 do Concello de Redondela vén de tomar unha serie de medidas que, na medida do posible, contribúan a evitar expansión do virus. O Comité, do que forman parte a alcaldesa de Redondela, Digna Rivas, a interventora e secretaria municipal e as tres tenentas de alcalde “informará puntualmente”, logo de cada reunión, aos portavoces dos grupos municipais da Corporación Municipal “porque é un asunto que trascende á vida política e atinxe a toda a cidadanía”, afirma a alcaldesa Digna Rivas.

O Concello de Redondela adopta medidas para garantir a saúde do persoal e o mantemento dos servizos públicos

O Concello de Redondela vén de facer público un comunicado oficial no que sinala que logo da evolución do COVID-19 nos derradeiros días que supuxo a adopción de medidas de contención extraordinarias polas autoridades sanitarias estatais e autonómicas, o novo escenario "esixe adoptar medidas que permitan garantir...

‘Mulleres en Acción. Violencia Zero’ chega a Redondela da man de ‘Sondolilá’

O concello de Redondela acollerá este martes 10 de marzo a novena acción da edición 2020 do programa da Deputación de Pontevedra 'Mulleres en Acción. Violencia Zero'. A cita aberta ao público, á que asistirá a presidenta provincial Carmela Silva, acompañada da alcaldesa Digna Rivas, terá lugar ás 12:30 horas no na praza do Concello.

O multiúsos da Xunqueira, escenario dun encontro interxeracional con motivo do Día Internacional da Muller

O multiúsos da Xunqueira de Redondela foi escenario, na mañá de hoxe, do acto institucional co que o Concello redondelán abría un amplo programa de actividades con motivo do ‘8 de Marzo, Día Internacional da Muller’ e que se desenvolverán ao longo do mes de marzo “para que a reivindicación da igualdade e os dereitos das mulleres, non quede cinguido a un só día”, afirmou a alcaldesa Digna Rivas.

A Xunta de Galicia desestima as alegacións presentadas contra a apertura dunha casa de apostas en Redondela

O Goberno local de Redondela vén de recibir un informe da Xunta de Galicia no que se comunica que, por parte da administración autonómica, procedeuse a desestimar todas as alegacións presentadas contra a instalación dunha casa de apostas na vila. Centros de escritos de asociacións e particulares, pedían “a denegación da licencia de apertura e actividades así como a revogación da autorización concedida pola Xunta en 2019”.

O BNG cualifica de “caótica” a situación do Centro de Saúde de Redondela

Malia as denuncias por parte do persoal sanitario e da propia organización nacionalista, e posicionamentos do Pleno "poucas melloras se teñen producido na Atención Primaria sanitaria en Redondela" sinala o BNG de Redondela cun Centro de Saúde, afirman, no que “continúa manténdose unha situación estresante para os e as profesionais, que incide nunha mala atención á doentes”.

A Xunta informa ao Concello de Redondela da modificación de liñas no transporte interurbano dúas semanas despois da súa posta en marcha

A alcaldesa de Redondela, Digna Rivas, reuniuse na onte co xefe territorial de Infraestruturas e Transporte, José Luis Díaz Yáñez, para coñecer polo miúdo os cambios de liñas no transporte interurbano e como estes afectarán ás veciñas e veciños de Redondela. A rexedora local expresoulle ao responsable provincial de Infraestruturas o seu malestar “pola falta de respecto institucional da Xunta co Concello de Redondela e coa súa veciñanza” ao informar ao Goberno local “case que dúas semanas despois do cambio de liñas”

Redondela perpetúa a memoria de Sesé Mateo a través dun premio de xornalismo

A Casa do Concello de Redondela acolleu a presentación dos actos de clausura do proxecto 'No Camiño do Vento' que se desenvolverán, este sábado 7 de outubro a partir das 12 horas no Multiúsos da Xunqueira. Joshua Mateo, fillo de Sesé Mateo e Digna Rivas, alcaldesa de Redondela, daban a coñecer tanto o final deste proxecto como o nacemento do que será o 'Premio de Xornalismo Sesé Mateo' co que se recoñecerán as boas prácticas xornalísticas en materia de violencia de xénero.

Redondela reforza a Policía Local coa incorporación de dous novos axentes

O Concello de Redondela vén de incorporar ao cadro de persoal da Policía Local, dous novos axentes unha vez que superaron o curso realizado na Academia Galega de Seguridade Pública (AGASP) e concluído o seu período de prácticas. Os dous axentes foron recibidos na Casa do Concello pola alcaldesa, Digna Rivas, e o concelleiro de Seguridade, Leonardo Cabaleiro, que lle deron a benvida ao cadro de persoal municipal. Con esta dobre incorporación, Redondela conta cun total de 20 efectivos entre mandos e axentes de policía.

Redondela continúa co proceso para regular a participación cidadá na vida municipal

A Concellería de Participación Cidadá do Concello de Redondela que xestiona Susana Couñago, vén de anunciar a apertura do prazo de exposición pública do Regulamento dos Consellos Municipais Parroquiais. A veciñanza e colectivos terán ata o 18 de marzo para achegar as súas propostas e alegacións a dito Regulamento.

O Goberno de Redondela reafírmase na “inexistencia” de proxecto para a reforma da Avenida Mendiño

O Goberno local de Redondela, que preside Digna Rivas, reafirmouse hoxe en que “a reforma da Avenida Mendiño, non ten proxecto redactado por moito que a conselleira Ethel Vázquez así o afirmara en febreiro de 2019 ante unha infografía da actuación”.

O Goberno de Redondela inicia as obras de conservación e posta en valor do Cemiterio de Eidos

O Goberno local de Redondela iniciou, esta semana, os traballos de conservación, mantemento e posta en valor do Cemiterio de Eidos, un destacado elemento patrimonial e histórico do municipio. A construción deste histórico cemiterio remóntase aos nos 30 do século XIX. Alberga tallas e panteóns de gran valor non só artístico, senón tamén histórico

Colaboradores