Tag: ciclismo
A ‘IX sestelo-Clásica Álvaro Pino’ homenaxeará ao exciclista ponteareán Jesús Carballido
O Concello de Ponteareas continúa apostando polas actividades que impulsan o deporte no municipio e, nesa liña, presentou na tarde de onte a novena edición da proba ciclista ‘Sestelo-Clásica Álvaro Pino’. O evento tivo lugar nos Xardíns da Xiralda e nel participaron a alcaldesa, Nava Castro; o edil de Deportes, Luis Rodríguez; a vicepresidenta da Deputación, Luisa Sánchez así como o presidente do GDR, Pablo Castillo e os ciclistas Óscar Mosquera, Jesús Carballido e Álvaro Pino. Tamén participou no acto Roberto Álvarez, do Grupo Sestelo.
O Kiwi Atlántico-Creaga presenta o seu reforzado equipo para esta tempada
O Club Master Louriña presentou hoxe ao seu equipo feminino, o Kiwi Atlántico-Craega. Ao acto de presentación acudiron o concelleiro de Deportes, Abel Estévez, o presidente do Club Master Louriña, Juan José Álvarez, a directora nacional do equipo, Sonia Pariente, e o responsable do principal patrocinador Kiwi Atlántico, Rafa Pérez.
Salvaterra de Miño, parada de avituallamento da ‘Clásica Álvaro Pino’
O domingo 26 de maio Salvaterra de Miño recibirá a visita de máis de 400 ciclistas nunha nova edición da Marcha Cicloturista Sestelo Clásica Ávaro Pino 2024, organizada pola Asociación Cultural e Deportiva Plan C de Ponteareas. Os ciclistas sairán de Ponteareas e pasarán por Salvaterra de Miño onde farán unha parada de avituallamento no recinto amurallado e para voltar novamente en Ponteareas.
A Marcha Cicloturista Sestelo ‘Clásica Álvaro Pino’ abre o seu período de inscrición
A marcha, que leva o nome do ilustre exciclista ponteareán, mantén todos os obxectivos da pasada edición, o mesmo trazado e os dous percorridos, un curto de 67 quilómetros que contempla a subida a tres portos e un desnivel positivo de 1.000 metros, e un longo de 123 quilómetros que contempla a subida a seis portos e un desnivel positivo de 2.150 metros. A Sestelo Clásica Álvaro Pino converteuse xa nunha marcha consolidada e nun referente no calendario cicloturista nacional á que acoden ciclistas de toda España e mesmo algúns do estranxeiro.
Baiona albergará o final da duodécima etapa da Volta ciclista a España 2024
O Concello de Baiona albergará o final da duodécima etapa da Volta ciclista a España o martes 27 de agosto segundo anunciouse na xornada de onte na presentación oficial da Volta a España 2024 na que participou o alcalde de Baiona, Jesús Vázquez Almuiña.
Preto de 400 participantes na Nocturna do Porriño
Un total de 372 ciclistas tomarán mañá sábado as rúas do casco urbano de Porriño na tradicional Nocturna que se celebra cada ano no mes de setembro.
O XXXI Trofeo Pista das Faias dispútase o sábado no Rosal
O Trofeo Pista das Faias chega á súa XXXI edición este sábado, 26 de agosto. Arredor de 200 ciclistas chegados de diferentes puntos de Galicia e Portugal achegaranse ao Rosal para disputar este trofeo a partir das 16 horas.
O ciclismo volve esta fin de semana co XVII Trofeo Montes do Rosal
O Rosal volve ser esta fin de semana epicentro do ciclismo. Este sábado 3 de xuño celébrase o XVII Trofeo Montes do Rosal, unha proba organizada polo Club Ciclista O Rosal e que conta coa colaboración do Concello, da Comunidadade de Montes Santa Mariña do Rosal, da Federación de Ciclismo Galego, da Fundación Deporte Galego e da Deputación de Pontevedra, así como doutras entidades e empresas.
Récord de participación e público nesta edición da Sestelo Clásica Álvaro Pino
O gran fondo cicloturista que leva o nome do ilustre exciclista pontareán tivo lugar este domingo en Ponteareas.
Tomiño recoñece os logros do ciclista Diego Álvarez Alonso
Subiuse a unha bicicleta por primeira vez pasada a pandemia, para seguir facendo deporte e despexarse tras o confinamento nun momento no que os ximnasios estaban pechados. Dende entón, Diego Álvarez Alonso non deixa de colleitar éxito tras éxito. O Concello organizou unha recepción ao ciclista afincado en Tomiño, un encontro no que felicitar ao deportista pola súa carreira curta pero meteórica.
Salvaterra retoma a marcha ciclista do 17 de maio
O vindeiro mércores, 17 de maio, volve a tradicional Marcha Ciclista das Letras Galegas de Salvaterra de Miño, logo duns anos mermada pola pandemia da Covid-19.
700 ciclistas pedalearán o domingo nos montes de Budiño
Os montes de Budiño volverán ser este domingo 9 de abril epicentro do ciclismo galego. 700 ciclistas pedalearán no Porriño nas dúas probas organizadas pola AD Avanza, en colaboración co Concello do Porriño: o VI TROFEO MINI BTT CONCELLO DO PORRIÑO e o II XCO TROFEO CONCELLO DO PORRIÑO.
Novo maillot do Club Ciclista Ponteareas con Lynalfa como patrocinador oficial
O Club Ciclista Ponteareas e o Grupo Asegurador Lynalfa unen forzas, para as vindeiras catro tempadas, despois do acordo de patrocinio que asinaron o pasado sábado 25 de febreiro en Ponteareas.
A chegada de “O Gran Camiño” ao Trega pon A Guarda no mapa do ciclismo de competición
A Volta a Galicia foi unha carreira por etapas que se disputou polo territorio galego dende 1933 (ano da súa primeira edición) e que foise sucedendo durante os anos (aínda que non de xeito continuado) ata o 2000, sendo a partires de 2002 relegada a categoría amateur.
Corte de tráfico hoxe na PO-552debido ao paso da competición ciclista “O Gran Camiño”
Oia formará parte do itinerario dunha das etapas da competición ciclista “O Gran Camiño”. Por esta causa, hoxe venres a última hora da mañá será preciso cortar o tráfico na estrada PO-552, durante o tempo no que os deportistas realicen seu traxecto pola localidade (aproximadamente uns 30 minutos).
Iniciadas as obras da nova senda cicloturista Alto de Barreiro-Santiaguiño
A alcaldesa de Mos, Nidia Arévalo, visitou onte as obras recentemente iniciadas da nova senda cicloturista Alto de Barreiro-Santiaguiño. Arévalo, rexedora local mosense, informou de que os traballos deron comezo a principios de ano, tras as pasadas festas de Nadal.
Abertas as inscricións para a nova edición da Marcha Cicloturista Sestelo Clásica Álvaro Pino
O gran fondo cicloturista volve a Ponteareas despois do éxito das pasadas edición con data oficial: o 14 de maio. A marcha, organizada pola Asociación Deportiva Plan C en colaboración co Concello de Ponteareas, chegará con moitas novidades, entre as que destaca o cambio de trazado e dous novos percorridos, un corto de 67 quilómetros que contempla a subida a tres portos e un desnivel positivo de 1.000 metros e un largo de 123 km con subida a seis portos e un desnivel positivo de 2.150 m.
Xornada solidaria do Club Ciclista Ponteareas para visibilizar a enfermidade Piel de Mariposa
Este pasado domingo, 2 de outubro, o Club Ciclista Ponteareas - Escuela Borja Gómez Méndez organizou, por tercer ano consecutivo, unha xornada solidaria de convivencia para seguir dando visibilidade á enfermidade Piel de Mariposa.
