Ponteareas acollerá esta semana dúas novas xornadas para doazón de sangue. A concellaría de Saúde, que dirixe a alcaldesa Cristina Fernández Davila, informa que a unidade móbil da Axencia de Doazón de Órganos e Sangue estará na vila os vindeiros días 14 e 15 de xaneiro para todas as persoas que desexen achegar a súa pinga de solidariedade.
O autobús estará situado na Avenida de Galiza, na parte traseira da Casa do Concello, en diferentes horarios. O día 14 as persoas interesadas poderán acudir a doar sangue de 10.00 a 14.30 e de 16.30 a 21.00 horas, mentres que o día 15 poderán ir de 10.00 a 15.00 horas. Para maior axilidade recoméndase pedir cita previa chamando ao teléfono gratuíto 900 100 828.
É importante lembrar que poden doar sangue toda as persoas maiores de 18 anos e cun peso mínimo de 50 kg e que se recomenda non acudir a doar se nos últimos 15 días se tivo febre, tose ou problemas respiratorios. Para doar sangue hai que almorzar e despois de xantar esperar 2 horas. Ademais, é importante levar a tarxeta de doazón, o DNI ou documento similar e informar ao médico de que se está a tomar algún medicamento.
Cada día a Axencia despraza 10 unidades móbiles e mantén abertos sete puntos fixos de doazón nos hospitais galegos, que precisan entre 400 e 500 doazóns de sangue para manter a súa actividade.
Sanidade lembra que a campaña de vacinación estará operativa ata o 15 de xaneiro e que se dirixe a toda poboación. O obxectivo xeral céntrase en diminuír o número e a gravidade das complicacións derivadas desta infección, minimizando o efecto na saúde mediante a súa prevención.
Segundo os últimos datos, rexistráronse 787.600 vacinas. No grupo dos maiores de 65 anos contabilizáronse 507.184. No de 65 a 69 anos, 99.481; no de 60 a 64, 65.296; no de 15 a 59, 189.624 e no de menos de 15 anos, 25.496.
Por áreas sanitarias, a da Coruña encabeza a lista, con 168.661; seguida de Vigo, con 135.763; e Santiago, con 131.572. A continuación sitúase Lugo, con 106.800; Ourense, con 105.286; Pontevedra, con 77.449; e Ferrol, con 59.197.
Con todo, os datos amosan un descenso no caso das embarazadas, onde polo de agora se rexistraron 5.645 doses, fronte ás 7.792 de finais de 2020. Por outra banda, no que se refire á vacinación dos profesionais sanitarios, contabilízanse 29.484. Unhas cifras que se achegan ás dos anos precedentes. E é que ao final da campaña do 2020 rexistráronse 31.053 vacinas en relación aos profesionais do eido sanitario.
Sanidade lembra que as persoas que así o desexen poderán solicitar a súa vacina fronte á gripe ata mediados de xaneiro.
O Concello de Nigrán remodelará a praza da nova biblioteca municipal para extender o uso sociocultural a este gran espazo público de 2.958 metros cadrados e infrautilizado actualmente pola veciñanza. Así, dispón xa de un proxecto redactado polos mesmos arquitectos da Biblioteca, Estudio Gándara Pons, co obxectivo de crear unha simbiose perfecta entre o novo edificio público e a súa contorna, complementándose ambos lugares nos seus usos.
“A praza da Biblioteca, pese a ser moi grande e estar en pleno núcleo urbano de Nigrán, é prácticamente descoñecida para a veciñanza porque non resultan visibles o seus accesos e, tal e como está conformada, non invita a pasar o tempo de lecer alí, así que o que pretendemos é revitalizala e recuperala cunha intervención sinxela para facilitar usos socioculturais e dos propios negocios que acolle”, explica o alcalde, Juan González, quen avanza que tamén será ‘rebautizada’ ao compartir oficialmente o nome ‘Rosalía de Castro’ coa praza veciña, o que leva a confusión. “O obxectivo final é que a veciñanza redescrubra esta gran praza e que o novo deseño forme unha simbiose perfecta coa Biblioteca e os seus usos”, conclúe.
Cun investimento previsto de 360.000 €, a intervención comprende a ubicación dun gradería inserto no actual manto vexetal da zona noroeste aproveitando o salto de cota (ao carón da Biblioteca). Esta nova bancada lonxitudinal estará orientada cara un espazo central na praza que será unha fonte lúdica para o xogo infantil pero que, ao mesmo tempo, poderá funcionar como escenario natural ao aire libre para posibles actuacións. Paralelamente, e tamén aproveitando o forte desnivel, instalarase un tobogán de aceiro inoxidable ao lado das novas gradas. Para complementar o equipamento para os máis pequenos tamén se prevé no lateral este camas elásticas enrasadas coa superficie e un área de montículos de caucho.
A remodelación busca tamén abrir visualmente a praza á cidadanía e integrala coa Biblioteca, polo que se plantexa pavimentar en pedra o acceso desde Estrada pola Vía, tal e como está actualmente circundando o edificio, e no eixo central proxéctase chan de formigón pulido con franxas de céspede. A actual escalera que baixa á praza se modificará por unha de maiores dimensións que continúe co itineario peonil. Para rematar a actuación neste sentido de outorgarlle maior accesibilidade, rediseñarase a rampla noreste para facela máis ampla. Ademais, a superficie actual da praza atópase en moi mal estado, polo que a intervención propón repavimentala con placas de formigón e zonas de adoquín intercalando céspedes, para crear así espazos diferenciados e reducir a sensación de “aridez” fronte a un lugar máis amable.
Finalmente, renovaranse os colectores de pluviais deteriorados, todo o mobiliario urbano, outorgaráselle iluminación ornamental ás novas zonas e aumentarase a vexetación complementándose con novas especies e con plantas tapizantes.
“Queremos que os usuarios da biblioteca teñan aquí o lugar idóneo para sentarse a ler un libro ou facer un descanso no estudo, pero que tamén poida ser un lugar perfecto para organizar un contacontos ao aire libre ou vir en familia a tomar un café ou para xogar os nenos”, explican os arquitectos Juan Pons e Lucas Gándara.
Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente. Es cierto, existen las vacunas, se ha administrado a una gran parte de la población de este planeta que dispone de un mayor nivel de vida y una mejor sanidad, pero no todos los países han tenido acceso a ella de la misma forma y esto ha hecho que el covid haya aprovechado para mutarse, algunos dicen que se ha debilitado. Lo que si está claro es que, debilitado o no, es mucho más infeccioso y está infectando a mucha más población.
Está claro que la vacunas han ayudado y mucho a evitar que los síntomas sea tan graves, pero sólo la prudencia de todos nosotros podrá evitar que estos siga avanzando porque el virus, como ser viviente que es, busca su superviviencia y si nosotros le facilitamso el camino, está claro, que la va a provechar.
En lo musical, pue salgunas novedades interesantes, cómo el nuevo trabajo del maestro griego Vangelis, un disco titulado “Juno To Jupiter” dónde sigue demostrando su buen hacer con los teclados y sus maravillosas ideas para crear música espacial. También, nos hemos encontrado con la “Revelación” de Kelly Andrew, un fantástico álbum y una de las sorpresas del año. Los mismo que nos dimos un paseo por el “Mare Nostrum” con PeterMergener y sus amigos.
Por otro lado, pues grandes artistas nos han dejado en este paso 2021, entre ellos destacamos a los que aparecen a continuación:
Georgie Dann
El mítico cantante de las canciones de verano murió a los 81 años. Fue el rey con mayúsculas y creo el género de la canción del verano, ¿quién no recuerda temas como ‘El Chiringuito’ o ‘La Barbacoa’.
Charlie Watts
Batería legendario de los Rolling Stones, falleció con 80 años el pasado 24 de agosto. Compartió con la banda británica más de medio siglo de carrera, siendo reconocido como uno de los grandes baterías de la historia. Se unió a Mick Jagger, Keith Richards y Brian Jones en enero de 1963 y tocó la batería en los 30 álbumes de la banda y en cada gira hasta la fecha.
Rafaella Carrà
Cantante y bailarina, murió el 5 de Julio. Se convirtió en gran estrella en su Italia natal y después en España y por todo el mundo. Con una larga trayectoria, conquistó a diferentes generaciones con Fiesta, En el amor todo es empezar, Rumore, Caliente, caliente o Tuca, tuca, que fueron algunas de sus canciones más conocidas.
Álex Casademunt
Perdió la vida el pasado 3 de marzo, en un accidente, con tan sólo 39 años. Se hizo conocido por su paso por la primera edición de Operación Triunfo y es protagonista en la canción Dos hombres y un Destino.
Michael Nesmith
Michael Nesmith tuvo una amplia carrera en la industria del entretenimiento, sin embargo, su papel como músico de The Monkees es el más recordado. A su lado, la banda vendió un innumerables discos y sencillos, tanto que, en 1967, vendieron más que The Beatles y los Rolling Stones juntos. El músico falleció a los 78 años.
Stephen Sondheim
Inició como el protegido del compositor Oscar Hammerstein II, quien le aconsejó que escribiera la letra de los musicales: West Side Story y Gypsy. Después de eso el nombre de Stephen Sondheim resonó en todos lados porque transformó los musicales estadounidenses de una manera más ingeniosa, poco sentimental e inventiva. El compositor murió a los 91 años tras haber recibido nueve premios Tony, un premio Pulitzer, un Oscar y ocho premios Grammy a lo largo de su carrera.
Don Everly
La voz de Don Everly, junto con la de su hermano, Phil, influyó en generaciones de músicos del rock ‘n’ roll. Fue parte de la serie de éxitos de Everly Brothers en las décadas de 1950 y 1960, con sencillos como Bye Bye Love, Wake Up Little Suzie y All I Have to Do Is Dream. Si bien sus canciones pertenecían al rock, a menudo tenían influencias country. Junto a su hermano, Everly fue incluido en el Salón de la Fama del Rock & Roll en 1986 y en el Salón de la Fama de la Música Country en 2001.
Dustin Hill
Dustin Hill, cuyo nombre era Joseph Michael, hizo historia en la música junto a su banda ZZ Top. con sus barbas de 50 centímetros, gafas de sol y guitarras que hacían girar en círculos. Su manera de tocar el bajo impulsó éxitos como Gimme All Your Lovin y Sharp Dressed Man, así como la venta de 50 millones de álbumes. Tampoco podemos dejar de mencionar su trabajo colectivo para obtener tres nominaciones al Grammy, incluida una nominación a la mejor película musical este 2021 por That Little Ol’ Band From Texas.
Chick Corea
Armando Anthony ‘Chick’ Corea fue un reconocido músico de jazz que aprendió piano a los 4 años y se convirtió en un profesional de la banda de Cab Calloway. Inventó la fusión de jazz y rock en el álbum más exitoso de Miles Davis, Bitches Brew, y en su propia banda influyente, Return to Forever. Maestro de muchos estilos y exponente de todos, desde Mozart hasta Thelonious Monk y Stevie Wonder, obtuvo 23 premios Grammy, una cantidad considerable para cualquier artista de jazz en la historia.
Mary Wilson
La fundadora de la banda de la década de 1960, The Supremes, cruzó las fronteras raciales en una época de agitación cultural. Cuando era adolescente inició su carrera uniéndose a Diana Ross y Florence Ballard con los éxitos de Baby Love, Come See About Me, Stop! In the Name of Love. También tuvo una exitosa carrera en solitario y planeaba lanzar más música antes de morir a los 76 años.
Carlos Marín
El coronavirus también ha afectado a multitud de famosos, aunque lamentablemente ha habido quienes han sufrido sus peores consecuencias. En las últimas semanas de este 2021 estuvo ingresado de gravedad Carlos Marín, el siempre sonriente y querido cantante de Il Divo. Tristemente falleció a los 53 años después de llevar más de 10 días en coma inducido.
Joey Jordison
El exbatería de la banda estadounidense de heavy metal Slipknot, Joey Jordison, falleció el 26 de julio de 2021 a los 46 años mientras dormía.
Biz Markie
El rapero de Nueva York y pionero en el beatboxing, y quien alcanzó el éxito con la canción Just A Friend, falleció a los 57 años, según informó un comunicado difundido por el representante del músico el 16 de julio de 2021.
DMX
Era un músico y actor estadounidense. Fue una figura del rap en la década de los ’90, así como el primer artista en lograr que sus cinco primeros discos encabezaran la lista de más vendidos de Estados Unidos. Vendió 14 millones de copias en ese país.
Hilton Valentine
El guitarrista fundador de la banda inglesa The Animals, Hilton Valentine, falleció el 29 de enero de 2021 a los 77 años. Valentine comenzó a tocar la guitarra a los 13 años en su ciudad natal de North Shields en el noreste de Inglaterra y al él se le atribuye la creación de uno de los riffs iniciales más memorables de la década de 1960 por la canción The House of the Rising Sun.
Francisco Javier Hernández, ‘Boni’
El fundador de la banda de rock Barricada, falleció el 8 de enero de 2021 a los 58 años de edad, debido a un cáncer de laringe por el que tuvo que pasar por el quirófano en 2018 y perdió la voz.
Henry Stephen
El cantante Henry Stephen falleció el lunes 5 de abril de 2021, víctima del Covid-19 a los 79 años. Medios confirmaron que el artista estaba ingresado en el Hospital Militar de Caracas desde el 1 de abril tras contagiarse con el virus. Será recordado por el popular tema El limonero que desde su estreno en 1968, se convirtió en todo un éxito.
Sylvain Sylvain
El legendario guitarrista de la banda New York Dolls, Sylvain Sylvain falleció el 13 de enero de 2021 a los 69 años.
Bunny Wailer
El pionero de la música reggae, Neville ‘Bunny Wailer’ Livingston, falleció el 2 de marzo de 2021 a la edad de 73 años.
Sin lugar a dudas, el año que nos ha dejado se ha llevado consigo a grandes músicos y voces, siempre nos quedará su trabajo para el recuerdo lo mismo que el dichoso virus que también ha sido el culpable de algunos de los fallecimientos.
Mis mejores deseos para este año 2022 que acaba de comenzar.
Unha patrulla da Policía Local do Porriño vixiará os polígonos residenciais de Torneiros. A concellería de Seguridade Cidadá, que dirixe Abel Estévez, decidiu intensificar a presenza policial naqueles puntos que poden resultar máis conflitivos ou de maior afluencia.
Atendendo á reclamación dos veciños da parroquia, os axentes patrullarán unha zona que aglutina un elevado número de poboación, varios centros escolares e o multicentro polo que, en horas de entrada e saída, presenta aglomeracións e require presenza policial.
“Trátase dunha medida que os veciños de Torneiros levaban anos reclamando”, explicou o alcalde Alejandro Lorenzo, “Para garantir a seguridade nos núcleos residenciais de Torneiros requírese unha patrulla centrada en cubrir esa zona en exclusiva”.
Pola súa banda o concelleiro, Abel Estévez, mostrou especial preocupación polos accesos aos centros educativos onde “a presenza policial é esencial para garantir a seguridade dos escolares ás horas de entrada e saída”.
A Mancomunidade Intermunicipal do Baixo Miño comeza a vindeira semana unha rolda de concentracións para denunciar o deterioro que está a sufrir a atención primaria nos centros de saúde da comarca, que dende hai tempo padecían unha importante carencia de persoal sanitario que case limitaba a atención ás urxencias, relegando as consultas ordinarias, con esperas moi prolongadas. Unha situación que se viu agravada aínda máis tras a decisión do Sergas de, en lugar de poñer solucións, decretar que só se atendan consultas urxentes e relacionadas coa COVID-19 nas instalacións da Guarda, O Rosal e Tomiño durante estes días.
Ante esta realidade, as alcaldesas e alcaldes da Mancomunidade convocan para os meses de xaneiro e febreiro catro concentracións conxuntas coas que “denunciar a situación de precariedade e o continuo desmantelamento da sanidade pública nos nosos municipios e trasladar ao Sergas e á Xunta a necesidade de adoptar medidas de forma urxente. A resposta non é restrinxir servizos, senón buscar solucións a curto e medio prazo”.
Por este motivo, convídase á toda a veciñanza e ás plataformas en defensa da sanidade pública a participar nestas catro concentracións, que arrancarán o vindeiro mércores 12 de xaneiro ás 19.00 horas na Praza do Calvario do Rosal. A seguinte cita será o 26 de xaneiro en Tomiño (ás 19.00 h na Praza do Seixo), o 9 de febreiro en Tui (ás 19.00 horas na Praza da Inmaculada) e o 23 de febreiro na Guarda (ás 19 h na Praza Avelino Vicente). Con estas concentracións búscase poñer de relevo “unha situación transversal que afecta a toda a veciñanza e que compromete e pon en risco a nosa saúde actual e futura”.
A Mancomunidade reclama dende hai tempo unha mellora da atención sanitaria que poña fin á degradación progresiva dos centros de saúde, con falta de medios persoais, instalacións deficientes e en progresivo deterioro dende hai anos. Unha situación de precariedade que se viu acentuada coa chegada da pandemia, cunha diminución da atención presencial e medidas tomadas por Sanidade que atentan contra a calidade do servizo. As rexedoras e rexedores da Mancomunidade dan o seu apoio aos profesionais da saúde e continuarán loitando para garantir que estes poidan desenvolver o seu traballo en condicións dignas, asegurando ao mesmo tempo a calidade de atención á veciñanza.
A Xunta concedeu no último ano 177 axudas ao sector do taxi para a adquisición de vehículos adaptados a persoas con mobilidade reducida e de baixas ou cero emisións, cun investimento de máis de 906.000 euros.
A Consellería de Infraestruturas e Mobilidade publicou no Diario Oficial de Galicia a resolución que recolle a listaxe dos beneficiarios destas axudas concedidas para a adquisición destes vehículos, no marco da convocatoria do ano 2021.
Para ampliar a información sobre esta resolución pode consultarse o DOG a través do seguinte enlace: http://xurl.es/pv99e.
As subvencións son de ata 4.000 euros para os taxis de baixas emisións, 6.000 euros no caso de vehículos de emisións cero e 10.000 euros para coches adaptados e accesibles a persoas con mobilidade reducida.
Nova convocatoria
Cómpre lembrar que o Goberno galego continúa apoiando ao sector do taxi, polo que o mes pasado a conselleira de Infraestruturas e Mobilidade, Ethel Vázquez, informou ao colectivo dunha nova convocatoria de incentivos por importe de 500.000 euros para a adquisición de vehículos adaptados, de emisións cero ou de baixas emisións, o que eleva as axudas concedidas polo Goberno galego a este colectivo a máis de 4 M€ desde o ano 2016.
Os novos incentivos da Xunta subvencionarán os vehículos adquiridos entre o 1 de outubro de 2021 e a data establecida para xustificar a axuda, ata o 31 de outubro de 2022.
O obxectivo é reforzar a aposta do sector do taxi pola inclusión social, financiando a adquisición de vehículos adaptados para cubrir a demanda de desprazamentos das persoas con diferentes necesidades de mobilidade e sumar aos profesionais á loita contra o cambio climático, dotándoos de vehículos menos contaminantes e máis respectuosos co medio.
Con esta nova orde de incentivos, a Xunta tamén aposta por axudar aos profesionais do taxi, un sector que en Galicia dá emprego a máis de 3.600 familias e que, pese ás dificultades derivadas da pandemia, fai un esforzo de adaptación continuo.
O Executivo autonómico, desde 2016, leva concedidos incentivos a este colectivo por 3,6 millóns de euros que facilitaron a compra de preto de 230 vehículos adaptados; de 316 taxis de baixas emisións; e de 15 vehículos de emisións cero.
A biblioteca pública municipal de Ponteareas celebra o vindeiro martes 11 de xaneiro o Día das Persoas Usuarias das Bibliotecas. Será unha xornada coa que render homenaxe a todas as persoas que desfrutan deste servizo e “fomentar a lectura entre toda a veciñanza.
Convidamos a todas e todos os ponteareáns a que se acheguen á biblioteca e coñezan este lugar onde poden divertirse no seu tempo de lecer”, asegura o concelleiro de Cultura, Fernando Groba.
A partir das 18.30 horas a biblioteca recoñecerá aos e ás súas usuarias co nomeamento das persoas con máis préstamos no ano 2021 tanto na categoría infantil como na de adulto, ás que a concellaría agasallará cun lote de libros. Ademais tamén se entregarán marcapáxinas a todas e todos os asistentes.
A animación á lectura é unha das prioridades da biblioteca municipal, así como as actividades de extensión da biblioteca, de captación, de formación e, en definitiva, “de apertura ao público en xeral”. O edil salienta a importancia deste servizo aberto nun amplo horario e para todos os públicos, “un lugar no que atopar lectura e actividades culturais, pero tamén un espazo para o estudo e para ampliar a súa formación ou de encontro no que atopar persoas con inquedanzas semellantes”.
O Rosal reflexionará sobre a enerxía dende diferentes perspectivas. Ese é o obxectivo co que o Concello organiza as ‘Xornadas de Enerxía’, que se celebrarán no Centro Social Polivalente e que arrancan con tres relatorios con conferenciantes de relevancia nacional e internacional e que non descarta ampliar en vindeiras datas. “Con estas charlas iremos abordando asuntos relacionados cos diferentes tipos de enerxía, os modos de consumo enerxético, os modelos alternativos, a sostibilidade…”, salienta a alcaldesa, Ánxela Fernández Callís.
A primeira conferencia será a de Antonio Turiel o venres 14 de xaneiro ás 19.00 horas, que abordará por vídeo conferencia a crise enerxética e os cambios sociais. Este investigador e divulgador científico é un referente a nivel internacional en cuestións como o esgotamento dos recursos convencionais de combustibles fósiles, como o pico do petróleo e as súas posibles implicacións a escala mundial e tamén sobre a economía e sociedade españolas; avoga polo decrecemento.
