Tag: emerxencias

A Axencia Estatal de Meteoroloxía (AEMET) informa da chegada dun fenómeno adverso no mar que deixará ventos fortes e ondas de ata oito metros en todo o litoral de Galicia. Deste xeito, actívase a alerta de nivel laranxa a partir de hoxe, día 3 de decembro.

O 112 Galicia rexistrou un incendio pouco antes da medianoite no Porriño, no que foi necesaria a asistencia médica para a ocupante da vivenda, pois presentaba queimaduras nun brazo.

Varias persoas que practicaban surf a tarde de onte en Praia América rescataron a un home que se atopaba en apuros na auga a quince metros da beiramar.

Dúas persoas resultaron feridas esta mañá en Redondela nunha colisión na que se viron implicados tres turismos. Segundo a información recollida no 112 Galicia, estas dúas persoas accidentadas tiveron que ser trasladadas a un centro médico.

Dúas persoas resultaron feridas a pasada noite en Tomiño despois de que o coche no que viaxaban impactase contra un animal que interceptou na vía, concretamente na estrada que vai a Tebra.

Un ciclista necesitou atención sanitaria ao mediodía de onte tras ser alcanzado por un camión mentres circulada pola estrada que une as localidades de Guillarei e Rañada, no termo municipal pontevedrés de Salvaterra de Miño.

Unha muller tivo que ser evacuada polos servizos sanitarios despois de ser alcanzada polo seu propio vehículo en Mos. Ao fío das 21:30 horas, unha persoa particular chamou ao 112 Galicia para solicitar asistencia sanitaria para unha muller que acababa de ser atropelada polo seu coche despois de tentar paralo ao darse conta de que esquecera poñerlle o freo de man.

Unha colisión entre un micro coche (coche sen carné) e un todoterreo saldouse onte pola tarde na Cañiza cunha persoa falecida e outra ferida. Segundo a información recollida no 112 Galicia, a vítima mortal e a outra persoa ferida circulaban no micro coche pola PO-406, cando bateron frontalmente contra outro vehículo, un todoterreo, á altura do punto quilométrico 3.

Un total de catro coches que circulaban pola A-55, dirección Vigo, en Petelos, á altura do concello de Mos, colidiron por alcance a tarde de onte e dúas persoas resultaron feridas.

En Ponteareas, ao redor das 17:00 horas de onte, un particular solicitaba ao 112 Galicia unha ambulancia para a parroquia de Bugarín, en Ponteareas. Indicaba que un operario acababa de ser golpeado por unha póla dunha árbore mentres traballaba no monte. Con todo, aseguraba que o ferido estaba consciente.

Os equipos de extinción dan por finalizado un incendio declarado esta madrugada no interior dun supermercado na Guarda. Arderon fornos e cámaras frigoríficas dentro dun centro de transformación de subministro sen causar danos persoais.

O home foi rescatado a bordo do helicóptero do Servizo de Gardacostas de Galicia tras caer nas rochas, nunha zona de difícil acceso en Panxón, no termo municipal pontevedrés de Nigrán. Segundo a información facilitada aos xestores do 112 Galicia polos equipos de intervención que acudiron ao lugar dos feitos, o varón foi evacuado ao Hospital Álvaro Cunqueiro.

Un motorista faleceu a tarde de onte no concello pontevedrés de Salvaterra de Miño tras saírse da vía cando circulaba pola PO-403, á altura da parroquia de Pesqueiras. O 112 Galicia tivo constancia do accidente ao recibir a chamada de alerta de varias persoas particulares ás 18:15 horas.

Logo de producírense 3 incendios esta noite en Galicia, os peores danos materiais producíronse a causa dun incendio nunha vivenda de Crecente, na provincia de Pontevedra. Ardeu máis do 90 por cento dunha casa habitada do lugar de As Piñas sen que se rexistrasen danos persoais. Con todo, as perdas son cuantiosas porque, ademais do que arrasou o lume, a estrutura do inmoble quedou completamente colapsada.

Unha colisión múltiple na que se viron implicados un turismo, unha furgoneta e un camión que transportaba madeira saldouse a tarde de onte en Redondela cunha persoa ferida, que tivo que ser excarcerada por os membros do Servizo de Emerxencias e Incendios de Redondela e os Bombeiros do Porriño.

Un accidente entre dous coches na A-55, ao paso pola parroquia de Sanguiñeda, no termo municipal pontevedrés de Mos, deixou a dúas mulleres feridas na noite de onte. Os feitos tiveron lugar poucos minutos antes da medianoite á altura do punto quilométrico 13.

Afortunadamente, ningún dos accidentes rexistrados deixou feridos de gravidade. Nun intervalo de aproximadamente tres horas a circulación pola A-55 viuse alterada a causa das distintas colisións por alcance ocorridas nos concellos de Mos, Vigo e Porriño.

Ao fío das 10:30 horas desta mañá, un particular informaba ao 112 Galicia dun accidente entre dous vehículos que circulaban pola estrada que une Redondela e Arcade, á altura do lugar de Soutoxuste.

