Tag: val miñor

O goberno de Nigrán aprobou esta mañá en Pleno Ordinario e coa abstención do PP a adhesión ao programa 'Xantar na Casa' de servizo de comida a domicilio para persoas maiores, dependentes ou en risco de exclusión.

“Baiona. A mellor música en directo!” comezará o vindeiro venres 4 de decembro ás 19:00 h co concerto de “A Patrulla”. O Concello de Baiona, a través da Concellería de Cultura, organiza unha serie de concertos co obxectivo fundamental de dinamizar e desestacionalizar a oferta cultural e de lecer baionesa.

As Escolas Deportivas de Gondomar arrincarán a súa actividade o próximo mes de xaneiro, se as condicións sanitarias permíteno. A partir deste martes 01 de decembro ábrese o prazo de inscrición que se poderá formalizar nas oficinas do pavillón Municipal Bernabé Costas entre as 10.00 e as 12.00 do mediodía, e as 17.00 e 19.00.

O alcalde de Nigrán presentou, xunto a Asociación de Empresarios Ovalmi, a campaña de promoción do comercio local 'Agora máis que nunca este Nadal merca en Nigrán' e o hashtag '#VivoEnNigránComproEnNigrán'.

Varias persoas que practicaban surf a tarde de onte en Praia América rescataron a un home que se atopaba en apuros na auga a quince metros da beiramar.

Ante a mensaxe que se transmite constantemente e que se converteu xa en lema sobre que “este ano o Nadal será diferente”, o goberno de Gondomar deseñou un programa de actividades e accións “co que pretendemos salvala para todas e todos, e axudar a que sexa igual de máxica e chea de ilusión que en anteriores edicións”, asegurou o rexedor Paco Ferreira.

O Concello de Nigrán creará unha liña de axudas directas de 120.000 € a cargo do remanente de Tesourería para o sector hostaleiro afectado polo peche sanitario do 4 de novembro. O goberno local ultima os pregos para a convocatoria contemplando unha subvención de 1.000 € para os autónomos e de 600 € para traballadores por conta allea sen dereito a ningún outro tipo de prestación.

O Concello de Nigrán, a través de Servizos Sociais, iniciou hoxe un novo reparto de alimentos entre 43 familias en situación de vulnerabilidade no municipio. Nesta ocasión a achega constou de alimentos frescos adquiridos no pequeno comercio local e de non perecedoiros procedentes de sendas recadacións realizadas recentemente polo GES Val Miñor e CEIP Humberto Juanes entre o seu alumnado.

A corporación municipal de Gondomar sumouse este 25 de novembro, Día Internacional para a Eliminación da Violencia contra a Muller, á convocatoria secundada polos municipios de toda España en memoria das mulleres asasinadas a mans das súas parellas e exparellas.

O Concello de Nigrán reiniciou esta mañá de maneira oficial os traballos da Biblioteca Municipal tras firmar a dirección técnica e a construtora a acta de replanteo e comezo de obra. Deste xeito, Consvial S.L comprométese a concluír no prazo de tres meses o novo edificio tras resultar adxudicataria da parte non executada das obras por un importe de 973.056 € sobre un orzamento base de 1.117.428 €.

A Concellería de Cultura do Concello de Baiona organiza un relatorio en streaming do escritor e divulgador Rodrigo Costoya. Baixo o título "A incrible historia do galego Cristovo Colón de Poio a Baiona".

Deixar o pasado atrás para comezar a ser a persoa que se quere ser. Iso foi o que supuxo para as participantes desta primeira edición do obradoiro de Eu Rural aqueles días nos que compartiron alegrías, bagoas, historias…

O Concello de Nigrán ven de adquirir a través do Fondo de Compensación Ambiental da Xunta de Galicia unha furgoneta eléctrica de 7 prazas Nissan e-NV200 Evalia para o departamento de Medio Ambiente.

A Xunta de Goberno da Deputación de Pontevedra vén de aprobar novos recursos por un importe de máis de 1 millón de euros (1.004.268,55), ao abeiro do Plan Concellos, para financiar equipamentos e contratación de persoal en Baiona, Pontecesures, Tui e Lalín. En concreto, a Deputación destina a Baiona 186.184,55 euros para a mellora da rede de saneamento na zona de Percibilleira. Esta actuación comprende a substitución das redes na rúa Fontiñas e na rúa Percibilleira, nos tramos que na actualidade son de formigón. Amais, tamén se repoñerá a rede de abastecemento naqueles tramos que sexa necesario debido á execución de novas canalizacións e tamén se fará unha reposición do firme que se atopa en mal estado. En total, actuarase nunha superficie total de case 2.900 metros cadrados. No caso de Pontecesures, recibirá unha achega de 91.058,72 euros para a mellora do andar do semisoto do edificio do concello para locais de uso administrativo (acondicionamento da zona de usos administrativos do Edificio do Concello). A intervención ten por obxecto acondicionar unha zona de aulas existente para mellorar as súas condicións. Deste xeito, executaranse tres despachos individuais con luz natural, adaptarase o aseo, executaranse dúas salas separadas por un tabique móbil, tamén o trasdosado no interior da fachada, e instalarase climatización, electricidade e saneamento. En canto a Tui, a Deputación destina 130.148 € para financiar as melloras na pavimentación, canalización de pluviais e muro de contención do viario entre A Devesa e San Antoniño, en Malvas (Fase I). A finalidade é facilitar o acceso á veciñanza, xa que na actualidade a capa de rodadura atópase en estado irregular, con baches e fisuras. Para darlle solución, executarase unha nova capa de rodadura, limparanse as cunetas e taludes, executarase unha canalización de drenaxe de pluviais, instalaranse pozos de rexistro e farase un muro de contención. Por último, o goberno provincial aprobou para Lalín tres achegas por un total de 596.876,86 euros. En concreto, 94.778,07 euros financiarán o abastecemento de Palmaz e Casares, para dotar de auga potable a estes núcleos así como unha actuación puntual en Bergazos. Doutra banda, 189.600 euros financiarán a pavimentación de viarios en Anzo, Meixome, Prado e nos camiños ao Depósito de Auga novo, Torguedo-Catasós, Vilamaior-Botos, Pena-Donsión, no entronque en Ansean, no camiño en Xar, no camiño en Carragoso, no acceso a Cáceme, no acceso a Rodis, no Val do Carrio-Igrexa, na pista de Rielo, na de Ois Grande, na de Vila Santiso, na de Brántega a Cruceiro, no acceso a Viñoa, na estrada en Muíños-Vilanova e en Meixomin, e na pista de Vales-Gresande. E, amais, enmarcado na liña 3 de emprego, Lalín recibe 312.498,79 euros cos que poderá financiar a contratación de 35 persoas traballadoras.

Gondomar desenvolverá esta semana diversas accións, enmarcadas dentro da programación elaborada desde a Concellería de Iguadade con motivo da celebración do Día internacional contra a Violencia de Xénero, que se celebra o próximo día 25 de novembro.

O Concello de Nigrán exporá ao público desde hoxe e por un periodo de dous meses o 'Plan Especial de Infraestruturas e Dotacións de Portocelo' para a formulación de alegacións. O proxecto elaborado pola Comunidade de Montes de Monteferro e aprobado o 9 de novembro polo goberno local permitirá a reforma do inacabado edificio desta entidade para integralo na paisaxe e adaptado á legalidade, dando marcha atrás a un dos maiores expoñentes do 'feísmo' no municipio.

O Concello de Gondomar presentou ante a Xunta de Galicia unha solicitude para adecuar caminos e pistas municipais á lei de prevención e defensa contra os incendios forestais e garantir a súa limpeza atendendo as medidas de seguridade establecidas para previr a propagación dos lumes.

O Concello de Godomar, a través da súa Concellería de Comercio, abriu o prazo de renovación das licenzas para os postos no mercado ambulante que se celebra no concello todos os martes. Os interesados terán ata o próximo 7 de decembro para presentar a solicitude de renovación e abonar as taxas correspondentes.

As axudas da Deputación para rehabilitar e sinalizar patrimonio histórico cultural na provincia veñen de ser solicitadas por 54 concellos da provincia, quedando unicamente á marxe A Estrada, Illa de Arousa, Meaño, Pazos de Borbén e Pontecesures, que non presentaron proxecto para subvencionar. Nestes momentos as solicitudes están a ser fiscalizadas polo departamento de Intervención, que emitirá ditame para indicar se se axustan ás bases da convocatoria.

O Auditorio Municipal Lois Tobío acolle o sábado 21, a partir das 20.00 horas, unha nova sesión de teatro, nesta ocasión a cargo da creación colectiva de Esther F. Carrodeguas, Noelia Blanco, Stefphy LLaryora: a obra “Feminíssimas”, dirixida por Xavier Castiñeira.

O Concello de Nigrán investiga a través da Policía Local o roubo das cordas mariñeiras que se estaban a poñer actualmente no peche perimetral das dunas de Praia América-Panxón en substitución dos vellos arames galvanizados.

O Concello de Baiona súmase, por segundo ano consecutivo, ao protocolo de colaboración para a organización conxunta da campaña de sensibilización "En Negro contra as violencias", no marco do Día Internacional contra a Violencia de Xénero, o próximo 25 de novembro, coa que se pretende tinguir de negro as vilas e cidades galegas.

O Concello de Nigrán ofrecerá desde esta semana en streaming (retransmisión telemática en directo) todas as súas actividades deportivas municipáis ante a petición dos propios usuarios (ioga, ximnasia de mantemento, aerobic-step, taichi, taekwondo, pilates e zumba), tal e como xa fai con Música desde o inicio das novas restricións. Quedan excluídas as dirixidas á terceira idade ao non estar afeitos a gran maioría ao emprego das novas tecnoloxías.

