O Concello de Baiona albergará o final da duodécima etapa da Volta ciclista a España o martes 27 de agosto segundo anunciouse na xornada de onte na presentación oficial da Volta a España 2024 na que participou o alcalde de Baiona, Jesús Vázquez Almuiña.
Xa se desvelou por completo cal é percorrido completo da próxima edición da Volta a España 2024 e, no que respecta a a presenza en Galicia, deixa a confirmación de que Baiona terá un gran protagonismo como final da etapa con saída en Ponteareas e chegada a Baiona.
“Baiona terá o orgullo de ser un dos puntos de fin de etapa neste evento deportivo tan importante, convertendo deste xeito á nosa terra en escenario e epicentro do ciclismo. O ciclismo combina á perfección a práctica do deporte e o goce da natureza, por iso non só as persoas afeccionadas á bicicleta van ter a ocasión de vibrar coa emoción deste deporte senón que tamén será unha oportunidade única para que os participantes, a organización e as persoas que nos acompañen poidan contemplar unha impoñente paisaxe que ofrece a nosa vila mariñeira, cunhas vistas espectaculares e únicas, a desembocadura del Río Miñor, a baía de Baiona, rodeado da península de Monterreal, todo iso bañado pola inmensidade das augas do Océano Atlántico, a silueta da Virxe da Roca…”, sinala o rexedor.
Vázquez Almuiña finaliza expoñendo que “As baionesas e baioneses sentimos orgullosos e entusiasmados de acoller aos mellores equipos e ciclistas no panorama nacional, e como alcalde, é unha enorme satisfacción que a miña vila forme parte desta festa deportiva. Non hai mellor campaña para a promoción turística de Baiona que acoller un dos finais de etapa da volta ciclista. Millóns de telespectadores observarán en horario de máxima audiencia imaxes do noso municipio. Unha das mellores cartas de presentación da localidade ao mundo”.
A oitos meses vista sábese que o impacto da imaxe da vila é tan incalculable como impagable se fose unha campaña publicitaria. Unha gran oportunidade para dar a coñecer a través da televisión a beleza de Baiona a distintos países do planeta e captar visitantes que veña a coñecer en primeira persoa o que lles chegou a través dos seus televisores. A isto hai que engadir a repercusión económica que supoñerá o desprazamento de toda a organización e os equipos participantes que supoñen un consumo de moitas persoas na vila.
O municipio de Baiona xa acolleu con anterioridade en dúas ocasións un fin de etapa da volta cicilista a España: No ano 2013 o miradoiro do Cortelliño, foi o lugar elixido para poñer fin a unha dura subida dos ciclistas, un emprazamento privilexiado que deu a descubrir unha zona medio ambiental impresionante ao mundo, un balcón no que se ensinou as Rías Baixas a millóns de televidentes. No ano 2016, o punto elixido como fin de etapa foi en pleno centro de Real Villa tendo como fondo a fortaleza de Monterreal e a baía de Baiona.
