17.6 C
Pontevedra
Luns, 17 de Xuño de 2024
Máis
    HomeA ParadantaA CañizaDúas mulleres trasladadas ao resultar intoxicadas pola mala combustión dun quentador na...

    Dúas mulleres trasladadas ao resultar intoxicadas pola mala combustión dun quentador na Cañiza

    Dúas mulleres necesitaron asistencia a pasada tarde do xoves 20 de xaneiro ao presentar síntomas de intoxicación de monóxido de carbono por mor da mala combustión dun quentador na Cañiza.

    As dúas mulleres afectadas foron trasladadas de urxencia a un centro médico polos servizos sanitarios desprazados.

    Os feitos sucederon na parroquia de Oroso, pertencente ao concello da Cañiza, ao fío das sete e media. Nese momento, o 112 Galicia recibiu a alerta do escape de gas a través de Urxencias Sanitarias de Galicia-061.

    A partir de aí, desde o CIAE 112 Galicia púxose a situación en coñecemento do GES de Ribadavia, do GES-SPEIS de Ponteareas, da Garda Civil e da empresa subministradora do gas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.