O gran fondo cicloturista que leva el nome do ilustre exciclista pontareano tivo lugar este domingo en Ponteareas.
A sétima edición deste evento deportivo consolídase como unha das referencias do calendario cicloturista nacional, e acolle a participantes de diferentes puntos de España e do estranxeiro que se desprazaron a Ponteareas para participar na marcha.
Un dos momentos máis emotivos foi a chegada a meta dos membros de Discamino, que participou con seis grupos de bicicletas. Cinco destes seis ciclistas, cos seus pilotos e os seus ciclistas de apoio, percorreron 55 quilómetros do total da marcha, na que segundo eles sufriron un pouco desfrutaron moitísimo. A fazaña do día correu a cargo dun deles, Iván Bragado, que xunto con Fernando Vidal e Fernando Gónzalez, o seu piloto e ciclista de apoio, completaron o total da proba.
Os organizadores salientan a importancia de todos los patrocinadores, colaboradores e institucións públicas para a celebración deste evento: Concello de Ponteareas, Grupo Sestelo, Deputación de Pontevedra, Xacobeo 21-22 y Grupo Lynalfa Axa, entre moitos outros que colaboraron neste evento deportivo.
Previa á CAP
O sábado 21 celebrouse a Feria do Corredor na nova Praza de Bugallal, onde se levou a cabo unha Xincana Infantil para os máis pequenos da man do Clube Ciclista Ponteareas Escola Borja Gómez.
Posteriormente tivo lugar unha un coloquio no que participaron o propio Álvaro Pino, o exciclista profesional e director deportivo de varios equipos profesionais españois Javier Mínguez, o exciclista profesional e actual organizador da Volta O Gran Camiño Ezequiel Mosquera, e Rafa Rodríguez, ex-futbolista, director e axente deportivo, e fillo e sobriño de dous dos gañadores da Volta a España e que contou como condutora da mesma a Bea Pino, xornalista e política española.
Participantes
Nesta edición da Sestelo – Clásica Álvaro Pino participaron figuras destacadas do deporte nacional e galego como o propio Álvaro Pino, Serafín Martínez, Ramón Troncoso, Ezequiel Mosquera, Delio Fernández, Samuel Blanco, Guillermo Janeiro, Aída García López e BorJa Gómez.
Dende o Concello de Ponteareas e a organización da Sestelo – Clásica Álvaro Pino queren seguir dándolle pulo ao ciclismo e ao deporte na contorna e salientan a importancia da Marcha Cicloturista nesta localidade, xa que é a única localidade de España e do mundo que conta no seu palmarés con tres gañadores da Volta a España: o propio Álvaro Pino e os irmáns Delio e Emilio Rodríguez.
Vencedores tramo cronometrado
A proba contou cun tramo cronometrado no Alto de Luneda, o tramo máis duro da marcha con 777 metros de altura, que deu comezo no quilómetro 57 da marcha e finalizou no quilómetro 67,2. Os vencedores deste tramo foron Miguel Rodríguez Novoa, na categoría SUB-23 masculina, Samuel Blanco Prol, na categoría Élite masculina, Claudia García Salgado, na categoría SUB-23 feminina e Aída García López na categoría Élite feminina.