Francisco Hinojosa Moyano, técnico superior en enerxía solar e eficiencia enerxética e xerente de Ekosol Renovables, falará o martes 25 de xaneiro ás 20.00 horas sobre ‘Renovables, novos tempos, novas solucións’. A última charla destas xornadas será a cargo de Xosé Manuel Golpe, consultor enerxético especializado en alternativas enerxéticas de pequena escala. Será o sábado 12 de febreiro ás 11.00 horas e afondará sobre o consumo comunitario e alternativas enerxéticas sostibles. As charlas poderán seguirse de xeito presencial no salón de actos do Centro Social Polivalente (con entrada pola rúa Simón del Mazo), de balde e con entrada libre ata completar aforo.
O Concello de Salvaterra de Miño vén de rematar as obras de acondicionamento e renovación da pista de xogo do Pavillón “Cándido Carrera”. Este traballo levouse a cabo durante as vacacións de Nadal e consistiu no pulimento e substitución da tarima polo uso das distintas modalidades deportivas que se practican, así como o vernizado completo e pintado das liñas que delimitan as superficies deportivas.
Deste xeito, o pavillón luce un novo aspecto totalmente rexuvenecido e idóneo para a volta do Nadal, polo que os deportistas gozarán das mellores condicións dunha infraestructura renovada e lista para ter unha competición e uns adestramentos nas mellores condicións.
O Pavillón Cándido Carrera é un dos mellores pavillóns de toda a contorna, conta cunha das mellores pistas adaptadas ao xogo de fútbol sala, balomnan, bátminton, baloncesto, patinaxe e as diferentes actividades deportivas que se levan a cabo tanto por parte do CEIUP Infante Felipe e a ANPA.
A día de hoxe está sendo empregado polo colexio, pola ANPA e por catro asociacións deportivas do municipio que xunto ao pavillón municipal de Leirado ofrecen unha ampla posibilidade aumentar o rendemento deportivo de todo o municipio.
A deputada socialista Leticia Gallego e o voceiro de Sanidade, Julio Torrado, veñen de demandar á Xunta, a través da presentación dunha batería de iniciativas no Parlamento, a incorporar “de forma inmediata” máis persoal sanitario nos 14 centros de saúde da área sanitaria de Vigo coa actividade restrinxida.
“É necesario poñer de maneira urxente a disposición dos centros de saúde recursos humanos e equipamento suficiente para atender as necesidades de cada municipio conforme a súa poboación e poder garantir así a correcta e plena asistencia sanitaria na Atención Primaria”, sentenciou a socialista Leticia Gallego.
Neste sentido, Gallego cualificou a medida de restrición da actividade sanitaria nos centros de saúde de “ataque á sanidade pública, universal e gratuíta” por parte do goberno da Xunta que “impide” a unha parte da cidadanía acudir ao seu médico ou médica ante unha enfermidade común.
“A Atención Primaria está totalmente desbordada con xornadas con 190 pacientes nalgúns PAC, con profesionais esgotados e cada vez máis cadros de depresión e ansiedade entre o persoal que ve a situación con total desánimo”, lamentou.
Ao fío disto, Gallego censurou as “políticas de recortes do PP” na sanidade nos últimos anos que “levaron a que Galicia afronte a pandemia cun problema grave de persoal” cando “é a terceira peor comunidade autónoma de España en cociente de médicos e médicas por habitante”, segundo datos do Consello Xeral de Colexios de Médicos de España.
Con todo, a deputada viguesa urxiu a incorporar novos facultativos e facultativas que dispoñan de salarios equiparables aos países veciños, así como dunha maior estabilidade laboral “para facer atractivo traballar en Galicia”.
Por último, Gallego concluíu recordando que, dende o Grupo Parlamentario Socialista “levamos moito tempo denunciando a situación de colapso da Atención Primaria e a situación que ocorreu na área de sanitaria de Vigo esta semana é unha mostra máis da saturación do Servizo Galego de Saúde, que non se pode consentir”.
O Concello de Redondela vén de lembrar a todas as persoas xordas residentes no municipio que poden solicitar o servizo de interpretación de lingua de signos para calquera xestión que precisen realizar ante a administración local.
A solicitude, achegarase por correo electrónico mediante o modelo oficial que se pode descargar dende a páxina web do Concello –www.redondela.gal– cubrindo a información requirida en todos os campos e deberá ser enviada, con 48 horas de antelación, ao enderezo de correo electrónico [email protected]. Este servizo prestarase en calquera área do Concello.
Este servizo de interpretación, explica a alcaldesa Digna Rivas, non queda cinguido aos trámites administrativos, “senón que tamén o poden solicitar no caso de querer participar nalgunha actividade social ou cultural organizada directamente polo Concello”. Neste caso é preciso subliñar que a solicitude deberá ser tramitada, como mínimo, con 7 días de antelación a fin de que o Concello poida realizar as xestións pertinentes que garantan a prestación do servizo.
Digna Rivas gravou unha mensaxe para animar a todas as persoas xordas a utilizar este servizo destinado a mellorar a accesibilidade e a inclusión social e reiterou “o compromiso do Concello coa defensa da igualdade de dereitos en todos os eidos e entre todas as persoas”.
O Concello de Nigrán ofrece este sábado 8 xaneiro ás 19:30 horas no Auditorio Municipal o concerto de fin de Nadal de frauta traveseira e piano a cargo das irmás Lara e Alba Raña Barreiro.
Nadas no 2001 en Vigo, as irmás Raña Barreiro continúan o ‘I Cliclo de Novos Intérpretes’ do Concello de Nigrán, un certame que nace co obxectivo de ofrecer actuacións de novos talentos musicais de toda España, ben matriculados no derradeiro curso do Conservatorio Superior ou ben gañadores dalgún concurso nacional ou internacional (solistas ou formacións camerísticas).
Interpretarán nunha primeira parte a Sonata N 9 en Re Maior de W.A. Mozart, “Paraphrase de concert sur Rigoletto” S. 424 de F. Liszt e “Deux Poemes” Op. 32 de a. Scriabin. Nunha segunda parte interpretarán a “Sonata op. 15, La Flûte de pan” e rematará o concerto co “Nocturno e Allegro scherzando” de P. Gaubert.
‘I Ciclo de Novos Talentos’
Co afán de apoiar e protexer a excelencia musical, o Concello de Nigrán pon en marcha unha serie de concertos cunha mostra das mellores novas promesas de todas as especialidades instrumentais que marcarán o devir musical e cultural nun futuro non moi afastado. Así, Nigrán pon o seu Auditorio Municipal a disposición das agrupacións de novos músicos de todos os ámbitos, formacións camerísticas e solistas, que estean matriculados no último curso de Grao Superior de calquera conservatorio de España e sexan especialmente talentosos, así como aqueles intérpretes gañadores dalgún primeiro premio nalgún concurso nacional ou internacional.
Dende o pasado 3 de xaneiro, veciñas e veciños de Redondela poden inscribirse no servizo de préstamo de biotrituradoras, unha iniciativa da Concellería de Medio Ambiente que dirixe Alberto Álvarez e que reafirma a aposta do Goberno socialista redondelán pola compostaxe e a protección do medio ambiente.
A través deste servizo, a veciñanza poderá dispoñer dunha biotrituradora en réxime de préstamo, para desmenuzar ramas de ata 4 centímetros de diámetro e, dese xeito, xerar estruturante para aportar aos composteiros, un material do que é deficitario o municipio redondelán.
Para darse de alta no servizo, as interesadas e interesados deberán utilizar o formulario que se pode descargar da páxina web do Concello –www.redondela.gal– no apartado de Medio Ambiente. Unha vez cuberta, a solicitude deberá presentarse nos rexistros autorizados do Concello, en Redondela e Chapela, ou a través do rexistro electrónico.
A alcaldesa de Redondela, Digna Rivas, quen fixo fincapé na importancia da compostaxe “á hora de contribuír á mellora da calidade medioambiental e a redución de custes no tratamento dos residuos sólidos urbanos”, lembrou que as veciñas e veciños que desexen utilizar este servizo de préstamo de biotrituradoras, “non teñen que ser participantes nos programas de compostaxe doméstica”.
Os aparellos obxecto do préxtamo –cunhas dimensións de 60x100x100 (anchura, longo e altura)– contan cun motor eléctrico e unha potencia mínima de 3 HP e están dotadas con coitelas desfribriladoras e contracoitelas que permiten a corta de produtos leñosos e fibrosos. A maiores, están dotadas de martelos móbiles para a trituración final para follas e ramas (cun diámetro máximo de 5 mm) e setos. A produción aproximada é de 1 metro cúbico/hora.
O alcalde do Concello do Porriño, Alejandro Lorenzo, e o concelleiro, Bienvenido Estévez, responsable de Parroquias no goberno municipal reuníronse con integrantes da nova “Asociación de Veciños e Veciñas das parroquias e polígonos de Torneiros” para coñecer de primeira man as demandas máis urxentes da veciñanza.
Este encontro é o primeiro dunha ronda de visitas e reunións coas diferentes asociacións de veciños de todas as parroquias do concello que vai manter o goberno municipal nos vindeiros días.
Trátase de “coñecer de xeito directo a través de todas as asociacións veciñais ás demandas e necesidades de cada parroquia. Teñen que ser escoitadas e atendidas. É unha das miñas prioridades absolutas e por iso nos volcaremos en cada unha delas facendo un plan especial de actuacións de mellora”, segundo explicou o alcalde, Alejandro Lorenzo.
No que atinxe ás demandas planteadas polos representantes da nova AAVV de Torneiros solicitaron a recuperación do Centro Cultural Alba; a rehabilitación de diversas infraestruturas da parroquia como parques, xardíns, rúas e beirarrúa e unha mellora do alumeado público.
Tamén demandaron maior limpeza e mantemento da rede de pluviais e dos contedores de lixo. En materia de seguridade cidadá piden presenza policial as 24 horas do día pola elevada poboación da parroquia. En cuestión de tráfico, demandan mellorar a sinalización citando os casos da pista do parque Alba e a posibilidade de converter en zona amarela para aparcamento de autobuses escolares a marxe dereita da estrada PO-2401, dende as instalacións de “Aimen” ata o IES “Ribeira do Louro”.
O Servizo Galego de Saúde continúa a monitorizar os casos positivos que ingresan nos hospitais da rede sanitaria pública galega, detectando que o 26,08 % das persoas ingresadas presentan infeccións compatibles coa variante Ómicron.
Analizando os datos segundo a área de hospitalización, esta porcentaxe acada o 28,63 % no que atinxe ás unidades de hospitalización do Servizo Galego de Saúde, e descende até o 11,36 % no caso das persoas que se atopan ingresadas nas Unidades de coidados intensivos.
Sanidade continúa a analizar as infeccións de cada un dos ingresos que se producen nos hospitais galegos para determinar a que variante do virus Sars-Cov-2 a que pertencen, co obxecto de poder avaliar e facer un seguimento específico á evolución de cadansúa cepa.
