Ecovidrio, a entidade sen ánimo de lucro encargada da xestión da reciclaxe dos residuos de envases de vidro en España, en colaboración co Concello de Baiona e a Deputación de Pontevedra, puxo en marcha unha campaña de sensibilización para concienciar aos habitantes sobre a importancia da reciclaxe de envases de vidro durante as celebracións de Nadal, nas que se xera ata o 20 % de todos os residuos de envases de vidro do ano.
Para iso, Ecovidrio instalou hoxe na Praza de Concello unha árbore do Nadal de 4 metros de altura formado por 65 miniglús que estivo na localidade hoxe mércores 20 de decembro.
Ademais, houbo unha caseta informativa no que educadores ambientais informaron á cidadanía sobre como separar correctamente os seus envases de vidro e os beneficios ambientais da reciclaxe de envases de vidro. Tamén repartiron os 65 miniglús entre os visitantes da caseta mediante un sinxelo xogo de preguntas e 3 en Raia. O horario desta caseta foi de 16:30 a 20:00 horas.
Beneficios ambientais da reciclaxe de vidro
O vidro que se deposita nos contedores recíclase ao 100 % e utilízase para a fabricación de novos envases, de forma indefinida e sen perder as propiedades orixinais.
Reciclar vidro é un elemento crave na loita contra o cambio climático. Ao usar calcín – vidro reciclado – na fabricación de novos envases evítase a extracción de materias primas da natureza, evitando a erosión dos chans e a deforestación da nosa contorna. Ademais, minimízase a emisión de CO2 no proceso de fabricación, afórrase enerxía e evitamos o crecemento das entulleiras.
Datos de reciclaxe de vidro en Baiona
Segundo os últimos datos oficiais de 2022, os cidadáns de Baiona reciclaron un total de 339.550 kg de envases de vidro, o que supón que cada persoa reciclou unha media de 27,5 quilogramos deste material (equivalente a uns 94 envases).
Respecto a a taxa de contenerización, Baiona sitúase cunha media de 165 habitantes por contedor, contando na actualidade cun total de 75 iglúes para os residuos de envases de vidro instalados no municipio.
