O BNG de Redondela considera o rexeitamento plenario do convenio dos Grupos Supramunicipais de Emerxencia como “unha oportunidade a aproveitar” para traballar noutra vía e lembra que, en Redondela, “o SEIS, servizo de emerxencias e incendios, está asumindo as competenzas na materia. Únicamente conta con tres efectivos, profesionais perfectamente formados, capacitados e con ampla experiencia. Dende o BNG, instamos á alcaldesa, para que se inicien os trámites de contratación co fin de aumentar a plantilla”.
Na análise do voto en contra desta proposta, os e as nacionalistas consideran que en ningún caso o convenio ofertado dende a Xunta, con colaboración da Deputación, e administración local, “beneficiaba ao noso concello”. Sería o único caso de toda a provincia no que para catro concellos, incluíndo Pazos e Soutomaior, creríanse dúas subsedes, Redondela e Mos. “Claramente trátase dunha estratexia o que únicamente pretende impulsar á alcaldesa de Mos, do Partido Popular”, consideran dende o BNG.
Segundo declarou o voceiro nacionalista, “estamos ante a oportunidade de reforzar o papel de Redondela, como cabeceira de comarca”. Afortalar e mellorar o servizo de emerxencias local, permitiría posteriormente conveniar con outros concellos, ou administracións, entende o BNG redondelá.
“Existe unha base firme para o aumento de persoal. Segundo o convenio que nos presentaron o concello tería que asumir a contratación de persoal. Con esos mesmos fondos, poderiamos pasar de tres a seis efectivos, co que a atención prácticamente sería continuada”, afirma o nacionalista.
Por outra parte o voceiro do BNG, considera que o goberno municipal de Redondela, deu hai varios meses un xiro na súa estratexia de busca de apoios e o acusa de “considerar socio preferente” ao PP de quen arrincan os votos suficientes para poder sacar adiante as súas propostas.
