As Bibliotecas Municipais de Redondela convidan aos nosos usuarios e usuarias a participar nas actividades que organizan, o martes 30 de xaneiro con motivo do Día da Ilustración, data que o Calendario do Libro e a Lectura de Galicia recolle en conmemoración do nacemento de Castelao.
Realizaranse dúas propostas destinadas a fomentar a participación, a creatividade e a complicidade dos lectores e lectoras.
A Biblioteca Xela Arias de Chapela celebrará unha sesión aberta de debuxo para nenos e nenas, coa colaboración da ilustradora chapeleira Nusy Lo. Terá lugar o martes 30 de xaneiro a partir das 18:00 h. A rapazada interesada en participar pode inscribirse na biblioteca, no teléfono 986 454 226 ou no enderezo electrónico bibliotecachapela@redondela.gal
A Biblioteca Valle-Inclán de Redondela instalará un gran caderno de debuxo na sala de adultos, animando a todas as persoas usuarias a deixar a súa ilustración. Será durante toda a semana desde o luns 29 de xaneiro ata o venres 2 de febreiro.
