O vindeiro domingo, 5 de xuño, terá lugar a presentación do evento Gran Premio Mini BTT Escola Borja Gómez Méndez.
Dita presentación, a cargo do Club Ciclista Ponteareas, desenvolverase nas inmediacións e no propio parque da Bouza Vella, a partir das 10:00 horas.
Na que se prevé unha participación de ao redor de 400 nenos, nas categorías, infantil, alevín, principiante, promesa e benxamín. Desde a Xunta Directiva do Club queren dar as grazas a todos os colaboradores do evento, pero en especial á Comunidade de Montes Veciñal en Man Común de Áreas, polas facilidades á hora da cesión do terreo para a organización do evento e a súa implicación no mesmo.