Neste senso, o Servizo Galego de Saúde realízalle unha proba diagnóstica específica a todos os pacientes positivos que ingresan nos centros hospitalarios, co ánimo de poder avaliar a carga da variante ómicron durante a súa hospitalización.
Un equipamento icónico de uso sociocultural que quere converterse nun referente para a cultura de toda a comarca e do veciño norte de Portugal, amais dun novo lugar de encontro da veciñanza. Coa sinatura do convenio entre a Deputación e o Concello de Tomiño que protagonizaron a presidenta Carmela Silva, o vicepresidente César Mosquera, e a alcaldesa Sandra González, arranca o proceso para a construción na parroquia do Seixo do novo “Espazo Isaura Gómez”, proxecto do Plan ReacPon xa adxudicado e cuxas obras poderán comezar este mesmo mes de xaneiro.
Cun importante investimento de 1.740.586,11€, dos que a Deputación achega 1.108.423,05€ e o Concello 632.163,06€, o novo edificio estará situado moi próximo á Praza do Seixo que xa contou cunha achega do Plan DepoRemse, polo que este novo espazo socio cultural continuará facendo da zona un lugar de convivencia da cidadanía.
A presidenta da Deputación, Carmela Silva, amosou o seu orgullo pola sinatura “deste importante convenio” que servirá para financiar unha obra “tan fermosa na forma pero, sobre todo, no contido”. Neste senso, a presidenta subliñou que “dende a Deputación temos moi claro que a única forma de manter e aumentar a poboación ten que ver con garantir equipamentos e dotacións de calidade así como os dereitos das persoas para realizar toda actividade, e moi particularmente a sociocultural que é tan demandada pola cidadanía”. Ademais, como sinalou, o edificio que se construirá en Tomiño ao abeiro do ReacPon “leva nome de muller, o que tamén amosa o compromiso por visibilizar ás mulleres que deixan pegada na nosa provincia”. Carmela Silva tamén destacou a importancia deste espazo “a nivel arquitectónico e estético posto que constrúe unha trama urbana moi atractiva baixo os parámetros de eficiencia enerxética e aforro de enerxías, o que tamén ten un enorme valor”. Do mesmo xeito, puxo en valor que as obras vaian a comezar “moi brevemente o que amosa que os concellos (pequenos, medianos e grandes) teñen moita capacidade de desenvolver grandes proxectos e son eficientes á hora de poñelos en marcha”. Por iso, reivindicou a chegada de “moitos recursos ao mundo local, que sempre é capaz de executalos e de dar conta. É unha das administracións máis eficiente e eficaz e, dende logo, os concellos da provincia de Pontevedra están a demostralo”.
Para a alcaldesa de Tomiño, Sandra González, “hoxe é un día grande e emocionante” xa que o Espazo Isaura Gómez “é un soño feito realidade e vai a ser o corazón da cultura de Tomiño”. A alcaldesa destacou que “levamos catro ou cinco anos traballando e madurando este proxecto que non podería levarse a cabo con recursos ordinarios. Esta obra, afirmou, só cabe cando unha institución como a Deputación é sensible a esa necesidade dos concellos medianos de acometer obras tan importantes para a nosa veciñanza”. Sandra González trasladou ao goberno a ilusión das e dos tomiñeses por acometer este espazo “que vai a ser un lugar emblemático, pedido, demandado e case deseñado pola xente”. Entre os recursos cos que contará o edificio destacou a biblioteca, que albergará “o rincón de Tomiño, un sitio moi simbólico -incluso a nivel arquitectónico- onde vai a estar toda a bibliografía do concello e da comarca así como o arquivo da imaxe de Tomiño no que levamos traballando máis de dous anos e que ten máis de 7.000 fotografías”. Ademais, agardan que este sexa “un dos primeiros edificios clasificados como Passive House, cun consumo enerxético absolutamente baixo e respectuoso co medio. Vai a ser pioneiro como edificio público en Galicia”.
O vicepresidente César Mosquera chanceou asegurando que a sinatura do convenio supón para Tomiño “un bo regalo de Reis” por parte da Deputación, mais subliñou que o investimento acadado é moi merecido xa que o proxecto tivo a mellor puntuación do REACPON por ser moi atinado e estar moi ben elaborado. “Notouse que o Concello leva traballando nel catro ou cinco anos pola finura dos detalles”, dixo. Mosquera destacou tamén que o programa provincial pretendeu dende a súa concepción ser unha inxección para dinamizar a economía en xeral, seguir as normas da UE na expectativa de conseguir financiamento comunitario que reverter nos concellos, ademais de permitir a alcaldes e alcaldesas cumprir soños e ideas que cos recursos ordinarios serían “difíciles de atacar”. “Cremos que eses obxectivos cumpríronse e os concellos demostraron a súa capacidade para adaptarse e facer as cousas ben cando se lles estimula”.
A actuación
O novo inmoble, de cinco plantas, contará cun soportal exterior por toda a fachada cunha especial arquitectura e adaptada á estética dos edificios próximos, e cumprirá cos obxectivos fixados no Plan ReacPon: empregará enerxías renovables, será eficiente e accesible para todas as persoas(con ascensor adaptado), luminoso e integrador.O “Espazo Isaura Gómez” contará con biblioteca, Aula CeMIT e Área de Atención Temperá. Igualmente, centralizarase o arquivo municipal e crearase unha Sala de usos múltiples para realizar accións relacionadas co uso cultural ou social. Tamén contará cun xardín, para actividades culturais ao aire libre, e unha terraza exterior.
O novo espazo público levará o nome de Isaura Gómez dedicado a esta muller tomiñesa da parroquia de Figueiró, unha muller culta e moi activa, defensora de valores como a xustiza, a igualdade e a liberdade. Sufriu de preto a Guerra Civil e a represión franquista pero en ningún momento deixou de estar do lado das persoas que tiñan máis dificultades e necesidades, converténdose así nunha referente.
O Plan da Deputación ReacPon, dotado con 26,3 millóns de euros, beneficiará a 47 concellos da provincia de menos de 50.000 habitantes. Contou con bases esixentes e criterios obxectivos, aberto a proxectos maduras que contribúan a unha economía descarbonizada e á consecución dos obxectivos fixados na Axenda 2030 e nos fondos europeos. O programa suporá nestes concellos, ao longo do próximo ano e medio, a execución de ata 25 actuacións de mobilidade segura, tres novas bibliotecas, cinco reformas de casas consistoriais, cinco reformas de espazos culturais, a ampliación ecolóxica dun cemiterio, e oito novas infraestruturas deportivas.
Despois da súa visita á Residencia Santa Tecla na xornada do martes 4 de xaneiro, o pasado mércores día 5 de xaneiro os Reis Magos voltaron á Guarda para realizar un percorrido polas principais rúas e barrios da vila.
Seguindo o programa previsto os Reis Magos foron recibidos polo alcalde ás 17:30h na Praza do Reló, dende onde saíu a comitiva real para visitar as principais rúas e barrios da vila, escoltados pola Policía Local e o GES.
No seu percorrido visitaron o Castro, a Proba, Pintán, A Gándara, Saa, Camposancos, O Porto da Guarda, rematando a súa visita á Guarda na Alameda. Foron moitos os nenos e nenas da vila que saíron á rúa para ver ás súas maxestades de oriente, nunha xornada de moita ilusión para os máis pequenos.
A carreira de San Silvestre de Ponteareas convértese unha edición máis en sinónimo de solidariedade. A concelleira de Benestar Social, Verónica Carrera, informa que tras o reconto contabilizáronse 1.541 quilos de axuda destinada ao centro de reparto de alimentos municipal. Máis de tonelada e media de bondade que deixa entre os produtos máis doados pasta e arroz como alimentos non perecedoiros e produtos de hixiene.
“Dende o Concello queremos agradecer o traballo dos Taninos Runners para levar adiante un ano máis esta fermosa iniciativa con todas as precaucións que a situación sanitaria demanda e tamén de todas as persoas participantes que amosaron o seu lado máis solidario achegando produtos que se destinarán ás familias que máis o precisen. A súa implicación sempre é imprescindible”, destaca a edil. Verónica Carrera tamén quixo salientar o papel de todas as persoas voluntarias, membros de Protección Civil, empresas e comercios locais que colaboraron de diferentes xeitos para que a proba fora un éxito.
Pola súa banda, o concelleiro de Deportes, Miguel Bouzó, súmase tamén ao agradecemento á organización polo “inxente traballo desinteresado para que todas e todos puideramos gozar dun evento totalmente seguro, enchendo a vila de deporte e solidariedade”.
Os e as 750 participantes na categoría de adultos e os 250 corredores e corredoras da categoría infantil fixeron posible esta nova cifra. Dende os Taninos Runners amósanse satisfeitos por compartir quilómetros cun grupo de participantes con tan bo facer e con tantas ganas de achegar o seu gran de solidariedade.
A Oficina Municipal de Turismo do Concello de Tui atendeu ao longo do pasado ano 2021, a un total de 47.575 visitantes que se achegaron ata a cidade de Tui, e que neste punto solicitaron información para a súa visita e estadía na nosa cidade.
Do desglose deste datos comprobamos como os turistas foron un total de 33.010 persoas: 30.579 de procedencia española e 2.431 de orixe internacional. Entre as procedencias dos turistas internacional destaca Portugal con 954 (39,2% dos turistas estranxeiros), México con 868 (35.7%), Francia con 131 (5,3%) ou Alemaña con 62 turistas /2,5%). Os turistas de procedencia española tiñan estas orixes: Madrid (6.606), Barcelona (1.869), Pontevedra (1.806), A Coruña (1.657), Valencia (1.194), Sevilla (1.045) ou Alacante (628) por citar os máis numerosos.
Pola súa banda os peregrinos acadaron a cifra de 14.567 consultas atendidas na Oficina de Turismo, 7.654 de procedencia española e 6.611 de orixe internacional, destacando 3.673 peregrinos de Portugal (25,2% do total de peregrinos), 719 de Alemaña (4,9%), 347 de Italia (2,3%), 257 de EEUU (1,8%) ou 183 da República Checa (1,2%) aos que seguen Francia (142 peregrinos), Polonia (140), Reino Unido (131) ou os Países Baixos (112).
A procedencia dos peregrinos de España é a seguinte: Madrid (1.465), Sevilla (825), Pontevedra (661), Valencia (501), Barcelona (441), Cádiz (432) ou Málaga (387)
Cabe sinalar, no que atinxe aos peregrinos, que en xaneiro e febreiro non houbo ningún, en marzo comezou a presenza de peregrinos españois e foi en abril, cando houbo as primeiras sete consultas de peregrinos internacionais. Os meses de maior afluencia de peregrinos internacionais foron setembro (con 1.718) e outubro (con 1.465), namentres que os peregrinos españois se concentraron en agosto (2.484) e setembro (1.845).
A comparación con anos anteriores e tendo en conta as circunstancia deste 2021, con peche de fronteiras nos primeiros meses e as medidas restritivas derivadas da pandemia da Covid, estes datos resultan certamente moi satisfactorios porque se acadan niveis como os do ano 2018 e no se está moi lonxe dos datos do ano 2019.
Para o alcalde de Tui, Enrique Cabaleiro, os resultados son altamente positivos pois evidencian a crecente importancia da actividade turística no noso municipio e como Tui é un lugar de referencia para peregrinos e turistas. Mostra tamén o rexedor tudense a súa satisfacción por estes datos pois significan un impulso ao sector turístico, un dos máis afectados pola crise derivada da pandemia. Ao tempo, estas cifras son un acicate para continuar traballando a promoción da oferta turística tudense, tanto no que atinxe ao Concello como ao propio sector para continuar avanzando na mellora da nosa oferta e produtos turísticos e nunha maior profesionalización e calidade nos servizos que se lle ofrecen aos visitantes a Tui.
Enrique Cabaleiro subliña que neste ano 2022 o Concello seguirá traballando para mellorar a oferta turística tudense. A inmediata apertura da nova Oficina de Turismo no Paseo da Corredoira ou a presenza de Tui na vindeira celebración de Fitur, o programa de visitas en barco polo río Miño, e a execución do proxecto “Cárcere Vella, centro de acollida de visitantes e peregrinos” son elementos que contribuirán a elevar a calidade e proxección da oferta turística de Tui. O Concello como responsable destes proxectos tratará de implicar ao sector turístico para que no ámbito das súas competencias e capacidades continúe traballando a prol da mellora da oferta turística tudense. “É un traballo colectivo”, remarca o alcalde de Tui, “no que se precisa a implicación de todos”.
O Concello de Tomiño quere dar os parabéns ao Club Deportivo Miño polo seu gran inicio de ano. Este domingo dez deportistas do club botáronse as augas do río Tea, ao seu paso por Mondariz Balneario, para participar na primeira das competicións da Liga Galega de Slálom e volveron a casa con sete ouros e dúas pratas. “Queremos recoñecer os seus grandes resultados na última proba e tamén a súa gran traxectoria. Os Teixugos son un equipo referente do noso deporte e tamén da formación en valores de moitos e moitas rapazas”, destacan no Concello.
Luís Fernández realizou a mellor baixada da categoría C1 sénior en clasificatorias como en finais, e cun tempo de 102,36 segundos fíxose coa medalla de ouro. Emilio Rodríguez en K1 realizou tamén a mellor proba da súa categoría, Ainhoa Barreiro, en categoría júnior, fíxose co ouro tanto en caiac como en canoa, mestres que en K1 júnior Sergio Rodríguez, foi o gañador da proba, compartindo podio con Alexis Segadaes que rematou segundo, ouro e prata para os dous Teixugos.
Mención especial tamén para Laura Alonso, xa que a deportista dobrou participación en categoría sénior, onde foi a única representante da categoría, subindo ao podio en solitario. “Eu son a resistencia”, afirmaba a deportista dos Teixugos con humor e facendo referencia á necesidade de campañas de promoción e fomento do deporte feminino.
Na proba tamén participaron Manuel Ochoa que en K1 sénior rematou a copa en segundo lugar, Brais Castro, que tivo dobre participación na categoría sénior K1 e rematou undécimo e en C1 quinto, e Mateo Rivas e Adrián Lluch, cuarto e quinto en K1 júnior.
Os Teixugos arrancan este ano no primeiro lugar da clasificación final por equipos. Na clasificación da proba remataron cun total de 192 puntos, por diante dos anfitrións e organizadores, o Club Tea de Mondariz con 180 e do Piragüismo Penedo con 116.
Para asistir á charla informativa do día 14 de xaneiro na biblioteca municipal de Mondariz non é necesario solicitar reserva de praza, senón que as persoas interesadas irán entrando até completar a cabida permitida. Para máis información sobre esta actividade, con todo, pódese contactar por vía telefónica (986 656 058) ou telemática ([email protected]) co Servizo de Orientación Laboral do Concello de Mondariz.
“No Concello de Mondariz participamos activamente en programas de formación e promoción do emprendemento. Ás veces é complicado atraer ás persoas para que se involucren en programas formativos, sobre todo en ámbitos rurais como o noso, pero non deixamos de intentalo porque é fundamental actualizar coñecementos e gañar confianza no uso das novas tecnoloxías e das novas tendencias do mercado laboral”, comenta Xosé Emilio Barros, alcalde e concelleiro de Desenvolvemento Económico e Turismo do Concello de Mondariz.
A Xunta abre a partir deste venres o prazo de presentación de solicitudes para a pesca da lamprea nas pesqueiras do río Tea. Así se recolle na Orde que publica hoxe o Diario Oficial de Galicia (DOG) co fin de regular e autorizar a pesca desta especie nesta zona así como fixar o período e as condicións para poder participar na tempada de 2022.
O período hábil estenderase do 7 de febreiro ao 22 de maio e realizarase en días alternos: os luns, mércores e venres desde as estacadas impares; e os martes, xoves e sábados desde as pares. Prohíbese a pesca desde as 08,00 horas dos domingos ata as 21,00 horas dos luns; polo tanto, permítese a pesca desde as 21,00 horas do día autorizado ata as 08,00 horas do día seguinte.
A lamprea (Petromizon marinus) é unha especie piscícola moi particular no que respecta ao seu aproveitamento, no que se seguen a utilizar procedementos e artes tradicionais que están prohibidos para o resto das especies. Esta é a razón pola que cada ano se establece un réxime especial para a súa pesca co obxectivo de que se realice un aproveitamento específico e ordenado.
Así, as lampreas péscanse desde pontóns de madeira (estacadas) autorizadas previamente. En cada unha poden pescar catro persoas, que accederán a estes postos para a colocación de estacadas mediante un sorteo público previo, que nesta ocasión terá lugar o próximo 4 de febreiro no refuxio da Freixa (Ponteareas), ás 11 horas.
O prazo para a presentación de solicitudes será de 10 días hábiles a contar a partir do venres, 7 de xaneiro. Unha vez finalizado este período, elaborarase unha lista cos admitidos e excluídos para participar no devandito sorteo. De acordo co número obtido, cada persoa adxudicataria retirará un lote de permisos de cuarta categoría para toda a tempada, logo de pagar o prezo público que corresponda e de presentar a licenza de pesca correspondente.
Ademais, como vén sendo habitual, entregaráselle a cada pescador, xunto cos permisos, un libro ou folla de rexistro de capturas, que deberá manter debidamente cuberto e sempre á disposición das autoridades competentes.
O martes día 4 de xaneiro as súas Maxestades de Oriente, Melchor, Gaspar e Baltasar aproveitaron a súa chegada á vila da Guarda para visitar aos nosos maiores na Residencia da Terceira Idade Monte Santa Tecla.
A media tarde as Súas Maxestades de Oriente, que foran recibidas previamente polo alcalde da Guarda, Antonio Lomba, acudiron á residencia para levar uns agasallos, visitar e escoitar aos homes e mulleres que quixeron intercambiar unhas palabras con eles.
Unha xornada moi animada na que non faltaron os bailes e a música nunha tarde chea de ilusión, diversión e alegría.
Tamén se respectaron as medidas sanitarias e as súas maxestades fixeron un test de antíxenos co equipo de enfermería da residencia.
O Concello de Nigrán abrirá hoxe, véspera de Reis, o parking de A Ramallosa despois de 5 anos totalmente pechado. O consistorio asume a súa xestión directa tras conseguir o goberno local remunicipalizar unha infraestrutura que pertencía á concesionaria ‘Estacionamientos Valle Miñor, S.L.’, empresa liquidada e disolta no 2019. O estado de deterioro desta instalación demorou máis de previsto a súa apertura ao ser preciso realizar investimentos por valor de máis de 120.000 € para cumprir con todas as normativas vixentes e para dotalo de dúas tomas para vehículos eléctricos.
“Gustaríanos ter aberto antes pero, finalmente, tivemos que facer máis arranxos dos previstos para cumprir con todos os criterios de seguridade. O beneficio para o comercio local da Ramallosa e para os usuarios da piscina mancomunada situada ao seu carón é incalculable”, refire o alcalde, Juan González.
Así, estas primeiras semanas, e de xeito experimental a modo de proba, será totalmente gratuíto, permanecendo aberto de 8:00 a 22:00 horas de luns a sábado. Posteriormente rexirase polos prezos públicos xa aprobados, que comprenden as 2 primeiras horas gratis (estes usuarios nin siquera terán que validar o tíquet) e a partir de ahí 0,02 €/minuto ata un máximo diario de 14,40 €. A maiores, o goberno local contempla liberar 90 prazas para os comerciantes deste núcleo urbano, xestión que se fará a través de a asociación de empresarios Ovalmi. Igualmente, co obxectivo do goberno local de fomentar a compra de vehículos eléctricos, a súa carga será gratuíta.
A posta a punto do parking supuxo para o Concello un investimento de máis de 120.000 € nos traballos de certificación da instalación eléctrica e de seguridade, reposición da maquinaria, axuste da protección contra incendios, instalación de dúas bombas de achique para evitar inundacións na última planta, a propia limpeza de toda a superficie ou a posta dos dous cargadores. Igualmente, o Concello negociou coas distintas partes implicadas e non ten que asumir ningunha débeda ou indemnización á empresa concesionaria.
O goberno local non considerou en ningún momento outra opción que a xestión pública para que de verdade a súa apertura beneficie económica e socialmente a todo este núcleo. “Unha concesionaria lóxicamente busca facer negocio porque é unha empresa, en cambio, desde o Concello o que buscamos é un beneficio social, non o lucro: aparcamento gratuíto para toda aquela persoa que veña a Ramallosa”, engade o rexedor.
O parking, aberto no 2007 coa concesión a 39 anos para ‘Estacionamientos Valle Miñor, S.L.’, foi pechado pola empresa o 1 de xaneiro de 2017, sendo liquidada a adxudicataria xudicialmente a mediados de 2019. A tramitación de cara a súa re-municipalización, moi complexa, foi asumida directamente polo edil de Mobilidade Diego García, quen estivo a fronte da actualización de todo o recinto para que cumpla con todos os requerimentos precisos de seguridade.
Este aparcamento súmase ao leira-parking municipal do núcleo urbano de Nigrán, tamén 100% público e gratuíto e polo que o Concello paga un aluguer de 6.137 € ao ano, e a outra leira no Bulevar de Praia América de 4.000 metros cadrados cecida gratuítamente polos propietarios e con capacidade para máis de 200 coches.
“Somos conscientes do importante que son para os núcleos urbanos as bolsas de aparcamento porque repercuten directamente no pequeno comercio e na propia calidade de vida das persoas, polo que consideramos a re-apertura deste parking da Ramallosa de xeito 100% público un dos grandes logros deste goberno”, resume González.
O 50,6 % das persoas que ao longo do ano 2021 se incorporaron á Bolsa Municipal de Emprego de Tui insertáronse no mercado local. En concreto foron 81 das 160 persoas atendidas no Servizo Municipal de Orientación ao longo do ano pasado.
Foron 108 mulleres e 52 homes os que ao longo dos últimos doce meses se achegaron a este servizo municipal que ten como finalidade mellorar a inserción laboral dos veciños e veciñas do concello de Tui a través da posta en marcha de políticas activas de emprego e de actuacións personalizadas adaptadas a realidade persoal e profesional de cada demandante e atendendo aos seus intereses persoais na busca de emprego.
Orientacion e información, deseño de itinerarios personalizados de inserción, derivación a recursos formativos e de emprego, prospección no mercado visible e no mercado oculto, intermediación a través da bolsa de emprego, impartición de talleres de emprego, así como acompañamento durante todo o proceso de busca de emprego son os servizos que a técnica municipal, o cargo do servizo, desenvolve coas persoas desempregadas ou en procura de mellora de emprego.
As persoas interesadas poden a través de este servicio municipal conseguir;
Definir ou redefinir o seu obxectivo profesional
Realizar o seu currículo
Mellorar a empregabilidade
Ferramentas e técnicas para a busca de emprego
Información do mercado laboral
Información e asesoramento sobre a acreditación da competencia profesional
Asesoramento en formación
Información sobre o sistema de garantía xuvenil
Xestión da bolsa de emprego (intermediación entre ofertas e demanda local)
Acompañamento no proceso de incorporación o mercado laboral
Información sobre emprendemento
O Servizo de Orientación e Intermediación Laboral do Concello de Tui está situado no Centro Municipal de Formación en Guillarei, atendendo ao público de luns a venres de 9 a 14 h previa solicitude de cita no 986 60 32 28.
A concelleira de Emprego e Formación, Ana Mª Núñez, explica que o “resultado do traballo realizado ao longo de 2021 é moi satisfactorio, e ten contribuído a que o nivel de desemprego en Tui acadara taxas inferiores ás rexistradas en 2019 – con anterioridade á pandemia – e que responde ao compromiso deste goberno cos problemas que preocupan aos seus veciños e veciñas, e que coma administración máis cercana ás persoas se preocupa por atender aínda non sendo competencias propias”.
O Museo de Pontevedra quere coñecer “os misterios” da historia do convento de Santa Clara. Así o dixo o vicepresidente e responsable político da institución César Mosquera, quen cualificou de imprescindible coñecer o estado das instalacións e tamén cal foi a súa evolución ao longo do tempo co fin de poder distinguir os elementos máis relevantes a conservar e poñer en valor ou a descartar no que moi previsiblemente será un novo edificio do Museo provincial.
Mosquera subliñou que unha equipa multidisciplinar do Museo está a redactar as bases para o prego de contratación dos estudos arqueolóxicos, histórico-artísticos e de paramentos e construción do convento, así como da horta. Quérese afinar ao máximo as cuestións que deben estar incluídas no traballo, para o que hoxe realizouse unha visita técnica ‘in situ’ co fin de tomar contacto directo coas instalacións. Nela estiveron o director do Museo Xosé Manuel Rey, a directora de xestión Sonia Mateos, a xefa da Estación Fitopatolóxica de Areeiro Carmen Salinero, o arqueólogo provincial Rafael Rodríguez, e o arquitecto dos proxectos construtivos Javier Reboreda, ademais do propio Mosquera e o concelleiro de Urbanismo do Concello de Pontevedra Xoaquín Moreda.
“Temos que saber moitas cuestións para empezar a traballar, como punto de partida”, apuntou Mosquera, que indicou que entre os “misterios relevantes” a coñecer está a localización dos enterramentos ademais dos xa coñecidos do xardín e do claustro – do século XV e outro do XX-. Sinalou que existe un ‘burato no tempo’ no que non se sabe onde se fixeron e é preciso localizalos para tratalos como merecen.
Outro dos elementos a ter en conta para a rehabilitación do convento con vistas a destinalo ao Museo é saber que pasou co claustro orixinal. Segundo indicou Mosquera as ordes mendicantes como franciscanos e clarisas construían os seus edificios seguindo sempre os mesmos parámetros, algo que non acontece en Santa Clara, onde non existe o claustro enteiro, senón só dous laterais.
A Deputación, segundo o vicepresidente, non vai “racanear” en recursos para contratar mediante concurso aos mellores especialistas para descubrir todo o que se poida das instalacións, xa que segundo a súa opinión “despois deste traballo vai haber un antes e un despois no coñecemento da historia de Pontevedra”.
Lembrou que, a pesares de que historicamente se sabía que o centro histórico de Pontevedra era de época romana e medieval, coas catas que se fixeron polo Mercado, os estacionamentos, Valentín García Escudero, ou a rúa Princesa “cambiou radicalmente todo o panorama”.
“Queremos poñer máis en valor todo: coñecer a nosa historia a través de Santa Clara, porque Santa Clara xa tiña tempo cando se fixo a basílica de Santa María e moito máis a Peregrina. É un arcano por descubrir que seguro nos vai dar grandes sorpresas. Agradables na súa maioría”, dixo.
Insistiu Mosquera que de poñerse a traballar arqueólogos, historiadores, especialistas en arte e historia poderían pasar dous ou tres anos afondando sobre a materia, mais subliñou que é preciso facer as cousas ben pero con axilidade. A idea, de feito, é que o prego para a contratación dos estudos estea listo neste mes de xaneiro para que despois a empresa entregue o traballo en dous meses e medio logo da licitación.
Pola súa banda, o director do Museo Xosé Manuel Rey explicou que os traballos que se van contratar non serán de tipo finalista, “senón un principio para poder ver cara onde hai que avanzar”. “Santa Clara é unha cápsula no tempo que durante 750 anos estivo totalmente illada e entramos hoxe cunha perspectiva totalmente diferente”, apuntou.
Subliñou que é necesaria unha equipa multidisciplinar que integre diferentes ámbitos de coñecemento para sacar unha primeira lectura de como evolucionou a construción, “que partes son realmente importantes, outras menos relevantes dende o punto de vista histórico ou artístico”. A partir de aí seguramente será preciso ampliar os estudos, dixo.
“Agora imos propoñer un número moi importante de sondaxes arqueolóxicas distribuídas polos 15.000 metros cadrados da finca. Estamos completamente seguros de que algunhas sondaxes serán negativas pero outras positivas, e se son positivas haberá que seguir ampliando. É un traballo que se concibe como unha primeira toma de contacto cun espazo tremendamente complexo que sufriu moitas transformacións internas e que hoxe hai que intentar lelas”, finalizou.
A Casa do Concello do Porriño xa loce a frecha amarela e o logotipo do Xacobeo 2021-2022, como corresponde a un municipio referente do Camiño Portugués a Compostela.
O vicepresidente primeiro da Xunta, Alfonso Rueda, xunto co alcalde porriñés, Alejandro Lorenzo, participaron no acto de aceso da iluminación artística que se proxecta contra a fachada lateral do edificio obra do arquitecto Antonio Palacios. Ao acto tamén asistiron Marta Fernández-Tapias, delegada da Xunta en Vigo, e concelleiros do equipo de goberno municipal.
O vicepresidente da Xunta manifestou que “a Casa Consistorial do Porriño é un emblemático edificio de Antonio Palacios que merecía ser iluminado, xunto cos outros 50 edificios polos que pasa o Camiño igual que outros 50 en todo o mundo”. Rueda que ten entre as súas responsabilidades a carteira de Turismo, subliñou a importancia do Camiño Portugués “que aglutina case o 30% dos peregrinos que chegan a Santiago”. E lembrou que “neste Xacobeo, en tan só seis meses pasaron polo Porriño arredor de 40.000 peregrinos”.
Pola súa banda Alejandro Lorenzo salientou que “este é un dos primeiros actos que teño como alcalde deste Concello e para min é unha honra poder facelo. Hoxe para min é un día de inicios. Co acendido do Xacobeo non só iluminamos o Camiño de Santiago no Porriño, tamén o camiño que comezo ao fronte deste Concello e xunto con todos vós”
O rexedor municipal expresou que “O Porriño é un pobo con moito potencial e o Camiño de Santiago e un gran altofalante de todo o que podemos ofrecer. Ao iluminar a fachada da nosa Casa Consistorial como enclave destacado do Camiño, iluminamos tamén O Porriño cara o resto do mundo”, rematou Alejandro Lorenzo.
Os conselleiros de Sanidade e de Cultura, Educación e Universidade da Xunta de Galicia, Julio García Comesaña e Román Rodríguez González, participaron onte, por videoconferencia, no Pleno do Consello Interterritorial do Sistema Nacional de Saúde, conxunto coa Conferencia Sectorial de Educación e a Conferencia Xeral de Política Universitaria. Na reunión, a Xunta de Galicia a través dos seus conselleiros, manifestaron a súa preocupación polo hipotético cambio na vixilancia e xestión dos casos positivos de nenos e nenas.
Na rolda de prensa posterior á xuntanza, o conselleiro de Sanidade anunciou que a Xunta de Galicia segue coa busca activa de casos nun rango de idade sen pauta completa e, así, o Executivo galego ofrecerá un segundo test gratuito para os rapaces de 5 a 11 anos, que poderase recoller coa tarxeta sanitaria nas farmacias adheridas a esta iniciativa. Este segundo test estará dispoñible a partir do día sete de xaneiro.
A Xunta de Galicia non ten dúbida que os centros escolares son seguros, e así deben seguir, para o que é necesario avanzar na inmunización da comunidade escolar, xa que a volta ao colexio o día 10 será presencial. Ao respecto, o Goberno galego comezou hoxe a administrar máis de 36.000 doses contra a covid á poboación con idades comprendidas entre os sete e os nove anos.
O conselleiro de Sanidade manifestou que Galicia segue a ser lider no proceso de vacinación e, no que respecta á poboación pediátrica, o 38,45% dos rapaces entre 9 e 11 anos xa teñen unha dose da vacina, uns 56.700 rapaces.
García Comesaña considera moi importante avanzar na vacinación infantil dado que a incidencia acumulada de menores de 11 anos supera os 2.200 casos por 100.000 habitantes. O responsable sanitario tamén destacou o bo ritmo de vacinación no colectivo dos docentes, remarcando que urxe poñer a terceira dose no profesorado menor de 40 anos, polo que pide ao Ministerio de Sanidade que avance na estratexia de vacinación.
Médicos xubilados e técnicos de saúde para reforzar a atención primaria
Respecto da incorporación de médicos xubilados para facer fronte á covid, o conselleiro de Sanidade sinalou que son 86 os profesionais que amosaron interese en reincorporarse ao sistema público de saúde para axudar en labores administrativas e de vixilancia na atención primaria. Por áreas sanitarias, 9 son da de Santiago e Barbanza; 13 de de Lugo, A Mariña e Monforte; 14 da de Pontevedra e O Salnés; 20 da de Vigo; 19 da de A Coruña e Cee; 6 da de Ourense, Verín e O Barco de Valdeorras; e 5 da de Ferrol.
Tamén anunciou García Comesaña que o Diario Oficial de Galicia publicará, o vindeiro luns, o inicio do prazo para a inscrición de aspirantes nas listas para a formalización de nomeamentos estatutarios de temporais de técnico de saúde de atención primaria do sistema público de saúde de Galicia. Estes técnicos farán funcións de apoio sanitario nos ámbitos da xestión da incapacidade temporal, prevención da enfermidade e outros que demanden as necesidades de atención sanitaria e a protección da saúde.
Respecto da expedición de certificados de vacinación a persoas que procedan doutros países non pertencentes á Unión Europea, García Comesaña referiu que debe ser o Goberno de España, competente en sanidade exterior, quen estableza un procedemento oficial e normalizado para corrobar a veracidade dos certificados de vacinación estranxeiros e autorizar, se procede, a emisión do certificado europeo homologable.
Os Reis Magos adáptanse un ano máis á situación sanitaria para achegarse aos nenos de Ponteareas de xeito seguro. Por este motivo, nesta ocasión o Concello transformará a tradicional cabalgata nun encontro cos cativos a partir das 18.00 horas no vestíbulo do auditorio municipal este mércores 5 de xaneiro con todas as medidas de prevención.
“Ante a actual situación sanitaria este ano non haberá cabalgata por precaución, pero non queriamos que os rapaces e rapazas da vila tiveran que renunciar a unha xornada de maxia e de ilusión. Un ano máis non poderán ver pasear ás súas Maxestades polas rúas, pero gozarán da súa visita priorizando a saúde de todos e todas”, salientou o concelleiro de Eventos, Miguel Bouzó.
Para garantir a seguridade de todas as persoas, haberá unha fila no exterior das instalacións na que se deberá gardar a distancia de seguridade e control de acceso para garantir o bo desenvolvemento da recepción das súas Maxestades. Ademais, cada neno e nena poderá acceder ao recinto acompañado dunha soa persoa adulta para recibir de mans dos Reis un obsequio e caramelos sen glute.
Para amenizar a tarde, dende as 17.00 horas haberá animación nas rúas na contorna do auditorio municipal.
A visita dos Reis Magos a Ponteareas comezará xa o mércores 5 pola mañá coa recepción oficial aos Reis Magos na Casa do Concello ás 12.00 horas.
A Asociación de Empresarios de Redondela anuncia a selección de 100 persoas desempregadas para participar no plan integrado para o emprego que se desenvolverá durante o ano 2022.
Entre os colectivos deste novo programa compre destacar o número de prazas para os menores de 30 anos con titulación, nun proxecto enfocado a reter e potenciar talento. Pero tamén outros colectivos como mulleres, maiores de 45, menores de 30 sen cualificación e incluso vítimas de violencia de xénero teñen cabida neste programa con reservas de prazas específicas.
O proxecto tamén contempla itinerarios de apoio ao autoemprego o que abre un importante apoio a posta en marcha de novos proxecto de emprendemento empresarial.
O 60% da oferta formativa prevista estará baseada no catálogo de especialidades do servizo público de emprego estatal desenvolvida no marco do Sistema de Formación Profesional para o emprego no ámbito laboral o que garante unha titulación regulada coa adquisición de competencias, contidos e especificación técnicas tamén reguladas. Ademais, grazas ao financiamento da Xunta de Galicia das persoas participantes contarán con becas de asistencia.
Este tipo de programa de acompañamento á persoas desempregadas son unha gran oportunidade para relanzarse profesionalmente e contar cun asesoramento personalizado para trazar os obxectivos profesionais.
O ámbito do programa comprende os concellos de Redondela, Pazos de Borbén, Fornelos de Montes, Sotomaior, Vilaboa, Ponteareas e Vigo, polo que calquera persoa en situación de desemprego destes concellos pode presentar a súa solicitude para participar no programa.
As solicitudes para participar no programa poden tramitarse a través da web www.empresasredondela.gal ou nos enderezos e teléfonos habituais da entidade:
Neste programa a formación xoga un papel clave para a mellora das competencias profesionais de cada persoa usuaria, e deseñase coa intención de situar as persoas usuarias en mellores condicións de partida tanto para o acceso como para o mantemento do emprego.
As Novas tecnoloxías da información e a comunicación xogarán un papel crucial en todos procesos formativos.
O proxecto contará como punto de partida con formación prelaboral, e dicir, aquela dirixida a adquisición de competencias persoais e sociais. Este tipo de formación será administrada como píldoras formativas de curta que terán como obxectivo o posicionamento no mercado laboral, a mellora da autoestima e a formulación dunha busca de emprego activa a través das novas tecnoloxías.
O programa comprenderá accións de: Información, orientación e asesoramento; Formación transversal en novas tecnoloxía e/ou idiomas; Coaching, intelixencia emocional e técnicas de motivación para a busca de emprego, tanto por conta propia como allea; Habilidades sociolaborais e obradoiros de entrevista; Emparellamento de ofertas de traballo coas persoas demandantes de emprego participantes; Prácticas profesionais non laborais en empresas, destacando a capacidade deste programas para adaptarse ás necesidades das persoas seleccionadas e poder orientarse de forma máis eficaz a consecución dos obxectivos de inserción previstos.
Pola súa banda tamén haberá un Programa de acompañamento á empresas que comprenderá servizos tales como: realización de procesos de preselección, seguimento de persoas incorporadas, fomento e asesoramento en Responsabilidade Social Empresarial, convenios en prácticas, colaboración no deseño e implantación de accións formativas específicas para a cobertura de postos de traballo.
No Porriño non haberá cabalgata dinámica seguindo as recomendacións da autoridade sanitaria, pero os Reis Magos percorrerán o municipio saudando aos nenos e nenas e despois haberá unha recepción no Centro Cultural Municipal.
De feito, durante a tarde de hoxe martes 4, os Reis Magos visitaron os centros sociais e veciñais de todas as parroquias, a partir das 16:30 horas.
E mañá, 5 de xaneiro, sairán en vehículos abertos dende o Pavillón de Deportes ás 16:30 horas para saudar aos nenos e nenas polo centro urbano co seguinte percorrido:
Doantes de Sangue, Fernández Areal, Doutor Paz Varela, Pinar, Codesal, Cruceiro, Antonio Palacios, rotonda do Canteiro, avenida Galicia, rotonda de Mos, Ramiranes, Ramón Gónzalez, Praza do Concello, Antonio Palacios, Domingo Bueno, Pio XII, Manuel Rodríguez, praza de San Sebastián, rñua San Sebastián, de novo, rúas Manuel Rodríguez e Domingo Bueno para rematar no Centro Cultural Municipal.
Recepción no Centro Cultural Municipal
Sobre as 17.30 horas as Súas Maxestades de Oriente Melchor, Gaspar e Baltasar recibirán aos nenos que se acheguen ao auditorio exterior ao aire libre do Centro Cultural Municipal, onde se instalará unha carpa como xa aconteceu en 2021. A recepción durará ata as 20:00 horas.
O Concello de Oia de Oia decidiu cancelar a cabalgata de Reis prevista para o día 5 de xaneiro tendo en conta a incidencia da COVID-19.
Atendendo á evolución que está a experimentar a pandemia, o Concello decidiu, por prudencia, suspender os tradicionais actos protagonizados polos Reis Magos nas diferentes parroquias do municipio, os cales tiñan como final de itinerario o CEIP Mestre Manuel García.
A alcaldesa, Cristina Correa, agradece á veciñanza a súa colaboración e esforzo á hora de preparar os decorados que se ían colocar para a celebración da cabalgata. Así mesmo, manifestou a súa esperanza en que, para o próximo ano, a comitiva real poida facer o seu percorrido sen restricións.
Os Reis Magos recibirán este mércores, 5 de xaneiro, aos nenos no Teatro Municipal de Tui. Hoxe luns ás 20 h abrirase a reserva de entradas a través da web www.tui.gal. Melchor, Gaspar e Baltasar recibiran aos pequenos este mércores, 5 de xaneiro, de 11.30 h a 13.30 h e de 16.00 h a 19.00 h. Establécense quendas de entrada cada 10 minutos, admitíndose un máximo de 6 grupos por quenda estando composto cada grupo por un máximo de 5 persoas da que coma mínimo 1 debe ser unha persoa adulta. Recoméndase acudir cunha antelación de 10 minutos sobre a hora fixada na entrada.
A recepción contará cun protocolo covid de tal xeito que o acceso tanto ao vestíbulo do teatro coma ao patio de butacas realizarase de forma escalonada. No acceso a todas as persoas maiores de 12 anos requiriráselles a presentación do certificado covid de ter a pauta de vacinación completa, ou certificado de proba diagnóstica – test de antíxenos ou PCR negativa, ou certificado de ter superado a enfermidade. Será obrigatorio o uso de máscara para as persoas maiores de 6 anos así coma o a desinfección de mans con hidroxel. En todo momento deberase seguir o percorrido de acceso establecido pola organización. Durante a recepción os nenos e nenas manterán a distancia de seguridade cos Reis Magos, e as persoas adultas que os acompañan poderán tomar fotografías dende o patio de butacas. Doce paxes acompañarán aos nenos nesta recepción real.
Por outra parte a tradicional cabalgata polas rúas do centro urbano non terá lugar este ano debido á previsión de choiva e á actual situación sanitaria. Xa hai semanas que quedou descartada a Cabalgata Internacional que cada ano celebra a Eurocidade con saída dende Valença e chegada a Tui, debido ás restricións establecidas no país veciño. Mantívose até o último momento a posibilidade do percorrido polas rúas tudenses dos Magos de Oriente e a súa comitiva, pero esta opción vén de ser tamén descartada. De todos os xeitos aquelas persoas que o desexen poderán ver as carrozas elaboradas polas asociacións Aloia de Pazos de Reis, Arume de Malvas, Lembranzas da Terra de Guillarei e Xuntanza de Randufe que estará situadas na rúa Ourense a partir das 17 h deste mércores, 5 de xaneiro.
A concelleira de Cultura, Sonsoles Vicente, sinala que “este ano de novo houbo que adaptar a visita dos Reis Magos ás actuais circunstancias derivadas da pandemia”. Engade que “con todas as medidas de seguridade os nenos e nenas poderán vivir a maxia de saúdar a Melchor, Gaspar e Baltasar no Teatro Municipal”. Sonsoles Vicente agarda que para 2023 a situación permita recuperar a tradicional Cabalgata Internacional con Valença, un dos actos destacados desta Eurocidade Tui-Valença.
Dende o Concello de Tui amósase o agradecemento a todas as persoas que fan posible esta actividade dende os membros da Policía Local e Protección Civil, empregados municipais, a Asociación Scouts Alhoia, ás asociacións culturais Aloia de Pazos de Reis, Arume de Malvas, Lembranzas da Terra de Guillarei e Xuntanza de Randufe.
