21.8 C
Pontevedra
Xoves, 28 de Maio de 2020

Tag: destacada

Ponteareas reclama da Xunta información sobre o expediente da declaración das alfombras do Corpus como BIC Inmaterial

O Alcalde de Ponteareas, Xosé Represas vén de reclamar da Consellería de Cultura da Xunta de Galicia, información sobre a situación actual de tramitación do expediente para a declaración de Ben de Interese Cultural Inmaterial (BIC) as alfombras de flores do Corpus de Ponteareas.

O cárcere vello de Tui converterase nun centro de acollida de peregrinos e visitantes

O cárcere vello converterase nun centro de acollida de peregrinos e visitantes. A empresa Trivium estratexias en cultura e turismo S.L., adxudicataria do concurso de 'Redacción do proxecto de acondicionamento do local e montaxe do Centro Cárcere Vello para a acollida aos visitantes do conxunto histórico de Tui e aos peregrinos do Camiño de Santiago' presentou onte venres o proxecto no Concello.

O Concello de Redondela retoma a súa actividade presencial pero con cita previa

O luns 25 de maio, veciñas e veciños de Redondela poderán realizar trámites presenciais nas distintas dependencias do Concello, aínda que terán que facelo solicitando cita previa no teléfono 986 400 300, onde se lles indicará a data e hora e as recomendacións de seguridade a seguir.

Paula Cabaleiro, nova directora do servizo de Cultura da Deputación de Pontevedra

“Se a cultura era xa unha das nosas grandes apostas e prioridades, non teño ningunha dúbida de que a partir de agora vai haber un revulsivo moi importante”, asegurou Carmela Silva ao dar a coñecer o nomeamento de Paula Cabaleiro como nova directora do servizo de Cultura da Deputación de Pontevedra.

Un grupo adegueiro do Rosal doa 2.000 máscaras cirúrxicas ao Concello

O tecido asociativo, veciñal e empresarial do Rosal continúa a dar mostras da súa enorme solidariedade. O grupo adegueiro Méndez-Rojo, que conta con novas instalacións no municipio rosaleiro, acaba de doar 2.000 máscaras cirúrxicas ao Concello. Trátase de máscaras dun so uso que teñen función preventiva que cun uso correcto permite evitar que a persoa que a leva posta poida contaxiar á xente da súa contorna.

Nigrán bonificará o 75 % do imposto de terrazas e flexibilizará a súa ampliación

O alcalde de Nigrán, Juan González, asinou co presidente da asociación de empresarios Ovalmi, José Luis Froiz, un convenio de colaboración para que desde o Concello se bonifique o 75 % da taxa de terrazas e, ao mesmo tempo, se sexa flexible de cara a sua ampliación.

AporM solicita ao goberno local a “reactivación inmediata” da Feira dominical de Mondariz

Alternativa por Mondariz presentou, o pasado día 18 de maio, un escrito no rexistro xeral do Concello no que solicita ao Goberno local que “se reactive de maneira inmediata a Feira dominical sempre, sinala, “delimitando os espazos para respectar as distancias e garantir a vixilancia e seguridade de todas e todos os asistentes”.

Baiona realiza labores de limpeza de espazos verdes e rozado de vías de titularidade municipal

Dende o pasado luns, 18 de maio, o Concello de Baiona iniciou os traballos de roza nas vías de titularidade municipal e nos espazos verdes do municipio de cara a que, agora que o permite a actual situación de desconfinamento, veciños e veciñas poidan gozar espazos limpos e perfectamente preparados tanto para realizar os seus desprazamentos coma o seu tempo de lecer.

A Guarda esixe á Xunta, unha vez máis, que atenda as demandas do seu centro de saúde

O Concello da Guarda, unha vez máis, vén de solicitar da Xunta de Galicia que atenda as demandas que se fan por parte dos e das profesionais que desenvolven o seu traballo no Centro de Saúde do municipio, un "servizo de saúde pública que ven sendo deficiente dende hai anos". En distintas ocasións, tanto dende o concello como dende o propio Centro de Saúde, trasladáronse demandas de mellora, aos responsables do SERGAS.

ACiP urxe ao Goberno local a crear novos aparcadoiros públicos gratuítos

Alternativa Ciudadana de Ponteareas, a través do seu portavoz, Juan Carlos González Carrera, vén de demandar ao Goberno local que as instalacións do Colexio Virxe dos Remedios "sexan destinadas, de maneira provisional, a aparcamento gratuíto para vehículos" e lembra que, amais "de reunir condicións" xa foi utilizado en anos anteriores a este fin "en épocas puntuais".

Antonio García Teijeiro, Inma López Silva, Francisco Castro e Diego Giráldez, dirixirán os obradoiros da Escola de Letras

Os recoñecidos autores galegos Antonio García Teijeiro, Francisco Castro e Diego Giráldez e a autora Inma López Silva dirixirán os obradoiros literarios deste primeiro ano da Escola de Letras da Deputación de Pontevedra, que xa ten perfilada a súa programación desde o vindeiro mes de xuño ata decembro.

A presión do Goberno local e da veciñanza das Neves logra que Abanca volva a abrir de luns a venres

A oficina de Abanca nas neves abrirá as súas portas de luns a venres a partir do luns día 25. Logo das presións do Goberno local e da veciñanza, a entidade bancaria atenderá ao público os cinco días da semana de 8 horas a 14:15 horas, nun horario que era o habitual antes da declaración do estado de alarma e, ademáis, volverá a contar con dúas persoas na sucursal.

Tomiño mellora o parque de colectores de lixo coa instalación de máis de 60 novas unidades

O Concello de Tomiño, a través da Concellería de Medio Ambiente, que dirixe Ana Belén Casaleiro, está a implementar melloras no parque de colectores de lixo en distintos puntos do municipio, tendo en conta necesidades e solicitudes de veciños e veciñas. Así, a principios de ano, colocáronse en 11 novas localizacións, colectores para vidro (iglús verdes), aportados por Ecovidrio.

Nigrán realiza un reparto adicional de alimentos cárnicos e produtos de limpeza entre 78 familias vulnerables

O Concello de Nigrán realizou entre onte e hoxe un novo reparto de alimentos adquiridos no pequeno comercio local para paliar os efectos socioeconómicos do Covid-19 en 78 familias do municipio, 57 máis que antes do inicio da crise sanitaria. A achega desta ocasión constou de alimentos cárnicos (491 € en polo enteiro e peitugas e 191 € de lombo de porco mercados a prezo de custe na carnicería Óscar de Panxón) e 1.020 € en produtos de limpeza e hixiene da tenda a granel 4Eco de Nigrán e Chevere de A Ramallosa.

A Asociación Lazoiro reclama o fin dos herbicidas en Salvaterra no Día Mundial das Abellas

Nun intento de concienciar á sociedade sobre a importancia, tanto no medio ambiente como na sociedade, das abellas, Nacións Unidas decretou o 20 de maio como o día mundial da abella. Ese día, ademais de amosar a relevancia destes pequenos insectos, procura alertar sobre as ameazas ás que se enfrontan as abellas na actualidade.

A Audiencia Provincial considera que a concelleira Vanesa Fernández non cometeu ningún tipo de irregularidade

A concelleira socialista do Concello de Ponteareas, Vanesa Fernández, deu a coñecer hoxe aos medios de comunicación a resolución firme da Audiencia Provincial de Pontevedra que desestima a denuncia por prevaricación interposta por tres membros de Protección Civil de Ponteareas cando Fernández ostentaba o cargo de Concelleira de Seguridade Cidadá e Mobilidade no ano 2019.

Os reis de España agradecen a invitación da Asociación de Alfombristas do Corpus Christi de Ponteareas

Os reis de España Felipe VI e Leticia Ortíz, a través dun escrito enviado polo xefe do gabinete de planificación e coordinación da casa da súa Maxestade o Rey, Emilio Tomei de la Vega, e dirixido ao presidente da asociación de alfombristas do corpus Christi de Ponteareas Miguel Angel García Correa, "lamentan sinceramente a noticia da suspensión do Corpus Christi 2020" ao mesmo tempo que agraceden a invitación "para asistir á festividade do próximo ano".

A Asociación El Nor entrega 500 máscaras de seguridade para Policía Local e Protección Civil de Tui

A asociación musulmá El Nor de Tui realizou unha doazón de 500 máscaras FPP2 de seguridade para a Policía Local, Protección Civil, e os equipo de desinfección municipal. Tamén nos próximos días entregarán luvas de nitrilo para estes servizos.

O PSOE de Ponteareas valora positivamente o “apoio unánime” da oposición á modificación orzamentaria

O PSdeG-PSOE de Ponteareas fixo público un comunicado de prensa no que quere recoñecer públicamente, "como membro do goberno municipal", o apoio dos grupos da oposición (PP e ACiP) para unha modificación presupostaría "que permiten mellorar a situación dos nosos veciños, autónomos e pemes".

O Pleno de Ponteareas aproba, por unanimidade, modificar o orzamento para paliar os efectos da COVID-19

O Concello de Ponteareas aprobou este luns por unanimidade a modificación do orzamento por un importe de 1.137.000 euros, dos que máis de 650.000 € teñen como finalidade intentar paliar os efectos da crisis sanitaria do coronavirus no Concello. Este foi o segundo punto da orde do día da sesión extraordinaria e urxente celebrada onte, sendo o primeiro pleno virtual da historia de Ponteareas, utilizando o sistema telemático que permite a realización de Plenos, Comisións e Xuntas de Goberno Local non presenciais.

Redondela aposta pola celebración dunha Festa da Coca “distinta e participativa” ante as restricións pola COVID-19

A Festa da Coca, unha das celebracións de máis sona do municipio de Redondela e un dos seus “símbolos de identidade”, estará marcada nesta edición do 2020, polas restricións impostas pola pandemia da COVID-19, situación que non impedirá que o municipio viva esta celebración “dun xeito diferente e, ao mesmo tempo, máis participativo”, sinala o Goberno redondelán.

Tui amplía o servizo de recollida de aceite de cociña usado ás parroquias

Un total de 23 colectores para a recollida de aceite de cociña usados son os que hai distribuídos ao longo do termo municipal de Tui. Nas últimas semanas este servizo estendeuse ás parroquias dotando destes colectores a Areas, Baldráns, Malvas, Pexegueiro, Rebordáns, Randufe, San Bartolomeu de Rebordáns, Caldelas, e Guillarei. Quedan pendentes da instalación de contedores Paramos e Ribadelouro onde é preciso acometer unhas obras para a súa colocación.

A piscina municipal do Porriño instala novas portas antipánico

O concelleiro de Deportes do Concello do porriño, David Alonso, visitou hoxe as instalacións da piscina no Polideportivo Municipal, onde se instalarán novas portas antipanico, dado o estado de deterioro no que se atopaban as anteriores que, ademais, tiñan estropeado dito mecanismo.

Ponteareas reafirma a súa aposta pola eficiencia enerxética co investimento de máis de 100.000 euros na Escola Infantil

O Goberno municipal do BNG-PSOE de Ponteareas anuncioua adxudicación das obrasde rehabilitación enerxética da escola infantil municipal, traballos que contarán cun investimento de 104.342,01 € e que dan contiuidade aos esforzos do Concello ponteareán "de conseguir melloras na calidade de vida da cidadanía".

A Rede de Destinos Turísticos Intelixentes prioriza a confianza e a sustentabilidade no regreso a unha actividade con boas perspectivas

A Deputación de Pontevedra, único membro galego da Comisión Executiva da Rede de Destinos Turísticos Intelixentes de España (Rede DTI), participou hoxe na xuntanza telemática de traballo que estivo presidida pola ministra de Industria, Comercio e Turismo, Reyes Maroto. Unha xuntanza do máximo nivel á que tamén asistiron a secretaria de Estado de Turismo, Isabel Oliver; o presidente da Sociedade Estatal para a Xestión da Innovación e as Tecnoloxías Turísticas (Seggitur), Enrique Martínez, e o director de Red.es, David Cierco.

A Xunta realiza traballos de limpeza e roza na estrada PO-510 que comunica O Porriño e Salvaterra de Miño

A Consellería de Infraestruturas e Mobilidade, a través da empresa pública Seaga, está a levar a cabo esta semana traballos de limpeza e roza nas franxas situadas nas marxes da estrada autonómica PO-510, que comunica os municipios do Porriño e Salvaterra de Miño.

COGAMI presta apoio a máis de 500 persoas sobre como proceder ante o COVID-19

A Confederación Galega de Persoas con Discapacidade de Galicia (COGAMI) amosou hoxe a súa preocupación ante a situación de vulnerabilidade na que poden quedar moitas das persoas con discapacidade e familias tralas medidas de illamento decretadas, o peche de centros ocupacionais, de día, sociais, educativos e a práctica desaparición das súas redes de apoio.

Nace a Escola de Letras de Galicia, “unha nova aposta pola cultura como necesidade vital”

'Tod@s temos unha historia que contar'. Baixo este lema como sinal de identidade, a presidenta da Deputación de Pontevedra, Carmela Silva, e o director xeral de Editorial Galaxia, Francisco Castro, presentaron hoxe a que será a primeira Escola de Letras de Galicia e unha das poucas existentes no estado, “a primeira que nace coa potencia dun apoio editorial”, como ambos sinalaron na rolda telemática, na que tamén participou a deputada de Cultura Victoria Alonso.

O Rosal reactiva o proxecto ‘Explanada do Horizonte’

Acondicionar o Camiño de Santiago ao seu paso polo Rosal e dotar a Portocelo dunha nova área de esparexemento para veciños, peregrinos e visitantes. Ese é o obxectivo da 'Explanada do Horizonte', un proxecto integral de revalorización e mellora que o Concello conseguiu activar grazas a meses de intenso traballo para tramitar todos os permisos necesarios para o seu desenvolvemento.

Prado Surf Escola reabre as súas portas tras 64 días de peche

Coa chegada da fase 1 a Galicia abríanse as portas dos centros deportivos, entre elas as escolas de surf. Para poder retomar a actividade Prado Surf Escuela fixo cambios na escola de Patos con circuítos de entrada e saída para evitar o contacto entre os alumnos e manter en todo momentos as distancias de seguridade.

Alcaldesas e alcaldes do Baixo Miño reclaman a apertura das fronteiras con todos os medios de control e seguridade precisos

As alcaldesas e alcaldes do Rosal, Tomiño, Tui e A Guarda mantiveron unha nova reunión virtual esta semana no marco da Mancomunidade Intermunicipal do Baixo Miño para analizar o efecto que ten nestes catro municipios o peche das fronteiras entre España e Portugal, concellos cun alto número de traballadoras e traballadores que cada día deben cruzar o Miño para acudir ao seu posto no país veciño.

Primeiro pleno telemático na historia de Nigrán para aprobar o seu orzamento máis social

A corporación municipal de Nigrán celebraba onte, por primeira vez na súa historia, un pleno telemático para aprobar os orzamentos do 2020. Pero se por algo van quedar marcados eses orzamentos, non é polo feito de terse celebrado coa axuda das novas tecnoloxías, senón porque son sen dúbida, e como resposta á actual situación de crise sanitara e social provocada pola COVID-19, os orzamentos máis sociais.

