O Concello de Nigrán despedirá o ano o sábado 30 de decembro entre a tradicional carreira San Silvestre Solidaria en Panxón (18:00 horas) e o concerto da Orquesta de Saxos de Redondela no Auditorio (20:00 horas). A maiores, os ‘arroases do Val Miñor’ mergullaranse como cada ano ás 11:00 horas en Panxón para nadar 1.500 metros nunha proba tamén non competitiva e solidaria e en Porto do Molle disputarase o III Ciclocross Concello de Nigrán-ZFV tamén á mesma hora.
Como é xa tradicional, a San Silvestre de Nigrán é unha quedada solidaria onde os participantes deben achegar 1 kg de alimentos non perecedoiros no mesmo día (desde media hora antes do inicio) para o Banco Municipal sen necesidade de inscrición previa. A carreira non competitiva arrancará ás 18:30 horas no Paseo de Panxón (altura do Pavillón) para chegar ao fin de Praia América en Lourido e volver ao punto de partida. Ao rematar ofrecerase unha chocolatada.
A cita cultural será no Auditorio Municipal ás 20:00 horas coa Orquesta de Saxos de Redondela, unha formación xa habitual no Nadal nigranés. A entrada tamén é de balde e se recadarán alimentos non perecedoiros entre os asistentes. A Orquestra de Saxos nace hai dúas décadas pola iniciativa do seu directora Dª Elisa Arias Trigo. Desde o seu nacemento está integrada por alumnos e alumnas da área de saxofón do Conservatorio de Música de Redondela, agrupando jovenes con idades comprendidas entre os 8 e os 27 anos. Caracterízase por ser unha agrupación orixinal e única, tanto na súa composición como no seu espírito formativo e didáctico. O repertorio abarca todos os estilos musicais e autores, desde os grandes clásicos (Bach, Mozart…) ata compositores de obras creadas exclusivamente para a Orquestra, pasando, naturalmente, pola música popular tradicional.
