Tag: xela arias

A figura de Xela Arias segue a formar parte da programación cultural da Deputación de Pontevedra cun paseo imaxinario (ou non) pola obra da autora no Parque do Castro de Vigo a través da súa “Poesía Reunida” (1982-2004).

De xeito paralelo e complementario á exposición “Lebres como Gacelas”, inspirada na obra de Xela Arias que ata o 28 de novembro se pode ver na sede provincial en Vigo, a Deputación vén de lanzar o concurso escolar do mesmo título entre o alumnado de Secundaria da provincia.

A Praza da Feira Vella será este sábado 2 en Ponteareas o escenario do espectáculo ‘X Xela’, un evento co que a Deputación contribúe ás festas de San Miguel organizadas polo Concello e co que a institución provincial pretende poñer en valor o galego e conmemorar as Letras Galegas dedicadas este ano a Xela Arias baixo o lema ‘365 días en galego’.

A mirada de Xela Arias segue os pasos de todas as persoas que percorren desde este luns a sala de exposicións do Museo Verbum, en Vigo, tras a inauguración de 'A poesía do retrato', unha mostra que conxuga parte da obra poética da autora coa fotografía de Xulio Gil. A exposición, organizada polo Concello de Vigo en colaboración coa Deputación de Pontevedra, poderá visitarse ata o 29 de outubro tras a apertura de onte.

O Concello de Ponteareas proxectará o vindeiro venres ás 20.30 horas o documental 'Xela Arias. Poeta nas marxes', dirixido por Beatriz Pereira. Unha peza audiovisual que reflexiona sobre a poeta homenaxeada no Día das Letras Galegas a través dos testemuños de Marga do Val, Xosé María Álvarez Cáccamo, María Xesús Nogueira, Manuel Bragado, Susana Trigo e Humberto Heredia.

Xela Arias e as palabras é o título do proxecto didáctico co que o redondelán CEIP Plurilingüe Porto Cabeiro resultou gañador, dentro da categoría de centros de Primaria, no Concurso-Exposición arredor da autora homenaxeada polas Letras Galegas 2021, que organizaba a Secretaría Xeral de Política Lingüística da Xunta de Galicia.

A Biblioteca Municipal de Ponteareas acolle esta semana unha nova actividade pensada para o fomento da lectura dun xeito lúdico e atractivo.

A concellería de cultura do Concello da Guarda, dentro da completa programación de actividades en torno as nosas letras e entorno á figura homenaxeada este ano, Xela Arias, organizou o pasado sábado día 22 de maio unha homenaxe na que participaron alumnado e docentes do IES A Sangriña –do que Xela Arias foi mestra– e representantes da Agrupación Cultural Guardesa.

A Concellería de cultura do Concello da Guarda organiza unha completa programación de actividades en torno as nosas letras e entorno á figura homenaxeada este ano, Xela Arias.

A vila da Guarda foi decorando pouco a pouco durante esta semana as súas rúas, prazas e escaparates con diferentes iniciativas dirixidas a conmemorar as Letras Galegas. Así os colexios públicos da Guarda decoraron, facendo fronte ao mal tempo, a Praza de Avelino Vicente cunhas chamativas Letras e poemas de Xela Arias.

O alumnado de 6º curso de Primaria dos colexios mosenses de Petelos e Atín recibiu onte un obradoiro de poesía en homenaxe a Xela Arias organizado polo Concello de Mos, concretamente pola concellería de Educación que dirixe a edil Julia Loureiro.

O Concello de Mondariz inicia este sábado, 15 de maio, a programación conmemorativa das Letras Galegas 2021 cun concerto de "Desertores" en homenaxe a Xela Arias, que fora colaboradora do grupo durante a movida viguesa dos anos oitenta.

O Concello de Nigrán ofrece este sábado 15 de Maio desde as 19:00 horas no Auditorio Municipal o seu acto central das Letras Galegas, adicado integramente á figura de Xela Arias, cunha charla-coloquio e posterior concerto-homenaxe.

Despois de que a mocidade do IES Ribeira do Louro fixera o proxecto plástico das lonas que están expostas no Centro Cultural Municipal e no Concello do Porriño, ata o 30 de maio veciñas e veciños poderán gozar dos poemas de Xela Arias e retratos do fotógrafo Xulio Gil no contexto da exposición Poesía do Retrato, mostra que se exibe no vestíbulo do Centro Cultural Municipal.

O Salón de Exposicións do Concello do Rosal acolle ata o vindeiro 23 de maio a mostra ‘Aquela nena de Sarria’, unha exposición itinerante elaborada polo Colectivo Egeria en colaboración co Concello de Sarria e da Real Academia Galega para honrar á escritora, poeta e tradutora Xela Arias, a quen se lle dedica este ano o Día das Letras Galegas.

As actividade, organizadas polas concellerías de Normalización Lingüística e Cultura buscan poñer en valor a figura da poetisa e tradutora á quen neste ano se dedica o Día das Letras Galegas

O Concello de Ponteareas celebrará o Día das Letras Galegas con diversas actividades durante o resto mes de maio para seguir divulgando a figura e obra de Xela Arias e homenaxear a lingua galega. Faino logo de acoller dúas xornadas das Convergências Portugal-Galiza para homenaxear á propia Rosalía de Castro e ao Zeca Afonso os pasados días 7 e 8 e de dispoñer dun expositor na biblioteca municipal con boa parte da obra de Xela Arias.

Tomiño vai celebrar, un ano máis, o Día das Letras Galegas. Unha conmemoración moi especial que consistirá na montaxe dunha instalación colaborativa artístico-pedagóxica, denominada “ENTRELAZOS DA MEMORIA-Percorrendo emocións con Xela Arias”, coma homenaxe á escritora distinguida.

Con motivo do Día das Letras Galegas, que este ano está dedicado á creadora, editora, tradutora e mestra Xela Arias, o Concello de Salvaterra de Miño conta con dúas actividades, unha presencial –Unha tarde con Xela– e outra en liña –Caderno de Xela Arias para facer o meu conto–, dirixidas aos nenos e nenas do municipio.

A Deputación de Pontevedra presentou hoxe a programación que desenvolverá para conmemorar as Letras Galegas 2021 baixo o lema ‘365 días en galego’ con actividades durante todo o ano dirixidas principalmente á xente moza. O seu obxectivo: reivindicar a lingua propia como identidade e espertar a responsabilidade persoal da cidadanía para que non deixe de falar en galego, así como de todas as institucións para que cumpran a súa obriga de fomentalo.

Dende hoxe e até o sábado pode visitarse no anexo da Sala Municipal, na Área Panorámica a mostra 'Aquela nena de Sarria'. No día de onte o alcalde, Enrique Cabaleiro, e a concelleira de Cultura, Sonsoles Vicente, presentaron a mostra xunto ao presidente do Colectivo Egeria, Xulio Xiz. Precisamente esta exposición –con doce paneis recollen os primeiros anos da vida de Xela Arias, a súa vinculación co rural e co noso idioma– é un proxecto desenvolvido polo Colectivo para dar a coñecer a figura de Xela Arias, a quen se dedica este ano o Día das Letras Galegas

A Concellería de Cultura da Guarda ideou unha programación en torno a Xela Arias centrada en divulgar os seus poemas entre os guardeses.

A Oficina Municipal de Información Xuvenil do Porriño (OMIX), xunto coa Concellería de Normalización Lingüística, trae o programa “A mocidade coas Letras Galegas 2021”. Mañá martes 4 de maio, na Praza do Cristo, celebrarase o Día das Letras Galegas 2021 dedicado á poeta Xela Arias, en horario de mañá, cunha duración prevista de catro horas, desde as 10:00 horas ata as 14:00 horas.

O proxecto radiofónico 'Xela a diario', organizado polas Bibliotecas Municipais de Redondela baixo a coordinación e condución da narradora e dinamizadora cultural Ana Facchini, comeza este vindeiro 3 de maio a súa segunda fase. A iniciativa é unha homenaxe a Xela Arias, á que se lle dedica este ano o Día das Letras Galegas.

A Biblioteca Pública Municipal de Tui acollerá este luns, 3 de maio, ás 13 horas a presentación da mostra itinerante 'Aquela nena de Sarria'. Trátase dun proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas. A mostra conta co patrocinio da Consellería de Cultura, Educación e Universidade da Xunta de Galicia, e a colaboración do Concello de Sarria e a Real Academia Galega.

Achegarnos a Xela Arias sempre é unha boa idea, sexa nas circunstancias que sexa. Pero estes días son especialmante favorables pola cantidade e variedade de propostas que as distintas editoriais están a sacar do prelo para conmemorar o Día das Letras Galegas, dedicado este ano á poeta luguesa. Estas son só algunhas destas propostas, pero unha visita á nosa libraría de referencia axudaranos a descubrir moitas máis.

Con motivo do Día das Letras Galegas, que este ano está dedicado á creadora, editora, tradutora e mestra Xela Arias, a Xunta de Galicia, a Real Academia Galega (RAG), o Consello da Cultura Galega (CDG), en colaboración coa CRTVG, así como empresas, administracións locais e varias editoriais celebrarán un amplo programa con ata medio cento de iniciativas presenciais e en liña que abranguen propostas no eido literario, expositivo, deportivo, promocional, musical e escénico, entre outros. Están dirixidas a todos os públicos de toda Galicia, e terán como acto central o propio Día das Letras, o vindeiro 17 de maio en Vigo.