Con motivo do Día das Letras Galegas, que este ano está dedicado á creadora, editora, tradutora e mestra Xela Arias, o Concello de Salvaterra de Miño conta con dúas actividades, unha presencial –Unha tarde con Xela– e outra en liña –Caderno de Xela Arias para facer o meu conto–, dirixidas aos nenos e nenas do municipio.
A primeira Unha tarde con Xela será o día 13 de maio no parque A Canuda, en horario de 18:00 h a 19:00 h e consistirá nunha xincana onde, en pequenos, grupos os nenos e nenas farán un pequeno percorrido e deberán pasar por diferentes postos onde estarán as animadoras e animadores, algúns caracterizados de escritores ou escritoras ás que tamén se lles adicou o día das Letras Galegas.
En cada posto terán que superar unha proba diferente de destreza, habilidade, enxeño… si superan a proba, entrégaselles un anaco dun poema de Xela Arias. Cando teñan todos os anacos, terán que lograr reconstruír dito poema. Todas e todos os participantes recibirán un agasallo dun conto ilustrado en galego.
A segunda actividade leva por título Caderno de Xela Arias para facer o meu conto e se desenvolverá o 14 de maio ás 17:30h.
Para visualizalo se colocará un enlace, na páxina web e no Facebook do Concello, para que cativas e cativos, familias e inclusive centros escolares, poidan visualizalo no horario que lles vaia ben. Estará dispoñible un mes.
O Obradoiro será elaborar un caderno con elementos cotiás e material de refugallo. A actividade será online. Son, polo tanto, dúas propostas interesantes para que as máis pequenas e pequenos domunicipio tomen contacto non só coa importancia do Día das Letras Galegas, senón coa figura de Xela Arias como homenaxeada.