A tarde do 5 de xaneiro, o Concello de Nigrán e a Cafetería Coffe&Meal (Hotel Val Convention) únense nunha “Tarde Solidaria coa Anemia de Fanconi”. Toda a recadación destinarase á Fundación Anemia de Fanconi, que apoia a pacientes con Anemia de Fanconi e fomenta a investigación para atopar unha cura.
“Esta xornada presenta un dobre obxectivo, por unha banda a recadación de fondos para continuar na procura de tratamentos eficaces e, por outro, a sensibilización social sobre a necesidade de incrementar as doazóns de medula” declara César Comesaña, organizador do evento e paciente de anemia de Fanconi de Nigrán.
A esperanza está na investigación e aínda queda moito por facer, a Anemia de Fanconi é unha enfermidade tan rara como grave que padecen unhas 150 persoas en España e só en Nigrán hai cinco casos dos poucos que hai diagnosticados en Galicia.
Este evento solidario terá lugar na cafetería Coffee&Meal do hotel Val Miñor Convention, que sita na rúa Rosalía de Castro, 6. Será mañá mércores 5 de xaneiro, de 16 horas a 21 horas.
O concelleiro de Deportes, Miguel Bouzó, quere trasladar os parabéns do Goberno municipal ao Club Natación Ponteareas, que rematou o ano por todo o alto no Campionato Galego Absoluto celebrado en Lugo. Unha cita que rematou con importantes logros para os e as deportistas ponteareás, que puxeron o broche de ouro ás competicións do 2021 subindo de novo ao podio.
O CN Ponteareas desprazáronse ata a piscina do CN Fluvial para participar co equipo feminino e masculino nun campionato que se celebrou seguindo o protocolo sanitario da competición, garantindo a seguridade das e dos deportistas diminuíndo o número de nadadores e nadadoras dentro da piscina.
O equipo feminino do club ponteareán proclamouse campión absoluto da competición, deixando unha marxe de puntos na clasificación conxunta que o equipo masculino mantivo ata o último día pero que ao remate das tres xornadas de campionato non puido conservar. Así, o CN Ponteareas quedaba subcampión galego por equipos por detrás do campión galego, o CN Galaico.
Unha forma “excelente de rematar o ano que reflicte o enorme traballo que fan cada día nadadoras e nadadores nos adestramentos. Parabéns a todo o equipo e tamén ao club por ese gran traballo que está a desenvolver na formación de novos valores”.
O vindeiro martes día 11 de xaneiro de 2022 xa se poderán solicitar as citas para a visita das unidades móbiles no concello para a renovación do Documento Nacional de Identidade (DNI) correspondente ao mes de xaneiro de 2022.
A apertura do prazo para a solicitude de novas citas en xaneiro ofertadas pola unidade móbil do Corpo Nacional de Policía de Vigo comezarán o martes día 11 de xaneiro de xeito preferentemente telefónico no 986 61 0000 de 9:00h a 14:00h ou presencialmente na Casa dos Alonsos.
A Unidade Móbil desprazarase á Guarda o 18 de xaneiro e a recollida de documentos terá lugar o 21 de xaneiro.
Ata entón, aquelas persoas que de xeito urxente necesiten realizar a renovación do seu DNI, poderán acudir ás oficinas de expedición de Tui (na rúa Párroco Rodríguez Vázquez, 3) ou Vigo (rúa Álvaro Cunqueiro, 6) previa solicitude de cita no teléfono 060 ou ben a través da páxina web www.citapreviadni.es.
Como cada ano no mes de xaneiro, faise público desde o Concello de Mos o balance anual de licenzas urbanísticas concedidas durante o exercizo anterior. E así o facían onte a alcaldesa de Mos, Nidia Arévalo, e o concelleiro mosense de Urbanismo, José Areal, quenes salientaron especialmente o maior dos incrementos nas licenzas concedidas: o rexistrado no tipo de licenza de primeira ocupación, que aumentou o ano pasado un 75 % respecto do anterior, concedéndose en 2021 21 destas licenzas fronte ás 12 de 2020, e contrastando coa menor cifra rexistrada, que fora de 5 licenzas concedidas no ano 2017. A cifra de 21 licenzas de primeira ocupación do pasado ano 2021 só foi superada en 2013, ano no que se concederon un total de 29 destas licenzas.
Cómpre destacar que continúa a progresión á alza tamén nas licenzas de obra maior.O segundo tipo de licenzas que máis crece despois das de primeira ocupación. O incremento nas licenzas de obra maior en 2021 respecto de 2020 é do 28 %, pasando de 102 licenzas concedidas en 2020 a 130 o ano pasado. Dentro destas licenzas de obra maior, destaca o subtipo de vivenda, que duplica o número de licenzas concedidas para vivendas unifamiliares novas, pasando de 20 en 2020 a 40 en 2021.
O terceiro dos epígrafes do balance urbanístico anual con maior volumen de crecemento é o relativo a outros expedientes tramitados, que experimenta unha subida do 7 % no 2021 respecto ao ano anterior, pasando de 182 expedientes en 2020 a 195 en 2021. Neste epígrafe, o subtipo de expedientes que máis medra é o de expedientes de medio ambiente, que se incrementa nun 26 % pasando de 123 expedientes en 2020 a 154 en 2021.
Por outra banda, o número de licenzas de actividade concedidas en 2021 en Mos ascendeu a un total de 93 e o número de licenzas de obra menor foi de 156.
En total o ano pasado concedéronse 406 licenzas urbanísticas en Mos e leváronse a Xunta de Goberno Local un total de 601 asuntos de Urbanismo e Medio Ambiente.
Tras a aprobación en 2017 do Plan Xeral de Ordenación Municipal, o balance urbanístico anual do Concello de Mos reflicte unha evolución moi positiva. A lectura deste último informe tradúcese en que Mos se consolida como unha localidade que particulares e empresas elixen para residir e asentarse, de ahí o gran incremento experimentado en 2021 na concesión de licenzas de primeira ocupación e de obra maior para vivenda.
A alcaldesa de Mos, Nidia Arévalo, e o concelleiro mosense de Urbanismo, José Areal, fixeron hoxe públicos os datos que confirman este balance positivo que, segundo consideran os representantes municipais, “foi en gran parte grazas ao pulo que supuxo a implantación do Plan Xeral, pero ademais da implantación do PXOM mosense, aprobado definitivamente en xaneiro de 2017, estas cifras veñen tamén derivadas do crecemento do Parque Empresarial PEMOS-Veigadaña, que se atopa case en plena ocupación, o que fai que Mos leve experimentando nos últimos anos un aumento importantísimo das licenzas urbanísticas concedidas”. O balance urbanístico de 2021 demostra unha vez máis que o de Mos é un Concello ideal tanto para vivir como para desenvolver unha actividade empresarial e/ou industrial.
Destes datos conclúese que “a existencia e implantación dun PXOM está animando aos particulares e ás empresas a establecer ou consolidar a súa residencia ou negocio, respectivamente, en Mos; e que a localidade mosense está a ser percibida e considerada como un bo municipio para vivir e crecer empresarialmente”, explican Arévalo e Areal.
Os Reis Magos continúan adaptándose á realidade sanitaria para seguir achegando a súa maxia a rosaleiros. O vindeiro 5 de xaneiro a Praza do Calvario dará a benvida a Melchor, Gaspar e Baltasar, que cambiarán a tradicional cabalgata por unha tarde de lecer para público infantil e familiar cun espectáculo estático con todas as medidas de seguridade.
A tarde comezará ás 17.00 horas co novo espectáculo de Peter Punk, ‘Punkdemia’, unha mestura de circo, malabares, humor e clown perfecta como antesala á chegada das súas maxestades. Un espectáculo viral no que, a través de catro fases, Peter Punk e o seu vello amigo Tranquilo amosarás a súa particular visión da pandemia: o público poderá ver como se viste un pallaso para protexerse da pandemia, malabares con coronavirus ou unha nova técnica para botar o virus do corpo empregando globos dun xeito sorprendente. Para rematar, descubrirá a Vacina da Risa e subirá á Corentrona, unha cadeira de rodas na que Peter Punk amosará as súas habilidades e baixará a rampla da desescalada para bater co muro dos recortes.
Xa ás 17.45 horas os Reis Magos de Oriente chegarán ao Concello escoltados polo Trebón do Xidos, onde serán recibidos polos cantos de reis dos grupos de música tradicional do municipio Lirolai, Orballo, Os Carballas e Airiños do Folón. Ás 18.00 horas as súas maxestades saudarán aos nenos e nenas dende a balconada do Concello.
Todas estas actividades serán de balde con entrada libre ata completar aforo e con todas as medidas de seguridade necesarias, respectando o uso de máscara e a distancia social. “Seguimos apostando pola cultura segura, adaptándonos de forma rápida ás novas circunstancias da actual situación sanitaria para que os rosaleiros e rosaleiras poidan seguir desfrutando do lecer priorizando a saúde”, salientou a alcaldesa Ánxela Fernández. A rexedora quixo agradecer ademais “a colaboración dos grupos tradicionais e de todas e todos os participantes nestas actividades, así como do público, que acolle as medidas de seguridade con total naturalidade e cumpre todas as normas que a COVID-19 nos está obrigando a implementar”.
En caso de choiva a actividade trasladarase ao pavillón municipal, onde o público poderá gozar da actuación de Peter Punk e da visita e dos saúdos dos Reis Magos. Ao ser un espectáculo nun espazo pechado solicitarase ao público o certificado COVID.
O alcalde do Porriño, Alejandro Lorenzo, valorou “o comportamento admirable” do público que presenciou o desfile conxunto de rondallas de Mos e O Porriño celebrado onte domingo.
O rexedor municipal fixo unha valoración do acto que foi “un sopro de aire fresco que todos necesitabamos e nada mellor que as rondallas que son un selo de identidade e un dos nosos baluartes culturais”. O alcalde afirmou que a cidadanía do Porriño demostrou que “somos un pobo moi animado, que nos gusta compartir e gozar dos nosos costumes e facémolo de forma responsable, conscientes da situación que estamos atravesando”, engadiu.
Alejandro Lorenzo expresou o seu agradecemento “a todos aqueles que fixeron posible a celebración do evento coas máximas garantías de seguridade”. Eloxiou de “magnífico o traballo da Policía Local e Protección Civil; e das rondallas que se organizaron en tempo marca” e cualificou de “admirable comportamento o de todos os que acudiron para velo nas rúas”.
Gran impacto
O desfile conxunto rondallas de Mos e O Porriño respondeu á expectación suscitada xa que acreditan, sobre todo, os datos de audiencia nas redes sociais.
Aínda que a presenza de espectadores foi numerosa, as cifras de audiencia a través das redes sociais do Concello xa superan hoxe as 10.000 visualizacións. Miles de persoas seguiron o mesmo domingo, a emisión en streaming que se realizou e que se emitiu a través das canles de Facebook e YouTube do Concello.
Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí:.Saber MásAceptar
Cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
