17.6 C
Pontevedra
Xoves, 29 de Setembro de 2022
Máis
    HomeO CondadoMondarizCharla informativa en Mondariz sobre un curso de desenvolvemento de aplicacións móbiles

    Charla informativa en Mondariz sobre un curso de desenvolvemento de aplicacións móbiles

    O alumnado que complete a formación, ofrecida no Concello de Mondariz baixo unha modalidade semipresencial, recibirá unha tableta como agasallo

    O Concello de Mondariz acollerá o próximo 14 de xaneiro, ás 10:00 horas na biblioteca municipal, unha charla informativa sobre un curso de desenvolvemento de aplicacións móbiles enmarcado no proxecto Ti© Emprendes da Deputación de Pontevedra, que conta con cofinanciación do Fondo Social Europeo. O curso, que ten unha carga lectiva de 125 horas, ofrécese en modalidade semipresencial a mozos e mozas de entre 16 e 30 anos que estean inscritos/as no sistema de garantía xuvenil de Galicia.

    “Trátase dunha oportunidade de inserción laboral para mozos e mozas que xa están fóra do sistema educativo e se atopan en situación de desemprego”, indica Belén Oblanca, orientadora laboral no Concello de Mondariz. “En anteriores convocatorias de cursos do proxecto Ti© Emprendes no Concello de Mondariz non se acadou o número mínimo de inscritos/as para realizar a formación a través da publicidade habitual. Desta vez pensamos en organizar unha charla informativa para explicar os contidos do curso e, sobre todo, as oportunidades laborais que ofrece. Ademais, como incentivo, os mozos e as mozas que cheguen a completar a formación recibirán unha tableta”.

    Para asistir á charla informativa do día 14 de xaneiro na biblioteca municipal de Mondariz non é necesario solicitar reserva de praza, senón que as persoas interesadas irán entrando até completar a cabida permitida. Para máis información sobre esta actividade, con todo, pódese contactar por vía telefónica (986 656 058) ou telemática (orientacion@mondariz.gal) co Servizo de Orientación Laboral do Concello de Mondariz.

    Un sector profesional con moita demanda

    O curso de desenvolvemento de aplicacións móbiles (para Android e iOS) permite á mocidade interesada nas novas tecnoloxías iniciarse nun sector dinámico no que poder medrar profesionalmente, tanto por conta allea como por conta propia. O curso consta de 100 horas de formación específica en desenvolvemento de aplicacións que se xestiona a través dunha aula virtual e de 25 horas de formación específica en autoemprego e creación de empresas que se realizará presencialmente en instalacións municipais do Concello de Mondariz. Para acudir ás sesións formativas presenciais, o proxecto Ti© Emprendes inclúe unha bolsa de desprazamento. No caso de que a mocidade interesada en participar non dispoña dun ordenador na casa para seguir a formación non presencial, tamén se facilitán os medios para que ninguén se quede atrás.

    “No Concello de Mondariz participamos activamente en programas de formación e promoción do emprendemento. Ás veces é complicado atraer ás persoas para que se involucren en programas formativos, sobre todo en ámbitos rurais como o noso, pero non deixamos de intentalo porque é fundamental actualizar coñecementos e gañar confianza no uso das novas tecnoloxías e das novas tendencias do mercado laboral”, comenta Xosé Emilio Barros, alcalde e concelleiro de Desenvolvemento Económico e Turismo do Concello de Mondariz.

    No último ano, o Concello de Mondariz desenvolveu un obradoiro dual de emprego en colaboración co Concello de Covelo para formar a 20 persoas en atención sociosanitaria e en traballos forestais e de xardinaría. Ademais de participar no proxecto Ti© Emprendes da Deputación de Pontevedra, leva anos colaborando con Red Araña para ofrecer formación en emprendemento e autoemprego.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS