17.6 C
Pontevedra
Luns, 17 de Xuño de 2024
Máis
    HomeBaixo MiñoTomiñoFalece unha persoa nunha colisión entre un coche sen carné e un...

    Falece unha persoa nunha colisión entre un coche sen carné e un camión formigoneira en Tomiño

    Unha persoa perdeu a vida este mediodía ao colidir frontalmente o coche sen carné no que circulaba contra un camión formigoneira, cuxo ocupante resultou ileso. Segundo a información recollida no 112 Galicia, foi necesario que os Bombeiros do Baixo Miño empregasen o material de excarceración para liberar a esta persoa, que quedou atrapada no interior do vehículo.

    O sinistro produciuse na PO-344, á altura do punto quilométrico 1, preto das doce e media.

    Nese momento, varias persoas particulares contactaron co 112 Galicia para alertar do accidente e, nada máis ter constancia, desde o Centro Integrado de Atención ás Emerxencias 112 Galicia pasouse o aviso ao persoal do Servizo de Urxencias Sanitarias de Galicia-061, que, a pesar dos esforzos, nada puideron facer por salvarlle a vida.

    Ademais, desde o CIAE 112 púxose a situación en coñecemento dos Bombeiros do Baixo Miño, do GES da Guarda, da Garda Civil de Tráfico, da Policía Local, de Protección Civil e do servizo de mantemento da estrada.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.