Tag: verónica tourón

A alcaldesa de Salceda de Caselas, Verónica Tourón, saiu ao paso das acusacións formuladas polo PP local sobre a presentación dunha solicitude de subvención para a construción do Centro de Día e lembra aos populares que o proxecto de Centro de Día e o proxecto da Galiña Azul, "son dous proxectos totalmente diferentes, adaptados os dous ás necesidades dos servizos que se ofrecen en cada un deles, e con todas as especificacións técnicas solicitadas polo Consorcio Galego de Benestar

O equipo de goberno local deu a benvida ás novas incorporacións de persoal contratadas ao abeiro da Liña 3 do Plan Concellos 2022-2023 da Deputación de Pontevedra. O persoal contratado ocupará postos de traballo para facer fronte a diferentes tarefas en diferentes servizos que presta o concello como os de Medio Ambiente, Recadación, Orientación Laboral, Conserxería, Biblioteca e Mantemento de dependencias municipais.

A Casa da Cultura Castelao acolleu onte a presentación da programación do Entroido de Salceda de Caselas, nun acto que contou coa presenza do concelleiro de Cultura Álex Rodríguez e da alcaldesa Verónica Tourón que estaban acompañados por Tere Acuña e José Fernández por parte do barrio da Feira e Javier Martínez e Diego Gándara por parte do Castro Barreiro.

A Concellería de Igualdade de Salceda de Caselas, dirixida por Loli Castiñeira, vén de presentar un Mapa de Puntos Negros conxuntamente cun documento que detecta os espazos que poidan resultar perigosos ou inseguros para as mulleres da localidade. Este traballo pretende visibilizar todos aqueles lugares nos que, polas súas características, existe mais risco de acoso, abusos ou agresións sexuais sobre as mulleres.

Este mércores, 1 de decembro de 2021, o Sergas realizará un cribado no Pavillón Municipal de Salceda de Caselas entre ás 8:30 e as 14:30 horas, a persoas maiores de 16 anos do concello. En total están convocadas, a través de SMS, un total de 1.600 persoas.

O Gabinete de Atención Psicolóxica á veciñanza de Salceda de Caselas vén de cumprir un ano despois de ser creado polo Concello en xullo de 2020 co apoio económico da Deputación. O deputado Santos Héctor, acompañado da alcaldesa, Verónica Tourón, visitou hoxe as instalacións que o servizo estreou no Centro municipal de Servizos Sociais na rúa Coruña. Na visita participaron tamén a tenente de alcalde, Loli Castiñeira; a concelleira Gela Ledo e a psicóloga e a traballadora social do gabinete.

A alcaldesa de Salceda de Caselas, Verónica Tourón, e o representante de Sociser Galicia S.L.U. firmaron o contrato de servicio de axuda no fogar no concello para os próximos catro anos. Trátase do contrato máis importante desta lexislatura ata o momento, tanto polo seu importe, que roza o 16 % do orzamento, como na duración do mesmo, tres anos con opción a un máis de prórroga.

A subdelegada de goberno Maica Larriba e a alcaldesa de Salceda, Verónica Tourón, presidiron onte xoves a Xunta Local de Seguridade Extraordinaria, convocada de xeito urxente para tratar a problemática de orde público que sufre a vila nestes últimos fins de semana. En concreto, abordouse a situación que se está a producir debido ás aglomeracións de persoas na rúa Pontevedra, nas intermediacións da zona de ocio nocturno.

O Concello de Salceda de Caselas ven de asinar coas asociacións os convenios de colaboración para o ano 2021, que lles permitirá percibir en total 126.751,40 €. Estas axudas –as máis altas da historia– veñen recollidas no orzamento 2021 como subvencións nominativas e destínanse a colaborar na sufragación dos gastos de funcionamento e de actividades das entidades.

O Concello de Salceda de Caselas está a desenvolver nestes días as labores de hidrolimpeza das fachadas, canelóns e sumidoiros de pluviais do CRA Raíña Aragonta, unha limpeza extraordinaria que se realiza por primeira vez neste centro, forma parte do Plan de Mellora, mantemento, reparación e limpeza para a posta a punto das instalacións educativas.

