8.3 C
Pontevedra
Xoves, 28 de Marzo de 2024
Máis
    HomeO CondadoPonteareasA Clásica Álvaro Pino chega a Ponteareas esta fin de semana cargada...

    A Clásica Álvaro Pino chega a Ponteareas esta fin de semana cargada de actividades

    Previa á carreira deste domingo, o sábado 21 de maio haberá unha xincana infantil ás 17.30 h e unha charla coloquio ás 19.30 h na sala multiúsos

    A Clásica Álvaro Pino chega esta fin de semana a Ponteareas cunha morea de actividades previas coas que quentar motores para unha das marchas cicloturistas con máis historia na vila e na comarca. O concelleiro de Depores, Miguel Bouzó, agradece á organización “todo o que nos ten preparado para vivir unha fin de semana de moito ciclismo, un deporte que é tradición en Ponteareas e no que podemos presumir con orgullo de ter tres gañadores da Volta a España”.

    Ao abeiro da Feira do Corredor, a Clásica Álvaro Pino comezará en Ponteareas o sábado 21 de maio cunha Xincana Infantil para nenos e nenas na Praza de Bugallal organizada polo Club Ciclista Ponteareas a partir das 17.30 horas. Non é necesaria a inscrición previa para poder participar.

    Tras esta actividade será a quenda dunha charla coloquio na que participarán Álvaro Pino, Javier Mínguez, Rafa Rodríguez e Ezequiel Mosquera que contará con Bea Pino como moderadora. O encontro será ás 19.30 horas na sala multiúsos do auditorio municipal, con entrada de balde e libre ata completar aforo.

    Pola súa banda, a carreira sairá ás o domingo 22 de maio ás 09.30 horas da Praza de Bugallal de Ponteareas e contará con Discamino, Serafín Martínez, Ramón Troncoso, Ezequiel Mosquera, Óscar Pereiro, Gustavo César Veloso, Delio Fernández, Samuel Blanco e Guillermo Janeiro como ciclistas invitados para participar na marcha xunto a Álvaro Pino. A chegada de corredores agárdase a partir das 14.00 horas tras 110 km de percorrido pasando por sete concellos e tres altos de montaña.

    Bouzó convida a toda a veciñanza a gozar dunha fin de semana de ciclismo participando tanto nas actividades organizadas para este sábado como animando a todos os corredores o domingo na carreira.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.