Unidos a través da historia dos seus cabaqueiros. Así están os concellos do Rosal, A Guarda e A Laracha, que xa están a dar os primeiros pasos para o irmandamento entre os tres municipios coa telleira como motivo condutor. A alcaldesa do Rosal, Ánxela Fernández Callís, mantivo un encontro co alcalde da Guarda, Roberto Álvarez Carrero; o rexedor da Laracha, José Manuel López; o concelleiro guardés Fernándo Reyes; a edil larachesa, Patricia Bello, e co cabaqueiro rosaleiro José Álvarez, Pepe O Buraco.

A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

A concellería de Infraestruturas e Sostibilidade, que dirixe Roberto Villar, acometerá a próxima semana os traballos de asfaltado na estrada do Cruceiro, en Cedeira, se a situación meteorolóxica o permite. Villar explica que “as chuvias das últimas semanas atrasaron estes traballos pendentes”, que están programados desde o pasado 14 de febreiro. Por outra banda, as incidencias causadas polo último temporal, como caídas de muros, taludes e asolagamentos “tiñan que ser resoltas de maneira urxente, polo que o persoal municipal centrouse nestes problemas e os traballos de asfaltado tiveron que agardar”.

Achegar ás familias recursos para mellorar a relación materno/paterno filial e ferramentas para afrontar e solucionar dun xeito máis efectivo as inquedanzas e problemáticas actuais na adolescencia é o obxectivo da Escola de Nais e Pais do IES Val do Tea que este martes día 12 arrinca cunha primeira sesión ás 18 horas aberta a toda a comunidade educativa con fillas e fillos en secundaria.

O Concello de Covelo inicia o procedemento para solicitar á Comisión de Heráldica da Xunta de Galicia a elaboración de propostas para a súa bandeira. Así o aprobou o pleno da Corporación na súa sesión ordinaria do venres 8 de marzo.

O Concello de Salceda, a través da Concellaría de Turismo que dirixe Marcos Troncoso, presentou onte as XV Xornadas da Camelia, que se celebrarán os vindeiros 16 e 17 de marzo e nas que participarán arredor de 60 expositores/as chegadas de toda a xeografía galega e de Portugal, que amosarán máis de 500 variedades desta flor de orixe oriental, ao longo de máis de 130 metros de exposición.

Eu Rural declara marzo como mes da muller. Co gallo do 8M, Día Internacional da Muller, ao longo das vindeiras semanas a Asociación de Desenvolvemento Galicia Suroeste Eu Rural dará protagonismo a todas as mulleres do territorio comprometidas e decididas que traballan día a día para crear un futuro mellor para o rural. Farao difundindo nas redes sociais as 14 pezas audiovisuais realizadas ao abeiro da terceira edición do Foro da Muller Rural, que deu voz a 16 mulleres emprendedoras para dar a coñecer uns proxectos que demostran de novo que o rural ofrece moito máis que sector primario.

O auditorio da Xunqueira acolleu este mediodía o acto institucional co gallo do 8M para conmemorar o Día Internacional da Muller “reivindicando os dereitos das mulleres, de todas as mulleres”, sinalaba a concelleira de Igualdade Iria Vilaboa. A edil salientou que o obxectivo prioritario do seu departamento é o de “sensibilizar e potenciar a igualdade real de xénero, sen esquecer que a violencia contra as mulleres é a expresión máis amarga das sociedades machistas” e avanzou que non darán “un paso atrás” nesta loita.

O Concello presentou o cartel que anuncia a celebración do Corpus Christi para este ano 2024. Trátase dun deseño do ponteareán Sergio de Arcos no que pon en valor o traballo de debullar a flor así como a unión da veciñanza para confeccionar as famosas alfombras da vila. A proposta é a gañadora do concurso que celebrou a administración local.

As mulleres representan máis da metade da poboación mundial e, sen embargo, a ciencia ten aínda no s. XXI unha gran débeda pendente coa saúde feminina. Procesos fisiolóxicos como a menstruación ou a menopausa foron estigmatizados ao longo da historia e son os eternos esquecidos das investigacións.

O Concello de Nigrán continúa a presumir da súa natureza e talento nun mes de marzo adicado case por completo ao seu patrimonio natural e inmaterial. Este sábado estreará a súa primeira Feira da Natureza no Auditorio Municipal para que dez emprendedores e artistas poidan mostrar a toda a veciñanza o seu traballo.