O Concello de Salceda de Caselas e o Minsterio de Educación veñen de asinar un convenio de colaboración que permitirá desenvolver o programa de formación aberta denominado 'Aula Mentor'. Cómpre lembrar que dende o 2014 o Concello de Salceda de Caselas formaba parte da rede de Aulas Auxiliares, pasando agora a ser titular da Aula Mentor e formando parte así da estrutura orgánica básica do Ministerio de Educación e Formación Profesional.

A tenente de alcaldesa e concelleira de igualdade de Salceda de Caselas, Loli Castiñeira presentou esta mañá a segunda edición do Programa de promoción da igualdade e prevención da violencia de xénero que empezou a desenvolverse a pasada semana e que seguirá durantes os meses de xullo, agosto e setembro.

Movemento Salceda e PsdeG-PSOE ofreceron onte unha rolda de prensa conxunta para anunciar o cambio na alcaldía de Salceda de Caselas, relevo que se fará efectivo o vindeiro día 15 xuño, aos dous anos exactos de mandato.

O Partido Socialista de Salceda vén de dar resposta ás distintas acusacións que o Partido Popular leva vertidas nas últimas semanas en relación coa postura do grupo socialista no procedemento simplificado do IBI. Verónica Tourón lémbralle ao PP que o PSOE, como parte do actual Goberno de Salceda, "manten a mesma posición e traxectoria dos últimos anos" polo que as acusacións sobre "cambios de posición, son totalmente infundadas".

A deputada do Grupo Socialista no Parlamento de Galicia, Paloma Castro, visitou Salceda de Caselas para, acompañada pola portavoz e tenente de alcaldesa, Verónica Tourón, coñecer sobre o terreo a situación dos desempregados e desempregadas do municipio. No decurso da visita, Verónica Tourón informou a Paloma Castro que a Xunta de Galicia "rexeitou a solicitude dun novo Programa Integrado de Emprego que daría posibilidades de inserción laboral e mellora da empregabilidade a 100 veciñas e veciños de Salceda".

O director xeral de Maiores e Persoas con Discapacidade, Fernando González Abeijón, visitou onte o novo centro de día que a Asociación de Familias de Persoas con Alzheimer de Galicia (Afaga) inaugurou en Salceda de Caselas.

A Deputación de Pontevedra vén de dar un novo impulso á mellora da calidade de vida da veciñanza do Concello de Salceda de Caselas nos ámbitos da asistencia social e o deporte coa rehabilitación integral da antiga Escola de Vendanova e a mellora das instalacións deportivas municipais do campo de Penedo Redondo. O deputado de Cooperación Municipal Santos Héctor visitou, xunto á alcaldesa Loli Castiñeira, e tenente de alcalde, Verónica Tourón, as novas instalacións, que contaron cun investimento total de 187.239 euros ao abeiro do Plan Concellos.

Salceda de Caselas e Salvaterra de Miño veñen de solicitar á Xunta de Galicia unha subvención para a realización dun obradoiro de emprego denominado 'Sustentable'. A solicitude faise ao abeiro da convocatoria de subvencións para os obradoiros duais de emprego da Consellería de Emprego e Igualdade.

A parlamentaria socialista Paloma Castro reclamou ao goberno galego "que teña en conta as peticións de investimentos en Salceda de Caselas: infraestruturas educativas e sociais para as crianzas no Concello con un dos índices de natalidade máis elevado de Galicia". Castro formulou ditas reclamacións na visita que hoxe realizou...

A Casa da Cultura Castelao acolleu esta mañá a presentación da programación de Nadal do Concello de Salceda de Caselas, que se estenderá ata o día 5 de xaneiro con máis dunha ducia de actividades centradas no público infantil pois, tal e como definiu o Concelleiro de Cultura, Alex Rodríguez, “os nenos e nenas lévano pasando mal todo o ano, e temos que admitir que son os que mellor o están a facer, polo que se merecen este recoñecemento ao seu esforzo”.

A Casa da Cultura 'Castelao' de Salceda de Caselas acolleu, na mañá de hoxe, a presentación de 'Noites na Rúa' unha iniciativa que a Asociación de Comerciantes e Industriais de Salceda (ACISA), desenvolve en estreita colaboración co Concello de Salceda a través da Concellería de Comercio que xestiona Verónica Tourón. Trátase dunha actividade que se desenvolverá cada primeiro fin de semana de más e que está encamiñada a dinamizar o comercio local e hostalería a través de actividades culturais e descontos nos establecementos participantes e nos locais hostaleiros.

O PSdeG-PSOE de Salceda solicitará á Xunta consensue un protocolo de actuación contra o COVID19 e asuma os seus custes, presentando unha moción no próximo Pleno, sumándose así á iniciativa do PSdeG-PSOE a nivel Galicia. O PSOE local, a través da súa portavoz Verónica Tourón pide á Xunta "que asuma as súas competencias en educación" e subliña que para cumprir o protocolo que a propia Xunta estableceu, "é necesario máis persoal, máis docentes e instalacións axeitadas á nova normalidade".

A plataforma 'De barrio' bota a andar tamén no Concello de Salceda con 23 comercios inicialmente, que se prevé sexan máis nos vindeiros días. O Concello colabora deste xeito co sector do comercio, asumindo os custos das altas no servizo e de mantemento neste primeiro ano.

A portavoz do Grupo Municipal Socialista e tenenta de alcalde do Concello de Salceda de Caselas, Verónica Tourón, fixo hoxe un detallado análise dos logros acadados transcorrido un ano dende as eleccións municipais, unha cita na que o PSOE superaba en máis de 300 votos os resultados das eleccións de 2015, acadaba un concelleiro máis o que, unido á falta dunha maioría absoluta "permitían formar unha maioría progresista e que o PSdeG-PSOE voltase ao Goberno municipal".

O Concello de Salceda de Caselas vén de anunciar a reanudación do mercado semanal dos mércores a partires deste mércores 27 de maio, máis de dous meses despois da súa suspensión por mor do decreto de estado de alarma. Esta reapertura é, para a concelleira de Comercio, Verónica Tourón, "un pasiño máis na reactivación da economía local".

O Concello de Salceda de Caselas, xunto coas dúas asociacións de comerciantes existentes no municipio, veñen de facer unha valoración positiva da primeira semana de apertura de comercio minorista e terrazas. O maior movemento notouse, sen dúbida, no casco urbano, pero noutras zonas comerciais como a da Tabernanova tamén se empeza a notar esa volta á nova normalidade pouco a pouco.

O Concello de Salceda de Caselas está a desenvolver diversas iniciativas coas que quere amosar o seu apoio incondicional ao comercio local "nesta situación especialmente complexa para o sector", afirma o Goberno local. Así, as plataformas de comunicación das que dispón o Concello (páxina web e redes sociais) serven de medio para informar á veciñanza sobre os establecementos que permanecen abertos ao público ou aqueles que ofrecen servizo a domicilio.

O Boletín Oficial da Provincia (BOP) publica hoxe a aprobación inicial do regulamento de participación veciñal do Concello de Salceda de Caselas, aprobado cos votos a favor dos grupos de goberno (MS e PSOE) e a abstención do PP, e que será o primeiro regulamento de participación cidadá do Concello de Salceda.

A praza de abastos de Salceda segue a ser o principal punto de abastecemento de productos frescos en Salceda durante o estado de alarma. O mercado mantén a súa actividade diaria de venta de carne, peixe fresco e froita, así como o servizo de bancadas dos mércores para a venta de peixe.

O Pleno do Concello de Salceda de Caselas, cos votos a favor dos grupos de goberno (MS e PSOE) e a abstención do PP, ven de aprobar inicialmente o que será o primeiro Regulamento de Participación Cidadá do Concello de Salceda e que agora contará cun prazo de exposición pública de 30 días, dende a súa publicación no BOP, para que que asociacións, entidades, colectivos ou persoas a título individual poidan achegar as súas propostas e suxestións a modo de alegacións.

Aínda que, semánticamente, poida utilizar algunha outra expresión, a realidade é que a Xunta de Galicia 'pasa' e de feito 'pasa amplamente' do Concello de Salceda de Caselas. De non ser así, non se entende que as reiteradas peticións de reunión realizadas polo Goberno de Salceda de Caselas con distintas consellerías teñan a calada por resposta e, por non haber, non haxa a mínima cortesía institucional –que debería ser obrigada entre administracións– de contestar, aínda que sexa cun 'non', as demandas do executivo local.

A presidenta da Deputación de Pontevedra, Carmela Silva, visitou hoxe xunto á alcaldesa de Salceda, Loli Castiñeira; aos deputados de infraestruturas e Cooperación, Gregorio Agís e Santos Héctor, amais da tenenta de alcalde, Verónica Tourón e integrantes do Goberno local, dúas obras levadas a cabo con achegas da institución provincial neste concello cun investimento próximo ao millón de euros, a urbanización do antigo Campo da Feira da Devesa, incluída no Plan DepoRemse, e a actuación de mobilidade sostible na estrada provincial EP-2505 ao seu paso polo núcleo urbano.

O Concello de Salceda vén de abrir o prazo de presentación de ofertas para a contratación da acción formativa denominada Certificado de profesionalidade HOT327_2 Servizos de bar e cafetería, enmarcada dentro do Programa Integrado de Emprego do Concello de Salceda de Caselas. Así, ata o vindeiro 18 de febreiro, as empresas que o desexen poderán presentar as súas ofertas para a realización da totalidade dos trámites de xestión da mencionada acción.

A Mesa Xeral de Negociación do Concello de Salceda, convocada polo equipo de Goberno no día de onte, rematou con dúas importantes melloras para o cadro de persoal municipal ao aprobarse, por unha banda, a xornada laboral de 35 horas semanais e, doutra, a equiparación do persoal laboral e o persoal funcionario á hora de percibir un complemento do 100 % nas situacións de incapacidade temporal.

O Concello de Salceda de Caselas, a través da Concellaría de Emprego e Formación que dirixe Verónica Tourón, presentou esta mañá no Auditorio Municipal, o Programa Integrado de Emprego, unha acción formativa que conta cunha subvención da Xunta de Galicia de 250.000 €.

O Equipo de Goberno de Salceda levará ao Pleno ordinario do mes de decembro a proposta de afectación das antigas escolas de Revolta, Budiño, Picoña e San Xurxo para destinalas a usos sociocomunitarios unha vez que todas elas obtiveron o visto bo da Xunta de Galicia para desafectalas do uso educativo.

"Un Nadal diferente. Nin mellor nin peor que os demáis, simplemente diferente". Así definiu na mañá de hoxe a alcaldesa de Salceda de Caselas, Loli Castiñeira, a programación de Nadal que hoxe se presentaba e que ofrecerá, durante case que un mes, máis de trinta actividades pensadas, fundamentalmente para un público familiar. Terá o Nadal de Salceda, iso si, o seu prato forte: 'O Pequeno Circo de Nadal'.

O Concello de Salceda de Caselas, en colaboración con AFAGA e coa financiación da obra social de Caixabank está a desenvolver unha nova edición do programa 'Cultiva a mente', un proxecto que engloba a prevención da demencia e a promoción de hábitos saudables a nivel cognitivo e emocional.

O Concello de Salceda de Caselas, a través da Concellaría de Emprego e Formación que dirixe Verónica Tourón, está a poñer en marcha un Programa Integrado de Emprego, para o cal ven de recibir unha subvención de 250.000 € A por parte da Xunta de Galicia.

Cando están a piques de cumprirse os primeiros cen días dende a toma de posesión, o equipo de goberno de Salceda, formado por Movemento Salceda e PSdeG-PSOE, cualificou este primeiro período como “moi positivo” e, o máis importante, “moi productivo”. En tan só tres meses de andadura do mandato, Salceda aprobou xa inicialmente o Regulamento Orgánico Municipal e o Regulamento de honores e distincións.