28.4 C
Pontevedra
Luns, 22 de Xullo de 2024
Máis
    HomeVal MiñorBaionaBelén artesal en movemento no acha do Concello de Baiona

    Belén artesal en movemento no acha do Concello de Baiona

    A entrada do Concello de Baiona, situado en plena Zona vella da vila, ten instalado un tradicional belén artesanal en movemento, obra do veciño coñecido como Kike Chamorro. O baionés este ano volveu a realizar a súa obra de arte efémera despois duns anos de ausencia con máis figuras do nacemento para seguir sorprendendo aos veciños e visitantes.

    O belén en movemento, que pode visitarse durante a semana ata o vindeiro venres 5 de xaneiro en horario de 08:00 a 20:00 h, inclúe nesta edición máis de 150 figuras, das que 22 son animadas e realizan algún tipo de movemento, ocupando un espazo de aproximadamente 10 metros cadrados nos que o público poderá contemplar distintos episodios do Niño Jesús.

    O alcalde de Baiona, Jesús Vázquez Almuiña, e o Concelleiro de Cultura, Policarpo Vilar Misa, agradecen ao veciño Kike Chamaro, a súa colaboración desinteresada co nadal en Baiona: “Grazas á súa implicación desinteresada a veciñanza e as persoas visitantes, poderán gozar desta singular exposición nestas datas tan entrañables”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.