O día 8 de marzo conmemórase o Día Internacional das Mulleres, que foi adoptado pola Asemblea Xeral da Organización das Nacións Unidas o 16 de decembro de 1977, co obxectivo de eliminar toda forma de discriminación hacia as mulleres, promover o seu empoderamento e conseguir a súa plena participación na sociedade. Consciente da necesidade de reinvindicar o importante papel que sempre desempeñou a muller no mundo rural o GDR Condado Paradanta contempla na súa estratexia de desenvolvemento “Reverdecendo Condado Paradanta” o apoio de iniciativas que visibilicen ás mulleres e dos proxectos que promovan a súa participación e inserción laboral.

A dous días de celebrar o Día Internacional da Muller, a Alameda Castelao loce xa os cubos da exposición “Conquistadoras”. A exposición, que no mes de abril trasladarase ao paseo de Cardona, en Chapela, reflicte “o compromiso do Concello de Redondela con todas as mulleres que loitaron polos seus dereitos”, explica a alcaldesa Digna Rivas. Referentes históricas como Juana de Vega, María Vinyals ou María Pita comparten protagonismo con mulleres destacadas do panorama actual como a cantante Luz Casal, a xornalista Julia Otero ou a enxeñeira redondelá Xunqueira Ézara.

O alcalde da Cañiza, Luis Piña e o presidente da Asociación Deportiva Canina ÉCAN, David Conde, acompañados pola tesoreira da Asociación, Olaya Guerrera, presentaron non día de onte o primeiro campionato de Mondioring que se disputará o sábado 9 de marzo nas instalacións do campo de fútbol municipal no COUTO en horario de mañá, de 9 h a 14 h.

O Concello de Salceda de Caselas a través da Concellaría de Igualdade que dirixe Selene González, ven de facer público un amplo programa de actividades co gaio do 8M, Día internacional da Muller. Os actos estenderanse ata o mes de xuño con actividades diversas, varias delas realizadas en colaboración coa Asociación Treze Catorze. Trátase do máis amplo programa posto en marcha ata o de agora dende o Concello.

A XI Eurocidade BTT, que se celebrará o domingo 17 deste mes, aspira a reunir a 1.200 participantes nunha proba única de carácter transfronteirizo. Este evento, que forma parte do calendario deportivo da Eurocidade Tui-Valença, foi presentado este mediodía polo alcalde de Tui, Enrique Cabaleiro, os concelleiros de Deportes de Tui e Valença, Rafael Estévez e Arlindo Sousa, o seleccionador da Federación Galega de Ciclismo, Óscar Sánchez, o presidente da Peña Ciclista Biciosos Rías Baixas organizadores da BTT, Eduardo Fernández, así como o ciclista local Manuel Bugallo.

O Concello de Covelo, a través da concellería da Muller que dirixe Fanny Rey, celebra o Día Internacional da Muller coa comunidade educativa e coa veciñanza en distintos actos que perseguen a visibilización do importante papel da muller na economía, na sociedade e na cultura.

O Círculo Recreativo Cultural do Porriño (CRC) celebra un ano máis o Día Internacional da Muller coa iniciativa 'Mulleres nas rúas'. Cinco mulleres vinculadas ao Porriño e ao propio CRC terán unha rúa co seu nome dentro das propias instalacións da entidade. O próximo xoves, ás 19:00 h, inauguraráse o novo rueiro nun acto aberto a toda a sociedade porriñesa.

O presidente da Deputación de Pontevedra, Luis López, participou este martes no colexio plurilingüe Antonio Palacios do Porriño na inauguración da exposición “Achegas das mulleres á Sustentabilidade do Mar”, enmarcada no programa de conmemoración do Día Internacional da Muller deste centro de Educación Primaria. Durante o acto, o mandatario provincial puxo en valor o labor das mulleres que traballaron e traballan no eido do mar, desde o marisqueo ata as investigadoras; e salientou, diante dos escolares de sexto curso, que calquera delas sería xusta merecedora do Premio Boas Prácticas en Igualdade que acaba de crear o organismo provincial.

