18.7 C
Pontevedra
Luns, 24 de Xuño de 2024
Máis
    HomeComarcasRedondelaJavier Bas promete un GES que o se propio partido votou en...

    Javier Bas promete un GES que o se propio partido votou en contra en xaneiro de 2022

    O Grupo municipal popular, que presenta o implantación do GES Redondela-Mos como promesa da nova campaña electoral, votou en contra da súa aprobación no pleno de xaneiro de 2022, iniciativa levada polo grupo de goberno socialista

    A alcaldesa de Redondela, Digna Rivas, cualificou hoxe de “vergoñento e indignante” a promesa electoral do PP de implantar o GES Redondela-Mos se volve a alcaldía. Lembra Rivas que o o Grupo municipal popular “votou en contra no pleno de xaneiro de 2022 á posta en marcha do GES (Grupo de Emerxencias Supramunicipal) Redondela-Mos, iniciativa levada a pleno polo grupo de goberno socialista e que o Concello de Mos xa aprobara no seu respectivo pleno municipal”.

    “O PP local demostrou, e xa con total claridade, que lle importa máis desgastar a este Goberno por calquera medio, aínda que sexan falsidades, que a propia seguridade das veciñas e veciños de Redondela ás que deixou sen un servizo de emerxencias cando tivo a oportunidade de levarse a cabo”.

    Rivas considera “unha paradoxa” que os populares de Bas “en prensa e nas redes sociais plantexen o GES como proposta electoral e acusen a este Goberno de inactividade, cando o tivemos sobre a mesa en varias ocasións e votaron en contra da súa implantación”. Isto, di a rexedora local “non so contradí un plan do seu propio partido na Xunta, senón que demostra a súa falsidade sen medo a mentir á cidadanía”.

    O Goberno socialista que encabeza Digna Rivas lembra, que dende a súa chegada ao Concello “a creación dun servizo de emerxencias que cubrira as necesidades de Redondela foi, e segue a ser unha prioridade”. Tanto é así que teñen as instalacións preparadas para acoller o GES e que poida traballar en condicións óptimas”. As mencionadas instalacións atopanse detrás do Pavillón A Marisma, onde está asentado o SEIS de Redondela.

    Javier Bas prometía en 2011 un servizo de emerxencias 24 horas ante a manifestación e folga de fame que levaron a cabo os extraballadores de Grumir. Rivas denuncia que “Bas tivo a oportunidade de cumplir as súas promesas durante os seus 8 anos de mandato. Agora, volve a facer o mesmo demostrando que non se pode confirar nas súas promesas electorais”. O Goberno socialista de Redondela “en tres anos, leva feito máis por dotar ao municipio dun servizo de emerxencias, que o PP nos oito anos que gobernou con anterioridade”, afirma a alcaldesa.

    Digna Rivas asegurou á veciñanza que “o Goberno utilizará todos os medios que ten ao seu alcance para que Redondela teña o Servizo de Emerxencias do que o PP os privou nos últimos anos” e advirte a veciñanza que “non crea mentiras nin promesas que xa demostraron ser falsas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.