III ruta ciclista “Camiño do Irmandamento”
Un ano máis o Concello de Gondomar en colaboración coa Cámara Municipal de Gondomar (Portugal) organiza o CAMIÑO DO IRMANDAMENTO, unha ruta ciclista que unirá estes dous concellos irmandados.
As rúas de Redondela acollen mañá sábado a I Contrarreloxo por Equipos de ciclismo ‘X Aniversario C.A.R.’
Máis de 32 equipos teñen confirmada xa a súa participación na I Contrarreloxo por equipos de ciclismo ‘X Aniversario C.A.R.’ organizada pola Concellería de Deportes do Concello de Redondela, que xestiona Nacho González e que se disputará nun percorrido urbano de 5 quilómetros con final na Portela.
Ponteareas, etapa final da XX Volta Ciclista a Galicia
A Volta Ciclista a Galicia chega á súa XX edición con catro novas etapas e 600 quilómetros dun percorrido que, un ano máis, pasará por Ponteareas. A vila será a protagonista da etapa final da proba, que terá lugar o vindeiro domingo 18 de setembro cunha ruta de 125 km con saída e meta dende o centro urbano ponteareán.
O ciclismo volve as rúas de Ponteareas co Trofeo Festas de Setembro-Gran Premio Borja Gómez Méndez
As bicicletas volven as rúas do centro de Ponteareas esta fin de semana. A vila do Tea acollerá este domingo a segunda edición do Trofeo Festas de Setembro - Gran Premio Borja Gómez Méndez, unha proba de ciclismo en estrada que arrincará ás 09:00 horas e que ten como principal novidade a celebración dunha carreira inclusiva.
O circuíto de pumptrack de Mondariz, sede dunha proba de ciclismo
O circuíto asfaltado de pumptrack construído polo Concello de Mondariz no Campo da Minada acollerá o vindeiro 10 de setembro a súa primeira competición de ciclismo. Trátase dunha proba para bicicletas propulsadas pola acción humana na que poden participar mozos e mozas de tres anos en adiante.
I Trofeo Concello de Redondela de ciclismo en estrada Élite e Sub23
O vindeiro 9 de xullo, dende as 16 horas, Redondela converterase no punto de atención do ciclismo nacional nas categorías Élite e sub23, coa celebración do I Trofeo Concello de Redondela organizado pola Concellería de Deportes que dirixe Nacho González e polo Retelec Team Cycling Galicia. Neste trofeo daranse cita máis de 100 deportistas pertencentes aos 10 equipos galegos de ciclismo aos que se engaden os xa confirmados Bicicletas Carlos de León e Ciudad de Oviedo e dous equipos máis, de León e Portugal, pendentes de inscrición.
Esta fin de semana, cita co ciclismo no XVI Trofeo Montes do Rosal
O Camiño do Cardal e a Estrada de Ferreiros será o epicentro do ciclismo esta fin de semana. O concello acolle este sábado 4 de xuño o XVI Trofeo Montes do Rosal.
O domingo terá lugar o Gran Premio Mini BTT Escola Borja Gómez Méndez
O vindeiro domingo, 5 de xuño, terá lugar a presentación do evento Gran Premio Mini BTT Escola Borja Gómez Méndez.
Éxito de participación e público nunha nova edición da Sestelo – Clásica Álvaro Pino
O gran fondo cicloturista que leva el nome do ilustre exciclista pontareano tivo lugar este domingo en Ponteareas.
O Concello da Cañiza repartiu máis de 400 bocadillos entre os participantes da Clásica Álvaro Pino
Este domingo 22 de maio, celebrouse a 7ª edición desta marcha ciclodeportiva, de carácter non competitivo, organizada pola Asociación Deportiva Cultural Plan C, cun trazado de 110 km, dos cales 30 desenvolvéronse polas estradas do noso Municipio.
A Clásica Álvaro Pino chega a Ponteareas esta fin de semana cargada de actividades
A Clásica Álvaro Pino chega esta fin de semana a Ponteareas cunha morea de actividades previas coas que quentar motores para unha das marchas cicloturistas con máis historia na vila e na comarca.