O Concello de Baiona, a través da Concellería de Cultura do Concello de Baiona organiza un concurso de decoración de nadal para os establecementos do Municipio. O prazo estará aberto desde onte, 17 de novembro, ata o vindeiro mércores 1 de decembro.

Coa incerteza da pandemia aínda sobre nós, dende o Concello de Gondomar séguese a traballar para que a veciñanza adáptese da mellor maneira a “nova normalidade” imposta pola Covid-19, intendando que as repercusións para todos sexan as menores posibles, prestando axuda, desde a primeira onda da enfermidade, as familias máis vulnerables social e económicamente.

O Concello de Nigrán asumirá o vindeiro pago do recibo trimestral da auga e bonificará a parte proporcional do lixo do sector hostaleiro como medida de apoio ante o seu peche sanitario forzoso. Dentro da súa liña de axudas específicas para a restauración, o Concello mantén o seu servizo gratuíto de envío de comida a domicilio mediante repartidor propio e a bonificación do 75% da taxa de terrazas (ademais de flexibilizar a súa ampliación).

A Concellería de Igualdade do Concello de Baiona informa da desaparición de dúas fotografías da exposición “Corpos, feminismo e territorio”. Concretamente desapareceron as dúas imaxes que levantaron polémica estes días nos medios de comunicación e nas redes sociais.

A programación organizada pola Concellería de Igualdade co gallo do Día Internacional contra a Violencia de Xénero, "Novembro Lila", continúa coas súas actividades. Onte o CEP Sabarís e CEP Belesar acolleron a actividade “Contos pola Igualdade” a cargo de Paula Carballeira baixo o título “A valentía da Leona”.

O teatro regresa este sábado, 14 de novembro, ao auditorio municipal Lois Tobío de Gondomar da man da compañía Aporía Escénica, que representará o seu traballo “6 cubos negros en corpo branco”, escrita e dirixida por Diana Mera. A función, recomendada para público maior de 13 anos, comezará ás 20.00 horas.

“Con feitos e accións concretas seguimos avanzando na nosa aposta clara por converternos nun municipio referente na loita contra o cambio climático, así como en materia de reciclaxe e reutilización dos residuos electrónicos e eléctricos”, manifestou o alcalde Paco Ferreira, quen subliñou “que neste labor queremos implicar a toda a poboación facilitándolle os medios necesarios para desbotar de forma segura os produtos que xa non usan”.

A delegada da Xunta en Vigo, Marta Fernández-Tapias, achegouse hoxe ata a parroquia de San Martín de Borreiros (Gondomar) para visitar á congregación das Misioneiras de María Mediadora.

O alcalde de Nigrán, Juan González, recibiu hoxe en visita institucional ao Concello a Marta Fernández-Tapias, nova delegada da Xunta en Vigo. O rexedor aproveitou a ocasión para trasladarlle persoalmente todas aquelas cuestións do municipio que son de competencia autonómica e que urxe abordar, como é a reparación do emisario submariño da EDAR que verte auga depurada a menos de 200 metros de Praia América.

O Concello de Baiona informa da posta en marcha do servizo que tratará de dar resposta ás demandas da poboación baionesa en relación á Saúde Mental, mellorando así a súa calidade de vida.

A programación organizada pola Concellería de Igualdade co gallo do Día Internacional contra a Violencia de Xénero, " Novembro Lila", trae consigo un mes dedicado a actividades contra a violencia á muller no Concello de Baiona.

O Concello de Nigrán concluirá esta semana as obras para dotar do primeiro observatorio de aves a contorna do espazo dunar de praia América-Panxón e para mellorar a súa accesibilidade, todo elo a través da subvención do GALP de 45.451,23€.

O proxecto de recuperación do contorno do Peto de Ánimas de Piñeiro, desenvolto polo arquitecto Santos Vila González, foi distinguido con este galardón que, anualmente, concede o Colexio Oficial de Arquitectos de Galicia (COAG), e que destaca o proxecto por recuperar e poñer en valor o camiño histórico que unía a vila coa Igrexa de San Miguel, en Peitieiros.

A rúa Elduayen de Baiona énchese de cor e de verde coas plantas e as árbores que o Concello, a través da Concellería de Medio Ambiente, plantou nunha das principais rúas da localidade.

O Concello de Nigrán rematou esta semana a través da empresa adxudicataria Sodein Soluciones Integrales os traballos para reducir os verquidos de pluviais aos colectores de residuais que discorren paralelos ao río Muíños, cun investimento de 103.000 €.

O Concello de Nigrán súmase ao Día Mundial da Dislexia que se conmemora o día 10 de novembro iluminando esta noite de azul turquesa a Casa Consistorial, tal e como promove A Federación española de dislexia e outras dificultades específicas da aprendizaxe ( FEDIS) coa campaña #UnidosPorLaDislexia.

O Concello de Nigrán subvencionará os envíos a domicilio dos veciños que fagan pedidos de comida en negocios de Nigrán, tal e como xa o fai a través da plataforma de comercio electrónico DBarrio, o que supón a gratuidade do mesmo.