17.6 C
Pontevedra
Luns, 17 de Xuño de 2024
Máis
    HomeLouriñaMosUn accidente con dous coches implicados deixa catro feridos en Mos

    Un accidente con dous coches implicados deixa catro feridos en Mos

    Os catro feridos foron evacuados polos servizos sanitarios, dous ao Povisa de Vigo e os outros dous ao centro hospitalario Concheiro, tamén da cidade de Vigo.

    O 112 Galicia tivo constancia do sinistro ao fío das once desta noite pasada. Foi a esa hora cando varios particulares alertaban dunha colisión entre tres vehículos na A-55, nas curvas de Tameiga, dirección Vigo, indicaban que un dos vehículos envorcara despois de chocar contra a mediana da Autovía e que os outros dous turismos chocaran contra el.

    Así, e coa incerteza de que houbese persoas feridas e atrapadas, os Bombeiros do Porriño e os profesionais do Servizo de Urxencias Sanitarias de Galicia-061 acudiron de inmediato ao punto, nada mais ser avisados polo 112 Galicia. Tamén, os axentes de Tráfico e os efectivos do Servizo de Emerxencias de Mos.

    Unha vez no lugar, os Bombeiros descartaron o uso do material de excarceración e os axentes de Tráfico confirmaron que unicamente foron dous coches os implicados, iso si, aínda que non parecían revestir gravidade, catro persoas precisaron ser trasladadas polos servizos sanitarios.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.