Alegre, incansable, valente e xenerosa, así describe a Valentina Muíños Valdés o seu neto e concelleiro do Concello de Covelo, Félix Álvarez. Este sábado Valentina cumpríu 100 anos e fíxoo rodeada dos seus, daqueles e daquelas polos que tanto loitou e aos que tanto quere. Naceu un dous de marzo de 1924 na parroquia de Barcia de Mera, Covelo, e como tantos galegos e galegas de aqueles tempos herdou o alcume da familia pasando a ser a "Valentina do Romualdo", herdanza de seu pai Francisco.

O domingo, día 3 de marzo, rematou en Redondela a campaña 'Semaniña enteira' coa que o alumnado dos institutos Chapela, Floriani e Mendiño se propuxeron falar galego. O seu reto era falalo durante 7 días as 24 h. Para este propósito o Concello de Redondela mobilizou a distintos sectores sociais para contribuír ao uso do galego e animar á poboación a empregar a nosa lingua.

Probas deportivas, concertos, actividades reivindicativas, formación e literatura coparán a axenda de lecer rosaleira durante os meses de marzo e abril.

Semana Santa Concilia é a proposta do Concello da Guarda para esta Semana Santa 2024. Estes obradoiros de ocio e tempo de lecer para crianzas son de carácter gratuíto e teñen como obxectivo principal facilitar a conciliación da vida persoal e laboral no período non lectivo.

O Concello do Porriño presentou hoxe a súa programación conmemorativa do 8M, Día Internacional da Muller, con actividades de visibilización sobre o papel das mulleres en diversos ámbitos e a relevancia de seguir reivindicando unha igualdade real e efectiva.

A alcaldesa de Redondela, Digna Rivas, acompañada polos concelleiros de Urbanismo, Antonio Cabaleiro, e de Deportes, Iván Valles, reuniuse esta pasada semana coa directiva do Chapela CF, encabezada polo seu presidente, José Hermida, acompañado polo vicepresidente Joaquín Rodríguez e o tesoureiro José Luis Ballesteros. Na xuntanza abordaron, entre outros temas, o cambio de céspede no terreo de xogo do campo de fútbol municipal.

Tan só tres semanas tiveron que esperar os participantes da Pontevedra Trail League 2024 para volver competir. Foi na mañá do domingo no TRAIL MUIÑOS DO FOLÓN, que daba a súa saída ás 10.00 h. cunha meteoroloxía bastante mellor do que apuntaban as previsións.

Con motivo do Día Internacional da Muller, que se conmemora cada 8 de marzo, o Concello de Baiona, a través da Concellería de Igualdade, presenta a programación 'Baiona Lila 8M', que trae consigo un mes dedicado a actividades para sensibilizar e educar en igualdade.

O Concello do Porriño xa puxo en marcha o proxecto de sustitución do alumeado público do polígono residencial de Torneiros e parque Piñeiro. A primeira fase desta actuación xa está aprobada e contempla a renovación de 105 lámpadas por luminarias LED nas zonas peonís das fases II e III. Conta cun investimento de 40.000 euros ao abeiro dunha subvención do Fondo de Compensación Ambiental da Xunta de Galicia.

O Concello de Redondela conmemora o 8 de marzo, Día Internacional da Muller, cunha serie de actividades nas que se está a implicar toda a sociedade redondelá. Exposicións, teatro, ciclos formativos, xornadas de saúde feminina, roteiros para escolares e concertos son algunhas das actividades que ao longo dos meses de marzo e abril ofrece a concellería de Servizos Sociais e Igualdade baixo o lema 'Enredadas pola Igualdade'.

O Concello de Redondela ofrece un curso de Formación en Igualdade para os concelleiros e concelleiras da corporación municipal. Será o vindeiro martes, día 5, e impartirá o curso Lucía Pereda, educadora social e axente de igualdade. A alcaldesa, Digna Rivas, explica que para o goberno local a formación en igualdade e a prevención da violencia de xénero é algo” prioritario” no que se traballa “ao longo de todo o ano” e non só en datas específicas. De aí os cursos de formación que se imparten nos institutos e outras actividades que se realizan tanto en Redondela como nas parroquias en diferentes épocas.