No concello pontevedrés de Mos, unha colisión entre dous turismos deixou a dúas persoas feridas nas primeiras horas da mañá de hoxe. O choque produciuse na A-55, á altura do punto quilométrico 9 e os feridos foron encamiñados ao Hospital Álvaro Cunqueiro e ao Hospital de Fátima.

Hoxe unha muller resultou ferida despois de saírse da vía co seu vehículo e precipitarse por un terraplén. O accidente tivo lugar ás 5:30 horas da madrugada de hoxe cando unha persoa particular chamou ao 112 Galicia para informar do suceso.

Un incendio nun taller de motos obriga a desaloxar por precaución un edificio situado na Avenida de Val Miñor, en Nigrán. Deste xeito, os veciños puxéronse a salvo mentres duraron os traballos para a extinción do lume, que chegou a afectar a dúas persoas que estaban no interior do taller.

O 112 Galicia era informado dun accidente en Redondela, no cal, cinco persoas precisaron asistencia sanitaria, dous menores e tres adultos. Segundo se lle informou ao 112 Galicia, os dous menores foron recollidos nun coche particular que os derivou ao centro de saúde da localidade.

Un lume nun alboio, obrigaron a intervir aos profesionais sanitarios para atender a unha persoa que sufriu diferentes problemas a raíz do incendio. Este incidente produciuse onte, cando un veciño de Gondomar padeceu unha crise nerviosa como consecuencia dun lume que queimou parte dun...

Unha muller quedou atrapada despois de bater co seu coche contra un muro en Nigrán. Para liberar á única ocupante do vehículo foi necesaria a intervención dos equipos de salvamento e excarceración, que facilitaron, deste modo, a atención sanitaria.

O 112 Galicia rexistrou na tardiña de onte un accidente no que se viron implicados un turismo e unha moto. Como consecuencia do impacto, os dous ocupantes da moto resultaron feridos, un deles con lesións de consdieración, polo que foron evacuados ao Hospital Álvaro Cunqueiro de Vigo.

Recibíuse o aviso de que os servizos sanitarios de urxencia atenderon o sábado pola tarde a unha muller que resultou ferida mentres manexaba unha máquina de espigas, en Tomiño. Segundo os datos facilitados ao 112 Galicia, a persoa ferida foi liberada polos familiares ao quedarlle atrapada unha man na máquina.

Os servizos sanitarios de urxencia atenderon a unha muller asustada por un incendio declarado na súa propiedade, no lugar da Revolta, en Salceda de Caselas. A señora tivo que ser evacuada ao Centro de Saúde do Porriño, mentres que os bombeiros fixeron fronte a un lume que arrasou un pendello e un coche.

Unha saída de vía saldouse cunha persoa ferida cando circulaba co seu vehículo pola PO-552, no punto quilométrico 71, ao seu paso polo concello pontevedrés de Tui. O accidente tivo lugar ás tres da tarde de onte luns. Nese momento, o 112 Galicia recibiu a chamada de varios particulares que alertaban dun vehículo que sufrira unha saída vía na estrada que une as localidades de Tui e A Guarda.

Un incendio declarado onte ao mediodía nunha vivenda no termo municipal pontevedrés de Baiona saldouse cunha persoa trasladada ao centro hospitalario de referencia e diversos danos materiais.

Unha persoa sufriu feridas de consideración como consecuencia dunha colisión frontal entre dous vehículos en Ponteareas. No sinistro tamén resultou ferida outra persoa, aínda que de carácter leve. Así o indicaron os efectivos de emerxencias a través do 112 Galicia unha vez que remataron a súa intervención coa excarceración dunha das vítimas.

Homenaxe no Rosal a todas e todos os profesionais que cada día saen á rúa para combater o COVID-19, para velar polo benestar da veciñanza en plena crise sanitaria ou para garantir os produtos de primeira necesidade en pleno estado de alarma. Membros de Protección Civil, Garda Civil e do Grupo de Emerxencias Supramunicipais (GES) da Guarda reuníronse onte na Praza do Calvario e acenderon as súas sirenas para visibilizar o seu agradecemento a todos aqueles servizos esenciais que colaboran día a día en plena emerxencia sanitaria.

O forte temporal que nestes días afecta a Galicia non só se deixa sentir na costa senón que tamén o fai no interior. Os bombeiros de Ponteareas, no corto espazo dunha semana, levan realizadas máis de 60 actuacións para solventar incidencias provodadas pola meteoroloxía adversa.

O pasado mércores día 11 de decembro o Grupo de Emerxencias Supramunicipal (GES) do concello da Guarda recibiu un novo camión tipo Bomba Rural Lixeira (BRL) que será empregado tanto para incendios urbanos coma forestais e diversas incidencias coma accidentes de circulación.

A pasada semana, un operativo do Grupo de Emerxencias Supramunicipal (GES) da Guarda participou nun simulacro de emerxencias internacional no marco do proxecto ARIEM 112 con medios de emerxencias galegos e portugueses que contou coa participación de persoal da AXEGA, Guardia Civil, GES da Guarda, Armada Española,...