Salvaterra de Miño acolle unha nova edición da Clásica Álvaro Pino
O vindeiro domingo 22 de maio Salvaterra de Miño recibirá a visita de máis de 350 ciclistas nunha nova edición da Clásica Álvaro Pino.
La Sestelo-Álvaro Pino ultima detalles do seu paso por Covelo
O gañador de La Vuelta España, Álvaro Pino, visitou o concello de Covelo para presentarlle ao alcalde, Pablo Castillo, o maillot da marcha La Sestelo-Clásica Álvaro Pino e pechar detalles da marcha ao seu paso polo concello.
Álvaro Pino visita A Cañiza para a presentación da VII edición da Clásica
Na mañá de onte, Luis Piña, alcade de Cañiza, recibiu no Concello a visita do gran ciclista e ex corredor Álvaro Pino, quen se achegou ata o concello para presentar unha nova edición da Clásica Álvaro Pino, marcha cicloturista que se celebrará o vindeiro 22 de maio polas terras do Condado e A Paradanta.
O Club Ciclista Ponteareas presenta a tempada 2022
O pasado sábado día 16 de abril, dábase cita nas instalacións do campo de golf de Mondariz Balneario para presentar a nova tempada do Club Ciclista Ponteareas - Escola Borja Gómez Méndez.
Ponteareas contará cun complexo ciclista
Ponteareas albergará o futuro Complexo Ciclista Sportskids, onde se crearán unhas instalacións únicas en Galicia, onde poder practicar as modalidades de Bmx, Dirt, Mtb, Skate e Roller.
Presentada a IV edición do Trofeo BTT XCO – Concello da Cañiza 2022
O alcalde da Cañiza, Luis Piña, e o presidente do Clube Ciclista “Grupeta Pan de Zarko”, Tito Ramírez, acompañados de Alberto Rodríguez, integrante da Directiva do Clube, presentaron onte pola tarde a IV edición deste evento deportivo.
Budiño será o epicentro do ciclismo este domingo da man de AD Avanza
O Porriño volverá ser este domingo epicentro do ciclismo . Máis de 600 deportistas subiranse á bici para pedalear polos montes da parroquia de Budiño nas dúas probas organizadas pola AD Avanza: o V TROFEO MINI BTT CONCELLO DO PORRIÑO e o II XCO TROFEO CONCELLO DO PORRIÑO.
200 ciclistas disputarán este domingo a III “Enduro Faro de Budiño”
Un total de 200 deportistas participarán este domingo, día 10 de abril, na terceira edición da “Enduro Faro de Budiño”. O evento deportivo, organizado pola Asociación Deportiva A Forna en colaboración co Concello do Porriño, foi presentada onte pola mañá.
Corte de Tráfico da PO-552 en Baiona pola 1ª Etapa da Volta Ciclista Profesional “O Gran Camiño”
O Concello de Baiona, a través da Jefactura da Policía Local de Baiona, vai realizar un corte de tráficoy desvío de tráfico mañá xoves, 24 de febreiro, en xornada de mañá con motivo da 1ª Etapa da Volta Ciclista Profesional "O Gran Camiño" que transcorrerá por Baiona e Nigrán.
Ponteareas lembra as afecións ao tráfico da carreira ciclista profesional O Gran Camiño
Ponteareas será meta voante este xoves do Gran Camiño, a primeira volta ciclista profesional que se celebrará en Galicia dúas décadas despois da última edición profesional da Volta a Galicia.
O Concello de Ponteareas anima ao ciclista Borja Gómez antes do seu debut na competición internacional en Bélgica
O Concello de Ponteareas a través da súa alcaldesa, Cristina Fernández, e do seu concelleiro de Deportes, Miguel Bouzó, quere mandar “todo o noso alento e ánimo” ao ciclista Borja Gómez antes do seu debut na competición internacional de ciclocross.
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.