O Concello de Salceda reabre as súas portas con tódalas medidas de seguridade

A Casa do Concello de Salceda e a Casa da Cultura Castelao volven abrir as súas portas ao público este xoves 21 de maio, unha vez que se conte con tódalas medidas de seguridade precisas tanto para salvagardar o cadro de persoal como a veciñanza. En ámbolos dous edificios só se atenderá con cita previa, que se pode solicitar a través de teléfono ou empregando a sede electrónica.

Educación abre o prazo para que as familias soliciten axudas para libros e material escolar e acceso ao Fondo Solidario da Xunta

A Consellería de Educación, Universidade e Formación Profesional abre o prazo para que as familias soliciten a súa participación no Fondo Solidario de Libros de Texto, ou ben as axudas para a adquisición de libros de texto, e de vales para material escolar destinadas ao alumnado matriculado en Educación Primaria, ESO e Educación Especial en centros sostidos con fondos públicos, para o vindeiro curso escolar 2020/21.

O muíño de San Xoán será obxecto de obras de reparación dos desperfectos causados por vandalismo

O muíño de San Xoán, un dos elementos patrimoniais do concello de Arbo, será reparado logo dos danos producidos por actos vandálicos levados a cabo por persoa ou persoas descoñecidas. Os intrusos prenderon lume no interior o que queimou as mederas de chan e teito, amais de destrozar a porta de entrada e romper xanelas e cristais.

Nigrán remata a humanización da praza da Carrasca

O Concello de Nigrán vén de rematar as obras de humanización da Praza da Carrasca, na parroquia de Parada, tras un atraso como consecuencia do parón polas medidas de prevención adoptadas ante a expansión do Covid-19. Estes traballos, adxudicados a Audeca por 73.595 € con cargo ao Plan Concellos 2018, estarán rematados tras o asfaltado que se realizará mañá despois de fresar toda a superficie.

Un taller de costura do Rosal confecciona 1.000 máscaras hixiénicas reutilizables

Voluntarios de Protección Civil distribuirá as máscaras entre o comercio local, que será o encargado de repartilas entre á veciñanza O Concello do Rosal colabora con costureiras rosaleiras e co comercio local para repartir 1.000 mascarillas hixiénicas reutilizables entre a veciñanza. Varias costureiras foron as encargadas de confeccionar estas máscaras no taller de María Araújo en Viso dos Eidos.

Salceda de Caselas recupera a normalidade comercial

O Concello de Salceda de Caselas, xunto coas dúas asociacións de comerciantes existentes no municipio, veñen de facer unha valoración positiva da primeira semana de apertura de comercio minorista e terrazas. O maior movemento notouse, sen dúbida, no casco urbano, pero noutras zonas comerciais como a da Tabernanova tamén se empeza a notar esa volta á nova normalidade pouco a pouco.

Nigrán da licenza a Zona Franca para ampliar Porto do Molle con 14 naves de talleres e oficinas

O Concello de Nigrán ven de outorgar licenza a Zona Franca de Vigo para a ampliación do parque empresarial Porto do Molle con 14 novas naves de oficinas e talleres situados nunha parcela de 10.710 metros cadrados (6.02 e 6.03) entre rúa das Pontes e rúa Montes da Barxa (frente al Centro de Negocios) e cun orzamento de execución de 4,4 millóns de euros. O propio alcalde de Nigrán, Juan González, comunicoullo persoalmente ao delegado de Zona Franca, David Regades, nunha reunión esta mañá no Concello.

A Deputación amplía o seu apoio aos concellos cun novo servizo da súa plataforma informática: a cita previa para atención cidadá

A Deputación de Pontevedra continúa a mellorar a súa Plataforma Informática para ofrecer novos servizos aos 53 concellos da provincia e tres mancomunidades que están adheridos á administración electrónica para que poidan dar resposta ás novas necesidades de xestión municipal derivadas do COVID-19.

Colaboradores