O presidente da Deputación de Pontevedra, Luis López, participou este martes en Madrid na reunión da Rede Española de Cidades Saudables, un organismo dependente da FEMP (Federación Española de Municipios e Provincias), para coñecer as conclusións da memoria de actuacións levadas a cabo ao longo do pasado ano 2023 por esta entidade, da que o mandatario provincial ocupa o cargo de vicepresidente segundo.

O ser humano é, por natureza, un ser social que precisa a outras persoas para establecer relacións persoais que xeren certo benestar. Por este motivo, a soidade non desexada pode ser un dos sentimentos máis difíciles de afrontar. Para afondar na soidade, tanto na elixida como na imposta, o Concello organiza unha nova sesión dos ‘Cafés en Igualdade’, que durante este 2024 están a percorrer os barrios rosaleiros para falar de xeito cómodo e distendido sobre temas de interese e actualidade do máis diversos.

O Concello informa de que xa están en vigor as ordenanzas municipais que permiten bonificar nun 95 % o Imposto sobre Bens Inmobles (IBI) e o Imposto de Construcións, Instalacións e Obras (ICIO). Desta redución, beneficiaranse propietarios de vivendas así como organizacións culturais sociais e deportivas. A medida levada a cabo polo equipo de goberno buscar impulsar o desenvolvemento urbano sostible e o estímulo de actividades que resultan clave para a vila.

O Trail Adventure Muíños do Folón quenta motores para celebrar unha edición de récord. Preto de 600 deportistas de máis de 14 provincias de España e do norte de Portugal disputarán o vindeiro domingo 3 de marzo unha nova edición desta carreira, a segunda proba da Pontevedra Trail League.

Carmen Babiano, “a artista na gaiola”, pontevedresa pioneira na arte feminina de finais do século XIX, foi a primeira protagonista da segunda colección de 'Aquí Faltan Páxinas', que arrancou hoxe no Museo de Pontevedra cun faladoiro a cargo de Beatriz de San Ildefonso, conservadora da entidade.

A Asociación para a Defensa Ecolóxica de Galiza, ADEGA, convoca unha nova actividade de voluntariado para a eliminación de especies exóticas invasoras no río Tea, ao seu paso polo concello de Mondariz. Esta xornada terá lugar a fin de semana dos días 1, 2 e 3 de marzo e para inscribirse nel é necesario cubrir o formulario dispoñible na páxina web de www.adega.gal ou escribir un correo electrónico a maria.amigo@adega.gal.

O temporal que azoutou as Rías Baixas esta fin de semana deixou diferentes incidencias no municipio de Redondela. Entre as máis destacadas están a caída dunha oliveira de gran tamaño na Alameda Rosalía de Castro en Chapela; dunha árbore no paseo do río Maceiras e dun poste de telefonía no camiño Pereira en Reboreda aos que hai que engadir a caída dun muro na Formiga e o derrube de dous taludes no camiño do Sapal, un á altura do Corisco en Saxamonde e outro en Santo Estevo de Negros, onde tamén caeu un poste de iluminación.

Últimos días para que as entidades sen fins de lucro da provincia que teñan como obxectivo a promoción das mulleres e apoien o seu desenvolvemento poidan solicitar algún dos obradoiros do programa da Deputación de Pontevedra “+Xuntas”. A través desta iniciativa, dotada con 300.000 €, a institución provincial pretende impulsar a participación activa das mulleres, xerando vínculos e fomentando as relacións interpersoais e o intercambio de experiencias.

O presidente da Deputación de Pontevedra, Luis López, reforzou a aposta do goberno provincial polo fomento do turismo na provincia na presentación dunha nova edición da Festa da Arribada de Baiona. O evento, que se celebra na fin de semana do vindeiro 1 de marzo, chega a súa edición número 28 co recoñecemento de Festa de Interese Turístico Internacional e como unha referencia no destino turístico Rías Baixas.

O Concello de Covelo solicita á Dirección Xeral de Patrimonio Cultural da Xunta de Galicia a catalogación do conxunto formado pola Poza do Piñeiro, a Cruz da Porteliña e a Choza da Poza como Lugar de Valor Etnolóxico. Construída en 1851, está formada por unha notable infraestrutura hidráulica, unha cruz baixa e un choza granítica de pastores e pertence á Comunidade de Montes Veciñais en Man Común de Piñeiro.