19.8 C
Pontevedra
Luns, 15 de Xullo de 2024
Máis
    HomeVal MiñorBaionaA ONG de Baiona "Ayuda al Mundo Necesitado" recibe 100 lotes da...

    A ONG de Baiona “Ayuda al Mundo Necesitado” recibe 100 lotes da empresa CEAMSA

    O alcalde de Baiona, Jesús Vázquez Almuiña e a concelleira de Política Social, Ana María Iglesias Rodríguez, recibiron este xoves a doazón de 100 lotes de Nadal da man do director de Recursos Humanos do a empresa Ceamsa, Jorge Trigo Somoza.

    Os lotes repartíronse entre as familias sen recursos do municipio e usuarios do departamento de servizos sociais para celebrar estas datas tan especiais.

    A responsabilidade social e o compromiso que demostran esta empresa e os seus responsables, entre o que se atopa o noso veciño baionés, Jorge Trigo Somoza, co seu pobo é elogiable e estamos enormemente agradecidos de que exista esta sinerxia” explica o alcalde, “Traballando da man podemos axudar máis a todos estes veciños que pasan momentos complicados e estou enormemente agradecido de que Baiona poida contar con isto”.
    Ambos os representantes municipais estenderon este agradecemento á ONG local “Axuda ao Mundo Necesitado” á súa presidenta, Juana Alonso, e a todas as persoas voluntarias que achegan o seu granito de area e que atenden botando unha man nas necesidades da ONG.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.