16.5 C
Pontevedra
Martes, 4 de Outubro de 2022
Máis
    HomeUltimas NoticiasPonteareas, etapa final da XX Volta Ciclista a Galicia

    Ponteareas, etapa final da XX Volta Ciclista a Galicia

    A vila acolle o vindeiro 18 de setembro a saída e meta dunha ruta de máis de 125 km

    A Volta Ciclista a Galicia chega á súa XX edición con catro novas etapas e 600 quilómetros dun percorrido que, un ano máis, pasará por Ponteareas. A vila será a protagonista da etapa final da proba, que terá lugar o vindeiro domingo 18 de setembro cunha ruta de 125 km con saída e meta dende o centro urbano ponteareán.

    Todo un orgullo para o municipio, xa que, como sinalou na presentación da etapa a alcaldesa, Cristina Fernández Davila, “Ponteareas é vila ciclista por excelencia, berce de grandes referentes. Ter a honra de ser neste 2022 a etapa final desta proba vaime permitir recoñecer o traballo e esforzo da Federación Galega de Ciclismo, coa que traballamos man a man durante todo o ano para promocionar este deporte na vila. Pero tamén servirá para poñer en valor os recursos turísticos e os espazos naturais excepcionais dos que dispoñemos”.

    Pola súa banda, o presidente da Federación, Juan Carlos Muñiz Nieto, salientou a relevancia de que sexa Ponteareas “vila natal dos irmáns Rodríguez, de Álvaro Pino ou de Borja Gómez Méndez, onde coroemos a todos os gañadores”. A Volta a Galicia é unha proba xa consolidada como unha das roldas de preferencia no calendario deportivo e no que “o espectáculo e a calidade están garantidos”.

    Un evento que a Federación prepara cada ano con mimo e que nesta ocasión renderá homenaxe ao recentemente finado Magín Froiz, “unha desas figuras históricas, insubstituíbeis pola paixón e o apoio ao noso deporte durante décadas que perdemos este ano. A súa empresa leva 34 anos apostando polo ciclismo, polo que é de xustiza dedicarlle esta edición e que a Volta arranque na súa casa en Poio”, asegurou Jacobo Ucha Rodríguez, director da proba.

    O concelleiro de Deportes, Miguel Bouzó, quixo aproveitar a presentación da etapa final para “agradecer á Federación que conte con Ponteareas por segundo ano consecutivo. Sabemos que os veciños e veciñas da vila amosarán todo o seu cariño e entrega nestas xornadas, como non pode ser doutro xeito nunha localidade que é piar fundamental para o ciclismo galego”.

    A Volta Ciclista a Galicia, que se disputa na categoría elite-sub23, celebrarase entre o 15 e o 18 de setembro con 18 equipos que percorrerán toda a comunidade galega saíndo de Poio, Taboada, Manzaneda e Ponteareas.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS