14.4 C
Pontevedra
Martes, 28 de Setembro de 2021
Máis
    HomeLouriñaSalceda de CaselasSalceda celebra unha sesión extraordinaria da Xunta Local de Seguridade para tratar...

    Salceda celebra unha sesión extraordinaria da Xunta Local de Seguridade para tratar o problema de orde público das últimas fins de semana

    A subdelegada de goberno Maica Larriba e a alcaldesa de Salceda, Verónica Tourón, presidiron onte xoves a Xunta Local de Seguridade Extraordinaria, convocada de xeito urxente para tratar a problemática de orde público que sufre a vila nestes últimos fins de semana. En concreto, abordouse a situación que se está a producir debido ás aglomeracións de persoas na rúa Pontevedra, nas intermediacións da zona de ocio nocturno.

    Tal e como apuntouse na mesa de traballo, a situación intensifícase despois do peche dos locais á hora que esixe a lei, non permitindo o descanso e a boa convivencia da veciñanza.

    Nestas aglomeracións prodúcense conductas que xa deron orixe a sancións por parte da Garda Civil e Policía Local que intensificaron a súa labor de vixilancia na última fin de semana. A pesar deste aumento da vixilancia o problema persiste, polo que a alcaldesa, Verónica Tourón solicitou apoio á Subdelegación do Goberno.

    A alcaldesa tamén mantivo o pasado luns unha reunión cos representantes das comunidades de propietarios das vivendas da rúa Pontevedra e coas persoas responsables dos locais, tras as inquedanzas trasladadas pola veciñanza.

    Na Xunta Local de Seguridade, nas que estiveron representadas as forzas e corpos de seguridade da Garda Civil e da Policía Local, ademais da tenente de alcaldesa, Loli Castiñeira e a concelleira de Seguridade Lucía Pereira, chegouse ao acordo de que dende os corpos e forzas de seguridade –Garda Civil e Policía local–, e en función de como se desenvolvan os acontecementos, póñanse a disposición do Concello de Salceda de Caselas todos aqueles recursos que sexan necesarios, mentres esta situación xere inseguridade e inquedanzas na poboación.

    Lucía Pereira, concelleira de seguridade subliñou o “importante esforzo” que se realiza dende o Concello “os recursos dos que dispoñemos para atallar esta situación puntual e tratar de recuperar a harmonía entre o ocio e o descanso da veciñanza, que sempre foi o obxectivo”.

    Nesa liña incidía tamén a alcaldesa de Salceda, Verónica Tourón que, logo de valorar moi positivamente o acordo acadado na Xunta Local de Seguridade, apuntou que “o ocio nocturno debe ser compatible co benestar e descanso da veciñanza da zona, polo que Concello, Subdelegación e forzas e corpos de seguridade traballaran coa máxima coordinación e con todos os medios dispoñibles para que isto sexa así”.

    Tourón lembrou que dende o equipo de Goberno a pretensión “é que a boa convivencia sexa posible, e que Salceda continúe a ser unha vila segura, como reflexan os datos que hoxe mesmo nos trasladou o tenente coronel da Comandancia da Garda Civil que nos acompañou nesta Xunta”.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS