Tag: destacada

Arroz, pasta, leite, galletas, atún e sardiñas en conserva, legumes, froita e verduras en conserva e aceite de oliva son os produtos que máis precisa o Centro de Reparto de Alimentos de Ponteareas e por iso a concellería de Medio Ambiente, que dirixe Rosa Covelo, e o grupo 'Os do Condado' piden a colaboración da cidadanía para que, todos e todas as que poidan, aporten este domingo, 27 de outubro, algúns destes produtos.

A Alcaldía de Redondela vén de anunciar a apertura dun período de información pública sobre expediente de apertura dun Salón Recreativo e de Xogo na vila. O prazo de exposición será de 20 días hábiles a partir do momento da súa publicación no Boletín Oficial da Provincia.

O Equipo de Goberno de Salceda (Movemento Salceda e PSOE) lamentaron a actitude "pouco colaboradora" do Partido Popular de Salceda ante a solicitude de cambio de data do Pleno ordinario que se celebrará este venres 25 de outubro, e que non incluirá puntos na parte resolutiva da orde do día. Loli Castiñeira, alcaldesa de Salceda, cualificou a postura dos populares de "irresponsable" e asegurou que "decidiron non colaborar coa acción de goberno antepoñendo os seus intereses aos intereses da veciñanza".

Concello de Nigrán e Cineclub Alice Guy-Val Miñor ofrecen este xoves ás 20:30 horas no Auditorio Municipal a longametraxe danesa 'La Caza', unha producción de 1992, dirixida por Thomas Vinterberg e pola que Mads Mikkelsen foi premiado como Mellor Actor no Festival de Cannes

A alcaldesa do Porriño, Eva García de la Torre, acompañada polo concelleiro de Deportes, David Alonso, mantivo hoxe unha reunión con Marta Costas, presidenta do Club Deportivo Pontellas de cara a estudar a solicitude de axude loxística e económica realizada pola directiva do club porriñés, para poder afrontar "a histórica participación do C.D. Pontellas na Copa do Rei".

O Concello de Nigrán súmase por terceiro ano consecutivo, e nesta ocasión coa Asociación de Escolas de Surf de Patos, á novena xornada de limpeza simultánea de praias capitaneada pola asociación ecoloxista Adega. Así, a praia de Patos formará parte, este sábado dende as 11:00 horas, da vintena de areáis de toda Galicia no que se intervirá.

O vindeiro domingo, 27 de outubro, no Auditorio de Goián ás 17:30 horas, terá lugar a Gala Solidaria pola ELA (Esclerose Lateral Amiotrófica), organizada pola Asociación Agaela, coa colaboración do Concello de Tomiño, a Deputación de Pontevedra e comercios locais.

O Concello de Mondariz, a través da concellería de Desenvolvemento Económico e Turismo e da axente de Emprego e Desenvolvemento Local, está a organizar unha xornada de oportunidades de desenvolvemento no medio rural arredor da fruticultura e, en particular, da produción de mazá e derivados.

Nesta semana, a alcaldesa de Salceda, Loli Castiñeira; o Concelleiro de Vías e Obras, Miguel González, e o arquitecto municipal, Rubén Martín, reuníronse con Jose Luis Díez, xefe territorial de Infraestructuras e Movilidade en Pontevedra, e Fausto Núñez, xefe da AXI de Pontevedra, para analizar os diferentes temas que ambas institucións teñen sobre a mesa.

O PSdeG-PSOE xuntou en Vilagarcía as/os 22 alcaldesas e alcaldes da provincia, así como ás tenencias de alcaldía onde ostenta responsabilidades de goberno, para esixirlle á Xunta de Galicia un cambio de modelo nas relacións interadministrativas co municipalismo. Un pacto local que comezaría pola completa reformulación do fracasado Fondo de Cooperación Local.

O goberno de Ponteareas aproba cos votos en contra da oposición a conta xeral do orzamento correspondente ao ano 2018 que obtivo un remanente positivo de tesourería de 1.933.681,65 €, conseguindo por segunda vez colocar na historia contable do concello de Ponteareas un resultado de tesourería positivo.

O Concello de As Neves vén de anunciar que confeccionará un modelo de alegación que será empregado polas veciñas e veciños que se opoñan ao trazado da Liña de Alta Tensión que Rede Eléctrica Española ten a intención de facer pasar por Vide.

O vindeiro día 27 de outubro terá lugar unha nova andaina de Irmandade entre Mos e Ponteareas, unha iniciativa, totalmente de balde, que con esta acada xa a súa cuarta edición e que cada ano conta cun maior número de participantes.

O alcalde da Guarda, Antonio Lomba, nomeou mediante una resolución de alcaldía aos concelleiros e concelleiras que terán que ocupar as distintas áreas municipais logo da ruptura do pacto de goberno entre o PSOE e o BNG. Na mesma liña, o Boletín Oficial da Provincia, BOPPO de onte, publicaba a nova composición da Xunta de Goberno.

A Eurocidade Cerveira-Tomiño organiza unha xornada deportiva no marco do programa 'Deporte para todas as persoas', con xogos deportivos e tradicionais, andaina curta (paseo) e aula de Pilates. Será o vindeiro domingo, 27 de outubro, no Parque do Castelinho (Vila Nova de Cerveira) de 10 a 13 horas (hora galega).

A concellería de Mocidade do Concello de Ponteareas, que dirixe Miguel Bouzó, anima a todos os mozos e mozas a participar no obradoiro de fotografía na natureza, unha iniciativa que nace coa intención de poñer en valor o patrimonio natural ponteareán e, ao mesmo tempo, ofrecer á mocidade alternativas de formación e lecer.

O alcalde da Guarda, Antonio Lomba; a concelleira de Deportes, Montserrat Magallanes e o presidente do 'Mecalia Atl. Guardés', José Manuel Silva, asinaron na mañá deste luns día 21 de outubro un convenio de colaboración mediante o cal se promove, fomenta e incentiva a práctica deportiva do balonmán de base e de alta competición cunha subvención de 35.000 €.

O goberno municipal de Nigrán proporá no vindeiro pleno ordinario do 28 de outubro que toda a corporación aprobe unha declaración institucional do Concello na que se pida a futura integración do Hospital Povisa na rede pública do SERGAS. O propio alcalde de Nigrán, Juan González, mantivo esta semana un encontro con representantes dos traballadores, que se mostraron moi inquedos tras a venda deste centro sanitario a un grupo de EEUU.

A presidenta da Deputación de Pontevedra, Carmela Silva, xunto á deputada de Cultura, Vicky Alonso, mantivo un encontro de traballo con representantes de ata 24 concellos da provincia para abordar cuestións relacionadas coa feira Cultural, que terá lugar entre o 29 de novembro e o 1 de decembro.

Concello de Nigrán e Instituto de Estudios Miñoranos ofrecen mañá mércores ás 20:00 horas no Auditorio Municipal a charla de Inma López sobre o seu libro 'Memorias de Cidades sen Luz', enmarcada na programación especial da 'Volta das Nove'.

A alcaldesa, Eva García de la Torre denunciou hoxe que “por quinto ano consecutivo castigase a Porriño con cero euros de inversión nos Orzamentos Xerais de Galicia”. Segundo o proxecto presentado pola Xunta ante o Parlamento, non aparecen ninguna partida orzamentaria para Porriño para 2020.

Como resultado do proxecto gañador do orzamento participativo transfronteirizo de Cerveira-Tomiño en 2019, preto de 200 nenos de ambos municipios desenvolveron conxuntamente unha actividade que combinou arte e natureza nun espazo cargado de singularidade ao longo dunha semana.

O Concello de Mondariz celebrou o venres una sesión extraordinaria do Pleno da Corporación Municipal que incluía na orde do día unha proposta de modificación orzamentaria para transferir créditos a partidas relacionadas cos gastos básicos que resultou finalmente aprobada por valor de 21.605,68 euros.

O Concello da Guarda acollerá o obradoiro de emprego 'Manuel B. Portela VI' de 'Atención sanitaria a persoas dependentes no domicilio', aprobado recentemente pola Xunta de Galicia e que consiste nun programa mixto de emprego e formación no que os participantes acadarán un certificado de profesionalidade.

O deputado delegado do ORAL, Carlos López Font, deu a benvida este luns ás persoas que participaron na xornada sobre as 'Novidades na tributación local: novas liñas na mellora da eficiencia na prestación dos servizos' organizada polo ORAL no Edificio Administrativo, e que foi a iniciativa dos propios concellos. Asistiu persoal municipal dos servizos de recadación, así como os alcaldes de Ponteareas, Xosé Represas, e Vilaboa, a quen López Font agradeceu “o esforzo que supón que sacarades horas do voso traballo para estar aquí”.

O Concello de Arbo forma parte xa do Pacto dos Alcaldes contra o Cambio Climático. Horacio Gil, alcalde de Arbo, asegurou que "todos temos algo que facer e no ámbito da administración local o facemos deseñando estratexias para reducir esas emisións en función das nosas competencias".

As actuais Oficinas do Rexistro do Concello de Redondela teñen os días contados xa que, segundo adiantou o Goberno local que preside Digna Rivas, na vindeira semana está previsto que comecen as obras de reforma e ampliación deste espazo para adaptalo á Ley de Accesibilidade e á Ley de Procedemento Administrativo.

A concelleira de Medio Ambiente do Concello de Ponteareas, Rosa Covelo, participou nestes días no noveno seminario sobre compostaxe doméstico e comunitario que se celebra en Valladolid e no que a vila do Tea participa co obxectivo de acadar "unha vila o máis sustentable posible e ir mellorando as ferramentas que se comparten coa cidadanía para conseguilo".

O Concello de Nigrán tramita o expediente para poder alugar de xeito transparente unha nova finca céntrica que sirva de alternativa ao aparcamento público da rúa Vilameán, onde a promotora propietaria da parcela iniciou hoxe as obras para construír 40 chalés pareados, polo que este espazo cedido de xeito gratuíto no 2013 está xa inoperativo.

A contorna do Pazo de Mos acolleu hoxe domingo a celebración da 'XXII Festa do Codillo', organizada polo Círculo Cultural e Deportivo Santa Eulalia de Mos e que tivo a unha "pregoeira de altura" como é a alpinista Verónica Romero, integrante da expedición feminina 'Compromiso por la Tierra'.

A Concellería de Ensino e Benestar Social do Concello das Neves vén de realizar distintos traballos de arranxo e mellora en varios centros escolares, destinando para esas actuacións máis de 8.000 €. As obras centráronse nas escolas infantís de Rubiós e Taboexa; escola infantil da Galiña Azul e no CEIP Pazo da Merced.

O BNG do Porriño, que considera que o parque de vehículos dos servizos municipais de obras, xardinería e mantemento "precisaba dunha renovación" puntualiza que os prezos e as necesidades marcadas polo Concello na redacción dos pregos de condicións, "son superiores ás verdadeiramente necesarias".

A Biblioteca Pública Municipal da Guarda continúa coas actividades para conmemorar o día da Biblioteca 2019, que se celebra cada ano o 24 de outubro. O obxectivo destas actividades é a animación á lectura durante o mes de outubro.

A Deputación de Pontevedra vén de aprobar en Xunta de Goberno a adxudicación do contrato de subministración de equipamentos para os 9 puntos limpos da provincia entre os que se atopan os de Ponteareas, A Guarda, Nigrán e Gondomar.

O dia 25 do presente mes, celebrarase entre os socios do Club Ciclista Ponteareas unha Asemblea Extraordinaria, onde o seu Presidente Marcos Porto Isla, presentará a súa renuncia ao cargo, unha renuncia motivada por outros compromisos persoais e "considerar que cumpriu o labor que dende o primeiro momento se propuxo e foi revivir ao Club Ciclista Ponteareas".

O deputado de Cooperación Transfronteiriza e director do AECT Rio Minho, Uxío Benítez, participou hoxe na inauguración da I Xornada de Gastronomía do Rio Minho, celebrada en Caminha, nun acto no que estivo acompañado polo director da Fundación CEER, Valerià Paül; a concelleira de Festas de A Guarda, Elena Baz; e o presidente da Câmara Municipal de Caminha, Miguel Alves.

O concello de Ponteareas da un paso máis na mellora e transformación do núcleo urbano iniciando o proceso que rematará na humanización da rúa Redondela. O primeiro paso dado é poñer en coñecemento das empresas que poidan estar interesadas, da apertura do prazo de presentación de ofertas que estará aberto ata o 30 de outubro.

A concellería de Cultura do Concello de Ponteareas, que dirixe Fernando Groba, anima á cidadanía a gozar das curtametraxes gañadoras no Festival de Cans que serán proxectadas este sábado, día 19, no auditorio do Centro Cultural de Xinzo.

O Xeodestino Condado Paradanta, dependente do Grupo de Desenvolvemento Rural (GDR) Condado Paradanta, está a potenciar o proxecto dunha rede de miradoiros nos concellos que forman parte do mesmo, financiados, nunha grande porcentaxe con fondos procedentes da Xunta de Galicia.

A alcaldesa de Salvaterra de Miño, Marta Valcárcel, vén de asinar o contrato da obra 'Mellora de camiños municipais en Lourido, Fornelos e Meder' coa empresa adxudicataria do concurso público Naron SL, financiada con cargo á subvención concedida pola Axencia Galega de Desenvolvemento Rural da Consellería de Medio Rural.