No concello de Nigrán, un incendio calcinou por completo un pendello na Rúa de Don Marcial, na parroquia de Priegue. Afortunadamente, non houbo que lamentar danos persoais.
Ás seis e media da tarde de onte, o 112 Galicia recibiu o aviso dunha persoa que solicitaba axuda para conter as lapas que afectaban ao interior dun alpendre.
Decontado, os xestores do 112 pasaron aviso aos Bombeiros do Baixo Miño e Vigo, aos membros do GES e aos efectivos de Protección Civil de Val Miñor, aos axentes da Garda Civil e Policía Local. Unha vez no lugar, os medios de extinción confirmaron que a construción quedou totalmente consumida polas lapas, o que incluíu apeiros de labranza e de leña almacenada.
