O vindeiro martes 17 de decembro, o Concello de Baiona celebrará unha xornada dedicada á captación de voz en lingua galega. A iniciativa, promovida pola Secretaría Xeral da Lingua da Xunta de Galicia no marco do “Proxecto Nós”, terá lugar no aula de informática da planta baixa do Centro Multiusos Ángel Bedriñana.
Horario e participación
A recollida de voces realizarase de 10:00 a 14:00 e de 16:00 a 20:00 horas. O proceso é sinxelo: as persoas participantes deberán ler frases en galego que aparecerán nun monitor, organizadas en bloques de cinco. Poden participar persoas de todas as idades, aínda que os menores deberán acudir acompañados por un titor legal. Como agradecemento, quen colabore recibirá un agasallo.
As gravacións recollidas empregarase exclusivamente para o adestramento dos algoritmos do Proxecto Nós e nunca serán usadas fóra deste ámbito.
Para anotarse, é preciso chamar ao 660 243 752 en horario de 9:00 a 13:00 horas.
O Proxecto Nós: a lingua galega nos desenvolvementos dixitais
O Proxecto Nós, liderado pola Xunta de Galicia e a Universidade de Santiago de Compostela (USC), busca garantir a presenza do galego nos avances tecnolóxicos máis actuais. Este proxecto desenvolverá ferramentas como sistemas de síntese e recoñecemento de voz, xeración automática de texto, tradución neuronal, axentes conversacionais, correctores lingüísticos automáticos, entre outros.